ᓄᓇᓕᓐᓂᒥᐅᑕᐃᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᕿᑦᓵᒍᑎᖃᖅᑐᑦ ᐃᓅᔪᓐᓃᕐᓂᖓᓂᑦ ᓄᓇᑦᓯᐊᖅ ᐱᕙᓪᓕᐊᔪᓕᕆᔨᒃᑯᑦ ᐊᖏᔪᖅᑳᖓᓐᓂᑦ ᔨᒻ ᐱᐅᓪ

ᑭᒡᒐᑐᖅᑐᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐊᒻᒪ ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ, ᒪᐃᔭ ᑭᐊᓂ ᐱᐅᓪ ᓇᓗᓇᐃᕐᓯᕗᖅ ᓇᓪᓕᒍᓱᓐᓂᕐᒥᓂᒃ ᐃᓅᔪᓐᓃᓚᐅᕐᓂᖓᓂᑦ ᓄᓇᑦᓯᐊᖅ ᐱᕙᓪᓕᐊᔪᑦ ᐊᑯᓂᐊᓗᒃ ᐊᖏᔪᖅᑳᕆᓚᐅᖅᑕᖓᓂᑦ, ᔨᒻ ᐱᐅᓪ.

“ᖁᕕᐊᓇᖕᖏᑦᑐᒃᑰᖅᐳᒍᑦ ᑐᓴᕆᐊᑦᓴᖅ ᐃᓅᔪᓐᓃᖅᑐᒥᓂᐅᓂᖓᓂᑦ ᒥᔅᑕ ᔨᒻ ᐱᐅᓪ − ᐱᕙᓪᓕᐊᔪᓕᕆᓂᒃᑯᑦ ᓂᐱᖃᐅᑎᐅᒻᒪᕆᓚᐅᖅᑐᒥᑦ ᐃᓅᓯᕐᒥᓂ ᐱᓕᕆᔪᒪᔪᒻᒪᕆᐅᓚᐅᖅᑐᖅ ᐅᑭᐅᖅᑕᖅᑐᒥ ᐊᒻᒪ ᓴᖅᑮᕙᑦᑐᓂ ᐱᔾᔪᑎᐅᕙᑦᑐᓂᑦ ᐊᒻᒪ ᐃᓱᒫᓘᑎᐅᕙᑦᑐᓂᑦ ᓄᓇᕗᒻᒥᐅᑕᐃᑦ ᓯᕗᓪᓕᐅᑎᕙᑦᑐᒋᑦ ᐃᖅᑲᓇᐃᔮᒥᒍᑦ,” ᐅᖃᖅᑐᖅ ᒪᐃᔭ ᐱᐅᓪ. “ᐃᓚᒋᔭᑎᑦ ᐆᒻᒪᑎᓐᓃᑉᐳᑦ ᒫᓐᓇᐅᔪᖅ.”

ᓄᓇᓕᐸᐅᔭᐃᑦ ᐃᖃᓗᐃᑦ ᐊᓪᓚᕝᕕᖓᑦ ᒪᑐᓯᒪᓂᖓ − ᓰᑏᐱᕆ 1, 2021

ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᓄᓇᓕᐸᐅᔭᐃᑦ ᐊᓪᓚᕝᕕᖏᑦ ᐊᒻᒪ ᑭᒃᑯᑐᐃᓐᓇᕐᓄᑦ ᐅᐸᒐᐅᔪᑦ ᑭᒃᑯᑐᐃᓐᓇᕐᓄᑦ ᒪᑐᓯᒪᓛᕐᒪᑕ ᐱᖓᑦᓯᖅ, ᓰᑏᐱᕆ 1, 2021 ᐱᔾᔪᑎᖃᕐᓗᑎᒃ ᐃᖃᓗᐃᑦ ᓄᓇᓕᖓᑦ ᐃᒪᖃᖏᑲᐃᓐᓇᓛᕐᓂᖓᓄᑦ.

ᐃᒥᖅᑕᖅᑏᑦ ᓄᓇᒃᑰᔫᒃᑯᑦ ᐃᖏᕐᕋᓛᖏᑦᑐᑦ ᐱᖓᑦᓯᖅ, ᓰᑏᐱᕆ 1, 2021 ᐊᒻᒪ ᐱᐅᓯᖏᓐᓄᑦ ᐅᑎᓛᖅᑐᑎᒃ ᑎᓴᒻᒥᖅ, ᓰᑏᐱᕆ 2, 2021. ᑭᓈᓗᖃᕐᕕᓐᓂᒃ ᐊᒻᒪ ᓴᓂᕐᓂᒃ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐊᐅᓚᓛᖅᑐᑦ ᐃᒥᖃᖏᑲᐃᓐᓇᑎᓪᓗᒍ.

ᓄᓇᓕᕐᒥᐅᑕᐃᑦ ᓄᓇᒃᑰᔫᒃᑯᑦ ᐃᒥᖅᑕᐅᕙᑦᑐᑦ ᐃᒥᕐᒥᒃ ᐱᐅᕐᓱᐊᖁᔭᐅᓛᖅᑐᑦ ᓇᒡᒋᔾᔭᐅᓕᖅᑭᕐᒥ, ᐋᒐᓯ 31 ᐃᒥᖃᐃᓐᓇᓛᕈᒪᒍᑎᒃ ᐃᒥᖃᖏᑲᐃᓐᓇᖅᑎᑕᐅᑎᓪᓗᒋᑦ.

ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ ᐃᖃᓗᒻᒥᐅᑕᓕᒫᑦ

ᖃᐅᔨᒪᖁᔭᐅᓕᕆᕗᒍᑦ ᐃᒥᖃᖏᑲᐃᓐᓇᓂᐊᕋᑦᑕ ᐃᖃᓗᒻᒥᐅᑕᓕᒫᑦᑎᐊᑦ ᐱᖓᑦᓯᕐᒥ, ᓰᑏᐱᕆ 01, 2021 ᐱᒋᐊᕐᓗᑎᒃ ᐅᓪᓛᒃᑯᑦ 8-ᒥᑦ ᐅᓐᓄᓴᒧᑦ 4-ᒧᑦ ᑭᖑᕝᕕᖅᑕᐅᓛᕐᒪᑕ ᑯᕕᓯᔾᔪᑎᒻᒪᕆᖏᑦ ᐃᒥᓕᕆᔾᔪᑎᐅᔪᑦ. ᐱᓕᕆᐊᖑᒐᔭᖅᑐᑦ ᓇᓗᓇᐃᕐᓯᒪᒍᒪᓪᓗᒋᑦ ᑯᕕᓯᔾᔪᑎᖏᑦ ᕿᔾᔭᓪᓗᕋᑦᓴᐅᖏᓐᓇᖁᓪᓗᒋᑦ ᑕᐃᒪᐃᒋᐊᖃᕋᒥᒃ ᐃᖅᑲᓇᐃᔭᖅᑎᓄᑦ ᓇᓗᓇᐃᖅᑕᐅᔪᓐᓇᓂᕐᓴᐅᖁᓪᓗᒋᑦ ᖃᖓᑐᐃᓐᓇᒃᑯᑦ ᓇᐅᒃᑯᑐᐃᓐᓇᖅ ᐊᒻᒪᖅᑐᖃᕐᓂᖅᐸᑦ ᓱᓪᓗᓕᐅᑉ ᐃᓚᖓᓂᑦ ᖃᖓᑐᐃᓐᓇᒃᑯᑦ ᐃᒥᖃᖏᑎᑕᐅᑲᐃᓐᓇᖅᑐᖃᖅᑎᓪᓗᒍ ᓄᓇᓕᓐᓂ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: ᐃᓘᓐᓇᑦᑎᐊᑎᒃ ᐃᖃᓗᒻᒥᐅᑕᐃᑦ (ᑕᐃᒃᑯᐊ ᓄᓇᒃᑰᔫᓄᑦ ᐃᒻᒪᑦᑕᐅᕙᑦᑐᑦ ᐃᒻᒪᑦᑕᐅᖃᑦᑕᓛᖏᒻᒥᔪᑦ ᐃᒥᖃᖏᑲᐃᓐᓇᖅᑎᑕᐅᑎᓪᓗᒍ ᐃᖃᓗᐃᑦ).
ᓄ

ᓄᓇᓕᐸᐅᔭᒃᑯᑦ ᑐᓐᖓᓱᑦᑎᑦᓯᔪᒪᕗᑦ ᓄᓇᓕᓐᓄᑦ ᑮᓇᐅᔭᑎᒍᑦ ᐃᑲᔫᑎᑦᓴᓂᑦ ᑐᑦᓯᕋᕈᒪᔪᓄᑦ

ᓂᕆᔭᑦᓴᖃᑦᓯᐊᖏᑦᑐᓄᑦ ᐃᑲᔫᑎᑦᓴᑦ ᑮᓇᐅᔭᑎᒍᑦ – ᑭᖑᓪᓕᕐᐹᑦ ᑐᑦᓯᕌᑦᓴᑦ

ᐃᖃᓗᐃᑦ ᓄᓇᓕᐸᐅᔭᖓᑦ ᑐᓐᖓᓱᑦᑎᑦᓯᓕᕆᕗᑦ ᑐᑦᓯᕋᕈᒪᔪᓄᑦ ᓂᕆᔭᑦᓴᖃᑦᓯᐊᖏᑦᑐᓄᑦ ᐃᑲᔫᑎᑦᓴᓂᑦ ᐊᑐᐃᓐᓇᕈᕐᑕᐅᕋᑖᓚᐅᕐᓯᒪᔪᓂᑦ, ᐊᕐᕌᒎᓂᐊᕐᑐᒧᑦ ᐃᓱᓕᕝᕕᖃᕐᑐᑎᖕ ᒫᔾᔨ 31, 2022ᒥ. ᓂᕆᔭᑦᓴᖃᑦᓯᐊᖏᑦᑐᓄᑦ ᐃᑲᔫᑎᑦᓴᑦ ᐃᑲᔪᕐᓯᒋᐊᕈᑏᑦ $5,000−ᓄᑦ ᑭᓪᓕᖃᕐᑎᑕᐅᔪᑦ. ᑐᑦᓯᕋᕈᒪᔪᑦ ᑭᓪᓕᖃᕐᑎᑕᐅᔪᑦ ᐱᖓᑦᓯᕐᒥ, ᓯᑉᑎᒻᒪ 15, 2021.

ᓄᓇᓕᐸᐅᔭᐃᑦ ᑲᑎᒪᔨᖏᑦ ᓈᒻᒪᓴᖅᑐᑦ ᑲᔪᓯᑎᑦᑎᓪᓗᑎᒃ 2020-ᒥ ᑲᑎᕐᓱᕐᓯᒪᔪᓂᑦ ᑮᓇᐅᔭᓕᕆᔾᔪᑎᒥᓂᕐᓂᒃ ᑎᑎᕋᕐᓯᒪᓂᖏᓐᓂᑦ

ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᓈᒻᒪᑦᓴᕐᓂᒃᑯᑦ ᑲᔪᓯᑎᑦᑎᓚᐅᖅᑐᑦ 2020-ᒥ ᑲᑎᕐᓱᕐᓯᒪᔪᓂᑦ ᑮᓇᐅᔭᓕᕆᔾᔪᑎᒥᓂᕐᓂᒃ ᑎᑎᕋᕐᓯᒪᓂᖏᓐᓂᑦ ᑲᑎᒪᔩᑦ ᑲᑎᒪᑎᓪᓗᒋᑦ ᐋᒐᓯ 10, 2021. ᑎᑎᕋᕐᓯᒪᔪᑦ ᑕᑯᑦᓴᐅᑎᑦᑎᔪᑦ ᑮᓇᐅᔭᓕᕆᔾᔪᑎᒍᑦ ᖃᓄᐃᓕᖓᓂᕆᔭᖏᓐᓂᑦ ᐊᒻᒪ ᑮᓇᐅᔭᓕᕆᔾᔪᑎᒋᓯᒪᔭᖏᓐᓂᑦ ᓄᓇᓕᐸᐅᔭᒃᑯᑦ ᑎᑭᑦᑐᒍ ᑏᓰᐱᕆ 31, 2020.

ᓄᓇᓕᐸᐅᔭᒃᑯᑦ ᒪᑭᒪᑎᑦᑎᔪᓐᓇᓚᐅᕐᒪᑕ ᐃᓘᓐᓇᖏᒍᑦ ᓈᒻᒪᑦᑐᓂᑦ ᑮᓇᐅᔭᓕᕆᔾᔪᑎᒍᑦ ᖃᓄᐃᓕᖓᓂᐅᔪᒥᑦ ᐱᓪᓗᒋᑦ ᑮᓇᐅᔭᐃᑦ ᐱᓚᐅᕋᓗᐊᖅᑎᓪᓗᒋᑦ ᐊᑦᓱᕉᓴᓐᓇᖅᐸᓚᐅᖅᑐᑦ ᐱᔾᔪᑎᐅᓗᑎᒃ ᐊᑦᑐᐃᓂᕆᓚᐅᖅᑕᖏᑦ ᓄᕙᕐᔪᐊᕐᓇᖅ ᑰᕕᑦ-19. 2019-ᒥ, ᓄᓇᓕᐸᐅᔭᒃᑯᑦ ᐊᓂᒍᐃᒍᓐᓇᕐᓯᓚᐅᖅᑐᑦ ᐊᑭᓕᑦᓴᐃᔭᖅᐸᑦᑐᑎᒃ ᐊᒻᒪ 2020-ᒥ ᑮᓇᐅᔭᓕᕆᑦᑎᐊᕈᓐᓇᕐᓯᓪᓗᑎᒃ.

ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - ᐊᑦᓯᓂᕐᓴᖅ ᐃᖃᓗᐃᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ ᐃᓪᓗᐃᑦ ᓇᓴᐅᑎᖐᑦ: 100ᓂ, 200ᓂ, 300ᓂ.

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:
ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
S.Avery@iqaluit.ca | 867-979-5630

ᑐᐊᕕᕐᓇᖅᑐᒥᒃ ᐃᒥᓕᕆᓂᒃᑯᑦ (ᓯᑎᒃᑯᑦ ᓱᓪᓗᓕᖏᓐᓂ ᐃᒥᕐᒧᑦ ᐅᕝᕙᓘᓐᓃᑦ ᐳᓪᓚᖃᖅᑑᔮᕈᓐᓃᖅᐸᑦ) ᐃᖅᑲᓇᐃᔭᕐᓇᐅᔪᓐᓃᑎᓪᓗᒍ ᖃᐅᔨᒋᐊᖁᔪᑦ ᐅᑯᐊ: ᓯᑎᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᑭᐅᔨᖏᓐᓄᑦ 867-979-5650

ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᓇᓗᓇᐃᖅᓯᔪᑦ ᓱᕈᓯᕐᓄᑦ ᐋᓐᓂᐊᓕᓐᓄᑦ ᐅᔾᔨᕈᓱᓐᓕᕐᒥᑦ ᑕᖅᑭᖓ

ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᓇᓗᓇᐃᖅᓯᔪᑦ ᓯᑎᐱᕆ 1 ᑎᑭᓪᓗᒍ 30, 2021 ᓱᕈᓯᕐᓄᑦ ᐋᓐᓂᐊᓕᓐᓄᑦ ᐅᔾᔨᕈᓱᓐᓕᕐᒥᑦ ᑕᖅᑭᖓ.

ᐱᖁᔨᕗᖔᕈᑦᒻ ᐊᖏᖅᑕᐅᓚᐅᖅᑐᖅ ᐊᖏᖅᑐᐃᓇᐅᓪᓗᑎ ᓄᓇᓕᐸᐅᔭᒃᑯᑦ ᑲᑎᒪᔩᑦ ᑲᑎᒪᑎᓪᓗᒋᑦ ᔪᓚᐃ 27, 2021.

ᑐᑭᓯᒋᐊᒃᑲᓐᓂᕈᒪᒍᕕᑦ: 
ᓖᓴ ᒥᓗᓴᕝᔨᕕᒃ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
L.Milosavljevic@iqaluit.ca | 867-979-5607

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᐅᔭᕋᓐᓂᒃ ᐅᓯᖃᑦᑕᖅᑐᑦ ᓄᓇᓯᐅᑎᖅᐸᐃᑦ ᓄᓇᓕᐸᐅᔭᐅᑉ ᐊᑐᒋᐊᖏᑎᒍ
ᐋᒋᓯ 13, 2021 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᑐᓴᖅᑎᑦᑎᒍᑎᖃᒻᒪᑕ ᓄᓇᓕᓐᓂᒥᐅᑕᓐᓂᒃ ᐊᖏᓂᖅᓴᐃᑦ ᓄᓇᓯᐅᑎᐸᐅᔭᐃᑦ ᐅᓯᖃᑦᑕᕐᓂᐋᕐᒪᑕ ᐅᔭᕋᑦᑕᓪᓗᑎᒃ ᐊᒻᒪᓗ ᑐᐊᐸᓐᓂᒃ ᓴᓇᔭᒃᓴᓂᒃ ᐊᑐᕆᐋᒃᑯᖃᑕᐅᖃᑦᑕᕐᓂᐋᕐᓗᑎᒃ ᐱᒋᐋᕐᓗᑎᒃ ᒫᓐᓇᑕᐅᑎᒋ ᑎᑭᒐᓱᐊᕐᓂᖓᓂ ᕿᑎᖓ-ᓯᑎᐱᕆ, ᐱᒋᐊᖅᐸᓪᓗᑎᒃ 6-ᒥᒃ ᐅᓪᓛᒃᑯᑦ ᑎᑭᓪᓗᒍ 4-ᒧᑦ ᐅᓐᓄᓴᒧᑦ, ᐅᓪᓗᓕᒫᖅᐸᓪᓗᑎᒃ ᐱᓇᓱᐊᕈᓯᓕᒫᒥ.