ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐅᖃᐅᓯᑦᓴᖅ ᑲᑎᒪᔨᓂᒃ
ᖃᓄᐃᓕᐅᕈᑕᐅᓚᐅᖅᑐᖅ ᒪᐃᔭ ᐱᐊᓪ ᐱᖃᓯᐅᔾᔭᐅᓪᓗᓂ ᓄᓇᓕᐅᑉ ᓂᐅᕕᕐᕕᖓᓂ 
ᐊᐃᕆᓕ 29, 2022 – ᐃᖃᓗᐃᑦ, ᓄᓇᕗᑦ

ᑕᓪᓕᕐᒥᑕᐅᑎᓪᓗᒍ, ᐊᐃᕆᓕ 22, 2022, ᒪᐃᔭ ᐱᐊᓪ ᖃᓄᐃᓕᐅᕈᑕᐅᓚᐅᖅᑐᖅ ᓄᓇᓕᐅᑉ ᓂᐅᕕᕐᕕᖓᓂ. ᖃᓄᐃᓕᐅᕈᑕᐅᔪᒥᓂᐅᓚᐅᖅᑎᓪᓗᒍ, ᒪᐃᔭ ᐅᖃᐅᓯᖃᓚᐅᖅᑐᖅ ᐃᓄᓕᒫᓄᑦ ᓇᒻᒥᓂᖅ ᖃᕋᓴᐅᔭᒃᑯᑦ ᑎᑎᕋᖅᑐᓂᐅᒃ ᐃᓅᖃᑎᒌᒍᑎᖓᒍᑦ. ᒪᐃᔭ ᐅᖃᓚᐅᖅᑐᖅ ᑎᒥᒃᑯᑦ ᐋᓐᓂᖅᑕᐅᓚᐅᕐᖓᑦ ᐊᑭᒋᐊᓚᐅᖅᑐᓂᓗᒎᖅ ᓇᒻᒥᓂᖅ ᓴᐳᔾᔨᓂᕐᒧᑦ.

ᐅᖃᐅᓯᑦᓴᖅ ᒪᐃᔭ ᐱᐊᓪᒥᒃ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑖᑦᓯᓄᑦ ᐃᓄᑦᑕᐅᑎᓄᑦ ᐃᑭᒪᕙᑦᑐᑦ ᐊᑭᓕᐅᑎᒋᕙᑦᑕᖏᑦ ᖁᕝᕙᒋᐊᕐᓂᐊᖅᑐᑦ ᓈᑦᓯᐅᖑᔭᒥ, ᒪᐃ 1, 2022
ᐃᐳᕈ 29, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᓄᑖᖅ ᑖᑦᓯᓄᑦ ᐃᓄᑦᑕᐅᑎᓄᑦ ᐃᑭᒪᕙᑦᑐᓄᑦ ᐊᑭᓕᐅᑎᐅᕙᑦᑐᖅ ᓄᑖᖑᓛᓕᕐᒪᑦ $8.75-ᖑᓕᕐᓗᓂ ᐊᑐᖅᑕᐅᓕᓛᕐᒪᑦ ᓈᑦᓯᐅᖑᔭᒥ, ᒪᐃ 1, 2022.

ᐊᑭᓕᐅᑎᐅᕙᑦᑐᒧᑦ ᖁᕝᕕᒋᐊᕈᑎᐅᔪᖅ ᒪᓕᑦᑐᖅ ᑎᑎᕋᕐᓯᒪᔪᓂᑦ ᑖᑦᓯᓄᑦ ᐃᓄᑦᑕᐅᑎᓄᑦ ᒪᓕᒐᕋᓛᑉ ᑎᑎᕋᕐᓯᒪᓂᖏᓐᓂᑦ ᐊᓯᔾᔨᐅᑎᒥᑦ No. 926.

ᑐᑭᓯᒋᐊᒃᑲᓐᓂᕐᕕᑦᓴᖅ ᑕᒪᓐᓇ ᐱᓪᓗᒍ ᓄᓇᓕᐸᐅᔭᐃᑦ ᐃᖃᓗᐃᑦ ᐃᑭᐊᖅᑭᕕᖓᓐᓂ.

###

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᐅᒪᓕᒃ ᐊᑦᓯᕕᒻᒥ - ᑐᓴᕆᐊᖅᑎᑦᓯᔾᔪᑎ
ᐃᐳᕈ 29, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐱᓕᕆᖃᑎᖃᖅᑐᑦ ᓄᓇᓕᓐᓂ ᑳᓐᑐᕌᑎᒍᑦ ᐱᓕᕆᔨᓂᑦ ᓱᓇᒃᑯᑖᑦᓴᓂᑦ ᖃᓄᐃᓕᕕᐅᓯᒪᔪᒧᑦ, ᐃᑲᔫᑎᑦᓴᓂᑦ ᓄᖑᑎᑦᑎᓇᓱᐊᕈᑎᑦᓴᓂᑦ ᐊᐅᒪᓂᑦ.

ᐊᑦᓯᕕᒃ ᒪᑐᓯᒪᐃᓐᓇᓂᐊᖅᑐᖅ ᐅᓪᓛᖑᔪᖅ. ᑐᓴᖅᑎᑦᓯᑲᓐᓂᕋᔭᖅᑐᑦ ᒪᑐᐃᕋᔭᕐᓂᖓᓂᑦ ᖃᖓᒃᑯᑦ ᑐᓴᕋᑦᓴᖅ ᐊᑐᐃᓐᓇᐅᓕᑐᐊᖅᐸᑦ.

ᐊᑐᕆᐊᖅ ᐅᒥᐊᕐᔪᐊᓄᑦ ᑐᓚᑦᑕᕕᑦᓴᒧᑦ ᒪᑐᓯᒪᐃᓐᓇᖅᑎᑕᐅᓂᐊᖅᑐᖅ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᖁᓇᒋᑦ. ᖃᖓᒃᑯᑦ ᒪᑐᐃᕋᔭᕐᒪᖔᖅ ᑐᓴᖅᑎᑦᓯᓛᕐᒥᔪᑦ.

ᐃᑯᐊᓪᓚᐸᓪᓕᐊᖏᒃᑲᓗᐊᕐᒪᖔᖅ ᖃᐅᔨᓴᖅᑕᐅᖏᓐᓇᓂᐊᖅᑐᖅ ᐅᓪᓗᓄᑦ 7-ᓄᑦ.

ᓄᓇᓕᕐᒥᐅᑕᐃᑦ ᐃᖅᑲᐃᑎᑕᐅᓕᕆᕗᑦ ᐃᓛᒃᑰᖓᑎᑕᐅᖁᔭᐅᕙᑦᑐᑎᒃ ᖃᓄᐃᑦᑐᑐᐃᓐᓇᐃᑦ ᐹᑕᓖᒥᓃᑦ ᐱᐅᔪᓐᓃᖅᑐᑦ ᓴᓂᒃᑯᕕᒻᒧᑦ ᐃᓚᒋᔭᐅᕙᖕᖏᓪᓗᑎᒃ ᓴᓂᑐᐃᓐᓇᕐᓄᑦ ᐊᖏᕐᕋᒥᑦ. ᐹᖑᓅᖅᑕᐅᖁᑐᐃᓐᓇᖅᑐᑦ ᐊᑦᓯᕕᐅᑉ ᐹᑕᓖᒥᓃᑦ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐆᓇᖅᑐᖅ ᐊᒃᑕᕐᕕᖕᒥᑦ - ᓄᑖᖖᒍᕆᐊᖅᓯᒪᔪᖅ
ᐄᑉᐳᓗ 28, 2022 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᖃᑦᑎᕆᔭᖅᑐᓚᐅᖅᑐᑦ ᐊᑦᑕᕐᕕᖕᒥ 9:30-ᒥ ᐅᓐᓄᒃᑯᑦ ᐱᖕᒐᑦᓯᖅ ᐄᑉᐳᓗ 27-ᖕᒍᑎᓪᓗᒍ.

ᒥᑭᑦᑐᖅ 15ft x 15ft-ᒥᑦ ᐊᖕᒋᓂᓕᒃ ᓇᓗᓇᐃᖅᑕᐅᓚᐅᖅᑐᖅ. ᐃᖃᓗᖕᓂ ᖃᑦᑎᕆᔨᒃᑯᑦ ᐊᒻᒪᓗ ᐃᖅᑲᓇᐃᔭᖅᑐᓕᕆᔨᒃᑯᑦ ᐋᖅᑭᒋᐊᖅᓯᓚᐅᖅᑐᑦ ᓱᓪᓗᓕᖕᓂᑦ ᐊᒻᒪᓗ ᐃᒥᖅᑕᐅᑎ ᓴᖅᑭᑎᑕᐅᓇᓱᒃᑐᓂᑦ ᖃᓗᕋᐅᑎᒧᑦ ᐆᓇᖅᑐᖅ.

ᐃᖅᑲᓇᐃᔭᖅᑏᑦ ᐅᓐᓄᐊᓕᒫᖅ ᐱᓕᕆᓚᐅᖅᑐᑦ ᓱᓕ ᐱᓕᕆᔪᑦ ᓴᖅᑮᓇᓱᒃᑐᑎᒃ.

ᖃᐅᔨᓴᖅᑕᐅᔪᖅ ᖃᓄᖅ ᐃᑭᓕᕐᓂᕐᒪᖕᒑᖅ.

ᓄᓇᓖᑦ ᐃᖅᑲᐃᑎᒋᐊᖅᑕᐅᔪᖅ ᐊᕕᒃᓯᒪᑎᑦᑎᖃᑦᑕᖁᔭᐅᓪᓗᑎᒃ ᐊᔾᔨᒌᖖᒋᑦᑐᓂᒃ ᕚᑕᓖᓂᒃ ᐃᒡᓗᒥᐅᑕᐅᖃᑎᖕᒋᑕ ᓴᓂᖕᒋᓐᓂᒃ. ᐋᑕᐅᔪᓐᓇᖅᑐᑦ ᐊᑦᑕᕐᕕᐅᑉ ᐃᓯᕆᐊᕐᕕᖕᒐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖃᓂᒪᒌᑯᑎᖃᕆᐊᖃᓂᒻᒧᑦ ᒪᓕᒃᑕᐅᖁᔭᔪᑦ ᐊᒻᒪ ᒥᓕᒐᖅᖅᓯᒪᒋᐊᖃᒃᑎᑕᐅᓪᓗᑎᒃ ᓄᓇᓕᓕᕆᔨᒃᑯᑦ ᐃᒡᓗᖁᑎᖏᓐᓂ
ᐄᑉᐳᓗ 28, 2022 – ᐃᖃᓗᐃᑦ, ᓄᓇᕗᑦ

• ᓇᓗᓇᐃᒃᑯᑕᑦ ᖃᓂᒪᒌᑯᑎᖃᓂᒻᒧᑦ ᐊᑐᑎᑕᐅᒍᓐᓃᖅᑐᖅ ᐃᓄᓕᒪᑦ ᐃᓯᕆᐊᖃᑐᓄᑦ ᓄᓇᓕᓕᕆᔨᒃᑯᑦ ᐃᒡᓗᖁᑎᖏᓐᓄᑦ.
• ᐊᑐᓪᓗᓂ ᑮᓇᒻᒧᑦ ᒪᑐᐊᖅᓯᒪᒍᑎᒥᒃ (ᑐᑭᓕᐅᑎᓗᒍ ᒥᓕᒐᖅᖅᓯᒪᓂᖅ) ᐊᑐᖅᑕᐅᒋᐊᖃᒻᒪᑕ ᐃᓘᓐᓇᖏᓐᓂ ᐃᓄᓕᒫᓄᑦ ᓇᔪᖅᑕᐅᒍᓐᓇᖅᑐᓂ, ᐃᓗᐊᓂ ᓄᓇᓕᓕᕆᔨᒃᑯᑦ ᐃᒡᓗᖁᑎᖏᓐᓂ, ᐃᓯᕈᓐᓇᖅᑎᑕᐅᔪᓄᑦ ᐅᑭᐅᖃᓪᓗᑎᒃ 2 ᐊᒻᒪᓗ ᐊᖅᕌᒍᒃᑭᐅᓂᖅᓴᐅᔪᓄᑦ.

ᓄᓇᓕᐸᐅᔭᖓ ᐃᖃᓗᐃᑦ ᐅᖃᐅᔨᒋᐊᕈᒪᒻᒪᑕ ᓄᓇᓕᓂᒥᐅᑕᓐᓂᒃ ᒪᕐᕉᒃ ᐱᖁᔨᕗᖔᕈᑎᒃ ᑲᔪᓯᑎᑕᐅᓚᐅᒻᒪᑎᒃ ᐃᖃᓗᐃᑦ ᓄᓇᓕᐸᐅᔭᖓᑕ ᑲᑎᒪᔨᖏᓐᓂᒃ ᓄᓇᓕᐸᐅᔭᒃᑯᑦ ᑲᑎᒪᔨᖏᑕ ᑲᑎᒪᓂᖓᓂ ᓈᓴᐅᑎᖓ #11 ᐊᐃᑉᐱᕐᒥ, ᐊᐃᕆᓕ 26-ᖓᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᐱᕐᖓᓵᒃᑯᑦ ᐊᑐᕆᐊᑦ ᑭᓪᓕᖏᓐᓂᑦ ᐃᓯᕐᓴᓕᐅᕐᓂᖅ ᑰᕝᕕᑦᓴᓂᑦ ᐊᒻᒪ ᑰᕝᕕᓐᓂᑦ ᓱᓪᓗᓕᓐᓂᑦ ᓂᓚᐃᔭᐃᓂᖅ ᐱᒋᐊᖅᑐᑦ
ᐃᐳᕈ 27, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᓴᓇᔪᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐱᒋᐊᕐᓯᒪᓕᕐᒥᒻᒪᑕ ᐅᐱᕐᖓᓵᒃᑯᑦ ᐊᑐᕆᐊᑦ ᑭᓪᓕᖏᓐᓂᑦ ᐃᓯᕐᓴᓕᐅᕆᓂᕐᒥᑦ ᐊᒻᒪ ᑰᕝᕕᓐᓂᑦ ᓱᓪᓗᓕᓐᓂᑦ ᓂᓚᐃᔭᐃᕙᓪᓕᐊᓪᓗᑎᒃ.

ᖃᐅᔨᒪᖁᔭᐅᕗᓯ ᖃᒧᑕᐅᔭᓄᑦ ᐊᖅᑯᑏᑦ ᐱᐅᓗᐊᕈᓐᓃᕐᒪᑕ ᒫᓐᓇᐅᔪᖅ, ᑕᐃᒪᐃᓐᓂᖏᓐᓄᑦ ᖃᐅᔨᓴᑦᑎᐊᕐᔫᒥᖃᑦᑕᖁᔭᐅᕗᓯ.

ᐊᒻᒪᑦᑕᐅᖅ, ᐃᖅᑲᐃᑎᒋᐊᖃᑦᑕᕐᓯᐅᒃ ᕿᑐᕐᖓᓯ ᓱᑐᐃᓐᓇᕐᒥᑦ ᓄᓇᑦᑎᓐᓂ ᐃᒪᖃᕐᓂᖏᑦ ᐃᑎᔪᑲᓪᓚᕈᓘᑲᐃᓐᓇᖑᓱᒻᒥᒻᒪᑕ.

###

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᖅᑯᑎ ᒪᑐᓯᒪᔪᖅ - ᐃᒥᖅᑕᕐᕕᒃ 1
ᐄᑉᐳᓗ 27, 2022 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖃᐅᔨᒪᖁᔨᕗᑦ ᐊᖅᑯᑎᒥᒃ ᒪᑐᓯᒪᓂᐊᖅᑐᒥᒃ. ᐃᒡᓗᓕᒃ ᐊᖅᑯᑎ, ᐃᒥᖅᑕᕐᕕᒃ 1-ᒨᖕᒐᔪᖅ, ᒪᑐᓯᒪᓂᐊᖅᑐᖅ ᓴᓇᔭᐅᓂᐊᕐᓂᖕᒐᓄᑦ (ᐊᑖᓃᑦᑐᖅ ᓄᓇᖖᒍᐊᖅ).

ᒪᑐᓯᒪᓂᕆᓂᐊᖅᑕᖕᒐ ᐱᒋᐊᕐᓂᐊᖅᑐᖅ ᓯᑕᒻᒥᖅ, ᐄᑉᐳᓗ 28 ᐊᒻᒪᓗ ᒪᑐᐃᒃᑲᓐᓂᕈᒫᖅᑐᖅ ᒪᐃ 12, 2022. ᓇᓗᓇᐃᖅᓯᔪᖃᓛᖅᑐᖅ ᒪᑐᐃᒃᑲᓐᓂᓛᓕᖅᐸᑦ.

ᓄᓇᓕᖕᒥᐅᑦ ᑕᒫᓂ ᐊᖕᒋᕐᕋᓖᑦ ᓱᓕ ᐊᖕᒋᕐᕋᕈᓐᓇᕐᓂᐊᖅᑐᑦ.

ᓄᓇᓕᐸᐅᔭᒃᑯᑦ ᒪᒥᐊᑉᐳᑦ ᐊᑲᐅᖖᒋᓕᐅᕈᑎᑕᖃᖅᐸᑦ ᐊᒻᒪᓗ ᖁᔭᓕᓪᓗᑎᑦ ᑐᑭᓯᔪᓄᑦ.

###

ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᓇᐅᑎᓪᓗᒍ ᑐᑭᓯᒋᐊᕐᕕᒋᔪᓐᓇᖅᑕᐃᑦ: