ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᐃᒥᕐᒥᒃ ᓴᓗᒻᒪᕐᓴᐃᕕᒃ ᐱᔨᑦᓯᕋᐅᑎᐅᓕᕐᒥᔪᖅ - ᐃᐳᕈ 25
ᓄᓇᓕᐸᐅᔭᐃᑦ ᐃᖃᓗᐃᑦ ᐃᒥᕐᒥᒃ ᓴᓗᒻᒪᕐᓴᐃᕕᖓᑦ ᐱᔨᑦᓯᕋᐅᑎᐅᓛᓕᕐᒥᔪᖅ ᐅᓪᓛᖓᓂ ᐃᐳᕈ 25, ᓇᒡᒋᔾᔭᐅᓕᖅᑭᕐᒥ. ᐱᒋᐊᕐᓗᓂ 8-ᒥ ᐅᓪᓛᒃᑯᑦ ᐃᐳᕈ 25, ᐃᓘᓐᓇᑎᒃ ᓄᓇᓕᐸᐅᔭᐃᑦ ᐃᖃᓗᐃᑦ ᐃᒥᖃᖅᑎᐸᑦᑕᖏᑦ ᐃᒥᕐᒥᒃ ᑎᖅᑎᑎᑦᓯᖁᔭᐅᓯᒪᓂᐊᖅᑐᑦ. ᑕᒪᒃᑮᑦ ᓄᓇᒃᑰᔫᒃᑯᑦ ᐊᒻᒪ ᓱᓪᓗᓕᒃᑯᑦ ᐃᒥᖃᖅᑎᑕᐅᕙᑦᑐᑦ ᑎᖅᑎᑎᑦᓯᒋᐊᖃᑲᐃᓐᓇᓂᐊᖅᑐᑦ.
ᐱᔾᔪᑎᐅᓗᓂ ᐃᒥᖅ ᐊᖏᔪᑲᓪᓚᒃ ᖃᐅᔨᓴᖅᑕᐅᕙᓐᓂᐊᕐᓂᖓ, ᐃᒥᕐᒥᒃ ᑎᖅᑎᑎᑦᓯᒋᐊᖃᖅᐸᓂᐊᖅᑐᑦᓴᐅᔪᑦ ᐱᓇᓱᐊᕈᓯᓕᒫᒧᑦ.
ᓯᕗᓪᓖᓐᓂ ᐅᓪᓘᓐᓂ ᒪᕐᕉᓐᓂᒃ ᐃᒥᖅ ᖃᓄᐃᓐᓂᖓ ᐱᓪᓗᒍ ᐊᓯᔾᔨᔭᖕᖒᕆᔭᐅᖏᑦᑐᖅ, ᐃᒥᕆᔭᐅᕙᑦᑐᖅ ᑭᖑᕝᕕᖅᑕᐅᕙᓪᓕᐊᑎᓪᓗᒍ ᓴᓗᒻᒪᓴᕐᓯᒪᔪᒧᑦ ᐃᒥᕐᒧᑦ ᓴᓗᒻᒪᕐᓴᐃᕕᒻᒦᖔᐸᓪᓕᐊᔪᒥᑦ.
ᐅᑯᐊ ᐅᓪᓘᒃ ᒪᕐᕉᒃ ᐊᓂᒍᓚᐅᖅᑎᓪᓗᒋᒃ, ᓄᓇᓕᕐᒥᐅᑕᐃᑦ ᖃᐅᔨᒃᑲᔭᖅᑐᑦ ᐃᒥᐅᑉ ᑎᐱᖓ ᖃᓄᐃᒍᓐᓃᐸᓪᓕᐊᑎᓪᓗᒍ ᐊᒻᒪ ᓇᑭᖅᐸᓪᓕᐊᓕᕐᓗᓂ ᑯᕕᑎᑕᐅᑎᓪᓗᒍ, ᑲᖕᖔᑎᑦᓯᔾᔪᑎᐅᔪᑦ ᐱᕙᓪᓕᐅᑎᓕᖅᐸᓪᓕᐊᓕᖅᐸᑕ.
ᐃᓛᓐᓂᒃᑯᑦ ᓄᓇᓕᕐᒥᐅᑕᐃᑦ ᐃᑉᐱᒍᓱᔾᔫᒥᕙᓐᓂᐊᑐᑦᓴᐅᕗᑦ ᐲᕐᓴᐅᑎᓱᓐᓂᓕᐅᒥᒐᐃᑉᐸᑦ ᐃᒥᖅ. ᑕᒪᓐᓇ ᓂᕆᐅᓇᖅᑐᖅ, ᐃᓚᐅᖅᑕᐅᕙᑦᑐᖅ ᐱᐅᓯᑎᑕᐅᕙᓪᓕᐊᓂᖓᓄᑦ ᑕᐃᒪᐃᑉᐸᓂᐊᖅᑐᖅ.
ᐊᕐᕌᒍᑕᒫᑦ ᐃᒪᐃᓕᕋᐃᒻᒪᑦ ᐅᓪᓗᕐᓯᐅᑎᒍᑦ ᐊᐳᑦ ᐊᐅᑉᐸᓪᓕᐊᓕᖅᐸᓐᓂᖓ ᐱᓪᓗᒍ ᐃᒥᖅᑕᕐᕕᒃ ᐃᒻᒪᐸᓪᓕᐊᓕᖅᐸᒻᒪᑦ. ᓄᓇᓕᕐᒥᐅᑕᐃᑦ ᖃᓄᖅᑑᕐᓯᒪᖁᔭᐅᓂᐊᓕᕐᒥᔪᑦ ᐃᒥᕐᒥᒃ ᐱᐅᕐᓱᐊᑲᓐᓂᖁᔭᐅᓗᑎᒃ. ᓇᑯᕐᒦᒃ ᐅᑕᖅᑭᑦᓯᐊᕐᓂᐊᕐᒥᒐᑦᓯ ᐅᑎᖅᐸᓪᓕᐊᓕᕐᒥᑎᓪᓗᑕ ᐃᒥᕗᑦ ᓴᓗᒻᒪᑎᑕᐅᕙᓪᓕᐊᓕᕐᒥᑎᓪᓗᒍ.
ᐃᒥᕐᒥᒃ ᑎᖅᑎᑎᑦᓯᖁᔭᐅᓂᖏᓐᓂᑦ, ᓄᓇᓕᐸᐅᔭᒃᑯᑦ ᐃᒥᖅᑕᐅᓂᐊᖅᑐᓂᑦ ᑎᖅᑎᑎᑕᐅᖃᑦᑕᖁᓪᓗᒋᑦ ᐅᐊ ᒪᓇᒥ.
ᐅᑯᓄᖓ ᐊᑐᖅᑕᐅᓂᐊᖅᑐᖅ ᐃᒥᖅ ᑎᖅᑎᑎᑕᐅᖃᑦᑕᕆᐊᓕᒃ:
· ᐃᒥᖅᑕᐅᓂᐊᕈᓂ;
· ᐱᐊᕋᕐᓄᑦ ᐊᒫᒪᓕᐅᕈᑎᐅᔪᑦ;
· ᐃᒥᒐᑦᓴᓕᐊᖑᓂᐊᖅᑐᑦ ᐊᒻᒪ ᓂᓚᑲᓪᓚᓐᓂᑦ;
· ᐱᕈᖅᑐᒥᓂᕐᓂᒃ ᐃᕐᕈᖅᑑᑎᐅᓂᐊᖅᑐᖅ;
· ᓂᖅᑎᐅᕈᑎᐅᓂᐊᖅᑐᖅ; ᐅᕝᕙᓘᓐᓃᑦ
· ᑭᒍᑎᓯᐅᕈᑎᐅᓂᐊᖅᑐᖅ.
ᐃᒥᖅ ᑎᖅᑎᑎᑕᐅᒍᓐᓇᖅᑐᖅ ᐅᒃᑯᓯᒻᒥ ᐅᕝᕙᓘᓐᓃᑦ ᑏᓕᐅᕈᑎᒥ ᐃᒐᐅᑉ ᖄᖓᓃᓪᓗᒍ ᐅᕝᕙᓘᓐᓃᑦ ᑲᑉᐳᔭᖅᑐᒧᑦ ᑎᖅᑎᑎᕈᑎᒧᑦ ᐃᖕᒥᓂᒃ ᖃᒥᒍᓐᓇᖏᑦᑐᒧᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᓴᖅᑮᓛᕐᒥᔪᑦ ᐃᓄᖕᓄᑦ ᑐᓴᕋᑦᓴᒥᑦ ᐃᒥᕐᒥᒃ ᑎᖅᑎᑎᑦᓯᒋᐊᑐᒍᓐᓃᖅᐸᑕ ᐅᖃᐅᔾᔭᐅᓯᒪᔪᑦ ᐃᒥᕐᒥᒃ ᑎᖅᑎᑎᑦᓯᒋᐊᖃᕐᓂᖏᓐᓂᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ: ᑭᐊᓐᑦ ᑐᕆᔅᑰᓪ - ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᓯᔨ 867-222-8502 k.driscoll@iqaluit.ca
