ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-12 ᐊᐅᓚᑦᑎᔨ ᓴᓇᓯᒪᔪᓕᕆᔨ – 18−ᓄᑦ ᑕᖅᑭᓄᑦ ᐃᖅᑲᓇᐃᔮᖑᑲᐃᓐᓇᖅᑐᖅ
ᐃᖅᑲᓇᐃᔮᔅᓴᖅ
ᐊᐅᓚᑦᑎᔨ ᓴᓇᓯᒪᔪᓕᕆᔨ – 18−ᓄᑦ ᑕᖅᑭᓄᑦ ᐃᖅᑲᓇᐃᔮᖑᑲᐃᓐᓇᖅᑐᖅ
ᓄᓇᓕᐸᐅᔭᒃᑯᑦ ᕿᓂᖅᑐᑦ ᐱᔪᓐᓇᕐᓂᖃᖅᑐᓂᑦ ᐃᖅᑲᓇᐃᔮᑖᕋᓱᐊᓂᕐᒧᑦ ᐃᖅᑲᓇᐃᔮᔅᓴᒧᑦ ᐊᐅᓚᑦᑎᔨᒧᑦ ᓴᓇᓯᒪᔪᓕᕆᔨ. ᓄᓇᓕᐊᐅᔭᒃᑯᑦ ᐱᔪᓐᓇᓂᐊᕐᒥᔪᑦ ᐱᔪᒪᔾᔪᑎᓂᑦ ᐊᐃᐱᖅᑕᐅᓯᒪᔪᒧᑦ ᐃᖅᑲᓇᐃᔭᖅᑎᓄᑦ ᐱᓕᕆᐊᒧᑦ ᐊᐅᓚᑦᑎᔨᓂᑦ ᑎᒥᐅᔪᓂᑦ ᐃᓐᓄᑦᑕᐅᓗᓂ ᑖᓐᓇ ᐃᖅᑲᓇᐃᔮᔅᓴᖅ.
ᐊᖏᔪᖅᑳᖃᖅᑐᓂ ᓴᓇᔪᓕᕆᔨᒃᑯᓐᓂᑦ ᐊᒻᒪ ᓴᓇᓯᒪᔪᓕᕆᓂᕐᒥᑦ ᓴᓇᓯᒪᓂᖏᓐᓄᑦ ᐃᓗᓕᖏᑦ ᓄᓇᓕᒻᒧᑦ ᐱᖁᑎᐅᔪᑦ ᑎᑭᑦᑎᓗᑎ ᐱᑕᖃᕆᐊᖃᖅᑎᑕᐅᔪᓂᑦ ᓄᓇᓕᐸᐅᔭᒃᑯᓐᓂᑦ, ᐊᒻᒪ ᐃᑲᔪᖃᑦᑕᖅᑐᖅ ᐱᔨᑦᑎᖅᑕᐅᔪᓂᑦ ᐊᐅᓚᓕᖃᑦᑎᐊᕐᓗᑎ ᐊᒻᒪ ᑮᓴᐅᔭᖅᑐᓗᐊᖏᑎᓪᓗᒋᑦ. . ᑕᕗᖓ ᑎᑭᑦᑐᒍ, ᐊᐅᓚᑦᑎᔨᐅᔪᖅ:
- ᑲᒪᒋᔭᖃᖅᑐᖅ ᐊᒻᒪ ᐊᐅᓚᑦᑎᓪᓗᓂ ᓴᓇᔭᐅᔪᓂᑦ ᐊᒻᒪ ᓴᓇᓯᒪᓂᖏᓐᓄᑦ ᐱᓕᕆᐊᓂᑦ;
- ᐱᓕᕆᖃᑎᖃᖅᑐᖅ ᐊᑐᐊᒐᓕᐅᖅᑎᓂᑦ ᑎᒥᐅᔪᓂᑦ ᒪᓕᓐᓂᖃᑦᑎᐊᕋᓗᐊᕐᒪᖔᑕ ᒪᓕᒐᕐᓂᑦ;
- ᕿᒥᕐᕈᖃᑕᐅᕙᑦᑐᖅ ᐸᕐᓇᐅᑎᓂᑦ ᓄᑖᓄᑦ ᐱᕙᓪᓕᐊᑎᑕᐅᔪᓄᑦ;
- ᐊᐅᓚᑦᑎᔪᖅ ᐱᔪᓐᓇᐅᑎᑖᖅᑎᑦᑎᕙᓪᓕᐊᓂᕐᒥᑦ ᐊᑦᑐᐊᓂᓖᑦ ᐱᔨᑦᑎᖅᑕᓄᑦ ᑲᓱᖅᑎᑕᐅᓂᖏᓐᓄᑦ/ᑭᐅᓂᖏᓐᓄᑦ. ᐊᑐᕆᐊᑦ ᐃᓚᖏᑦ ᒪᑐᔭᐅᓂᖏᑦ ᐊᒻᒪ, ᒪᑐᔭᐅᓂᖏᑦ, ᖃᓄᐃᑦᑐᑐᐃᓐᓇᐃᓪᓗ ᐃᖅᑲᓇᐃᔮᖑᔪᑦ ᓄᓇᓕᐸᐅᔭᒃᑯᓐᓄᑦ ᐱᖁᑎᕐᔪᐊᖏᓐᓄᑦ; ᐊᒻᒪ
- ᖃᐅᔨᓴᖃᑦᑕᖅᑐᖅ ᒫᓐᓇᐅᔪᒥᑦ ᐃᖅᑲᓇᐃᔮᖑᕙᓪᓕᐊᔪᓂᑦ ᐊᒻᒪ ᓄᑖᓂᑦ ᐃᖅᑲᓇᐃᔮᔅᓴᓕᐅᖅᑐᓂ ᐱᐅᓯᑎᒋᐊᖅᑐᒍ ᐱᔨᑦᑎᕐᓂᐅᔪᖅ ᓴᓇᔪᓕᕆᔨᒃᑯᓐᓄᑦ.
ᐃᓚᒋᐊᕐᓗᒍ, ᐊᐅᓚᑦᑎᔨ ᓴᓇᓯᒪᔪᓕᕆᔨ ᓂᕆᐅᒋᔭᐅᔪᖅ ᐊᔪᖏᓐᓂᖃᓂᒃᑯᑦ ᐃᓱᒪᒋᔭᖃᕐᓗᓂ ᐃᓱᒪᓕᐅᖃᑦᑕᕐᓗᓂ ᐊᒻᒪ ᐃᓱᒪᖅᓲᑎᖏᑦ ᐃᖅᑲᓇᐃᔮᖑᔪᓕᒫᓂᑦ ᐊᒻᒪ ᐱᓕᕆᖃᑎᖃᖅᑐᓂ ᐊᓯᖏᓐᓂ ᓄᓇᓕᐸᐅᔭᒃᑯᑦ ᐱᓕᕆᕕᖏᓐᓂᑦ, ᓄᓇᓕᒻᒥᐅᑕᓂᑦ, ᑲᑐᔾᔨᖃᑎᒌᓂᑦ, ᓇᒻᒥᓂᖃᖅᑐᓂᑦ ᑎᒥᐅᔪᓂᑦ, ᓯᓚᑖᓃᖔᖅᑐᓂᑦ ᑎᒥᐅᔪᓂᑦ, ᐊᒻᒪ ᓄᓇᕗᒻᒥ ᒐᕙᒪᑐᖃᒃᑯᓂᓪᓗ ᐱᔪᓐᓇᐅᑎᓕᓐᓂᑦ. ᐊᐅᓚᑦᑎᔨ ᐃᖅᑲᓇᐃᔭᖅᑎᖃᖅᑐᖅ ᒪᕐᕉᓐᓂᒃ ᐱᓕᕆᐊᓕᕆᔩᓐᓂᒃ ᐃᖅᑲᓇᐃᔮᓐᓂᒃ. ᑖᓐᓇ ᐃᖅᑲᓇᐃᔮᔅᓴᖅ ᐱᖃᓯᐅᑎᓯᒪᖏᑦᑐᖅ ᐊᖏᕈᑎᒥᑦ ᐊᒻᒪ (18) ᑕᖅᑭᓄᑦ ᐃᖅᑲᓇᐃᔮᖑᑲᐃᓐᓇᓂᐊᖅᑐᖅ ᐅᖓᕐᕙᕆᐊᖅᑕᐅᑐᐃᓐᓇᕆᐊᖃᖅᑐᓂ.
ᐱᔪᓐᓇᕐᓂᕆᒋᐊᓕᖏᑦ:
- ᐱᔭᕇᖅᓯᓯᒪᓗᓂ ᓯᓚᑦᑐᓴᕐᕕᒃᔪᐊᒥᑦ ᓇᓗᓇᐃᒃᑯᑕᒥᑦ ᓴᓇᓯᒪᔪᓕᕆᓂᕐᒥᑦ ᐅᕝᕙᓘᓐᓃᑦ ᐊᑦᑐᐊᓂᓕᓐᓂᑦ
- ᑕᓪᓕᒪᓂᑦ 5 ᐊᕐᕌᒍᓂᑦ ᐃᖅᑲᓇᐃᔭᖃᑦᑕᕋᑖᖅᓯᒪᓗᓂ ᑲᒪᔨᐅᑦᑎᐊᖅᓯᒪᓗᓂ ᐊᒻᒪ ᐊᐅᓚᑦᑎᓂᕐᒥᑦ ᓴᓇᔭᐅᔪᓂᑦ ᐱᓕᕆᐊᓂᑦ ᐊᐅᓚᑦᑎᓂᕐᒥᓘᓐᓃᑦ ᐊᐅᓚᓂᖏᓐᓂᑦ ᑲᑐᔾᔨᖃᑎᒌᖃᖅᑐᓂᑦ. ᓄᓇᓕᓐᓄᑦ, ᓄᓇᕗᒻᒧᑦ, ᑲᓇᑕᒥ ᐊᕕᑦᑐᖅᓯᒪᔪᓄᑦ, ᓴᓇᔪᓕᕆᔨᒃᑯᑦ ᐅᕝᕙᓘᓐᓃᑦ ᒥᕐᖑᐃᓯᕐᕕᓄᑦ.
- ᖃᕋᓴᐅᔭᓕᕆᔪᓐᓇᕐᓗᓂ Microsoft office suite (Outlook, excel, word).
- ᓇᓗᓇᐃᖅᓯᓯᒪᓗᓂ ᐱᕙᓪᓕᐊᑎᑦᑎᖃᑦᑕᓂᕐᒧᑦ, ᐊᑭᑦᑐᕋᐅᑎᑎᑦᑎᓂᕐᒧᑦ ᐊᒻᒪ ᐊᐅᓚᑕᐅᓂᖏᓐᓄᑦ ᑳᓐᓄᕌᑦ ᐊᑭᑐᔪᓄᑦ ᐱᖁᑎᓄᑦ ᐊᒻᒪ/ᐅᕝᕙᓘᓐᓃᑦ ᐱᖁᑎᔪᐊᓄᑦ ᐊᑦᑐᐊᓂᓕᓐᓄᑦ ᐱᓕᕆᐊᓄᑦ ᑮᓇᐅᔭᖃᖅᑎᑕᐅᔪᑦ ᐃᓄᓐᓄᑦ ᑲᑐᔾᔨᖃᑎᒌᓄᑦ.
- ᓇᓗᓇᐃᖅᓯᓯᒪᓗᓂ ᑎᑎᕋᖃᑦᑕᓂᕐᒥᑦ ᐊᒻᒪ ᑎᑎᕋᓂᕐᒥᑦ ᐅᓂᒃᑳᓂᑦ ᐊᒻᒪ ᓇᓗᓇᐃᔭᐃᓂᕐᒧᑦ ᐊᑐᑐᔅᓴᓂᑦ ᐊᒻᒪ ᐊᑭᖏᓐᓄᑦ ᒥᔅᓴᐅᓴᑦᑕᐅᔪᓂᑦ ᐊᑦᑐᓂᓖᑦ ᓴᓇᔭᐅᔪᓄᑦ ᐱᓕᕆᐊᓄᑦ.
- ᐱᓯᒪᑦᑎᒋᐊᓕ ᖁᕝᕙᓯᓐᓂᖓ 5 ᐊᖁᑦᑐᖅᓯᐅᒻᒥ ᓚᐃᓴᓐᓯᒥᑦ.
ᐃᓕᓐᓂᐊᖅᓯᒪᓂᖓ, ᐊᔪᖏᓐᓂᖏᑦ ᐊᒻᒪ ᖃᐅᔨᒪᔭᖏᑦ:
- ᐱᔭᕇᖅᓯᓯᒪᓂᖅ ᓯᓚᑦᑐᓴᕐᕕᒃᔪᐊᒥᑦ ᓇᓗᓇᐃᒃᑯᑕᒥᑦ ᐃᓄᓐᓄᑦ ᓴᓇᓯᒪᔪᓕᕆᓂᕐᒥᑦ ᐃᓚᒍᑕᖃᕐᓗᓂ ᐃᓕᓐᓂᐊᖅᓯᒪᓂᕐᒥᑦ ᐊᐅᓚᑦᑎᓂᕐᒧᑦ ᐊᐅᓚᓂᖏᓐᓄᑦ, ᐃᓄᓐᓂᑦ ᐊᐅᓚᑦᑎᓂᖅ, ᐱᓕᕆᐊᒥᑦ ᐊᐅᓚᑦᑎᓂᕐᒥᑦ ᐊᒻᒪ/ᐅᕝᕙᓘᓐᓃᑦ ᓯᕗᓕᖅᑎᐅᖃᑦᑕᖅᓯᒪᓗᓂ ᐊᔾᔨᐸᓗᖏᓐᓂᓘᓐᓃᑦ.
ᐱᔾᔪᑎᒋᓪᓗᒍ ᐱᓕᕆᐊᕆᔭᕆᐊᖃᕐᓂᖓ ᐃᖅᑲᓇᐃᔮᔅᓴᒧᑦ, ᐃᖅᑲᓇᐃᔮᑖᖅᑐᖅ ᑐᓂᓯᔭᕆᐊᓕᒃ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᓯᒪᓂᖓᓄᑦ.
ᑮᓇᐅᔾᔭᔅᓵᖓ ᐱᒋᐊᕐᓂᖃᖅᑐᖅ ᐃᖅᑲᓇᐃᔭᖃᑦᑕᖅᓯᒪᓂᖓᓄᑦ. ᓄᓇᓕᐸᐅᔭᒃᑯᑦ ᐃᖃᓗᐃᑦ ᐱᐅᔪᓂᑦ ᐃᑲᔫᓯᐊᖅᑎᑎᒻᒥᔪᑦ ᑲᑎᓱᖅᓯᒪᔪᓂᑦ ᐊᒻᒪ ᑲᑎᓱᖅᓯᒪᔪᓂᑦ ᐃᑲᔫᓯᐊᓂᑦ.
ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐃᓕᓐᓂᐊᖅᓯᒪᔭᑎᓪᓗ ᐅᕗᖓ ᑐᓂᓗᒋᑦ:
ᖃᐅᔨᒋᐊᕐᕕᖓ #2017-12
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᓕᐸᐅᔭᖓᑦ ᐃᖃᓗᐃᑦ
ᑎᑎᖅᑲᒃᑯᕕᖓ 460
ᐃᖃᓗᐃ, ᓄᓇᕗᑦ, X0A 0H0
hr@city.iqaluit.nu.ca
ᓱᑲᔪᒃᑯᑦ (867) 979 5210
ᐊᐱᖅᓱᖅᑕᐅᓂᐊᖅᑐᑐᐊᑦ ᖃᐅᔨᒋᐊᕐᕕᐅᓂᐊᖅᑐᑦ.
ᒪᓕᑦᑐᒍ ᐃᓚᖓ 23 ᓄᓇᕗᒻᒥ ᓄᓇᑖᕈᒻᑦ ᐊᖏᕈᒻᒥ, ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᓄᓇᑖᖃᑕᐅᓯᒪᔪᑦ ᑎᑭᑦᑎᔪᑦ ᐋᖅᑭᔅᓯᒪᓂᖏᓐᓄᑦ.
