2017-29 ᓴᖅᑭᑕᐅᒃᑲᓂᕐᑐᖅ ᐅᓪᓘᑉ ᐃᓚᐃᓐᓇᖓᓂ/ᐃᖅᑲᓇᐃᔭᑲᐃᓐᓇᑎᑦᓴᓂᑦ ᒪᒃᑯᑦᑐᓂᑦ ᓯᕗᓕᖅᑎᑦᓴᓂᑦ ᐱᓐᖑᐊᕈᑎᓂ

ᐃᖅᑲᓇᐃᔮᖑᑲᐃᓐᓇᕐᓂᖅ/ᒪᒃᑯᒃᑐᓄᑦ ᑐᑭᒧᐊᑎᑦᓯᔨ
ᓴᖅᑭᑕᐅᒃᑲᓂᕐᑐᖅ ᐅᓪᓘᑉ ᐃᓚᐃᓐᓇᖓᓂ/ᐃᖅᑲᓇᐃᔭᑲᐃᓐᓇᑎᑦᓴᓂᑦ ᒪᒃᑯᑦᑐᓂᑦ ᓯᕗᓕᖅᑎᑦᓴᓂᑦ ᐱᓐᖑᐊᕈᑎᓂ
(ᐱᖖᒍᐊᕐᑐᓕᕆᔨᒃᑯᑦ)

ᓄᓇᓕᐸᐅᔭᐃᑦ ᐃᖃᓗᐃᑦ ᕿᓂᓕᕐᒥᒻᒪᑕ ᖁᕕᐊᓱᐊᓂᖃᑦᓯᐊᕐᑐᓂᒃ ᑭᒃᑯᑐᐃᓐᓇᕐᓂᒃ ᐃᖅᑲᓇᐃᔭᖅᑎᑦᓴᒥᑦ ᒪᒃᑯᑦᑐᒥᑦ ᓯᕗᓕᖅᑎᑦᓴᒥᑦ - ᐱᓐᖑᐊᕈᑎᓂ.  ᑖᓐᓇᓕ ᐃᑲᔪᖃᑦᑕᕋᔭᖅᑐᖅ ᓯᕗᓕᖅᑎᐅᖃᑕᐅᓗᓂ ᐱᓐᖑᐊᖅᑎᓄᑦ ᐊᕿᔨᓄᑦ ᐊᒻᒪᓗ ᐊᓯᖏᓐᓂ ᐱᓐᖑᐊᕈᑎᓂ ᐱᓐᖑᐊᕕᔾᔪᐊᕐᕕᐅᑉ ᐃᓪᓘᑉ ᐃᓗᐊᓂ ᐱᓐᖑᐊᕐᕕᐊᓂ.  ᐃᖅᑲᓇᐃᔭᕆᐊᖃᑦᑕᕋᔭᕐᒥᔪᖅ ᐅᓐᓄᒃᑯᑦ ᐊᒻᒪᓗ ᐱᓇᓱᐊᕈᓯᑦ ᓄᓐᖑᖏᓐᓂ.  ᐃᓛᓐᓂᒃᑯᑦ ᓯᕗᓕᖅᑎᐅᖃᑕᐅᔪᖅ ᐱᓐᖑᐊᕈᑎᓂ ᐃᖅᑲᓇᐃᔭᖅᐸᒃᑲᔭᕐᒥᔪᖅ ᑕᒪᐅᓇᑐᐃᓐᓇᖅ ᖃᓄᐃᓕᐅᖅᑎᑦᓯᔪᓂ ᐃᓚᒋᔭᐅᓗᑎᒃ  ᓇᓪᓕᐅᓂᕐᓯᐅᖅᑐᓂ ᐊᒻᒪᓗ ᐃᑲᔪᖅᐸᓪᓗᓂᓗ ᐊᓯᖏᓐᓂ ᐱᓐᖑᐊᖅᑐᓕᕆᔨᒃᑯᑦ ᐱᓕᕆᐊᖏᓐᓂ ᐃᖅᑲᓇᐃᔮᖃᕆᐊᖃᕋᐃᒍᓂ. ᐃᖅᑲᓇᐃᔭᕆᐊᖁᔭᐅᖃᑦᑕᕋᔭᖅᑐᖅ ᐅᓐᓄᒃᑯᑦ ᐊᒻᒪᓗ ᐱᓇᓱᐊᕈᓯᑦ ᓄᓐᖑᖏᓐᓂ.

ᐊᔪᕆᑕᐅᔪᒪᒐᔭᕐᐳᑎᑦ, ᐱᓕᒻᒪᓴᐃᒃᑲᐅᓗᑎᓪᓗ ᐱᖖᒍᐊᕐᓂᕐᒥᒃ, ᐱᖃᑎᒋᔭᐅᕙᓪᓗᑎᑦ ᑲᔪᖏᖅᓴᐃᕙᓪᓗᑎᓪᓗ ᐱᓂᕐᓗᒐᕐᑎᐅᔪᒪᖏᑦᑐᓄᑦ ᐊᒻᒪᓗ ᓴᐳᑎᔭᐅᓯᒪᔪᒪᔪᓂᒃ ᐃᓂᖃᕐᑎᑦᓯᓂᕐᒥᒃ ᓱᕈᓯᕐᓂᒃ ᒪᒃᑯᒃᑐᓂᓪᓗ ᑖᒃᑯᓇᖖᒐᑦ ᕿᓂᕐᑕᐅᔪᑎᑦ!

ᐱᔭᒃᓴᑎᑦ ᑲᒪᒋᔭᒃᓴᑎᓪᓗ:

• ᐸᕐᓇᐃᕙᓪᓗᑎᑦ, ᐅᐸᓗᖓᐃᔭᕐᓗᑎᑦ ᖃᓄᐃᓕᐅᕈᑎᖏᓐᓂᒃ ᑲᒪᒋᓗᒍ ᐊᕿᓂᕐᒧᑦ ᐋᖅᑭᓱᕐᓯᒪᔭᐃᑦ ᖃᓄᐃᓂᐅᑎᑦᓯᔨᐅᓂᒃᑯᑦ ᐊᒻᒪᓗ ᐊᓯᖏᓐᓂᒃ ᐱᖖᒍᐊᕐᓂᒐᓚᐅᔪᓂᒃ ᐱᔭᒃᓴᕆᑎᑕᐅᔪᑦ ᒪᓕᓪᓗᒋᑦ.
• ᐋᖅᑭᓱᕐᓯᒪᔭᐃᑦ ᐊᑐᓕᕐᑎᑉᐸᓪᓗᒍ ᐱᓕᒻᒪᓴᕐᑕᐅᔭᕆᐊᓖᑦ ᐅᐸᒍᑎᑎᓪᓗᒋᑦ ᐱᓕᒻᒪᓴᐃᕙᓪᓗᒋᑦ
• ᖃᓄᐃᓕᐅᖃᑎᒋᕙᓪᓗᒋᑦ ᓱᕈᓰᑦ ᒪᒃᑯᑦᑐᓪᓗ ᒥᐊᓂᕐᓯᓂᕆᔭᕐᓄᑦ ᐋᖅᑭᓱᖃᓯᐅᑎᓯᒪᕙᓪᓗᒋᑦ ᑲᒪᔨᐅᑎᓪᓗᑎᑦ ᐱᔭᒃᓴᕆᔭᕐᓂᒃ ᒥᐊᓂᕐᓯᓕᕋᐃᒍᕕᑦ.
• ᓴᐱᖏᓐᓂᕆᔭᐃᑦ ᐊᓚᒃᑲᐅᒪᑦᓯᐊᕐᓗᒍ ᑖᒃᑯᓄᖓ ᐊᔪᕆᑕᐅᔪᒪᓕᓂᐊᕋᕕᑦ ᐃᑉᐱᒍᓱᑦᓯᐊᕋᕕᑦ ᐃᓅᖃᑎᓐᓂᒃ
• ᐅᓗᕆᐊᓇᕐᑐᒦᑎᑦᓯᑕᐃᓕᒪᕙᓪᓗᑎᑦ ᓴᓗᒪᑦᓯᐊᕐᓂᒃᑯᑦ ᐃᓂᓪᓚᐅᒥᑎᑦᓯᓯᒪᓂᒃᑯᑦ ᓱᕈᓯᕐᓂᒃ
• ᐃᑲᔪᖅᑎᖃᕆᐊᓕᓐᓄᑦ ᐃᑲᔪᕐᐸᓪᓗᑎᑦ ᖃᓄᐃᓕᐅᕐᑎᑦᓯᔪᖃᕐᑎᓪᓗᒍ ᐱᖖᒍᐊᕐᓂᒐᓚᓐᓂᒃ ᑕᒪᐅᓇᑐᐃᓐᓇᖅ
• ᐋᓐᓂᖅᑐᖅᓯᐅᑎᓕᕆᕙᓪᓗᑎᑦ ᒪᑦᑐᓯᕐᓯᓂᕐᒧᑦ ᐱᔭᕆᐊᖃᓕᕋᐃᒍᕕᑦ
• ᓴᓗᒪᔫᓗᑎᑦ ᑲᒪᑦᓯᐊᕐᓗᑎᑦ
• ᐋᖅᑭᑦᓯᐅᔨᐅᓗᓂᒃ ᐊᒻᒪᓗ ᐲᔭᔨᐅᓗᓂᓗᒃ ᐳᓪᓚᓯᒪᓲᓂᒃ
• ᐊᓯᖏᓐᓂᓗ ᑎᓂᔭᐅᒐᐃᒍᓂ ᐱᓐᖑᐊᖅᑐᓕᕆᓂᕐᒥᑦ ᑐᑭᒧᐊᑦᑎᑦᓯᔨᒧᑦ

ᐱᔪᓐᓇᐅᑎᑎᑦ ᐃᒪᐃᑦᑐᑦ:

ᐃᓅᓕᑦᓯᓂᐅᑎᖃᕐᓗᑎᑦ ᐊᓂᖅᓵᑎᑦᓯᓂᐅᑎᖃᕐᓗᑎᑦ ᓇᓗᓇᐃᒃᑯᑕᕐᒥᒃ

ᐱᐅᒋᔭᐅᓂᕐᓴᐃᑦ ᐃᒪᐃᑦᑐᓂᒃ ᐊᔪᖏᑦᑐᑦ, ᐱᔪᓐᓇᕐᓂᓖᑦ ᖃᐅᔨᒻᒥᓂᐅᓂᕐᓴᐃᑦ

• ᐃᓕᓐᓂᐊᕐᕕᐊᓗᒻᒥᒃ ᐊᓂᒍᐃᓯᒪᔪᑦ
• ᐱᖖᒍᐊᕐᑎᑦᓯᔨᐅᔪᕕᓃᑦ ᓱᕈᓯᕐᓂᒃ ᒪᒃᑯᒃᑐᓂᒃ (ᓱᐃᓛᕿᑎᑦᓯᔨᐅᓂᑰᔪᑦ ᐃᓕᓐᓂᐊᕋᑖᓂᒃ ᐅᓪᓗᒃᑯᑦ, ᐊᓃᕋᔭᑦᑎᑦᓯᓂᕐᒧᑦ ᖃᓄᐃᓕᐅᕈᑎᒃᑯᑦ, ᐱᓕᒻᒪᑦᓴᐃᔨᐅᓂᖅ ᐱᖖᒍᐊᕈᓯᕐᓂᒃ)
• ᑐᓴᐅᒪᑎᑦᓯᔨᑦᓯᐊᕙᐅᓗᓂ
• ‘ᕼᐊᐃ ᕙᐃᕝ’ᒥᒃ ᐊᓂᒍᐃᓯᒪᓗᓂ
• ᑲᓇᑕᒥ ᐱᓕᒻᒪᓴᐃᔩᑦ ᐊᓂᒍᐃᔾᔪᑎᖏᓐᓂᒃ ᓯᕗᓕᕈᓐᓇᐅᑎᖃᕐᓗᓂ
• ᐃᓄᒃᑎᑑᕈᓐᓇᕐᐸᑦ ᐅᐃᕕᑎᑐᓪᓘᓐᓃᑦ ᐊᑑᑎᖃᕐᑐᖅ

ᐱᑐᐃᓐᓇᐅᖏᓐᓂᖓᓄᑦ ᐃᖅᑲᓇᐃᔮᒃᓴᖅ ᐊᔪᖏᓐᓂᕋᖅᑕᐅᑦᓯᐊᕆᐊᓕᒃ ᐱᕋᔭᐅᖏᓐᓂᕋᕐᑕᐅᓂᕐᒧᑦ ᖃᐅᔨᓴᐅᑎᓂᒃ ᐊᒻᒪᓗ ᐳᕙᓪᓗᓇᖅᑐᖃᖏᑦᓯᐊᕐᓗᓂ ᖃᐅᔨᓴᐅᑎᒃᑯᑦ.

ᑐᓂᓗᒋᑦ ᐃᖅᑲᓇᐃᔭᕈᓐᓇᐅᑎᑎᑦ ᐆᒧᖓ:

ᓈᓴᐅᑎᒃᑯᑦ ᓇᓗᓇᐃᒃᑯᑎᖓ  2017-29
ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᕐᓂᐊᕐᕕᒃ 460
ᐃᖃᓗᐃᑦ, ᓄᓇᕗᑦ
ᓱᑲᑦᑐᒃᑯᑦ 867-979-5210
hr@city.iqaluit.nu.ca

ᑐᓴᕐᑎᑕᐅᓂᐊᕐᑐᑦ ᐊᐱᖅᓱᕐᑕᐅᔪᒪᔪᑐᐊᑦ