ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᒥᖅᑕᖅᑕᐅᓂᕐᒧᑦ, ᐱᔨᑦᑎᕋᖅᑕᐅᓂᕐᒧᓪᓗ ᐊᒻᒪᓗ ᐃᒥᕐᒥᒃ ᑎᖅᑎᑎᑦᑎᖃᑦᑕᕐᓂᕐᒧᑦ ᑐᓴᖅᑎᑦᑎᒋᐊᕈᑎ - ᐅᓐᓄᓴᒃᑯᑦ
ᕖᕝᕗᐊᕆ 5, 2023
ᐃᒪᖃᓕᖅᑐᖅ ᑕᒻᒫᑎᕐᕕᒃ. ᒫᓐᓇᐅᓕᖅᑐᖅ ᐃᒪᖃᖅᑐᐃᓐᓇᐅᓕᖅᑐᑦ.
ᓴᓇᔪᓕᕆᔨᒃᑯᑦ ᒫᓐᓇ ᖃᐅᔨᓴᖅᑲᑕᒃᑐᑦ ᐊᒻᒪᓗ ᐊᑲᐅᖖᒋᓕᐅᕈᑎᐅᔪᓂᑦ ᐋᖅᑭᒃᓯᕙᓪᓕᐊᓪᓗᑎᑦ ᑭᓈᓗᖃᐅᑎᓄᑦ, ᐅᓗᕆᐊᓇᖅᑐᖅᑕᖃᖁᓇᒍ. ᓴᓇᒻᒥᔪᑦ ᒪᕐᕉᖕᓂᒃ ᕿᕐᓛᖅᑐᓂᑦ ᓱᓪᓗᓕᖕᓂᑦ ᐃᒪᖃᐅᑎᓄᑦ. ᐃᒥᕐᒥᒃ ᐱᐅᖅᓱᐊᕆᔅᓯ.
ᐃᖃᓗᐃᑦ ᒫᓐᓇ ᐅᔾᔨᖅᓱᖁᔨᔪᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓪᓗᑎᑦ ᓱᓪᓗᓕᒃᑯᑦ ᐃᒪᖃᓲᓂᑦ. ᖃᐅᒃᐸᑦ ᐱᒋᐊᕐᓗᓂ, ᑕᒪᒃᑭᒃ ᓱᓪᓗᓕᒃᑯᑦ ᐃᒪᖃᓲᑦ ᐊᒻᒪᓗ ᐃᒥᖅᑕᖅᑕᐅᓲᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᔪᑦ.
ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕈᓐᓃᕐᓂᖅ ᐊᑐᕈᓐᓃᓛᖅᑐᖅ ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᑦ ᖃᐅᔨᓴᖅᑳᓚᐅᖅᑎᓪᓗᒋᑦ. ᐃᖃᓗᖕᓂ ᓄᓇᓕᐸᐅᔭᒃᑯᑦ ᓴᖅᑭᑦᑎᓛᖅᑐᑦ ᑐᓴᒐᒃᓴᕐᒥᒃ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕈᓐᓃᖅᐸᑕ.
ᓄᓇᒃᑰᕈᑎᒃᑯᑦ ᐃᒥᖅᑕᖅᑕᐅᕙᒃᑐᑦ ᐃᖕᒋᕐᕋᓯᓛᖅᑐᑦ ᐱᒋᐊᕐᓗᓂ ᓇᒡᒐᔾᔭᐅ ᕖᕝᕗᐊᕆ 6, 2023.
ᓴᓇᔪᓕᕆᔨᒃᑯᑦ ᖁᔭᓐᓇᒦᖅᑐᑦ ᐃᖃᓗᐃᑦ ᓄᓇᖅᑲᑎᒌᖕᒋᓐᓂᒃ ᐱᖃᓐᓇᕆᔭᖕᒋᓐᓂᓪᓗ, ᑕᐃᒃᑯᐊ ᐋᑦᑎᓚᐅᖅᑐᑦ ᑳᐱᖅᑕᐅᓂᐊᖅᑐᓂᑦ ᐃᖅᑲᓇᐃᔭᖅᑎᓄᑦ ᓂᒡᓚᓱᒃᑐᐊᓘᑎᓪᓗᒍ. ᓴᓇᔪᓕᕆᔨᒃᑯᑦ ᖁᔭᓕᒻᒥᔪᑦ ᓄᓇᕗᑦ ᖃᓗᕋᖅᑎᒃᑯᖕᒋᓐᓄᑦ ᐃᑲᔪᕐᓂᖕᒋᓐᓄᑦ ᓄᓇᓕᐸᐅᔭᒃᑯᑦ ᐃᒪᖃᓕᕐᓂᖕᒋᓐᓄᑦ.
ᐊᑐᖅᑐᐊᖅᑕᐃᑦ ᐃᒡᓗ ᐃᒪᖃᖖᒋᑉᐸᑦ, ᐊᑐᖅᑐᐊᕐᕕᒋᔭᑦ ᐅᖃᐅᑎᔭᕆᐊᖃᖅᑕᐃᑦ ᖃᐅᔨᒋᐊᖅᑎᑦᑎᔪᓐᓇᕐᓂᐊᕐᒪᑕ ᑳᓐᑐᕌᒃᓕᕆᔨᖕᒋᓐᓂᑦ.
ᓇᖕᒥᓂᖃᖅᑎᐅᒍᕕᑦ, ᐃᒪᖃᖖᒋᓪᓗᓯᓗ, ᑳᓐᑐᕌᒃᑕᐅᓲᓄᑦ ᐅᖃᕆᐊᖃᖅᑐᑎᑦ ᖃᐅᔨᒋᐊᖅᑕᐅᓂᐊᕐᒪᑦ. ᓇᖕᒥᓂᖃᖅᑎᐅᔪᑦ ᐅᑎᖅᑎᑦᑎᕕᐅᓇᓱᒍᓐᓇᖅᑐᑦ ᓄᓇᓕᐸᐅᔭᒃᑯᑎᒍᑦ ᐅᕘᓇ https://www.iqaluit.ca/content/filing-claim.
ᐃᖃᓗᐃᑦ ᓱᓕ ᐅᔾᔨᖅᓱᖁᔭᐅᔪᑦ ᐃᒥᕐᒥᓪᓗ ᑎᖅᑎᑎᑦᑎᖃᑦᑕᕆᐊᓖᑦ ᑕᐃᒃᑯᐊ ᓱᓪᓗᓕᒃᑯᑦ ᐃᒪᖃᖅᐸᒃᑐᑦ.
ᐃᒥᖅ ᑎᖅᑎᑎᒋᐊᓕᒃ ᐅᑯᓂᖕᒐ ᐊᑐᕐᓂᐊᖅᑎᓪᓗᑎ:
- ᐃᒥᕐᓂᐊᕐᓗᒍ;
- ᓄᑕᕋᓛᓄᑦ ᐃᒻᒧᓕᐅᕐᓂᐊᕐᓗᑎᑦ;
- ᐃᒥᒐᒃᓴᓕᐅᕐᓂᐊᕐᓗᑎᑦ ᓂᓚᓕᐅᕐᓗᑎᓗ;
- ᐃᕐᕈᕐᓂᐊᕐᓗᒋᑦ ᐱᕈᖅᑐᕕᓃᑦ;
- ᓂᕿᓕᐅᕈᑎᒋᓂᐊᕐᓗᒍ; ᐅᕝᕙᓘᓐᓃᑦ
- ᑭᒍᑎᓯᐅᕐᓂᐊᕐᓗᑎᑦ.
ᐃᒥᖅ ᑎᖅᑎᑎᑕᐅᔪᓐᓇᖅᑐᖅ ᐅᒃᑯᓯᒃᑯᑦ ᑏᓕᐅᕈᑎᒃᑯᓪᓘᓐᓃᑦ ᐃᒐᒥ ᐅᕝᕙᓘᓐᓃᑦ ᑲᑉᐳᑎᔭᕆᐊᓕᖕᓄᑦ ᐃᒻᒥᓂᒃ ᓄᖅᑲᖅᑕᐅᑎᖃᖖᒋᑦᑐᓄᑦ.
##
ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᕕᒋᒋᐊᕐᓗᒍ ᓲ ᐊᐃᕗᕆ ᓴᓇᔪᓕᕆᔨᒃᑯᓐᓄᑦ ᑎᑎᕋᖅᑎ ᐃᖃᓗᖕᓂ 867-979-5630 | s.avery@iqaluit.ca
ᐅᖃᐅᓯᖃᕆᐊᖃᕈᕕᑦ ᐃᒥᐅᑉ ᒥᒃᓵᓄᑦ (ᕿᕐᓛᖅᑐᖃᖅᐸᑦ ᐃᒪᖃᖖᒋᑦᑐᖅᑕᖃᖅᐸᓪᓘᓐᓃᑦ) ᐃᖅᑲᓇᐃᔭᕐᓇᐅᑎᓐᓇᒍ ᓄᓇᓕᐸᐅᔭᒃᑯᑦ ᐅᖄᓚᕕᐅᔪᓐᓇᖅᑐᑦ 867-979-5650
