ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒋᐊᖃᖏᓐᓂᖏᓐᓂᑦ ᑲᑎᒪᔨᕋᓛᑦ ᑲᑎᒪᓂᖓᑦ ᑏᓰᐱᕆ 2, 2021 ᑭᖑᕙᕆᐊᖅᑕᖅ
ᐃᓚᒋᔭᐅᓗᓂ ᓄᓇᓕᓐᓂ ᑐᐊᕕᕐᓇᖅᑐᑕᖃᓕᕐᓂᖓᓂᑦ, ᐊᒻᒪ ᐱᓕᕆᖃᑕᐅᖏᓐᓇᕐᓂᖏᓐᓂᑦ ᐱᖕᖑᐊᖅᑐᓕᕆᔨᒃᑯᑦ ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᑐᐊᕕᕐᓇᖅᑐᓕᕆᓂᕐᒧᑦ, ᐱᖕᖑᐊᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐊᓯᖏᓐᓂᑦ ᑎᓕᔭᐅᓯᒪᓕᖅᑐᑦ.
ᑕᐃᒪᐃᓐᓂᖏᓐᓂᑦ, ᐱᒋᐊᕐᓗᑎᒃ ᐱᖓᑦᓯᕐᒥ, ᑏᓰᐱᕆ 1:
• ᐃᓘᓐᓇᑎᒃ ᐊᑐᖅᑐᐊᐸᑦᑐᑦ ᐊᓐᓂᑭᑦᑐᕐᕖᓐᓂᒃ, ᓯᕿᖕᖑᔭᒃᑯᑦ ᐊᑯᓐᓂᖏᓐᓂ ᐅᓪᓛᒃᑯᑦ 8-ᒥᓂᑦ 5-ᒧᓄᑦ, ᓇᒡᒋᔾᔭᐅᒥᑦ ᑕᓪᓕᒥᕐᒧᑦ, ᓄᖅᑲᖅᑎᑕᐅᑲᐃᓐᓇᖅᑐᑦ. ᐊᑐᖅᑐᐊᖅᑕᐅᕙᑦᑐᑦ ᐅᓐᓄᒃᑯᑦ 5 ᐅᖓᑖᓂ ᐅᕝᕙᓘᓐᓃᑦ ᓈᑦᓯᐅᖑᔭᓛᕐᓂᐊᓂ ᐊᒻᒪ ᓈᑦᓯᐅᖑᔭᓂ ᐊᑦᑐᖅᑕᐅᖏᑦᑐᑦ.
• ᐃᖃᐃᓕᓴᕐᕕᒃ ᒪᑐᓯᒪᓂᐊᖅᑐᖅ ᐃᓘᓐᓇᖏᓐᓄᑦ ᐅᐸᑐᐃᓐᓇᐸᑦᑐᓄᑦ ᐊᒻᒪ ᓯᕗᓂᐊᒍᑦ ᐊᑎᓕᐅᕐᓯᒪᔪᓄᑦ ᐱᓕᕆᐊᑦᓴᓄᑦ.
ᐱᔨᑦᓯᕋᖅᑏᑦ ᐊᑐᖅᐸᑦᑐᓄᑦ ᖃᐅᔨᒋᐊᖅᐸᓂᐊᖅᑐᑦ ᐊᒻᒪ ᐅᐸᑉᐸᑦᑐᓄᑦ ᐱᔾᔪᑎᖃᕐᓗᑎᒃ ᐃᓯᕈᑎᓕᓐᓂᑦ, ᓇᓪᓕᐅᒃᑯᒫᓕᓐᓂᑦ ᐊᒻᒪ ᐅᑎᖅᑎᑦᑎᓂᕐᒥᑦ ᐊᑭᓕᐅᑎᒥᓂᕐᓂᒃ.
ᑕᒪᒃᑮᒃ ᐱᖕᖑᐊᕐᕕᐊᓗᒻᒥ ᐊᒻᒪ ᐳᐃᔾᔪᕋᕐᕕᖃᕐᕕᒻᒦᐸᑦᑐᑦ ᐱᔨᑦᓯᕋᖅᑏᑦ ᒪᑐᓯᒪᓂᐊᖅᑐᑦ ᑭᒃᑯᑐᐃᓐᓇᕐᓄᑦ, ᑭᓯᐊᓂ ᐃᕐᖐᓇᖅᑕᐅᑎᖏᑦ ᐊᒻᒪ ᐅᖄᓚᐅᑎᖏᑦ ᖃᐅᑕᒫᑦ ᖃᐅᔨᓴᖅᑕᐅᕙᓐᓂᐊᖅᑐᑦ. ᐃᖅᑲᓇᐃᔭᖅᑏᑦ ᑭᐅᓇᓱᐊᖅᐸᓂᐊᖅᑐᑦ ᐊᐱᖅᑯᑎᓕᒫᓂᑦ ᐅᓪᓘᓐᓂ ᒪᕐᕉᓐᓂ ᐊᔪᕐᓇᖏᑉᐸᑦ. ᒫᓐᓇᐅᔪᕐᓕ, ᐱᖕᖑᐊᖅᑐᓕᕆᔨᒃᑯᑦ ᐊᑐᕈᒪᓂᐊᖅᑐᓂᑦ ᐱᖕᖑᐊᕐᕕᓐᓂᑦ ᐊᑎᓕᐅᖅᑎᑦᑎᖃᑦᑕᖏᑲᐃᓐᓇᖅᑐᑦ.
ᐳᐃᔾᔪᕋᕐᕕᖃᕐᕕᒃ ᒪᑐᐃᖓᐃᓐᓇᖅᑐᖅ ᓱᓕ ᐲᑕ ᓂᕆᕕᕋᓛᕐᒨᐸᑦᑐᓄᑦ.
ᒪᒥᐊᓇᐅᒐᓗᐊᖅ ᐊᑲᐅᖏᓕᐅᕈᑎᓂᑦ ᓴᖅᑭᖅᑐᓂᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᓇ:
ᐊᓕᒃᓯ ᑳᒧᕋᓐ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ
867-979-5607| a.cameron@iqaluit.ca
