ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᐃᓱᐊᓃᑦᑐᖅ ᐱᓱᕐᕋᕐᒨᕆᐊᖅ ᐊᖅᑯᑎ ᒪᑐᔭᐅᓯᒪᓂᐊᖅᑐᖅ ᓈᑦᓰᖕᒍᔭᓛᕐᓂᐊᖅ ᒫᑦᓯ 1, 2025, ᐃᖅᑲᓇᐃᔭᖅᑐᓕᕆᔨᒃᑯᑦ ᑲᔪᓯᔪᓐᓇᖁᓪᓗᒋᑦ ᐊᐳᑏᔭᐃᔪᓐᓇᕐᓂᕐᒥᑦ.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᐱᔭᕇᖅᑕᐅᕕᒃᓴᖕᒐ ᐅᖕᒐᕙᕆᐊᖅᑕᐅᖕᒪᑦ ᑭᓈᓗᖃᕐᕕᐅᑉ ᓴᓇᔭᐅᓂᖕᒐ ᑯᐃᓐ ᐃᓕᓴᐱ ᐊᑐᕆᐊᕐᒥ ᐊᒻᒪᓗ ᓯᓈ ᐊᑐᕆᐊᕐᒥ. ᐊᖅᑯᑎᐅᑉ ᒪᑐᔭᐅᓯᒪᓂᖕᒐ ᐊᑐᐃᓐᓇᕐᓂᐊᖅᑐᖅ ᑏᓯᐱᕆ 6, 2024-ᖖᒍᕋᓱᓐᓂᖕᒐᓂ (ᒪᑐᔭᐅᓯᒪᓂᐊᓚᐅᖅᑑᒐᓗᐊᖅ ᑏᓯᐱᕆ 1-ᒧ). ᑖᓐᓇ ᐅᖕᒐᕙᕆᐊᖅᑕᐅᔭᕆᐊᓕᒃ ᖃᐅᔨᒪᔭᐅᖁᓪᓗᒍ ᐊᑦᑕᕐᓇᖅᑐᒦᖁᔨᓇᑕ ᐱᔭᕇᖅᑕᐅᖁᓪᓗᒍᓗ ᐱᓕᕆᐊᖕᒍᔪᖅ.
ᑐᑭᓯᐅᒪᒐᓗᐊᖅᑐᒍ ᑕᒪᓐᓇ ᐊᑲᐅᖖᒋᓕᐅᕈᑕᐅᓂᖕᒐᓂᑦ ᓄᓇᖅᑲᑎᒌᓄᑦ, ᖁᔭᓕᕗᒍᓪᓗ ᕿᓄᐃᓵᕈᓐᓇᕋᔅᓯ ᐱᓕᕆᑎᓪᓗᑕ ᑖᒃᑯᓂᖕᒐ ᐱᒻᒪᕆᐅᔪᓂᒃ ᐱᑭᒪᔾᔪᑎᓂᒃ ᓄᑖᖖᒍᕆᐊᖅᓯᑎᓪᓗᑕ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᒃ ᐊᑐᕆᐊᒥᒃ ᒪᑐᔭᐅᓯᒪᓂᐊᖅᑐᒥᒃ ᓴᖑᒋᐊᕐᕕᖓᒍᑦ ᑯᐃᓐ ᐃᓕᓴᐸᖦ ᐊᑐᕆᐊᑉ ᐊᒻᒪ ᓯᓈ ᐊᑐᕆᐊᑉ (ᓵᖓᓃᑦᑐᖅ ᐃᓐᓇᑐᖃᐃᑦ ᖃᒻᒪᖓᑕ) ᓅᕖᐱᕆ 22 ᐅᕗᖓ ᑏᓰᐱᕆ 1, 2024. ᒪᑐᔭᐅᓯᒪᒋᐊᖃᕐᒪᑦ ᓄᑖᓂᒃ ᑭᓈᓗᓕᕆᔾᔪᑎᓂᒃ ᓱᓪᓗᓕᑦᓴᓂᒃ ᐋᖅᑭᑦᓱᐃᓂᖏᓐᓂ.
ᓴᖑᕕᐅᔪᓐᓇᖅᑐᑦ:
ᐊᑐᕆᐊᒃᑰᖅᑐᑦ ᐊᖅᑯᑎᖃᑲᐃᓐᓇᖅᑎᑕᐅᓂᐊᖅᑐᑦ ᐸᐅᒑ ᐊᑐᕆᐊᒃᑯᑦ ᐊᒻᒪ ᒪᑦᑖᖅ ᐊᑐᕆᐊᒃᑯᑦ. ᓇᐅᒃᑯᑦ ᓴᖑᒍᓐᓇᕐᒪᖔᑕ ᓄᓇᖕᖑᐊᒥᒃ ᐃᓚᓕᐅᔾᔨᓯᒪᔪᑦ ᓄᓇᒃᑰᔫᖅᐸᑦᑐᓂᒃ ᐃᑲᔫᑎᐅᖁᓪᓗᒍ ᓇᐅᒃᑰᕆᐊᖃᕐᒪᖔᑕ ᒪᑐᔭᐅᓯᒪᓂᖏᓐᓂ.
ᓄᓇᓕᐸᐅᔭᒃᑯᑦ ᖁᔭᓕᕙᑦᑐᑦ ᐅᑕᖅᑭᑦᓯᐊᐸᓐᓂᓯᓐᓂᒃ ᐱᔭᕇᖅᑕᐅᓇᓱᐊᕐᓂᖏᓐᓂ ᐱᒻᒪᕆᐅᔪᖅ ᒪᑭᒪᔾᔪᑎᓂᒃ ᐱᓕᕆᓂᐅᔪᖅ.
##
ᓄᓇᓕᐸᐅᔭᒃᑯᑦ ᐃᖃᓗᐃᑦ ᖃᐅᔨᑎᑦᑎᔪᒪᔪᑦ ᓄᓇᓕᒻᒥᐅᑕᓂᑦ ᐱᖁᑎᕐᔪᐊᓂᑦ ᐱᐅᓯᑎᒋᐊᖅᑕᐅᓂᐊᖅᑐᓂᑦ ᐱᖃᓯᐅᔾᔨᔪᑦ ᑰᕝᕕᖏᑦ ᐱᐅᓯᑎᒋᐊᖅᑕᐅᓂᖏᑦ ᐅᐊᓐᓇᖓᓂ ᐅᑭᕕᓕᐊᕆᐊᒧᑦ ᐊᑐᕆᐊᖅ. ᑖᓐᓇ ᐃᖅᑲᓇᐃᔮᖑᒋᐊᖃᖅᑐᖅ ᐃᑲᔪᕐᓂᐊᖅᑐᖅ ᐱᐅᓯᑎᒋᐊᑦᑕᐅᓗᑎ ᑰᕝᕕᖏᑦ ᐊᒻᒪ ᒪᑭᑕᑦᑎᐊᓕᖅᑎᓪᓗᒋᑦ ᖃᓂᒋᔭᖓᓃᑦᑐᑦ ᐊᕙᑎᖓ.
ᐊᑐᕆᐊᑦ ᒪᑐᔭᐃᓯᒪᑲᐃᓐᓇᕐᓂᖏᑦ ᐱᒋᐊᕐᓂᐊᖅᑐᑦ ᐅᑦᑑᐱᕆ 26, 2024, ᐊᒻᒪ ᐱᓕᕆᐊᖅ ᓂᕆᐅᒋᔭᐅᔪᖅ ᐱᔭᕇᖅᑕᐅᓗᓂ ᐅᑦᑑᐱᕆ 30, 2024.
ᐊᑐᕆᐊᑦ ᒪᑐᔭᐅᓯᒪᑲᐃᓐᓇᑎᓪᓗᒋᑦ, ᑲᑎᕝᕕᖓ ᓯᕗᒧᒋᐊᖅ ᐊᑐᕆᐊᖅ ᐊᒻᒪ ᖃᒻᖅᑲᒧᑦ ᐊᑐᕆᐊᖅ ᒪᓯᒪᓂᐊᖅᑐᖅ ᐃᖏᕋᖃᑦᑕᖅᑐᓕᒫᓄᑦ. ᐃᖏᕋᖃᑦᑕᖅᑐᓄᑦ ᓄᓇᓐᖑᐊᖅ ᐱᖃᓯᐅᑎᓯᒪᔪᖅ ᐊᑖᓂ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓴᓇᔭᐅᓂᖓᓄᑦ ᓂᐊᖁᖕᖒᑎᐅᑉ ᐃᑳᕈᑎᖓ ᓄᑖᖅ, ᐱᔭᕇᖅᑕᐅᔭᖕᖒᓚᐅᖅᑐᖅ ᐋᒃᑑᐸ 20, ᑭᖑᕙᒋᐊᖅᑕᐅᓯᒪᓕᕐᒥᔪᖅ ᐱᔭᕇᕐᕕᑦᓴᖓ ᓅᕖᐱᕆ 10-ᒧᑦ, 2024.
ᑭᖑᕙᒋᐊᕈᑎᐅᔪᖅ ᐱᔾᔪᑎᖃᖅᑐᖅ ᓂᕆᐅᒋᔭᐅᓚᐅᖏᑦᑐᒧᑦ ᓄᓇᑦᑕᖓ ᐱᔾᔪᑎᐅᓗᓂ ᐊᑖᓃᓐᓂᖓ ᐃᑳᕈᑎᐅᑉ, ᐱᓕᕆᐊᖑᒃᑲᓐᓂᕆᐊᖃᕐᓂᓚᐅᕐᒪᑦ ᓅᔾᔭᐃᕐᓯᒪᖁᓪᓗᒍ ᓴᖕᖏᓂᖃᑦᓯᐊᕐᓗᓂ ᐊᒻᒪ ᐊᑯᓂᐊᓗᒃ ᐊᑐᖅᑕᐅᔪᓐᓇᕋᔭᕐᓗᓂ ᑐᖕᖓᕕᖓ. ᐃᓛᓐᓂᒃᑯᑦ ᓯᓚᓗᑉᐸᓚᐅᕐᓂᖓᓄᑦ ᐃᖅᑲᓇᐃᔮᖑᔪᓐᓇᓚᐅᖏᒻᒪᑦ ᑭᖑᕙᓚᕿᒍᑎᐅᓗᓂ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᒪᑐᔭᐅᓯᒪᑲᐃᓐᓇᓛᕐᓂᖓᓄᑦ ᐃᓚᖓ ᓂᐊᖁᖕᖒᓯᐊᕆᐊᖅ ᐊᑐᕆᐊᖅ ᐋᒃᑑᐸ 5-ᒥᒃ ᐋᒃᑑᐸ 8-ᒧᑦ, 2024, ᐱᔾᔪᑎᖃᕐᓗᑎᒃ ᓴᓇᔭᐅᓛᕐᓂᖏᓐᓄᑦ ᐃᒥᕐᒧᑦ ᐊᒻᒪ ᑭᓈᓗᓕᕆᔾᔪᑎᓄᑦ ᐱᓕᕆᔾᔪᑎᐅᔪᑦ ᓄᑖᒨᖓᓛᖅᑐᑦ ᒪᒥᓴᕐᕕᒃ ᑐᖕᖓᕕᒻᒧᑦ ᓴᓇᔭᐅᔪᒧᑦ ᐊᑭᐊᓂ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ (AWG) ᐊᓐᓂᑭᑦᑐᕐᕕᐅᑉ.
ᓴᖑᒋᐊᕐᕕᓕᐅᕐᓯᒪᓛᖅᑐᑦ, ᐊᒻᒪ ᐊᑐᕆᐊᖅ ᒪᑐᐃᖓᐃᓐᓇᓂᐊᖅᑐᖅ ᓄᓇᒃᑰᔫᖅᑐᓄᑦ ᓇᓪᓕᐊᓐᓄᑐᐃᓐᓇᖅ. ᑭᓯᐊᓂ, ᓄᓇᓕᕐᒥᐅᑕᐃᑦ ᐊᒻᒪ ᓄᓇᒃᑰᔫᖅᐸᑦᑐᑦ ᐅᔾᔨᕈᓱᑦᓯᐊᕐᓗᑎᒃ ᐃᖏᕐᕋᖃᑦᑕᖁᔭᐅᓂᐊᖅᑐᑦ ᐊᕙᑎᐊᓂ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᑐᕆᐊᕐᒥᒃ ᒪᑐᔭᐅᑲᐃᓐᓇᓛᖅᑐᒥᒃ ᓇᒡᒐᔾᔭᐅᒥ, ᓰᑏᐱᕆ 30, 2024, ᐱᒋᐊᕐᓗᓂ ᖁᓛᓂ ᐅᓪᓗᒃᑯᑦ 4-ᒧᓄᑦ ᐅᓐᓄᓴᒃᑯᑦ. ᒪᑐᔭᐅᑲᐃᓐᓇᓛᖅᑐᖅ ᑎᓴᒪᓄᑦ ᐊᑐᕆᐊᕐᓄᑦ ᓴᖑᒋᐊᕐᕕᒻᒥᒃ ᑕᐅᓄᖓ ᑯᐃᓐ ᐃᓕᓴᐸᖦ ᐊᑐᕆᐊᕐᒧᑦ ᑎᑭᓪᓗᒍ ᐃᓐᓇᑐᖃᐃᑦ ᖃᒻᒪᖓᑦ. ᑕᐅᓇᓂ ᓄᐊᓯᒪᓛᕐᒪᑕ ᑭᒃᑯᑐᐃᓐᓇᐃᑦ ᐱᔾᔪᑎᐅᓗᓂ ᑲᓇᑕᒥ ᐅᓪᓗᖅ ᓱᓕᔪᕐᓂᐊᓂᕐᒧᑦ ᐊᒻᒪ ᐃᓅᖃᑎᒌᑦᓯᐊᓂᕐᒧᑦ ᐊᒻᒪ ᐃᓅᖃᑎᒌᑦᓯᐊᓂᒃᑯᑦ ᐱᓱᕐᕕᐅᓛᕐᓂᖓᓄᑦ.
ᓄᓇᖕᖑᐊᖅᑕᓕᒃ ᓇᓗᓇᐃᔭᐃᔪᒥᒃ ᓄᓇᒃᑰᔫᓄᑦ ᐊᑐᖅᑕᐅᓛᖅᑐᓄᑦ ᐱᖃᓯᐅᔾᔭᐅᓯᒪᔪᖅ.
ᓄᓇᓕᐸᐅᔭᖓ ᐃᖃᓗᐃᑦ ᐃᖃᓗᒻᒥᐅᑕᕐᓂᑦ ᖃᐅᔨᒃᑲᖅᓯᔪᒪᒻᔪᑦ ᐊᑐᕆᐊᒥᑦ ᒪᑐᔭᐅᓯᒪᔪᖃᓪᓚᕆᓛᕐᒪᑦ ᓯᕗᒧᒋᐊᖅ ᐊᑐᕆᐊᑉ ᐃᓚᖓᓂ ᐊᓇᐅᕕᐅᑉ ᓴᓂᐊᒎᖓᔪᒥᑦ ᐊᖅᑯᑎᐅᑉ ᓄᓇᖓ ᐋᖅᑭᒋᐊᖅᑕᐅᓛᕐᒪᑦ. ᑕᒪᓐᓇ ᒪᑐᓯᒪᑎᑦᑎᓂᖅ ᐊᑕᓂᐊᖅᑐᖅ ᐋᒡᒌᓯ 19−ᒥ ᑕᐃᑯᖓ ᐋᒡᒌᓯ 30, 2024-ᒧᑦ.
ᐊᓯᐊᒍᑦ ᐊᖅᑯᑎᖃᑲᐃᓐᓇᖅᑎᑕᐅᓂᐊᖅᑐᑦ ᓴᓇᔪᖃᕐᓂᖓᓂ, ᐊᒻᒪᓗ ᐆᒪ ᐊᑖᓃᑦᑐᖅ ᓄᓇᓐᖑᐊᖅ ᑕᑯᒃᓴᐅᑎᑦᑎᕗᖅ ᒪᑐᓯᒪᓂᐊᖅᑐᒥᑦ. ᐃᖃᓗᒻᒥᐅᓕᒫᑦ ᒪᓕᑦᑎᐊᖁᔭᐅᒐᓗᐊᑦ ᐊᓯᐊᒎᖔᖃᑦᑕᑲᐃᓐᓇᕐᓗᑎᒃ ᐊᒻᒪᓗ ᐸᕐᓇᓯᒪᖃᑦᑕᖁᔭᐅᓪᓗᑎᒃ ᐊᑯᓂᐅᓂᖅᓴᒐᓛᒃ ᑎᑭᐅᑎᒐᓱᖃᑦᑕᓂᐊᕐᒪᑕ ᐅᐸᑦᑕᖏᓐᓄᑦ.
ᓄᓇᓕᐸᐅᔭᒃᑯᑦ ᐃᖃᓗᐃᑦ ᖃᐅᔨᑎᑦᑎᔪᒪᔪᑦ ᐃᖃᓗᒻᒥᐅᑕᓂᑦ ᒪᑐᓯᒪᓂᖓ ᐊᑐᕆᐊᖅ ᒥᕝᕕᒃ ᐊᑐᕆᐊᖓ ᑭᖑᕙᒐᓛᓂᖃᖅᑐᑦ, ᐊᖅᑯᑎᖓ ᐊᑐᕆᐊᖅ ᒪᑐᓯᒪᐃᓐᓇᓂᐊᖅᑐᖅ ᑎᑭᒐᒧᐊᕐᓂᖓᓄᑦ ᐅᓪᓗᖓᓄ ᐋᒡᒌᓯ 11, 2024. ᑖᓐᓇ ᒪᑐᓯᒪᓂᖓ ᑲᔪᓯᒋᐊᖃᖅᑐᖅ ᐱᔭᕇᕐᓗᒍ ᓂᕆᐅᒋᔭᐅᒻᒪᕆᑦᑐᖅ ᖁᐊᑕᖅᑐᓕᖅᑕᐅᑲᓐᓂᕐᓂᖓ ᒥᕝᕕᒃ ᐊᑐᕆᐊᖅ, ᐱᑕᖃᕆᐊᖃᖅᑐᖅ ᐱᖁᑎᕐᔪᐊᒧ ᐱᓕᕆᐊᖅ ᑮᓇᐅᔭᖃᖅᑎᑕᐅᔪᖅ ᓄᓇᓕᓐᓂ ᐊᑭᑐᔪᓄᑦ ᑮᓇᐅᔭᖃᖅᑎᑕᐅᓂᕐᒧᑦ.
ᐋᖅᑭᒋᐊᖅᓯᒪᔪᑦ ᐊᑐᖅᑕᐅᓂᐊᖅᑐᑦ:
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐸᕐᓇᐅᑎᐅᔪᒥᒃ ᐊᑐᕆᐊᕐᒥᒃ ᒪᑐᔭᐅᓯᒪᓛᖅᑐᒥᒃ ᓴᓂᐊᓃᑦᑐᒥᒃ ᓇᑲᓱᒃ ᐃᓕᓐᓂᐊᕐᕕᐅᑉ ᐊᕐᕌᒍᑕᒫᕐᓯᐅᑎᖃᓕᖅᐸᑕ ᓄᓇᕗᑦ ᐅᓪᓗᖓᓂᒃ ᓇᓪᓕᐅᓂᕐᓯᐅᕈᑎᖓᓐᓄᑦ ᖃᓄᐃᓕᐅᕈᑎᖃᓕᖅᐸᑕ ᓇᒡᒋᔾᔭᐅᓕᖅᑭᕐᒥ, ᔪᓚᐃ 9, 2024. ᒪᑐᔭᐅᓯᒪᒋᐊᖃᓛᕐᒪᑦ ᐊᑲᕐᕆᔮᖁᔭᐅᓗᑎᒃ ᐱᓱᕋᔭᓛᖅᑐᑦ ᐊᒻᒪ ᓇᓗᓇᐃᕐᓯᒪᒍᒪᓪᓗᑎᒃ ᐊᑦᑕᓇᔾᔭᐃᕐᓯᒪᒐᔭᕐᓂᖏᓐᓄᑦ ᑕᐃᑲᓂ ᓱᑎᒋᔪᖃᓕᖅᑎᓪᓗᒍ.