ᓄᓇᓕᓐᓂᒥᐅᑕᐃᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐋᖅᑭᒋᐊᕐᓯᒪᔪᑦ ᐃᑲᕐᕋᐃᑦ - ᓄᓇᓕᐸᐅᔭᐃᑦ ᐊᑦᓯᕕᖓᑦ 
ᐋᑦᑑᐸ 25, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐋᖅᑭᒋᐊᕐᓯᒪᓂᐊᕐᓂᖏᓐᓂᑦ ᐅᓪᓗᕐᓯᐅᑎᖏᑦ ᓄᓇᓕᐸᐅᔭᐃᑦ ᐊᑦᓯᕕᖓᑕ ᐱᓇᓱᐊᕈᓯᐊᓂ ᓅᕖᐱᕆ 1, 2022. ᐋᖅᑭᒋᐊᕐᓯᒪᓂᐊᖅᑐᑦ ᐃᑲᕐᕋᖏᑦ ᐃᖅᑲᓇᐃᔭᖅᑏᑦ ᐱᓕᒻᒪᑦᓴᕆᐊᓕᖏᓐᓂᑦ ᐱᓕᒻᒪᑦᓴᖁᓪᓗᒋᑦ.

ᐅᓐᓗᕐᓯᐅᑎᖓ ᐊᑦᓯᕕᐅᑉ ᐱᓇᓱᐊᕈᓯᖓᓂ ᓅᕖᐱᕆ 1, 2022 ᐃᒪᐃᑦᑑᓂᐊᖅᑐᖅ:

ᐱᕙᓪᓕᐊᔪᓂᑦ ᑐᓴᕋᑦᓴᖅ

ᒪᐃᔭ ᐱᐅᓪ ᓄᖅᑲᖅᑐᖅ ᓄᓇᓕᐸᐅᔭᐃᑦ ᑲᑎᒪᔨᖏᓐᓂᑦ
ᐋᑦᑑᐸ 18, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᒪᐃᔭ ᑭᐊᓂ ᐱᐅᓪ ᑐᓂᓯᓚᐅᕐᒪᑦ ᓄᖅᑲᐅᑎᒥᓂᒃ ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᓐᓂᑦ, ᒫᓐᓇᑲᐅᑎᒋ.

ᐱᐅᓪ ᓂᕈᐊᖅᑕᐅᓚᐅᕐᓯᒪᔪᖅ ᓄᓇᓕᐸᐅᔭᐃᑦ ᑲᑎᒪᔨᖏᓐᓄᑦ 2012-ᖑᑎᓪᓗᒍ, ᑲᑎᒪᔨᐅᓗᓂ 2015-ᒧᓄᑦ. 2019-ᒥ, ᓂᕈᐊᖅᑕᐅᓚᐅᖅᑐᖅ ᒪᐃᔭᐅᓂᕐᒧᑦ ᐃᖃᓗᓐᓄᑦ. ᒪᐃᔭ ᐱᐅᓪ ᐱᔨᑦᓯᕋᖅᑎᐅᓯᒪᔪᖅ ᐃᕿᐊᓱᖏᓯᐊᖅᑐᓂ ᓄᓇᓕᐸᐅᔭᒃᑯᓐᓄᑦ ᑲᑎᒪᓂᒃᑯᑦ ᐊᒻᒪ ᒪᐃᔭᐅᓂᒃᑯᑦ. ᒥᑭᔪᕈᓘᒐᓂᓗ ᐱᓕᕆᐊᑦᓴᖅ ᐊᑐᕐᓂᐊᕐᓗᒍ ᐊᒻᒪ ᑭᒡᒐᖅᑐᐃᓂᐊᕐᓗᓂ ᓄᓇᓕᒋᔭᒥᑦ ᑕᕝᕘᓇ, ᐊᒻᒪ ᓄᓇᓕᓐᓂᑦ ᐊᐅᓚᑦᑎᔨᐅᔪᑦ ᖁᔭᓐᓇᒦᑦᑎᐊᖅᑐᑦ ᑭᐊᓂᒥᒃ ᐊᕐᕌᒍᒐᓴᓄᑦ ᐱᔨᑦᓯᕋᖅᑎᐅᓚᐅᕐᓂᕐᒥᓂᒃ.

ᐃᓄᖕᓄᑦ ᑐᓴᕋᑦᓴᖅ

ᑕᓯᑲᓪᓚᐃᑦ ᐊᒻᒪ ᐃᒪᓕᑲᓪᓚᐃᑦ ᓯᑯᓖᑦ

ᐋᑦᑑᐸ 11, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐅᖃᐅᔾᔪᐃᔪᒪᓕᕆᕗᑦ ᓄᓇᓕᕐᒥᐅᑕᓂᑦ ᓯᑯᖃᕐᓂᖏᓐᓂᑦ ᑕᓯᑲᓪᓚᐃᑦ ᐊᒻᒪ ᐃᒪᓕᑲᓪᓚᐃᑦ ᐃᓗᐊᓃᑦᑐᑦ ᓄᓇᓕᐅᑉ ᐊᑦᑕᓇᓕᕐᒥᒻᒪᑕ ᒫᓐᓇᐅᓕᖅᑐᖅ ᐊᕐᕌᒍᒥ ᐱᔾᔪᑎᒋᓪᓗᒋᑦ ᓵᓗᐊᕐᓂᖏᑦ ᓯᑯᖏᑕ ᐊᒻᒪ ᐃᒪᖏᑦ ᓱᓕ ᖁᐊᕐᓯᒪᖕᖏᑦᑐᑦ.

ᓄᓇᓕᕐᒥᐅᑕᐃᑦ ᐊᑦᑕᓇᐃᔾᔭᐃᕐᓯᒪᖁᔭᐅᔪᑦ ᐊᒻᒪ ᐃᓚᒌᖑᔪᑦ ᑭᐱᖕᖑᐃᔭᖏᑲᐃᓐᓇᖁᔭᐅᓗᑎᒃ ᒫᓐᓇᐅᓂᖓᓂ ᓱᓕ ᖁᐊᕐᓯᒪᑦᑎᐊᖏᑦᑐᓂ ᑕᓯᑲᓪᓚᓐᓂ ᐊᒻᒪ ᐃᒪᓕᑲᓪᓚᓂ, ᐱᖃᓯᐅᑎᓪᓗᒋᑦ ᐱᓱᑉᐸᑦᑐᑦ, ᖃᒧᑕᐅᔭᖅᐸᑦᑐᑦ, ᐊᒻᒪ ᓯᐊᕐᕆᔮᖅᐸᑦᑐᑦ ᓯᓚ ᓂᓪᓚᑲᓐᓂᓚᐅᖏᓐᓂᖓᓂ ᐊᒻᒪ ᓯᑯᖓ ᐃᔾᔪᑎᒃᑲᓐᓂᓚᐅᖏᓐᓂᖏᓐᓂ ᑭᓯᐊᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ - 102,103,104,105,106,107,108,109 and 111

ᐋᒃᑑᐸ 07, 2022 – ᐃᖃᓗᐃᑦ, ᓄᓇᕗᑦ

ᖃᐅᔨᒪᖁᔭᐅᔪᓯ ᑕᕝᕙᓴᐃᓐᓇᖅ ᑐᐊᕕᕐᓇᑐᒃᑯᑦ ᐃᒥᖃᖏᑎᑕᐅᓛᕐᓂᖏᓐᓂᑦ ᐱᖓᑦᓯᖅ, ᐋᒃᑑᐸ 12, 2022 ᐅᓪᓛᓂᑦ 9-ᒨᖅᐸᑦ 12-ᒧᓄᑦ ᐅᓪᓗᒃᑯᑦ.