ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐱᒋᐊᕐᓗᑎᒃ ᔮᓐᓄᐊᕆ 25, 2022 ᕿᒻᒥᓄᑦ ᐅᔭᒦᑦ ᐊᑐᐃᓐᓇᐅᓂᐊᓕᕐᒪᑕ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐃᖅᑲᓇᐃᔭᕐᕕᖓᓐᓂᑦ ᐃᓪᓗᒥᑦ 901, ᖁᓛᓃᑦᑐᖅ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᐅᑉ, ᐅᓪᓗᒃᑯᑦ 9-ᒥᑦ 5-ᒧᓄᑦ, ᓇᒡᒋᔾᔭᐅᒥᑦ ᑕᓪᓕᒥᕐᒧᑦ.
ᓄᓇᓕᕐᒥᐅᑕᐃᑦ ᓇᓗᓇᐃᔭᐃᖁᔭᐅᔫᒐᓗᐊᑦ ᐆᒪᔪᖁᑎᖏᓐᓂᑦ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᓐᓄᑦ ᓇᓗᓇᐃᕐᓯᒪᖁᓪᓗᒋᑦ ᐊᓯᐅᔭᐅᓯᒪᔪᑦ ᐆᒪᔪᐃᑦ ᐃᓄᖏᓐᓅᖁᔭᐅᖃᑦᑕᖁᓪᓗᒋᑦ ᕿᓚᒥᐅᓂᕐᓴᖅ ᑎᒍᔭᐅᓐᓂᕈᑎᒃ ᕿᒻᒥᖏᑦ.
ᕿᒧᐊᓚᓂᒃ ᕿᒻᒥᖁᑎᓖᑦ ᕿᒻᒥᖁᑎᖏᓐᓂᑦ ᓇᓗᓇᐃᔭᐃᖁᔭᐅᓯᒪᒻᒥᔫᒐᓗᐊᑦ ᑖᓐᓇ ᐱᓕᕆᐊᑦᓴᖅ ᐊᑐᕐᓗᒍ, ᐊᒻᒪ ᐊᑭᓖᒋᐊᑐᒐᑎᒃ ᓇᓗᓇᐃᔭᐃᒍᑎᒃ.
##
ᓇᒡᒋᔾᔭᐅᒥ, ᔮᓐᓄᐊᕆ 24, 2022 ᐅᓪᓛᕈᓗᒃᑯᑦ 3-ᒨᖅᑎᓪᓗᒍ, ᐃᖃᓗᐃᑦ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑎᖏᑦ ᐅᐸᓚᐅᖅᑐᑦ ᐳᔫᖅᑐᖃᕐᓂᕋᐅᔪᖃᖅᑎᓪᓗᒍ ᓇᔪᒐᕐᒥᑦ ᑲᑎᖕᖓᔪᒥᑦ ᓈᓴᐅᑎᓕᓐᓂ 2200-ᓂᑦ ᓄᓇᓕᓐᓂ.
ᖃᑦᑎᕆᔩᑦ ᐅᐸᓚᐅᖅᑐᑦ ᐊᒻᒪ ᑐᐊᕕᐊᖃᖅᑐᑎᒃ ᐃᑯᐊᓚᔪᒥᑦ ᐊᓯᐊᓄᑦ ᓯᐊᒻᒪᐃᑎᑦᑎᓚᐅᖏᓪᓚᑐᖅᑐᑦ ᐃᑭᓚᐅᖅᑑᑉ.
ᐃᑯᐊᓚᒧᑦ ᐊᒻᒪ ᐃᒥᕐᒧᑦ ᓱᕋᑦᑕᐅᓚᐅᖅᑐᖅ ᐊᑕᐅᓯᖅ ᓇᔪᒐᖅ ᑭᓯᐊᓂᑦᑕᐅᖅ, ᒪᕐᕉᒃ ᖃᓂᒋᔭᖏᓐᓂᒃ ᓇᔪᒐᓖᒃ ᐊᒻᒪ ᐆᒪᔪᖁᑎᖓᑦ ᐃᓂᖃᕈᓐᓃᓚᐅᖅᑑᒃ ᖃᑦᑎᕆᔩᑦ ᓱᑎᒋᓂᖏᓐᓂᑦ ᐊᑦᑕᓇᖅᑐᒦᖁᓇᒋᑦ. ᐃᑯᐊᓚᒍᓐᓃᕐᒪᑦ, ᐊᒻᒪ ᐃᖃᓗᐃᑦ ᖃᑦᑎᕆᔨᒃᑯᖏᑦ ᐱᖁᑎᖃᕐᕕᒻᒥᑦ ᐊᑦᑕᓇᕐᓂᕋᐃᒍᓐᓃᕐᒪᑕ, ᓇᔪᒐᓖᒃ ᐅᑎᕈᓐᓇᕐᓯᓚᐅᖅᑑᒃ ᓇᔪᒐᕐᒥᓄᑦ.
ᓄᓇᓕᐸᔭᒃᑯᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᑰᒻᒥᔭᒥᑦ ᐃᒥᖅᑕᕕᑦᓴᖅ ᐅᓪᓗᒥ ᒪᑐᔭᐅᖑᓱᒻᒪᑦ 8-ᒨᖅᑲᑦ ᐅᓐᓄᒃ.
ᓱᓪᓗᓕᒃ ᐃᒥᓕᕆᔾᔪᑎᐅᔪᖅ ᐃᒥᕐᒥᒃ ᓴᓗᒻᒪᕐᓴᐃᕕᒻᒥ ᐱᒋᐊᖅᑎᑕᐅᓯᒪᓕᕐᒪᑦ, ᐊᒻᒪ ᑎᖅᑎᑎᑦᓯᖃᑦᑕᖁᔭᐅᓗᑎᒃ ᐃᒥᕐᒥᒃ ᒫᓐᓇᐅᔪᖅ ᓄᓇᓕᕐᒥᐅᑕᓂᑦ ᐃᒥᖃᖅᑎᑕᐅᕙᑦᑐᓂᑦ ᓱᓪᓗᓕᒃᑯᑦ ᐊᒻᒪ ᓄᓇᒃᑰᔫᒃᑯᑦ.
ᐃᒥᕆᔭᐅᓂᐊᖅᑐᓕᒫᑦᑎᐊᖅ ᑎᖅᑎᑎᑕᐅᒋᐊᖃᕐᓂᐊᖅᑐᖅ ᐅᑯᓄᖓ ᐊᑐᖅᑕᐅᓂᐊᕈᓂ:
•ᐃᒥᕆᔭᐅᓗᓂ.
•ᐱᐊᕋᕐᓄᑦ ᐊᒫᒪᓕᐅᕈᑎᐅᓗᓂ.
•ᔫᓯᓕᐅᕈᑎᐅᓂᐊᕈᓂ ᐊᒻᒪ ᓂᓚᓕᐅᕈᑎᐅᓗᓂ.
•ᐅᐊᓴᐅᑎᐅᓂᐊᕈᓂ ᐱᕈᖅᑐᒥᓂᕐᓂᒃ ᓰᕐᓇᖅᑐᓂᑦ ᐊᒻᒪ ᓰᕐᓇᖏᑦᑐᓂᑦ ᓂᕆᔭᑦᓴᓂᑦ.
•ᓂᖅᑎᐅᕈᑎᐅᓂᐊᕐᓗᓂ.
•ᑭᒍᑎᓯᐅᖅᑐᓄᑦ ᐃᕐᕉᑎᐅᓂᐊᖅᑎᓪᓗᒍ.
ᓄᓇᓕᕐᒥᐅᑕᐃᑦ ᖃᐅᔨᒪᖁᔭᐅᓕᕆᕗᑦ ᓱᓪᓗᓕᒃ ᐃᒥᕐᒧᑦ ᐊᑐᖅᑕᐅᓕᕐᒪᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒥ. ᓱᓪᓗᓕᒃ ᐊᑐᖅᑕᐅᒋᐊᓕᓚᐅᖅᑐᖅ ᐅᓐᓄᒃᑯᑦ ᔮᓐᓄᐊᕆ 19. ᓱᓪᓗᓕᒃ ᐃᒻᒪᐸᑦᑐᖅ ᐃᒥᖅᑕᕕᒻᒥᑦ ᑲᖕᖔᑎᑕᐅᕙᑦᑐᒥᑦ, ᖁᐱᕐᕈᐊᕐᔪᕋᓛᓂᑦ ᑐᖁᓴᐃᑎᓂᑦ ᐃᓚᐅᖅᑕᐅᓕᖅᑐᓂ ᐊᒻᒪ ᓱᓪᓗᓕᒃᑰᖅᑎᑕᐅᓕᖅᑐᓂ ᐃᒥᖃᖅᑎᑦᓯᔾᔪᑎᒧᑦ ᐊᖏᕐᕋᓄᑦ ᓄᓇᓯᐅᑎᒃᑯᑦ ᐊᒻᒪ ᓱᓪᓗᓕᒃᑯᑦ ᐃᒥᖃᖅᑎᑕᐅᕙᑦᑐᓄᑦ. ᑕᒪᓐᓇ ᐃᒥᖅ ᖄᖐᕙᑦᑐᖅ ᐃᓘᓐᓇᖏᓐᓂᑦ ᖁᐊᖅᑕᖅᑐᓂᑦ ᖃᑦᑕᓂᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒦᑦᑐᓂᑦ, ᐊᒻᒪ ᖃᐅᔨᓴᖅᑕᐅᖏᓐᓇᖅᑐᓂ ᓱᕈᓐᓇᖅᑐᖃᓕᖕᖏᒃᑲᓗᐊᕐᒪᖔᖅ ᐃᒥᖅ.
• ᐃᒥᖅ ᑎᖅᑎᑎᑕᐅᖁᔭᐅᔪᖅ ᐊᑐᖅᑕᐅᓚᐅᖏᓐᓂᖓᓂ ᒫᓐᓇᐅᓂᖓᓂ ᓄᓇᓕᕐᒥᐅᑕᓄᑦ ᓱᓪᓗᓕᒃᑯᑦ ᐊᒻᒪ ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᑦᑐᓂᑦ.
• ᐃᓘᓐᓇᑎᒃ ᐃᒥᓕᒫᑦᑎᐊᑦ ᑎᖅᑎᑎᑕᐅᖃᑦᑕᕆᐊᓖᑦ ᐅᑯᓄᖓ ᐊᑐᖅᑕᐅᓂᐊᕈᑎᒃ:
ᓄᓇᓕᐸᐅᔭᒃᑯᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐱᒋᐊᕐᓗᑎᒃ ᔮᓐᓄᐊᕆ 11, 2022 ᐃᑉᐱᒍᓱᑦᓯᐊᓂᒃᑯᑦ ᐆᒪᔪᖁᑎᖃᕐᓂᕐᒥᑦ ᒪᓕᒐᕋᓛᖅ No.796 ᑭᖑᕝᕕᖅᑕᐅᓚᐅᕐᒪᑦ ᓄᓇᓕᓐᓂ ᐆᒪᔪᓂᑦ ᐊᐅᓚᑦᑎᔾᔪᑎ ᒪᓕᒐᕋᓛᕐᒧᑦ No.924.
ᐊᓯᔾᔨᐅᑎᓪᓗᐊᑕᐅᔪᑦ ᐱᖃᓯᐅᔾᔭᐅᔪᑦ ᐆᒪᔪᓄᑦ ᓚᐃᓴᑖᕐᓂᖅ ᐊᑭᓖᒐᓂ, ᐱᖃᓯᐅᔾᔭᐅᒐᑎᒃ ᕿᒻᒦᑦ ᓇᓗᓇᐱᖅᑕᐅᓯᒪᔪᑦ ᐃᕐᓯᓇᕐᓂᖏᓐᓂᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑲᑐᔾᔨᖃᑎᖃᖅᑐᑎᒃ ᐋᓐᓂᐊᓇᖕᖏᑦᑐᓕᕆᔨᒃᑯᓐᓂᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐅᓪᓗᒥ ᐅᓐᓄᓴ 4-ᒨᖅᑎᓪᓗᒍ ᔮᓐᓄᐊᕆ 19-ᒥ, 2022 ᓄᓇᓕᐸᐅᔭᒃᑯᑦ ᓱᓪᓗᓕᒻᒥᑦ ᐊᑐᕆᐊᖑᓱᒻᒪᑕ. ᑕᒪᓐᓇ ᐱᓪᓗᒍ, ᓄᓇᓕᕐᒥᐅᑕᐃᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᔪᑦ ᐃᒥᕐᒥᒃ ᐃᒥᖅᑕᐅᓚᐅᖏᓐᓂᖓᓂ, ᓂᖅᑎᐅᕈᑎᐅᓚᐅᖏᓐᓂᖓᓂ ᐊᒻᒪ ᑭᒍᑎᓯᐅᕐᓗᑎᑦ ᐃᕐᕈᖅᑑᑎᒋᓚᐅᖏᓂᕐᓂ.
ᓈᑦᓯᐅᖑᔭᐅᑎᓪᓗᒍ, ᔮᓐᓄᐊᕆ 16, 2022 ᐅᓐᓄᓴᒃᑯᑦ 4:30-ᑎᓪᓗᒍ, ᐃᖃᓗᐃᑦ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑎᖏᑦ ᐅᐸᓚᐅᖅᑐᑦ ᐅᖄᓚᕕᐅᒐᒥᒃ ᐱᔾᔪᑎᖃᖅᑐᒧᑦ ᓂᖅᑎᐅᕐᕕᖓᓂᑦ ᐃᑭᓐᓂᕋᐃᔪᒧᑦ ᓇᔪᒐᖃᕐᕕᒻᒥ 900-ᓂᑦ ᓈᓴᐅᑎᓕᒻᒥᑦ.
ᖃᑦᑎᕆᔩᑦ ᐅᐸᓚᐅᖅᑐᑦ ᐊᒻᒪ ᕿᓚᒥᕈᓗᒃ ᖃᐅᔨᓚᐅᖅᑐᑦ ᓇᒦᒻᒪᖔᖅ ᐃᑭᑦᑐᖅ ᖃᒥᑕᐅᓵᖅᑐᓂ ᖃᓂᒋᔭᖏᓐᓄᑦ ᓇᔪᒐᕐᓄᑦ ᓯᐊᒻᒪᓚᐅᖏᓐᓂᖓᓂ. ᐱᔪᓐᓇᑦᑎᐊᓚᐅᕐᓂᖏᒃ ᐃᑭᑦᑐᖃᓕᖅᐸᑦ ᖁᖁᐊᕈᑎᖓᑦ ᐊᒻᒪ ᐃᒥᕐᒥᒃ ᑎᒻᒥᑳᓲᑦ ᐃᓪᓗᒥ ᐃᓪᓗᒦᑦᑐᓄᑦ ᐊᓯᖏᓐᓄᑦ ᓇᔪᒐᕐᓅᕈᓐᓇᕐᓯᓚᐅᖏᑦᑐᖅ ᐃᓄᖏᓐᓂᑦ, ᐊᒻᒪ ᓴᓂᓕᑦᑎᐊᖏᓐᓂᑦ ᓇᔪᒐᓕᓐᓂᑦ, ᐊᓂᓵᕈᓐᓇᖅᑎᑕᐅᓚᐅᖅᑐᑦ ᐃᓪᓗᒥᑦ.
ᐃᑭᐊᓚᔪᒧᑦ ᐊᒻᒪ ᐳᔪᕐᒧᑦ ᓱᕋᓚᐅᖅᑐᖅ ᑕᐃᓐᓇᑐᐊᖅ ᓇᔪᒐᖅ ᒪᕐᕉᓐᓂᒃ ᐃᓄᖃᓚᐅᖅᑐᖅ ᐊᒻᒪ ᐃᓄᖏᑦ ᐊᓯᐊᓅᕈᓐᓇᕐᓯᑎᑕᐅᓯᒪᓕᖅᑑᒃ.