ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-PW-HEO-0917 ᐅᖁᒪᐃᑦᑐᓂᑦ ᓄᓇᓯᐅᑎᓂᑦ ᐊᐅᓚᑦᓯᔨᐅᓂᖅ
ᐃᖅᑲᓇᐃᔭᕐᑎᓄᑦ/ᐃᖅᑲᓇᐃᔭᖅᑎᐅᖏᑦᑐᓄᓪᓗ ᐃᖅᑲᓇᐃᔮᒃᓴᖅ
ᐅᖁᒪᐃᑦᑐᓂᑦ ᓄᓇᓯᐅᑎᓂᑦ ᐊᐅᓚᑦᓯᔨᐅᓂᖅ
ᐊᖏᔪᖅᑳᖃᕐᓗᓂ ᐊᑐᕆᐊᓕᕆᔩᑦ ᐊᖏᔪᖅᑳᖓᓂᑦ ᐅᖁᒪᐃᑦᑐᓂᑦ ᓄᓇᓯᐅᖅᑎᐅᒐᔭᖅᑐᖅ ᐊᑦᑕᓇᖅᑐᒦᑦᑕᐃᓕᒪᕙᓪᓗᓂ ᐊᐅᓚᑦᓯᖃᑦᑕᓂᐊᖅᑐᖅ ᐅᖁᒪᐃᑦᑐᓂᑦ ᒪᑯᓂᖓ ᓯᐅᕋᓕᕆᔾᔪᑎᓂᑦ, ᐊᑦᓴᓗᐊᓕᒻᒥᑦ ᓴᓕᒎᒻᒥᑦ, ᓯᕗᕌᒍᑦ ᖃᓗᓯᕋᐅᑎᓕᒻᒥᑦ, ᑭᖑᓂᐊᒍᑦ ᖃᓗᓯᕋᐅᑎᓕᒻᒥᑦ, ᐊᒻᒪᓗ ᐅᓯᑲᑦᑕᐅᑎᑯᑦᓱᒻᒥᑦ ᐋᖅᑭᕝᕕᓕᒻᒥᑦ ᐅᑭᐅᒃᑯᑦ ᐱᓕᕆᔾᔪᑎᒥᑦ ᐊᒻᒪᓗ ᓴᓕᒎᑎᒥᑦ. ᐃᖅᑲᓇᐃᔭᖅᑎ ᐃᖅᑲᓇᐃᔮᖃᖅᐸᓂᐊᕐᒥᔪᖅ ᑯᑭᓕᖃᓐᖏᑦᑐᒥᑦ ᐊᑐᕆᐊᑦ ᓴᓂᕌᒍᑦ ᐱᓱᕝᕕᓐᓂᑦ ᓴᓕᒎᑎᒥᑦ, ᐊᒻᒪᓗ ᐊᓯᖏᓐᓂᑦ ᐱᓕᕆᔾᔪᑎᓂᑦ ᒪᓕᓪᓗᓂ ᐃᖅᑲᓇᐃᔮᓂ ᐃᖅᑲᓇᐃᔭᕐᕕᑎᒍᑦ ᐊᒻᒪᓗ ᐊᖏᔪᖅᑳᒥᓄᑦ ᑎᓕᔭᐅᒐᐃᒍᓂ. ᐃᖅᑲᓇᐃᔭᖅᑎ ᐃᖅᑲᓇᐃᔮᖃᖅᐸᒃᑲᔭᖅᑐᖅ ᖃᐅᑕᒫᕐᓯᐅᑎᓂᑦ ᐊᑐᕆᐊᓕᕆᕙᓪᓗᓂ, ᐱᓱᕝᕕᓕᕆᕙᓪᓗᓂ, ᐊᒻᒪᓗ ᓱᓇᒃᑯᑖᑦ ᖃᐅᔨᓴᖅᐸᓪᓗᓂᒋᑦ ᖃᐅᔨᑕᒫᑦ. ᐃᖅᑲᓇᐃᔭᖅᑎ ᐃᖅᑲᓇᐃᔭᕈᓐᓇᕆᐊᓕᒃ ᐃᑲᕐᕋᒐᓴᓂᑦ, ᐃᑲᕐᕋᖏᒍᑦ ᐊᓯᔾᔨᑕᖅᑐᓂᑦ, ᐊᒻᒪᓗ ᓯᓚᕈᔫᑎᓪᓗᒍ ᒪᓕᓪᓗᓂ ᐃᖅᑲᓇᐃᔮᕆᔭᕆᐊᓕᒻᒥᓂᒃ.
ᐱᔪᓐᓇᐅᑎᖏᑦ, ᐃᖅᑲᓇᐃᔮᕆᔪᓐᓇᖅᑕᖏᑦ ᐊᒻᒪᓗ ᐊᑐᓚᐅᕐᓯᒪᔭᖏᑦ
- ᐅᖁᒪᐃᑦᑐᓂᑦ ᓄᓇᓯᐅᑎᓂᑦ ᐊᐅᓚᑦᓯᔨᐅᑎᖃᕐᓗᓂ ᐸᐃᑉᐹᒥᒃ
- ᐊᑕᐅᓯᕐᒥᑦ ᐱᖓᓱᓄᑦ ᐊᕐᕌᒍᓄᑦ ᐃᖅᑲᓇᐃᔮᖃᓚᐅᕐᓯᒪᓗᓂ ᐅᖁᒪᐃᑦᑐᓂᑦ ᓄᓇᓯᐅᑎᓕᕆᓂᕐᒥᑦ
- ᓇᓗᓇᐃᒃᑯᑕᓕᒻᒥᑦ 3 ᐊᖁᑦᑐᖅᓯᐅᑎᖃᕐᓗᓂ ᐳᓪᓚᒨᖅᑐᓂᑦ ᓄᖅᑲᖅᑕᐅᑎᓕᓐᓂᑦ ᐃᓕᓐᓂᐊᕈᑎᖃᕐᓗᓂ
- ᓇᓗᓇᐃᔭᐃᔪᓐᓇᓯᐊᕐᓗᓂ ᖃᐅᔨᒪᓂᓂ ᒪᓕᓪᓗᓂᐅᒃ, ᐊᒻᒪᓗ ᐃᓕᒍᓐᓇᓯᐊᕐᓗᓂ ᐅᖁᒪᐃᑦᑐᓕᕆᓂᕐᒥᑦ ᐊᒻᒪᓗ ᑲᒪᒋᐊᕈᓐᓇᓂᕐᒥᒃ.
- ᐃᖅᑲᓇᐃᔮᖃᓕᓂᐅᓗᓂ ᐃᒻᒪᖄ ᐱᖓᓲᒐᓗᐊᓂ ᐅᖁᒪᐃᑦᑐᓂᑦ ᓄᓇᓯᐅᑎᓂᑦ ᒪᑯᓇᓂ ᖃᓗᓯᕋᐅᑎᓕᒻᒥᑦ ᐅᖓᑖᒍᑦ, ᓯᕗᕌᒍᑦ, ᐳᐊᕐᕆᔭᐅᑎᓕᒻᒥᑦ, ᐊᐳᑕᐃᔭᒻᒥᑦ, ᐅᓯᑲᑦᑕᐅᑎᑯᑦᓱᒻᒥᒃ ᐊᒻᒪᓗ ᓯᐅᕋᖅᑕᐅᒻᒥᑦ ᒪᓂᖅᑲᓴᐅᒻᒥᑦ
ᐱᔪᓐᓇᐅᑎᐅᖁᔭᐅᔪᑦ ᐊᒻᒪᓗ ᐃᖅᑲᓇᐃᔮᕆᔪᓐᓇᖁᔭᐅᔪᑦ
- ᐃᖅᑲᓇᐃᔮᖃᓚᐅᕐᓯᒪᓗᓂ ᐳᐊᕐᕆᔭᐅᑎᓕᒻᒥᑦ ᐅᔭᕋᑦᓯᐊᖃᕈᓐᓇᖅᑐᒥᑦ
- ᑐᓴᐅᒪᖃᑎᖃᕈᓐᓇᕐᓗᓂ ᖃᓪᓗᓈᑎᑐᑦ ᐊᒻᒪᓗ ᐃᓄᑦᑎᑐᑦ
- ᐃᓕᓐᓂᐊᕈᑎᓂᑦ ᐱᔭᕇᕈᑎᖃᕐᓗᓂ ᐃᖅᑲᓇᐃᔮᒨᖓᔪᓂᑦ
ᐊᔾᔨᖏᓐᓂᑦ ᐅᑯᐊ ᐊᑐᕐᓯᒪᔪᑦ ᐃᓱᒪᕐᓴᕐᓯᐅᕈᑕᐅᔪᓐᓇᓯᐊᖅᑐᑦ ᐃᓕᓐᓂᐊᓂᒃᑯᑦ, ᖃᐅᔨᒪᓂᒃᑯᑦ, ᐃᖅᑲᓇᐃᔮᖃᕈᓐᓇᓂᒃᑯᑦ ᐊᒻᒪᓗ ᐱᔪᓐᓇᓂᒃᑯᑦ ᐃᓕᓐᓂᐊᕐᕕᓐᓂ ᐃᓕᑕᐅᕙᑦᑐᓂᑦ.
ᐊᑏ ᐃᓚᓕᐅᑎᓯᒪᓂᐊᖅᑯᑎᑦ ᒫᓐᓇᓂᓴᕐᓂᑦ ᐃᓕᓐᓅᖓᔪᓂᑦ ᐃᖅᑲᓇᐃᔭᐅᑎᓂᑦ ᐊᒻᒪᓗ ᐱᔭᕇᕈᑎᒋᓯᒪᔭᕐᓂᑦ ᐃᓕᓐᓂᐊᕈᑎᓂᑦ ᐊᒻᒪᓗ ᒫᓐᓇᓂᓴᕐᒥᑦ ᐊᖅᑯᑦᑐᖅᓯᐅᒻᒥᑦ.
ᐊᕐᕌᒍᓕᒫᒧᑦ ᑮᓇᐅᔾᔭᑦᓵᑦᓴᖏᑦ ᐃᖅᑲᓇᐃᔭᖅᑎᑦᓴᐅᑉ $58,807.11 ᐊᒻᒪᓗ ᓄᓇᓕᕐᒥᐅᑕᐅᓂᕐᒧᑦ ᐃᑲᔫᓯᐊᑦᓴᐃᑦ $20,907.43 ᐊᒻᒪᓗ ᐱᐅᔪᐊᓗᓐᓂᑦ ᐃᑲᔫᓯᐊᑦᓴᓂᑦ.
ᐃᖅᑲᓇᐃᔮᖅᑖᕋᓱᐊᕈᑎᑦᓴᐃᑦ ᐅᕗᖓ ᑐᓂᔪᓐᓇᖅᑕᐃᑦ:
ᓈᓴᐅᑎᖓ 2017-PW-HEO-0917
ᐃᖅᑲᓇᐃᔭᖅᑎᓕᕆᔨᒃᑯᑦ
ᑎᑎᖅᑲᒃᑯᕕᖓ 460
ᐃᖃᓗᐃᑦ, ᓄᓇᕗᑦ X0A 0H0
ᓱᑲᑦᑐᒃᑰᕈᑎᖓ: (867) 979-5210
hr@city.iqaluit.nu.ca
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᔪᑦ ᖃᐅᔨᒃᑲᖅᑕᐅᒐᔭᖅᑐᑦ.
ᒪᓕᓪᓗᒋᑦ ᑎᑎᕋᕐᓯᒪᔪᑦ ᓈᓴᐅᑎᓕᓐᓂ 23 ᓄᓇᕗᑦ ᓄᓇᖃᖅᑳᕐᓯᒪᔪᑦ ᐊᖏᖃᑎᒌᒍᑎᖓᓂ, ᓯᕗᓪᓕᐅᔾᔭᐅᕙᓐᓂᐊᖅᑐᑦ ᑖᒃᑯᓄᖓ ᐊᑎᖃᖃᑕᐅᔪᑦ ᒪᓕᑦᑐᑦ ᐊᑐᐊᒐᕐᓂᑦ
