ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᖅᑯᑎ ᓯᔾᔭᒧᑦ ᐊᑐᕆᐊᕐᒧᑦ ᐃᖃᓗᓐᓂᒃ ᐊᑦᓯᓂᕐᓴᒥᑦ ᒪᑐᔭᐅᓂᐊᓕᖅᑐᖅ
ᐃᐳᕈ 20, 2022 - ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᖅᑯᑎᐅᔪᖅ ᓯᔾᔭᒧᑦ ᐊᑐᕆᐊᕐᒧᑦ ᐃᒡᓗᓕᒃ ᐊᑐᕆᐊᕐᒥᑦ ᐃᖃᓗᓐᓂ ᐊᑦᓯᓂᕐᓴᒦᑦᑐᖅ, ᓇᓗᓇᐃᖅᑕᐅᓯᒪᔪᖅ ᐊᐅᐸᖅᑐᒧᑦ, ᒪᑐᔭᐅᓂᐅᓴᓕᕐᒪᑦ ᐊᑐᕆᐊᖑᔪᓐᓃᕐᓗᓂ.
ᒪᑐᔭᐅᓛᖅᑐᖅ ᓇᒡᒋᔾᔭᐅᒥ, ᐃᐳᕈ 25, 2022.
ᐊᖅᑯᑎ ᐃᖃᓗᓐᓂᑦ ᐊᑦᓯᓂᕐᓴᒥᑦ ᐊᑐᖅᑕᐅᖏᓐᓇᓂᐊᖅᑐᖅ ᓄᓇᓯᐅᑎᓄᑦ ᓄᖅᑲᖓᕕᐅᓗᓂ ᑭᓈᓗᓕᕆᔨᓄᑦ ᑯᕝᕕᕕᒻᒧᑦ #1 (ᐃᓪᓗ 1001) ᓄᓇᓕᐸᐅᔭᒃᑯᑦ ᓴᓇᔪᓕᕆᔨᒃᑯᖏᓐᓄᑦ ᑭᓯᐊᓂ. ᐊᖅᑯᑎᐅᔪᓐᓇᐃᓕᓂᐊᖅᑐᖅ ᐊᑐᕆᐊᕐᒥᑦ ᓯᔾᔭᒥᑦ ᐃᒡᓗᓕᒃ ᐊᑐᕆᐊᕐᒧᑦ ᐃᖃᓗᐃᑦ ᐊᑦᓯᓂᕐᓴᖓᓂ. ᐃᓪᓗᕋᓛᖃᖅᑐᑦ ᐃᓄᐃᑦ ᓄᓇᖁᑎᖏᓐᓂ ᓱᓕ
ᐅᐸᑦᑕᐅᔪᓐᓇᓂᐊᖅᑐᑦ ᓯᔾᔭᒥ ᐊᑐᕆᐊᕐᒥᑦ ᓴᓂᐊᓃᑦᑐᒃᑯᑦ ᐅᖃᓕᒫᒐᖃᕐᕕᐅᑉ (ᐃᓪᓗ 220). ᑲᓇᖕᓇᖓᓃᑦᑐᖅ ᖃᒧᑕᐅᔭᓄᑦ ᐊᖅᑯᑎ ᓯᔾᔭᒥ ᐊᑐᕆᐊᒦᑦᑐᖅ ᐊᒻᒪ ᓴᓂᐊᒎᖓᔪᖅ ᓂᐅᕕᕐᕕᐅᑉ (NorthMart) ᓱᓕ ᑲᒪᒋᔭᐅᖏᓐᓇᓂᐊᖅᑑᒐᓗᐊᖅ.
ᐃᓚᖓ ᐊᑐᕆᐊᑉ ᒪᑐᔭᐅᓂᐊᖅᑐᖅ ᐊᑐᖅᑕᐅᕙᑦᑐᖅ ᐊᖅᑯᑎᑐᐃᓐᓇᐅᓗᓂ ᒪᕐᕉᓐᓃᑦᑐᓂ ᓇᖕᒥᓂᕆᔭᐅᔫᓐᓂ ᓄᓇᖁᑏᓐᓂ ᐃᖃᓗᐃᑦ ᐊᑦᓯᓂᕐᓴᖓᓃᑦᑑᓐᓂᒃ. ᐊᐃᑉᐸᖓ ᓄᓇᖁᑎᐅᑉ ᓴᓇᕕᐅᑲᓐᓂᕐᓂᐅᓴᔪᖅ ᓄᑖᒥᑦ ᓄᓇᕗᑦ ᐃᓪᓗᓕᕆᔨᕐᔪᐊᒃᑯᖏᓐᓄᑦ ᓴᓇᔭᐅᔪᑦᓴᒥᑦ. ᐊᖅᑯᑎᐅᕙᑦᑐᖅ ᒪᑐᔭᐅᓂᐅᓴᔪᖅ ᐊᑦᑕᓇᖅᑑᒻᒪᑦ ᓄᓇᓕᕐᒥᐅᑕᓄᑦ, ᖃᒧᑕᐅᔭᖅᐸᑦᑐᓄᑦ, ᐊᖅᑯᑎᓄᑦ, ᐊᒻᒪ ᐱᓱᑉᐸᑦᑐᓄᑦ ᑕᐅᓅᓇ.
###
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:
ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5630 | s.avery@iqaluit.ca
