ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓱᓇᓕᒫᓂᑦ ᐸᕐᓇᐅᑎ ᐊᒻᒪ ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᖅ ᐊᑐᐊᒐᓕᐅᕐᓂᖅ - ᐃᓱᒪᒋᔭᑎᑦ ᐅᖃᐅᓯᕆᒃᑭᑦ!
ᔮᓐᓄᐊᕆ 20, 2023 - ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᓄᑖᒥᑦ ᓱᓇᓕᒫᓂᑦ ᐸᕐᓇᐅᑎᒥᑦ ᐊᒻᒪ ᓄᓇᖁᑎᓄᑦ ᑭᓪᓕᓕᐅᕈᑎᓄᑦ ᒪᓕᒐᕋᓛᓕᐅᖅᐸᓪᓕᐊᓕᕐᒪᑕ, ᐊᒻᒪ ᓄᐊᑦᑎᕙᓪᓕᐊᓕᖅᑐᑎᒃ ᑕᒪᒃᑯᓂᖓ ᑎᑎᖅᑲᓂᑦ ᐊᑐᐊᒐᐅᓂᐊᖅᑐᓂᑦ ᖃᓄᖅ ᓄᓇᓕᐸᐅᔭᕗᑦ ᐱᕈᖅᐸᓪᓕᐊᓂᐊᕐᒪᖔᖅ ᐊᕐᕌᒍᓂ ᐊᕙᑎᓂ (20) ᓯᕗᓂᑦᑎᓃᑦᑐᓂ.
ᑕᑯᓐᓇᖕᖑᐊᒐᐅᔪᒧᑦ ᑎᑎᖅᑲᖅ ᓄᑖᒧᑦ ᐃᖃᓗᓐᓂ ᓱᓇᓕᒫᓂᑦ ᐸᕐᓇᐅᑎᑦᓴᖅ ᐱᖓᓲᔪᖅᑐᓂᑦ ᑕᑯᓐᓇᖕᖑᐊᒐᐅᔪᓂᑦ ᐅᖃᐅᓯᐅᓯᒪᔪᓂᑦ ᑎᑎᕋᕐᓯᒪᔪᖃᖅᑐᖅ. ᐊᑐᓂ ᐅᖃᐅᓯᐅᓯᒪᔪᑦ ᐃᓗᓕᖃᖅᑐᑦ ᐱᓪᓗᐊᑕᓂᑦ ᐱᓕᕆᐊᖑᔪᒪᓂᐊᖅᑐᓂᑦ ᐊᑐᐊᒐᐅᓂᐊᖅᑐᓂᑦ ᐊᒻᒪ ᖃᐅᔨᓴᐅᑎᐅᓗᑎᒃ ᖃᓄᐃᓕᐅᕈᑎᑦᑎᓐᓂᑦ. ᐊᑐᐊᒐᓕᐊᑦ ᑎᑎᖅᑲᑦᑕᖏᑦ ᐱᓪᓗᐊᑕᖏᓐᓂᑦ ᓇᐃᓈᕐᓯᒪᔪᓂᑦ ᐸᕐᓇᐅᑎᒍᑦ ᐱᔾᔪᑎᐅᔪᓂᑦ ᐱᑕᖃᕐᓂᐊᖅᑐᖅ ᐊᒻᒪ ᐊᑐᐊᒐᓕᐊᖑᖁᔭᐅᔪᓂᑦ ᑐᕌᖓᔪᓂᑦ ᐱᔾᔪᑎᐅᔪᓄᑦ.
ᐃᖃᓗᒻᒥᐅᑕᐃᑦ ᕿᒥᕐᕈᐊᖁᑦᑎᐊᖅᑕᕋᓗᐊᕗᑦ ᑖᒃᑯᓂᖓ ᑎᑎᖅᑲᓂᑦ ᐊᒻᒪ ᐃᓱᒪᒋᔭᑦᓯᓐᓂᑦ ᐅᕙᑦᑎᓐᓄᑦ ᐅᖃᐅᓯᖃᖁᓪᓗᒋᑦ ᐊᒻᒪ ᐃᓱᒪᓕᐅᕆᔾᔪᑎᑦᓯᓐᓂᑦ ᐱᓕᕆᔨᑦᑎᓐᓄᑦ. ᐅᖃᐅᓯᕆᔭᓯ ᐊᑐᖅᑐᒻᒪᕆᐅᓂᐊᖅᑐᑦ ᓇᓗᓇᐃᔭᖅᑕᐅᓕᕈᑎᒃ ᑕᑯᓐᓇᖕᖑᐊᒐᐅᔪᑦ ᑲᑎᒪᔨᓅᖅᑕᐅᓚᐅᖏᓐᓂᖏᓐᓂ.
ᑕᑯᔭᐅᔪᒪᒍᑎᒃ ᕿᒥᕐᕈᐊᖅᑕᐅᒋᐊᓖᑦ ᖃᕋᑕᐅᔭᒃᑯᑦ ᐅᕗᖓ ᐃᑭᐊᖅᑭᕕᒻᒨᖁᔪᖅ:
ᐃᓄᑦᑎᑑᖅᑐᑦ: https://iqaluit-general-plan-and-zoning-bylaw-1-1-republicurban.hub.arcgis.com/
ᖃᓪᓗᓈᑎᑑᖅᑐᑦ: https://iqaluit2022-republicurban.hub.arcgis.com/
ᐅᐃᕖᑎᑑᖅᑐᑦ: https://iqaluit-general-plan-and-zoning-bylaw-1-republicurban.hub.arcgis.com/
ᓇᓕᕐᒥᐅᑕᐃᑦ ᑎᑎᕋᕐᓯᒪᔪᓂᑦ ᑎᑎᖅᑲᓂᑦ ᐊᐃᑦᓯᕈᓐᓇᕐᒥᔪᑦ ᓄᓇᓕᐸᐅᔭᒃᑯᑦ ᐊᓪᓚᕝᕕᖓᓐᓂᑦ ᐃᓪᓗᒥ 1085.
ᐃᓘᓐᓇᑎᒃ ᐅᖃᐅᑎᑦᓴᐅᔪᑦ ᐅᑯᓄᖓ ᑐᕌᖓᒋᐊᓖᑦ:
ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᑎᓂᕐᒥᑦ ᐃᖅᑲᓇᐃᔭᕐᕕᒃ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᓪᓗ 901, ᑎᑎᖅᑲᖃᐅᑎᖓᑦ 460, ᐃᖃᓗᐃᑦ, ᓄᓇᕗᑦ X0A 0H0
ᐃᖕᖐᓇᖅᑎᖓᑕ ᑐᕌᕈᑎᖓᑦ: planning@iqaluit.ca
ᑐᑭᓯᒋᐊᒃᑲᓐᓂᕐᕕᑦᓴᖅ ᐃᖅᑲᓇᐃᔭᕐᓇᐅᑎᓪᓗᒍ ᐅᓪᓗᒃᑯᑦ ᖃᐅᔨᒋᐊᕐᓗᒍ:
ᔭᕗᕆ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᑎᔨᐅᑲᐃᓐᓇᖅᑐᖅ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | g.byrne@iqaluit.ca
