ᓄᓇᓕᓐᓂᒥᐅᑕᐃᑦ

ᖃᓂᒪᕐᔪᐊᕐᓇᖅ ᐳᕝᕕᕆᓇᕐᑐᖅ COVID-19 ᖃᓄᐃᓕᖓᓕᕐᒪᖔᑦ ᓄᓇᓕᐸᐅᔭᒃᑯᑦ ᑐᓴᕐᑎᑦᓯᒍᑎᖏᑦ − ᕼᐋᓗᕕᖑᓕᕐᐸᑦ ᖃᓄᐃᓕᖓᓂᐊᕐᒪᖔᑦᑕ

ᕼᐋᓗᕕᖑᑎᓪᓗᒍ ᖁᕕᐊᓲᑕᐅᕙᑦᑐᑦ, ᐆᑦᑑᑎᒋᓗᒍ ᓯᐴᒃᑲᕌᒪ, ᒪᒃᑯᑦᑐᒃᑯᕕᐅᑉ ᐱᓐᖑᐊᕐᕕᖓᓂ ᐊᓕᐊᓇᐃᒋᔭᐅᓪᓚᕆᑦᑐᖅ. ᐊᕐᕌᒍᑦᑎᓂ ᖃᓂᒪᕐᔪᐊᕐᓇᖅ ᐳᕝᕕᕆᓇᕐᑐᖅ COVID-19 ᒪᓕᒐᖏᑦ ᐱᔾᔪᑎᒋᓪᓗᒋᑦ ᐃᓅᖅᑲᑎᒌᑦ ᐅᖓᓯᒌᑦᑕᕆᐊᖃᕐᓂᖏᓐᓄᑦ ᐊᒻᒪ ᐅᓗᕆᐊᓇᕐᑐᒦᖁᓇᑕ ᐅᔾᔨᕐᑐᕆᐊᓖᑦ, ᓯᐴᒃᑲᕌᒪ ᖁᕕᐊᓱᓐᓂᕆᕙᑦᑕᖏᑦ ᓄᖅᑲᕐᑎᑕᐅᓯᒪᔪᑦ ᑕᒪᑐᒪᓂ.

ᒪᒃᑯᑦᑐᒃᑯᕕᒃ ᓱᓕ ᖁᕕᐊᓱᕝᕕᐅᔪᓐᓇᓛᕐᑐᖅ ᒪᑐᐃᖓᓛᕐᖓᑦ ᓯᕙᑖᕐᕕᒻᒥ, ᐅᒃᑑᕝᕙ 31, 2020ᖑᓕᕐᐸᑦ, ᕼᐋᓗᕕᒧᑦ ᐊᓕᐊᓇᓐᖑᐊᕐᑐᓂᑦ ᓴᖅᑭᔮᕐᑎᑦᓯᑲᑕᓪᓗᑎᑦ. ᒪᑐᐃᖓᓛᕐᑐᖅ ᑭᒃᑯᓕᒫᓄᑦ ᐅᑭᐅᖃᑎᒌᖏᑦᑐᓄᑦ ᑭᓪᓕᖃᕐᑎᑕᐅᓗᑎᑦ ᐊᕙᑎᑦ ᑕᓪᓕᒪᓪᓗ (25) ᐃᓄᒋᐊᕈᓐᓇᕐᓂᖏᑦ.

ᐊᑐᕆᐊᑦ ᐊᖅᑯᑕᐅᒐᔪᑦᑐᑦ ᒪᑐᒪᓂᐊᕐᑐᑦ

ᓄᓇᖅᑲᑎᒌᑦ ᖃᐅᔨᒪᖁᔭᐅᕗᑦ ᐊᑐᕆᐊᑦ ᒪᑐᓯᒪᓂᐊᕐᖓᑕ ᐊᑐᖅᑕᐅᒐᔪᑦᑐᑦ ᐊᑭᓪᓕᕐᓂ (West 40) ᓴᓇᔭᐅᓂᖏᓂ ᑭᓈᓗᒧᑦ ᓱᓪᓗᓕᑯᑖᑦ ᖃᓂᒋᔮᓂ.

ᐊᑭᓪᓕᖅ ᐊᖅᑯᑖ ᐃᓪᓗᐃᓐᓇᖓ ᐊᑐᕋᑦᓴᐅᓂᐊᕐᑐᖅ ᓇᓪᓕᑭᑕᕐᐸᓪᓗᑎᑦ ᐃᖏᕐᕋᔪᑦ. ᖃᐅᒻᒪᓪᓛᔪᓂᑦ ᓇᓗᓇᐃᒃᑯᑎᓂᑦ ᓇᑉᐸᐃᑲᐃᓐᓇᕐᓂᐊᕐᑐᑦ ᐊᐅᓚᑦᓯᐊᖁᓪᓗᒋᑦ ᓄᓇᓯᐅᕐᑐᑦ ᐃᖏᕐᕋᔭᑦᑐᑦ.

ᐊᓪᓚᓐᖑᐊᖅ ᐊᖅᑯᑖ ᒪᑐᓯᒪᓂᐊᕐᑐᖅ ᑲᓱᖅᓯᒪᔪᖅ ᐊᑭᓪᓕᖅ ᐊᖅᑯᑖᓄᑦ.

ᐃᖏᕐᕋᔪᑦ ᓴᖑᖃᑦᑕᕆᐊᖃᕐᓂᐊᕐᑐᑦ ᐃᑲᓗᒃᑑᑦᑎᐊᖅ ᐊᖅᑯᑖ ᐊᑐᖅᑕᐅᖔᕐᓗᓂ ᒥᕝᕕᒃ ᐊᑐᕆᐊᖓᒎᖓᔪᖅ, ᐊᔾᔨᕐᓇᕐᓂᐊᕐᑐᖅ ᓄᓇᓐᖑᐊᒃᑯᑦ ᓇᓗᓇᐃᕐᓯᒪᓂᖓ ᐊᐅᐸᖅᑐᒥᑦ ᐆᔭᐅᔭᒥᓪᓗ ᑎᒃᑯᐊᖓᓐᖑᐊᕐᑐᓖᑦ ᓱᑯᑦᓯᐊᓃᒻᒪᖔᑕ ᑖᒃᑯᓄᖓ ᐱᖃᓯᐅᔾᔭᐅᓯᒪᔪᑦ.

ᐊᖅᑯᑖ ᐱᔭᕇᕐᑕᐅᔪᒫᕐᓂᐊᕐᑐᖅ ᐱᖓᑦᓯᕐᒥ, ᐅᒃᑑᕝᕙ 28ᖑᓕᕐᐸᑦ.

ᖁᔭᓕᓐᓇᐅᓛᖅᑐᒥ ᐋᖅᑭᓯᒪᓂᐅᓛᖅᑐᑦ ᓄᓇᓯᐅᑎᒃᑯᑦ−ᐱᔨᑦᑎᕋᖅᑕᐅᕙᑦᑐᓄᑦ

ᓄᓇᓕᐸᐅᔭᓕᕆᔨᒃᑯᑦ ᖃᐅᔨᒃᑲᐃᓯᒪᒍᒪᔪᑦ ᓄᓇᓕᓐᓂᑦ ᓄᓇᓯᐅᑎᒃᑯᑦ−ᐱᔨᑦᑎᕋᕐᐸᑦᑐᑦ ᓄᖅᑲᖓᓛᕐᖓᑕ ᖁᔭᓕᓐᓇᐅᓛᖅᑐᒥ ᓇᒡᒐᔾᔭᐅᒥ, ᐅᑐᐱᕆ 12, 2020.

ᖃᐅᔨᒪᓂᐊᖅᑯᓯ ᐅᑯᐊ ᐊᑐᖅᑕᐅᖔᑲᐃᓐᓇᓛᕐᖓᑕ.

ᐃᒥᖅᑕᐅᑎᓄᑦ ᑭᓈᓗᑦᑕᐅᑎᓄᓪᓗ:
ᓯᕙᑖᕐᕕᒃ, ᐅᑐᐱᕆ 10, 2020 – ᐱᐅᓯᕆᒐᔪᑦᑕᖏᓐᓂᒃ ᐱᔨᑦᑎᕋᐅᑎᖃᓛᖅᑐᑦ
ᓈᑦᑏᖑᔭᕐᕕᒃ, ᐅᑐᐱᕆ 11 2020 – ᐱᐅᓯᕆᒐᔪᑦᑕᖏᓐᓂᒃ ᐱᔨᑦᑎᕋᐅᑎᖃᓛᖅᑐᑦ
ᓇᒡᒐᔾᔭᐅ, ᐅᑐᐱᕆ 12, 2020 – ᓄᖅᑲᖓᓛᖅᑐᑦ ᖁᔭᓕᓐᓇᐅᑎᓪᓗᒍ
ᐊᐃᑉᐱᖅ, ᐅᑐᐱᕆ 13, 2020 – 6ᒥ ᐅᓪᓛᒃᑯᑦ ᐱᒋᐊᕋᔭᖅᑐᑦ ᐱᔭᕇᕋᓱᓐᓂᖏᓐᓂ

ᖁᐊᓵᓗᐃᑦ ᐊᑐᕆᐊᑦ - ᐊᖁᑉᐸᒋᑦᑎ ᖃᐅᔨᓴᑦᓯᐊᐸᓪᓗᓯ

ᑐᓴᖅᑕᐅᑦᑕᐃᑎᒋᒋᐊᓕᒃ - (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᐅᖃᐅᔾᔪᐃᒋᐊᓕᕐᒥᔪᑦ ᓄᓇᓕᕐᒥᐅᑕᓂᒃ ᐊᖁᖃᑦᑕᖁᔭᐅᓗᑎᒃ ᖃᐅᔨᓴᑦᓯᐊᐸᓪᓗᑎᒃ ᐊᑐᕆᐊᑦ ᐃᓚᖏᑦ ᖁᐊᓵᓘᒻᒪᑕ, ᐱᓗᐊᖅᑐᒥ ᐊᑐᕆᐊᑦ ᓯᕕᖓᓂᖏᓐᓃᑦᑐᑦ.

ᓯᑎᒃᑯᑦ ᖃᐅᔨᓴᖅᐸᓪᓕᐊᔪᑦ ᖃᓄᐃᓕᖓᓂᐅᔪᒥᒃ, ᐊᒻᒪ ᓄᓇᒃᑰᔫᓂᒃ ᓯᐅᕋᕐᓂᒃ ᓯᐊᒻᒪᐃᑎᕆᔪᖃᖅᐸᓂᐊᖅᑐᖅ ᓯᐅᕋᓕᕐᓱᕆᐊᖃᕐᓂᖏᓐᓂᒃ.

ᓯᓚᕈᔫᓗᐊᖅᑎᓪᓗᒍ, ᐊᑦᑕᓇᖅᑐᒦᖁᓇᒋᑦ, ᓄᓇᓕᕐᒥᐅᑕᐃᑦ ᐃᖏᕐᕋᖃᑦᑕᖁᔭᐅᒐᓗᐊᑦ ᓱᒃᑲᐃᔾᔫᒥᓗᑎᒃ ᐊᒻᒪᑦᑕᐅᖅ ᓯᕗᓂᖏᓐᓃᑦᑐᓄᑦ ᖃᓂᑦᓴᓗᐊᖅᐸᖏᓪᓗᑎᒃ ᐃᒻᒪᖄ ᐊᑕᐅᓯᐅᒐᓗᐊᒥᒃ ᐊᑯᓐᓂᖃᖅᑑᔮᕐᓗᑎᒃ ᓄᓇᒃᑰᔫᒥᒃ ᐅᖓᓯᒌᑦᑑᑎᐅᕙᓪᓗᑎᒃ. ᐊᑦᓴᓗᐊᑦ ᐊᑐᕆᐊᓖᑦ ᐊᐳᑎᐅᑎᓪᓗᒍ ᐱᕙᓪᓕᐅᑎᒐᔭᕐᒥᔪᑦ ᖁᐊᔭᐃᒃᑯᑎᐅᔪᓐᓇᕐᒪᑕ.

ᐊᖁᒐᓱᑉᐸᓪᓗᓯ ᒪᓕᑉᐸᓪᓗᒍ ᓯᓚᐅᑉ ᖃᓄᐃᑦᑑᓂᖓ.

ᒪᐃᔭ ᕕᐅᓪ ᖁᕕᐊᒋᔭᖓ ᐃᖃᓗᒻᒥᐅᖅ ᐋᓇ ᓛᒻ

“ᐅᐱᒍᓱᑦᑎᐊᖅᑐᖓ ᐅᐱᒋᑦᑎᐊᖅᑲᕋ ᐃᖃᓗᓐᓂ ᐱᓪᓚᕆᓐᖑᐊᖅᑎ, ᐋᓇ ᓛᒻ, ᑕᕐᕆᔭᓃᖃᑕᐅᔪᖅ ᓄᑖᓂᑦ ᓄᓇᖃᖅᑳᖅᓯᒪᔪᓄᑦ ᑐᑭᒧᐊᖅᑎᑕᑦ ᓰᐱᓰᒃᑯᓐᓂᑦ ᑕᑯᔅᓴᐅᑎᑕᖅ, “The Trickster” (ᒪᖓᑦᑎᖃᑦᑕᖅᑕᑎ).

ᐅᐱᒋᑦᑎᐊᖅᑕᕗᑦ ᐊᔪᖏᓐᓂᖓᓄᑦ ᐊᒻᒪ ᐱᔪᒪᓂᕆᔭᖓᓄ ᑕᑯᔅᓴᐅᑎᑦᑎᓂᕐᒥᑦ ᐊᒻᒪ ᐱᖅᑯᓯᓂᑦ. ᑕᕐᕆᔭᓕᐅᖅᑕᐅᖃᑕᐅᔪᖅ ᐱᒻᒪᕆᐅᔪᒥᑦ ᑭᒡᒐᖅᑐᐃᓪᓗᓂ ᐃᖃᓗᓐᓂ ᑲᓇᑕᒥ ᐊᒻᒪ ᓯᓚᕐᔪᐊᒧᑦ. ᖁᓚᖏᑦᑐᖓ ᑐᑭᒧᐊᖅᑎᑦᑎᓂᐊᖅᖅ ᖁᕕᐊᓇᖅᑐᒥᑦ ᐃᖅᑲᓇᐃᔮᒥᑦ ᓄᓇᕗᒻᒥᐅᑦ ᐅᐱᒌᓐᓇᓂᐊᖅᑕᖏᓐᓂ.”

– ᒪᐃᔭ ᑭᐊᓂ ᕕᐅᓪ

ᐱᕙᓪᓕᐊᔪᓕᕆᔨᓄᑦ ᑐᕌᖓᔪᓄᑦ ᐊᐱᖅᑯᑎᓄᑦ , ᐅᓇ ᖃᐅᔨᒃᑲᕈᓐᓇᖅᑕᓯ: 

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᑎᓐᓂᖅᓴᖅ ᐃᒥᖅ ᓴᙱᓂᖓ ᑉᓛᑐᒥ ᖃᐅᔨᓴᖅᑕᐅᓯᒪᔪᑦ

ᐋᒃᑑᐸ 6, 2020 – ᐃᖃᓗᐃᑦ, ᓄᓇᕗᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᑦ ᒪᑐᓯᒪᓛᖅᑐᑦ ᐅᐸᑦᑕᐅᒐᔪᑉᐸᑦᑐᒥ ᐅᑐᐱᕆ 7ᖑᓕᖅᑲᑦ
ᐋᒃᑑᐸ 6, 2020 – ᐃᖃᓗᐃᑦ, ᓄᓇᕗᑦ

ᓄᓇᓖᑦ ᖃᐅᔨᒪᖁᔭᐅᕗᑦ ᓴᓇᔪᖃᓛᕐᓂᖓᓄᑦ ᐅᐸᑦᑕᐅᒐᔪᑉᐸᑦᑐᒥ ᖃᓂᒋᔭᖓᓂ ᑐᓚᑦᑕᕐᕕᑐᖃᓕᐊᕆᐊᕐᒥ ᐱᒋᐊᕐᓗᑎᒃ ᐱᖓᑦᑎᕐᒥ, ᐅᑐᐱᕆ 7 ᑭᓈᓗᖃᐅᑎᓄᑦ ᓱᓪᓗᓖᑦ ᓴᓇᔭᐅᓛᕐᖓᑕ ᑕᒫᓃᑦᑐᑦ.

ᐃᖃᓗᒃᑑᑦᑎᐊᖅ ᐊᖅᑯᑖ ᒪᑐᓯᒪᓛᖅᑐᖅ ᐱᖓᑦᑎᕐᒥ, ᐅᑐᐱᕆ 7ᒥ. ᓄᓇᓯᐅᑎᓄᑦ ᐊᖅᑯᑎ ᐊᓯᐊᒍᑦ ᐊᖅᑯᑎᖃᖅᑎᑕᐅᓛᖅᑐᑦ ᒥᕝᕕᒃ ᐊᖅᑯᑖᒍᑦ ᐊᒻᒪᓗ ᐊᓪᓚᙳᐊ ᐊᖅᑯᑖᒍᑦ, ᑕᐃᒫᒃ ᓇᓗᓇᐃᕐᓯᒪᒻᒪᑦ ᐊᐅᐸᖅᑐᒥᒃ ᐆᔭᐅᔭᕐᒥᓪᓗ ᐊᒥᐊᓕᓐᓂᑦ ᓇᐅᒃᑰᕆᐊᖃᕐᒪᖔᖅ ᐱᖃᓯᐅᑎᓯᒪᔪᒥ ᓄᓇᙳᐊᕐᒥ ᐃ-ᒥ. ᐱᔭᕇᕈᒫᕐᓂᐊᖅᑐᑦ ᐅᓪᓘᑉ ᐃᓱᐊᓂ ᐅᓪᓗᐃᓐᓇᖅ ᑲᒪᒋᔭᐅᓗᓂ.

ᐅᔾᔨᕈᓲᑎᒃᑯᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᔪᑦ ᐱᓱᕐᕋᕐᒥᐅᑕᐃᑦ − ᐱᒋᐊᑦᑕᐅᑎᓗᓂ ᒫᓐᓇᑲᐅᑎᒋ

ᐱᔾᔪᑎᖃᖅᑐᑎᒃ ᑐᐊᕕᕐᓇᖅᑐᒥᑦ ᐃᒥᕐᒧᑦ ᑯᕕᓯᔾᔪᑎᒥᑦ ᓱᕋᑦᑐᖃᖅᑲᐅᓂᖓ ᐅᓪᓗᒥ 3−ᕈᔪᒻᒥ ᐅᓐᓄᓴ, ᑎᓴᒻᒥᐅᑎᓪᓗᒍ, ᐋᑦᑑᐸ 1, 48−ᓕᑦ ᐃᑲᕐᕋᓂᑦ ᐅᔾᔨᕈᓲᑎᖃᕐᓂᒃᑯᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᑲᐃᓐᓇᓂᐊᖅᑐᑦ ᒫᓐᓇᑲᐅᑎᒋ ᐱᒋᐊᕐᓗᑎᒃ ᐱᓱᕐᕋᕐᒥᐅᑕᐃᑦ.

ᓯᑎᒃᑯᑦ ᐊᑐᖁᔨᔪᑦ ᓄᓇᓕᕐᒥᐅᑕᐃᑦ ᑕᒪᑦᓱᒪ ᐊᕙᑎᐊᓂᕐᒥᐅᑕᐃᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᓖᑦ ᐅᐊ ᒪᓇᒥᒃ ᐃᒥᖅᑕᐅᓂᐊᖅᑐᒥᒃ. ᐃᒥᖅ ᑎᖅᑎᓚᐅᖅᑎᓪᓗᒍ ᓂᓪᓕᓇᓕᖅᐸᑦ ᒪᑐᓕᒻᒧᑦ ᓴᓂᕐᕙᑦᑕᐅᓯᒪᒍᓐᓇᖅᑐᑦ ᐊᑐᖅᑕᐅᓂᐊᑐᐃᓐᓇᕐᓗᓂ. ᑎᖅᑎᑎᑦᑎᖃᑦᑕᖁᔭᐅᓂᐊᖅᑐᑦ ᐃᒥᕐᒥᒃ ᐅᕗᖓ ᑎᑭᓪᓗᒍ 3-ᒧ ᐅᕙᓂ ᓈᑦᓯᐅᖑᔭᓛᕐᓂᐊᖅ, ᐋᒃᑑᐸ 3 2020.

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:

ᓲ ᐊᐃᕗᕆ

ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ