ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300ᐃᓄᓐᓄᑦ ᑐᓴᕋᑦᓴᖅ
ᐱᒋᐊᕐᕕᖓ: ᓅᕖᐱᕆ 5, 2015
ᐃᓱᓕᕝᕕᖓ: ᓅᕖᐱᕆ 11, 2015.
(ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᓄᓇᓕᐸᐅᔭᒃᑯᑦ ᐃᖃᓗᐃᑦ ᐊᓪᓚᕝᕕᓕᒫᖏᑦ ᒪᑐᓯᒪᓛᕐᒪᑕ ᐱᖓᑦᓯᕐᒥ, ᓅᕖᐱᕆ 11, 2015 ᐅᓪᓗᕆᓕᖅᐸᐅᒃ ᐃᖅᑲᐅᒪᓐᓇᐅᑉ.
ᑭᒃᑯᑐᐃᓐᓇᕐᓄᑦ ᑐᓴᒐᑦᓴᖅ
ᐱᒋᐊᕐᕕᖓ: ᐅᒃᑑᐱᕆ 30, 2015
ᓄᖅᑲᕕᖓ: ᓅᕕᑉᐱᕆ 2, 2015.
ᐋᒃᑑᐸ 28, 2015 (ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐅᔾᔨᕈᓱᒋᐊᒃᑲᓐᓂᖁᔨᓪᓗᑎᒃ ᐊᓃᕋᔭᓕᖅᐸᑕ ᐳᓚᕋᑦᑐᑦ ᕼᐋᓗᐄᖑᓕᖅᐸᑦ, ᓈᑦᓯᐅᖑᔭᓛᕐᓂᐊᒥ, ᐋᒃᑑᐸ 31, 2015.
ᐊᑏ ᑐᕐᖓᕋᓛᕈᓗᐃᑦ ᐊᔾᔨᒌᖏᑦᑐᑦ ᐅᓗᕆᐊᓇᖅᑐᒦᑎᑦᑕᐃᓕᒪᓛᖅᑲᕗᑦ ᐳᓚᕋᕐᓂᖏᓐᓂ ᐃᓪᓗᓄᑦ.
ᐅᑯᐊ ᐊᑐᕆᐊᑦ ᐊᑕᐅᓯᕐᒧᑦ ᑐᑭᓕᐊᖓᑎᑕᐅᑲᐃᓐᓇᓛᕐᒪᑕ ᐳᓚᕋᕐᓂᖏᓐᓂ 5:30-ᒥᑦ 8:30-ᒧᑦ ᐅᓐᓄᒃᑯᑦ:
ᑕᓯᓕᒃ ᐊᑐᕆᐊᖅ ᐊᑕᐅᓯᕐᒧᑦ ᑐᑭᓕᐊᖓᑲᐃᓐᓇᓛᖅᑐᖅ ᐃᓪᓗᒥᑦ 2726 ᐊᒻᒪᑦᑕᐅᖅ ᐃᒥᖅᑕᕐᕕᒥᓂᖅ ᐊᑐᕆᐊᖅ ᐊᒻᒪ ᐊᓄᕆ ᐊᑐᕆᐊᖅ, ᑕᒪᒃᑯᐊ ᑕᓯᓗᓕᐊᕆᐊᒥ ᐃᓪᓗᖃᕐᕕᒻᒦᑦᑐᑦ.
ᑕᐃᑲᓂ ᐅᓐᓄᒥ, ᓄᓇᒃᑰᔫᓕᒫᑦ ᑕᑉᐸᐅᖓ ᐃᓯᖃᑦᑕᓛᖅᑐᑦ ᑕᓯᓕᒃ ᐊᑐᕆᐊᒃᑯᑦ ᐊᓂᕙᓪᓗᑎᒃ ᑕᓯᓗᓕᐊᕆᐊᖅ ᐊᑐᕆᐊᒃᑯᑦ.
ᐃᓪᓗᓖᑦ ᐊᓄᕆ ᐊᑐᕆᐊᕐᒥ ᐊᖅᑯᑎᖃᓛᖅᑐᑦ ᑕᓯᓗᓕᐊᕆᐊᖅ ᐊᑐᕆᐊᒃᑯᑦ.
ᓄᓇᓕᐸᐅᔾᔭᒃᑯᑦ ᐃᖃᓗᓐᓂ ᐸᕐᓇᑦᑐᓕᕆᔨᖏᑦ ᐊᒻᒪᓗ ᕕᕙᓪᓕᐊᓂᒃᑯᑦ ᓄᓇᓕᕆᕐᓂᕐᒧᑦ ᐃᕐᑲᓇᐃᔭᕐᕕᖓᑦ ᖃᐃᕐᑯᔨᓕᕐᒥᔪᑦ ᓄᓇᓕᒻᒥᐅᑕᕐᓂᒃ ᐅᖃᖃᑎᒌᒋᐊᕐᑐᓪᓗᑎᒃ ᐃᓱᒪᒋᔭᒥᓂᒃ, ᐃᓱᒪᓕᐊᑦ, ᐊᒻᒪᓗ ᑭᓱᑐᐃᓐᓇᐃᑦ ᐃᓱᒫᓘᑎᒋᔭᑎᑦ ᐱᔾᔪᑎᒋᓪᓗᒍᑦ ᐅᖃᐅᓯᐅᓯᒪᔪᑦ ᓄᑖᑦ ᓄᓇᓕᕆᓂᐅᑉ ᐱᕙᓪᓕᐊᓂᖓ ᐃᓪᓗᕐᓕᐅᕐᓂᕐᒧᑦ ᓂᐊᖁᙴᒥ.
ᑕᒪᓐᓇ ᑲᑎᒪᓂᖅ ᑲᔪᓯᔪᖅ ᑲᑎᒪᑎᑦᓯᓚᐅᕐᓯᒪᑎᓪᓗᑕ ᐊᐃᐳᕉᑎᓪᓗᒍ. ᐊᓯᔾᔨᕐᑕᐅᓯᒪᓕᕐᖓᑕ ᓄᓇᒧᑦ ᐃᓂᑦᓴᒋᔭᐅᔪᑦ ᐃᓪᓗᕐᓕᐅᕐᓂᕐᒧᑦ ᐱᕙᓪᓕᐊᒍᑕᐅᓇᔭᖅᑐᑦ ᑕᐃᒪᙵᓂ, ᐅᖃᐅᓯᐅᓛᕐᑐᑦ.
ᐃᓄᓕᒫᕐᑎᑦᓯᓛᕐᑐᑦ ᓂᐊᖁᙴᑎᓂ, ᐊᐃᑉ ᐅᒃᐱᒃ ᐱᙳᐊᕐᕕᕋᓛᒥ ᑎᓴᒻᒥᕐᒥᕐᒥ, ᐅᒃᑑᐱᕆ 29, 6-ᒥᑦ 8-ᒻᒧᓄᑦ ᐅᓐᓄᒃᑯᑦ.
ᐋᒃᑑᐸ 28, 2015 (ᐃᖃᓗᐃᑦ, ᓄᓇᕗᑦ) ᐊᒥᐊᒥᓂᕐᓂᒃ ᑕᐅᖅᓰᖃᑎᖃᕐᓂᖅ ᐊᒻᒪᓗ ᐃᒋᑦᓯᓂᖅ ᓄᓇᓕᐸᐅᔭᒃᑯᑦ ᓄᓇᓯᐅᑎᒃᑯᕕᖓᓂ ᑐᖑᔪᕐᑐᒥ, ᐊᑐᕆᐊᓄᑦ ᑎᓴᒪᓄᑦ ᓴᖑᒋᐊᕐᕕᐅᕙᑦᑑᑉ ᓴᓂᐊᓂ ᐅᖓᕝᕙᕆᐊᖅᑕᐅᒻᒪᑦ ᓈᑦᓯᐅᖑᔭᓛᕐᓂᐊᒧᑦ, ᐅᒃᑑᐱᕆ 31, 2015 11-ᒥ ᐅᓪᓛᑯᑦ 2-ᒧᓄᑦ ᐅᓐᓄᓴᒃᑯᑦ. ᖁᕕᐊᓲᑎᒋᓗᒍ ᑕᒪᓐᓇ ᐊᑭᖃᙱᑦᑐᒥᒃ ᓴᕌᖅᓯᒪᔪᓂᒃ ᐅᓯᒪᔪᓂᒃ ᐊᑐᐃᓐᓇᖅᑕᖃᓛᕐᑐᖅ, ᐊᒻᒪᓗ ᐅᖁᒻᒥᐊᒐᕐᓂᒃ ᑐᓂᐅᕐᑲᕐᑕᐅᓗᑎᑦ ᐅᐸᑦᑐᑦ ᐊᓐᓄᕌᓗᖅᓯᒪᔪᑦ.
ᓄᓇᓕᐸᐅᔭᒃᑯᑦ ᑕᒪᑐᒥᖓ ᑐᙵᓴᐃᔨᐅᓪᓗᑎᒃ ᓄᐊᑦᓯᓯᓐᓈᒃ ᐊᖏᕐᕋᒥ ᐅᓗᕆᐊᓇᖅᑐᑦ ᓴᓂᕐᓂᒃ (ᐱᖃᓯᐅᑎᓪᓗᒋᑦ ᐊᒥᐊᒥᓃᑦ, ᕚᑕᓖᒥᓃᑦ, ᐊᖏᕐᕋᒥ ᐅᐊᔭᒨᕐᑐᑦ, ᐊᒻᒪᓗᑦ ᐊᖏᕐᕋᒥ ᓴᓗᒻᒪᕐᓴᐃᑎᒥᓃᑦ), ᐱᓇᓱᐊᕐᓂᕐᒧᑦ ᓴᖑᑎᓪᓪᓗᒋᑦ ᓱᓇᒃᑯᑖᑦ ᐊᒋᑕᐅᔪᓂᒃ ᐊᖏᕐᕋᒥᒃ.
ᐃᓄᓐᓄᑦ ᑐᓴᕋᑦᓴᖅ
ᐱᒋᐊᕐᕕᖓ: ᐋᒃᑑᐸ 23, 2015
ᐱᔭᕇᕐᕕᖓ: ᓇᓗᓇᐃᖅᑕᐅᓛᖅᑐᖅ.
ᕼᐋᐱ ᕚᓕᒥ ᓯᓚᒥ ᐱᓐᖑᐊᕐᕕᒃ ᐱᓪᓗᒍ ᑐᓴᕋᑦᓴᖅ
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᕼᐋᐱ ᕚᓕᒥ ᑭᓈᓗᓐᓄᑦ ᓱᓪᓗᓕᒻᒥᑦ ᑭᖑᕝᕖᓂᐊᖅᑐᑦ
ᐋᒃᑑᐸ 22, 2015 (ᐃᖃᓗᐃᑦ, ᓄᓇᕗᑦ)
(ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᐃᑦ ᐃᖃᓗᐃᑦ ᓴᓇᔪᓕᕆᓂᕐᒥᑦ ᐊᒻᒪ ᖃᐅᔨᒪᔨᑕᐃᑦ ᓴᓇᓂᒃᑯᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᓐᓂ ᕼᐋᐱ ᕚᓕᒥᐅᑕᓂᑦ ᐅᑯᓂᖓ:ᐊᑐᕆᐊᖅ ᒪᑐᔭᐅᓯᒪᓂᐊᖅᑐᖅ:
ᐊᑐᖓᐅᔭᐃᑦ ᐊᑐᕆᐊᖅ ᕿᔪᑦᑖᑦ ᐊᑐᕆᐊᕐᒥ (ᓵᖓᓃᑦᑐᖅ ᐃᓪᓘᑉ 1650) ᒪᑐᓯᒪᓛᖅᑐᖅ ᐋᒃᑑᐸ 22-ᒥᑦ ᐋᒃᑑᐸ 26-ᒧᑦ ᑭᓈᓗᓐᓄᑦ ᓱᓪᓗᓕᒃ ᑭᖑᕝᕕᖅᑕᐅᓂᖓᓂ ᐊᒻᒪ ᐅᐃᒍᔭᐅᓇᓱᐊᕐᓂᖓᓂ ᓱᓪᓗᓕᓐᓂᑦ ᓴᖑᒋᐊᕐᕕᒻᒧᑦ 226.
ᓂᒋᖅᐸᓯᐊᓅᕈᓐᓇᓂᐊᖅᑐᑦ ᕼᐋᐱ ᕚᓕᐅᑉ ᐊᑐᖓᐅᔭᐃᑦ ᐊᑐᕆᐊᑉ ᐅᐊᓐᓇᖓᒎᕐᓗᓂ ᖁᒻᒧᐊᒋᐊᖓᓃᑦᑐᒃᑯᑦ.
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᒋᐊᕐᕕᖓ: ᐋᒃᑑᐸ 22, 2015
ᐱᔭᕇᕐᕕᖓ: ᓇᓗᓇᐃᖅᑕᐅᓚᐅᖏᓐᓂᖓᓂ.
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐃᖅᑲᓇᐃᔭᖅᑎᖏᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᒪᓕᒐᖅᑕᖃᕐᒪᑦ ᐃᖃᓗᓐᓂ ᐃᓪᓗᖃᕐᕕᐅᔪᓂᑦ ᓴᓗᒪᑎᑦᓯᔾᔪᑎᑦᓴᒥᑦ ᐊᒻᒪ ᑕᑯᒥᓇᕐᓗᑎᒃ. ᓄᓇᓕᐸᐅᔭᐃᑦ ᓄᓇᖁᑎᓄᑦ ᑭᓪᓕᓕᐅᕈᑎᖓᑦ ᒪᓕᒐᕋᓛᖅ ᒪᓕᒐᖃᖅᑐᖅ ᑐᕌᖓᔪᓂᑦ ᐅᒥᐊᕐᔪᐊᒃᑯᑦ ᑎᑭᑎᑕᐅᕙᑦᑐᓂᑦ ᓱᓇᒃᑯᑖᒃᑯᕕᑯᑦᓱᓐᓂᒃ.
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᒋᐊᕐᕕᖓ: ᐋᒃᑑᐸ 20, 2015
ᐱᔭᕇᕐᕕᖓ: ᐋᒃᑑᐸ 22, 2015.
(ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᐃᑦ ᐃᖃᓗᐃᑦ ᓱᓪᓗᓕᓐᓂᑦ ᐃᖅᑲᓇᐃᔮᖃᖅᐸᑦᑐᑦ ᖃᐅᔨᒪᖁᔨᓕᕐᒥᔪᑦ ᐃᖃᓗᓐᓂᒥᐅᑕᓂᑦ ᐃᒥᕐᒧᑦ ᓱᓪᓗᓕᒻᒥᑦ ᒪᑐᓯᓯᒪᑲᐃᓐᓇᓛᕐᒪᑕ ᒥᕝᕕᒃ ᐊᑐᕆᐊᕐᒦᑦᑐᒥᑦ ᑎᓴᒻᒥᐅᓕᖅᐸᑦ, ᐋᒃᑑᐸ 22, 2015 ᐅᓪᓛᓂᒃ 9-ᒥᓂᒃ ᖁᓛᓅᕋᓱᓐᓂᖓᓄᑦ ᐅᓪᓗᒃᑯᑦ 12-ᒧᑦ.
ᐃᒥᕐᒧᑦ ᓱᓪᓗᓕᖓᑦ ᒪᑐᔭᐅᓯᒪᓛᖅᑐᖅ ᐃᖃᓗᓐᓂ ᖃᖓᑦᑐᓲᒃᑯᕕᐅᑉ, ᑰᒪᓐ ᐋᑎᒃ ᓕᒥᑕᒃᑯᑦ, ᐅᖅᓱᖅ ᑯᐊᐳᕇᓴᒃᑯᑦ ᐃᓪᓗᖁᑎᖓᑦ, ᐃᖃᓗᐃᑦ ᒑᓯᑖᕐᕕᒃ, ᐊᒻᒪ ᕘᕐᔅ ᐃᐅᒃᑯᑦ ᖃᖓᑕᓲᓕᕆᔨᒃᑯᑦ ᑎᑭᓵᒥᓂᕐᓂᒃ ᓱᓇᒃᑯᑖᒃᑯᕕᖓᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᓐᓂ ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔨᕋᓛᖏᑦ ᖃᐃᓛᖁᔨᕗᑦ ᐃᖃᓗᓐᓂᒥᐅᑕᓂᑦ ᑐᑭᓯᒋᐊᖅᑐᓛᕐᓗᑎᒃ ᐱᔾᔪᑎᖃᖅᑐᓂᑦ ᐱᓕᕆᐊᑦᓴᓂᑦ ᐊᒻᒪ ᐱᔨᑦᓯᕋᕈᑎᓂᑦ ᐊᑐᐃᓐᓇᐅᑎᑕᐅᔪᓂᑦ ᑭᒃᑯᑐᐃᓐᓇᕐᓄᑦ, ᐱᓕᕆᔨᐅᔪᓄᑦ ᑲᑐᔾᔨᓂᒃᑯᑦ ᐊᒻᒪ ᓇᒻᒥᓂᖃᖅᑎᓄᑦ ᐃᑲᔫᑎᐅᖁᓪᓗᒋᑦ ᓄᓇᑦᑎᓐᓂ ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ. ᑭᒡᒐᖅᑐᐃᔩᑦ ᑲᓇᑕᐅᑉ ᐊᒻᒪ ᓄᓇᕘᑉ ᒐᕙᒪᒃᑯᖏᓐᓂᒃ ᑐᑭᓯᒋᐊᖅᑐᑎᑦᓯᓛᖅᑐᑦ ᐱᔾᔪᑎᖃᖅᑐᓂᑦ ᐊᑐᐊᒐᕐᓂᑦ, ᒪᓕᒐᓂᑦ ᐊᒻᒪ ᑐᑦᓯᕋᐅᑎᓕᐅᕐᓂᒃᑯᑦ ᐃᑲᔪᖅᑕᐅᔪᒪᔪᖃᕐᓂᖅᐸᑦ ᑕᕝᕘᓇ. ᐅᓂᒃᑳᕆᐊᖅᑐᖃᑦᑕᓛᖅᑐᑦ ᐅᓪᓗᓂ ᓅᕖᐱᕆ 2-ᒥᑦ - 6-ᒧᑦ, 2015 ᐅᓪᓛᒃᑯᑦ ᐱᒋᐊᖅᐸᓪᓗᑎᒃ 9-ᒥᑦ 12-ᒧᓄᑦ ᐅᓪᓗᒃᑯᑦ ᒪᒃᑯᑦᑐᒃᑯᕕᒻᒥ.