ᓄᓇᓕᓐᓂᒥᐅᑕᐃᑦ

ᐃᒥᖅᑕᖃᑦᑕᓂᖏᑦ ᑭᖑᕙᕆᐊᑲᐃᓐᓇᖅᑐᖅ

ᓯᑎᒃᑯᑦ ᐃᖃᓗᓐᓂ ᖃᐅᔨᒃᑲᐃᒍᒪᕗᑦ ᐃᒥᖅᑕᐅᑎ ᓴᓇᔭᐅᒋᐊᖃᕐᓂᖓᓐᓄᑦ ᐃᒥᖅᑕᕈᓐᓇᔾᔮᓐᖏᑲᐃᓐᓇᕐᖓᑦ ᓯᑎᒃᑯᓐᓂ.

ᑖᓐᓇ ᕿᓚᒥᕈᓗᒃ ᑲᒪᒋᔭᐅᓂᐊᖅᑑᒐᓗᐊᖅ, ᑭᖑᕙᕆᐊᑐᐃᓐᓇᕐᓂᐊᖅᑐᖅ ᐃᒥᖅᑕᖅᑕᐅᖃᑦᑕᓛᖅᑐᑦ ᕖᕝᕗᐊᕆ 4−ᒥ, 2022−ᒥ. ᐅᓪᓗᑐᐃᓐᓇᕐᒥ ᐃᒥᖅᑕᖅᑕᐅᓛᖅᑐᑦ, ᑭᓯᐊᓂᓕ ᑭᖑᕙᖅᓯᒪᑐᐃᓐᓇᓛᖅᑐᖅ.

ᐃᖅᑲᓇᔭᐃᖅᑏᑦ ᐃᒥᖅᑕᐸᑦᑐᑦ 6−ᒥ ᐅᓪᓛᒃᑯᑦ ᐅᓪᓗᑐᐃᓐᓇᕐᒥ ᐱᒋᐊᓛᖅᑐᖅ, ᕖᕝᕗᐊᕆ 04, 2022 ᐱᔭᕇᕋᓱᐊᕐᓂᖏᓐᓂ ᑭᖑᕙᒃᑲᓐᓂᖁᔨᓐᓇᑎᑦ.

ᓯᑎᒃᑯᑦ ᒪᒥᐊᑉᐳᑦ ᐊᑲᐃᓪᓕᐅᕈᑎᔪᖃᕐᓂᖅᑲᑦ, ᖁᔭᓐᓇᒦᒃ ᑐᑭᓯᒐᔅᓯ.

##

ᓇᓗᓇᐃᕐᓯᔾᔪᑎ ᐃᖃᓗᓐᓂ ᓄᓇᓕᐸᐅᔭᐃᑦ ᑲᑎᒪᔨᑦᓴᓂᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᕿᓂᖅᑐᑦ ᑭᒃᑯᑐᐃᓐᓇᕐᓂᑦ ᐃᓚᒋᔭᐅᔪᒪᔪᓂᑦ ᐃᖃᓗᓐᓂ ᓄᓇᓕᐸᐅᔭᐃᑦ ᑲᑎᒪᔨᖏᓐᓄᑦ.

ᐱᓇᓱᐊᕈᒪᓂᐊᕐᓗᓂ, ᑎᒃᑯᐊᖅᑕᐅᔪᒪᒐᔭᖕᖑᐊᖅᑐᖅ ᐅᑯᓂᖓ ᒪᓕᒐᕐᓂᑦ ᒪᓕᒋᐊᓕᒃ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᒪᑐᔭᐅᑲᐃᓐᓇᕐᓂᐅᓴᔪᖅ ᐊᑦᓯᕕᒃ ᐊᒻᒪ ᓴᓂᕐᓂᒃ ᓄᐊᑦᑎᔩᑦ
ᕕᕝᕗᐊᕆ 1, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᕐᒥᐅᑕᐃᑦ ᐊᒻᒪ ᓇᖕᒥᓂᖃᖅᑎᐅᔪᑦ ᖃᐅᔨᒪᖁᔭᐅᓕᕐᒥᔪᑦ ᐃᖃᓗᐃᑦ ᐊᑦᓯᕕᖓᑕ ᐊᐅᓚᓂᖓ ᒪᑐᔭᐅᓯᒪᑲᐃᓐᓇᓂᐊᕐᒪᑦ ᐅᓪᓗᒥ, ᓇᒡᒋᔾᔭᐅᓕᖅᑭᖅ, ᕕᕝᕗᐊᕆ 1, 2022.

ᓄᓇᓕᕐᒥᐅᑕᐃᑦ ᖃᐅᔨᒪᖁᔭᐅᒻᒥᔪᑦ ᐊᑦᓯᕕᐅᑉ ᒪᑐᔭᐅᓯᒪᑲᐃᓐᓇᕐᓂᖓ ᐱᓪᓗᒍ ᓴᓂᕐᓂᒃ ᓄᐊᑦᑎᖏᑲᐃᓐᓇᓂᐊᕐᒪᑕ ᐅᓪᓗᒥ.  ᐊᖅᑯᑏᑦ ᐊᑦᑐᖅᑕᐅᔪᑦ ᒪᑐᓯᒪᑲᐃᓐᓇᖅᑐᒧᑦ ᐅᓪᓗᒥ ᖃᐅᑉᐸᑦ ᓴᓂᖏᑦ ᓄᐊᑕᐅᖔᓛᕐᒪᑕ, ᕕᕝᕗᐊᕆ 2, 2022.

ᓴᕕᕋᔭᓄᑦ ᐊᑦᓯᕕᒃ ᓱᓕ 2-ᒧᓄᑦ ᒪᑐᐃᖓᓂᐊᖅᑑᒐᓗᐊᖅ.

ᒪᒥᐊᓇᐅᒐᓗᐊᖅ ᐊᑲᐅᖏᓕᐅᕈᑎᓕᐅᕈᑦᑕ ᐊᒻᒪ ᖁᔭᓐᓇᒦᒃ ᑐᑭᓯᐊᒐᑦᓯ ᐊᑐᖅᑕᐅᔪᓂᑦ.

##

ᐃᒥᕐᒥᒃ ᑎᖅᑎᑎᑦᒋᐊᖃᕐᓂᐅᔪᖅ ᐊᑐᕈᓐᓃᖅᑎᑕᐅᔪᖅ

ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐱᒋᐊᑦᑕᐅᑎᒋᓗᑎᒃ, ᐃᒥᕐᒥᒃ ᑎᖅᑎᑎᑦᑎᒋᐊᖃᕐᓂᖅ ᐃᖃᓗᓐᓂ ᐊᑐᕆᐊᑐᒍᓐᓃᖅᑐᖅ. ᐱᖃᓯᐅᔾᔭᐅᔪᑦ ᓄᓇᓯᐅᑎᒃᑯᑦ ᐃᒻᒪᑦᑕᐅᕙᑦᑐᑦ. ᑎᖅᑎᑎᑦᑎᒋᐊᖃᕐᓂᐅᕙᑦᑐᖅ ᐃᒥᕐᒥᒃ ᐱᔾᔪᓯᒍᑦ ᐊᑐᕆᐊᖃᖅᑎᑕᐅᕙᒻᒪᑦ ᐃᒥᕐᒥᒃ ᓴᓗᒻᒪᕐᓴᐃᔾᔪᑎᐅᔪᑦ ᐊᓯᔾᔨᖅᑕᐅᒐᐃᒻᒪᑕ, ᐊᒻᒪ ᖃᐅᔨᓴᐅᑎᐅᕙᑦᑐᓂ ᖃᓄᐃᑦᑐᖃᖁᔨᒐᑎᒃ.

ᓱᓪᓗᓕᒃ ᐃᒥᕐᒧᑦ ᐊᐅᓚᑦᑎᔾᔪᑎᐅᖏᓐᓇᓂᐊᖅᑐᖅ ᒫᓐᓇᐅᓂᖓᓂ. ᐃᒥᖅ ᐱᔭᐅᕙᑦᑐᖅ ᐃᒥᖅᑕᕕᒻᒥᑦ ᖄᖐᕙᑦᑐᖅ ᐃᓘᓐᓇᖏᓐᓂᑦ ᖁᐊᖅᑕᖅᑐᓂᑦ ᖃᑦᑕᓂᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒥ, ᐊᒻᒪ ᓯᕗᓪᓕᖅᐹᒥ ᑲᖕᖔᑎᑦᓯᔾᔪᑎᓂᑦ ᐊᑐᖅᐸᑦᑐᑦ, ᐊᒻᒪ ᖃᐅᒪᒧᑦ ᐊᒻᒪ ᐱᕐᓴᐃᒻᒧᑦ ᓴᓗᒻᒪᓴᖅᑕᐅᓕᖅᑐᓂ ᐃᒥᓕᕆᔾᔪᑎᓄᑦ ᓱᓪᓗᓕᓐᓅᖅᑕᐅᓚᐅᕋᓂ ᓱᓕ.

ᐆᒪᔪᓄᑦ ᐅᔭᒦᑦ - ᐃᓂᖓ ᐊᓯᔾᔨᖅᑐᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐱᒋᐊᕐᓗᑎᒃ ᔮᓐᓄᐊᕆ 25, 2022 ᕿᒻᒥᓄᑦ ᐅᔭᒦᑦ ᐊᑐᐃᓐᓇᐅᓂᐊᓕᕐᒪᑕ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐃᖅᑲᓇᐃᔭᕐᕕᖓᓐᓂᑦ ᐃᓪᓗᒥᑦ 901, ᖁᓛᓃᑦᑐᖅ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᐅᑉ, ᐅᓪᓗᒃᑯᑦ 9-ᒥᑦ 5-ᒧᓄᑦ, ᓇᒡᒋᔾᔭᐅᒥᑦ ᑕᓪᓕᒥᕐᒧᑦ.

ᓄᓇᓕᕐᒥᐅᑕᐃᑦ ᓇᓗᓇᐃᔭᐃᖁᔭᐅᔫᒐᓗᐊᑦ ᐆᒪᔪᖁᑎᖏᓐᓂᑦ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᓐᓄᑦ ᓇᓗᓇᐃᕐᓯᒪᖁᓪᓗᒋᑦ ᐊᓯᐅᔭᐅᓯᒪᔪᑦ ᐆᒪᔪᐃᑦ ᐃᓄᖏᓐᓅᖁᔭᐅᖃᑦᑕᖁᓪᓗᒋᑦ ᕿᓚᒥᐅᓂᕐᓴᖅ ᑎᒍᔭᐅᓐᓂᕈᑎᒃ ᕿᒻᒥᖏᑦ.

ᕿᒧᐊᓚᓂᒃ ᕿᒻᒥᖁᑎᓖᑦ ᕿᒻᒥᖁᑎᖏᓐᓂᑦ ᓇᓗᓇᐃᔭᐃᖁᔭᐅᓯᒪᒻᒥᔫᒐᓗᐊᑦ ᑖᓐᓇ ᐱᓕᕆᐊᑦᓴᖅ ᐊᑐᕐᓗᒍ, ᐊᒻᒪ ᐊᑭᓖᒋᐊᑐᒐᑎᒃ ᓇᓗᓇᐃᔭᐃᒍᑎᒃ.

##

ᐃᖃᓗᐃᑦ ᐱᔨᑦᓯᕋᖅᑎᖏᑦ ᐅᐸᑦᑐᑦ ᐃᓪᓗᒧᑦ ᐃᑭᑦᑐᒧᑦ

ᓇᒡᒋᔾᔭᐅᒥ, ᔮᓐᓄᐊᕆ 24, 2022 ᐅᓪᓛᕈᓗᒃᑯᑦ 3-ᒨᖅᑎᓪᓗᒍ, ᐃᖃᓗᐃᑦ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑎᖏᑦ ᐅᐸᓚᐅᖅᑐᑦ ᐳᔫᖅᑐᖃᕐᓂᕋᐅᔪᖃᖅᑎᓪᓗᒍ ᓇᔪᒐᕐᒥᑦ ᑲᑎᖕᖓᔪᒥᑦ ᓈᓴᐅᑎᓕᓐᓂ 2200-ᓂᑦ ᓄᓇᓕᓐᓂ.

ᖃᑦᑎᕆᔩᑦ ᐅᐸᓚᐅᖅᑐᑦ ᐊᒻᒪ ᑐᐊᕕᐊᖃᖅᑐᑎᒃ ᐃᑯᐊᓚᔪᒥᑦ ᐊᓯᐊᓄᑦ ᓯᐊᒻᒪᐃᑎᑦᑎᓚᐅᖏᓪᓚᑐᖅᑐᑦ ᐃᑭᓚᐅᖅᑑᑉ.

ᐃᑯᐊᓚᒧᑦ ᐊᒻᒪ ᐃᒥᕐᒧᑦ ᓱᕋᑦᑕᐅᓚᐅᖅᑐᖅ ᐊᑕᐅᓯᖅ ᓇᔪᒐᖅ ᑭᓯᐊᓂᑦᑕᐅᖅ, ᒪᕐᕉᒃ ᖃᓂᒋᔭᖏᓐᓂᒃ ᓇᔪᒐᓖᒃ ᐊᒻᒪ ᐆᒪᔪᖁᑎᖓᑦ ᐃᓂᖃᕈᓐᓃᓚᐅᖅᑑᒃ ᖃᑦᑎᕆᔩᑦ ᓱᑎᒋᓂᖏᓐᓂᑦ ᐊᑦᑕᓇᖅᑐᒦᖁᓇᒋᑦ. ᐃᑯᐊᓚᒍᓐᓃᕐᒪᑦ, ᐊᒻᒪ ᐃᖃᓗᐃᑦ ᖃᑦᑎᕆᔨᒃᑯᖏᑦ ᐱᖁᑎᖃᕐᕕᒻᒥᑦ ᐊᑦᑕᓇᕐᓂᕋᐃᒍᓐᓃᕐᒪᑕ, ᓇᔪᒐᓖᒃ ᐅᑎᕈᓐᓇᕐᓯᓚᐅᖅᑑᒃ ᓇᔪᒐᕐᒥᓄᑦ.