ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ ᐃᖃᓗᒻᒥᐅᑕᓕᒫᑦ
ᖃᐅᔨᒪᖁᔭᐅᓕᕆᕗᒍᑦ ᐃᒥᖃᖏᑲᐃᓐᓇᓂᐊᕋᑦᑕ ᐃᖃᓗᒻᒥᐅᑕᓕᒫᑦᑎᐊᑦ ᐱᖓᑦᓯᕐᒥ, ᓰᑏᐱᕆ 01, 2021 ᐱᒋᐊᕐᓗᑎᒃ ᐅᓪᓛᒃᑯᑦ 8-ᒥᑦ ᐅᓐᓄᓴᒧᑦ 4-ᒧᑦ ᑭᖑᕝᕕᖅᑕᐅᓛᕐᒪᑕ ᑯᕕᓯᔾᔪᑎᒻᒪᕆᖏᑦ ᐃᒥᓕᕆᔾᔪᑎᐅᔪᑦ. ᐱᓕᕆᐊᖑᒐᔭᖅᑐᑦ ᓇᓗᓇᐃᕐᓯᒪᒍᒪᓪᓗᒋᑦ ᑯᕕᓯᔾᔪᑎᖏᑦ ᕿᔾᔭᓪᓗᕋᑦᓴᐅᖏᓐᓇᖁᓪᓗᒋᑦ ᑕᐃᒪᐃᒋᐊᖃᕋᒥᒃ ᐃᖅᑲᓇᐃᔭᖅᑎᓄᑦ ᓇᓗᓇᐃᖅᑕᐅᔪᓐᓇᓂᕐᓴᐅᖁᓪᓗᒋᑦ ᖃᖓᑐᐃᓐᓇᒃᑯᑦ ᓇᐅᒃᑯᑐᐃᓐᓇᖅ ᐊᒻᒪᖅᑐᖃᕐᓂᖅᐸᑦ ᓱᓪᓗᓕᐅᑉ ᐃᓚᖓᓂᑦ ᖃᖓᑐᐃᓐᓇᒃᑯᑦ ᐃᒥᖃᖏᑎᑕᐅᑲᐃᓐᓇᖅᑐᖃᖅᑎᓪᓗᒍ ᓄᓇᓕᓐᓂ.
ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: ᐃᓘᓐᓇᑦᑎᐊᑎᒃ ᐃᖃᓗᒻᒥᐅᑕᐃᑦ (ᑕᐃᒃᑯᐊ ᓄᓇᒃᑰᔫᓄᑦ ᐃᒻᒪᑦᑕᐅᕙᑦᑐᑦ ᐃᒻᒪᑦᑕᐅᖃᑦᑕᓛᖏᒻᒥᔪᑦ ᐃᒥᖃᖏᑲᐃᓐᓇᖅᑎᑕᐅᑎᓪᓗᒍ ᐃᖃᓗᐃᑦ).
ᓄ
ᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓛᕐᒥᔪᑦ ᐃᓘᓐᓇᑦᑎᐊᖏᓐᓂᑦ ᓄᓇᓕᕐᒥᐅᑕᓂᑦ, ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᖕᖏᑐᐊᕈᑎᒃ.
ᓄᓇᓕᐸᐅᔭᒃᑯᑦ ᐊᑐᖁᔨᔪᑦ ᐃᓘᓐᓇᖏᓐᓂᑦ ᐃᒥᖅᑕᐅᓂᐊᖅᑐᓂᑦ ᐊᒻᒪ ᑭᒍᑎᓯᐅᕈᑎᐅᓂᐊᖅᑐᓂᑦ ᑎᖅᑎᑎᑦᑎᖃᑦᑕᖁᔭᐅᓛᖅᑐᑦ 1 ᒪᓇᒧᑦ. ᐃᒥᖅ ᑎᖅᑎᑎᑕᐅᔪᓐᓇᖅᑐᖅ ᐅᒃᑯᓯᒻᒦᑎᓪᓗᒍ ᐃᒐᐅᑉ ᖄᖓᓂ, ᓂᓪᓕᑎᑕᐅᓗᓂ ᒪᑐᓕᒻᒥᑦ ᐃᒥᒃᑯᕕᖃᕐᓗᓯ ᐊᒻᒪ ᐃᒥᖅᑕᐅᔪᓐᓇᕐᓯᓗᓂ ᓂᓪᓕᓇᖅᑐᒃᑯᕕᒻᒦᑎᑉᐸᓪᓗᒍ ᐊᑐᕐᓂᐊᑐᐃᓐᓇᕐᓗᒍ. ᓄᓇᓕᕐᒥᐅᑕᐃᑦ ᓯᕗᓂᐊᒍᑦ ᐃᒥᑦᓴᒥᓂᒃ ᐅᐸᓗᖓᐃᕐᓯᒪᖁᔭᐅᓛᕐᒥᔪᑦ ᐊᑲᐅᖏᓕᐅᕈᑎᓕᐅᓗᐊᖁᓇᒋᑦ ᐃᒥᖃᖏᑲᐃᓐᓇᑎᓪᓗᒍ ᐃᖃᓗᐃᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑭᒃᑯᑐᐃᓐᓇᕐᓂᑦ ᑐᓴᖅᑎᑦᑎᓛᕐᒥᔪᑦ ᑎᖅᑎᑎᑦᑎᒋᐊᑐᒍᓐᓃᖅᐸᑕ ᐃᒥᕐᒥᒃ.
ᑐᑭᓯᒋᐊᒃᑲᓐᓂᕐᕕᑦᓴᖅ ᐃᖅᑲᓇᐃᔭᕐᓇᐅᓂᖓᓂ ᐅᕙᖕᖓᑦ:
ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
S.Avery@iqaluit.ca | 867-979-5630
ᐅᖃᐅᓯᖃᕈᒪᒍᕕᑦ ᑐᐊᕕᕐᓇᖅᑐᒥᑦ ᐃᒥᓕᕆᔪᒥᑦ (ᓱᓪᓗᓕᒻᒥᑦ ᐊᒻᒪᖅᑐᖃᕐᓂᖅᐸᑦ ᐅᕝᕙᓘᓐᓃᑦ ᐳᓪᓚᖃᖏᓗᐊᖅᐸᑦ)
ᐃᖅᑲᓇᐃᔭᕐᓇᐅᒍᓐᓃᑎᓪᓗᒍ ᖃᐅᔨᒋᐊᖁᔪᑦ ᐅᑯᐊ: ᓄᓇᓕᐸᐅᔭᒃᑯᑦ ᑭᐅᔨᖏᑦ 867-979-5650
