REC-LGSI-1117 ᐳᐃᔾᔪᕋᖅᑐᓂᑦ ᐅᐊᑦᓯᔨᒥᑦ/ᐳᐃᔾᔪᕋᕆᐅᕐᓴᖅᑎᑦᓯᔨᒥᑦ

ᐃᖅᑲᓇᐃᔭᖅᑎᓄᑦ/ᐃᖅᑲᓇᐃᔭᖅᑎᐅᖏᑦᑐᓄᓪᓗ ᓯᑎᒃᑯᓐᓂ ᐃᖅᑲᓇᐃᔮᑦᓴᖅ ᒪᑐᐃᖓᔪᖅ - ᑕᖅᑭᓄᑦ  (7)

ᐳᐃᔾᔪᕋᖅᑐᓂᑦ ᐅᐊᑦᓯᔨᒥᑦ/ᐳᐃᔾᔪᕋᕆᐅᕐᓴᖅᑎᑦᓯᔨᒥᑦ

ᐊᖏᔪᖅᑳᖃᕐᓗᓂ ᐳᐃᔾᔪᕋᐅᑎᓂᑦ ᐱᓕᕆᐊᑦᓴᓕᕆᔨᒥᑦ, ᐅᐊᑦᓯᑦᓴᖅ/ᐃᓕᓴᐃᔨᑦᓴᖅ ᖃᐅᔨᓴᖅᑎᐅᔪᖅ ᐊᒻᒪ ᐊᐅᓚᑦᓯᔨᐅᓗᓂ ᖃᓄᐃᓕᐅᕈᑎᐅᔪᓂᑦ, ᐊᑦᑕᓇᑦᑕᐃᓕᒪᐅᑎᓂᑦ, ᐱᓕᕆᔨᑦᓯᐊᕙᐅᓗᓂ ᐱᔨᑦᓯᕋᖅᑕᒥᓄᑦ ᐊᒻᒪ ᖃᐅᔨᓴᖅᑎᐅᓗᓂ ᓴᓗᒪᐃᓐᓇᕋᓗᐊᕐᒪᖔᖅ ᐳᐃᔾᔪᕋᕐᕕᐅᑉ ᐃᓗᐊ.  ᐅᐊᑦᓯ / ᐃᓕᓴᐃᔨ ᖃᐅᔨᓴᖅᑎᐅᔪᖅ ᐳᐃᔾᔪᕋᕐᕕᒻᒨᐸᑦᑐᓂᑦ ᐃᖅᑲᓇᐃᔭᕐᓂᕐᒥᓂ ᐊᒻᒪ ᐃᓱᒪᕐᓴᕐᓯᐅᖅᑎᐅᓗᓂ ᓯᓚᑦᑑᓂᒃᑯᑦ ᐅᐊᑦᓯᐅᓂᕐᒥᓂ ᐊᒻᒪ ᐃᓕᓴᐃᔨᐅᓂᕐᒥᓂ.  ᐊᔾᔨᒌᖏᑦᑐᓂᑦ ᐃᓕᓴᐃᕙᒃᑲᔭᖅᑐᑦ ᐳᐃᔾᔪᕋᐅᑎᓂᑦ ᐊᒻᒪ ᐳᐃᔾᔪᕋᖅᑐᓂᑦ ᐃᑲᔪᖅᑕᐅᒋᐊᖃᖅᑐᖃᓕᕐᓂᖅᐸᑦ ᐃᑲᔪᖅᑎᐅᓗᓂ ᖃᐅᔨᒪᓗᓂᒋᑦ ᐃᑲᔫᑎᒋᔭᕆᐊᓕᓂ ᐋᓐᓂᕐᓯᒪᔪᓂᑦ.

ᐱᓯᒪᒋᐊᓖᑦ:

• ᑲᓇᑕᒥ ᐳᐃᔾᔪᕋᕐᕕᒻᒥ/ᐃᒫᓂ ᐅᐊᑦᓯᐅᓂᕐᒧᑦ ᐱᔾᔪᓯᐊᕐᓯᒪᓗᓂ

• ᐊᕐᕌᒍᖃᕆᐊᓕᒃ 17-ᓂᑦ ᐊᖏᔪᑦᑎᐅᓗᓂᓘᓐᓃᑦ

• ᐳᐃᔾᔪᕋᖅᑐᓂᑦ ᐃᓅᓕᑦᓯᔩᑦ ᑲᑐᔾᔨᖃᑎᒌᖏᓐᓄᑦ ᐳᐃᔾᔪᕋᐅᑎᓂᑦ ᐃᓕᓴᐃᔨᐅᓂᖅ

• ᒪᑦᑐᓯᑦᓰᑦᓯᐊᓂᕐᒥᑦ ᐃᓕᓐᓂᐊᕐᓯᒪᒋᐊᓕᒃ ᐊᒻᒪ ᐊᓂᖅᑎᕆᔪᓂᑦ ᐃᑲᔪᕋᓲᑎᓂᑦ (c)

• ᐃᖅᑲᓇᐃᔭᕐᕕᓐᓂ ᐅᓗᕆᐊᓇᖅᑐᓂᑦ ᓴᓂᓕᕆᓂᖅ

• ᐃᔨᖏᑦ ᑕᑯᓐᓇᑦᓯᐊᕆᐊᓖᑦ; ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᓇᓗᓇᐃᕐᓯᕕᐅᔪᒪᓂᐊᖅᑐᑦ ᐃᓯᖏᑦ ᑕᑯᓐᓇᑦᓯᐊᕋᓗᐊᕐᒪᖔᑕ ᓇᓗᓇᐃᒃᑯᑎᖃᕐᓗᑎᒃ 20/25 ᒥᑭᓛᒃᑯᑦ

• ᐱᓕᕆᔪᓐᓇᕆᐊᓕᒃ ᐊᑐᕐᓗᒋᑦ ᐊᑐᐊᒐᖏᑦ ᑲᓇᑕᒥ ᐅᐊᑦᓯᔩ ᐳᐃᔾᔪᕋᕐᕕᓐᓂ.

ᐃᓕᓐᓂᐊᕐᓯᒪᖁᒥᓇᖅᑐᑦ, ᐱᓕᒻᒪᑦᓴᐅᑏᑦ ᐊᒻᒪ ᖃᐅᔨᒪᔭᐅᖁᔭᐅᔪᑦ:

• ᐱᔭᕇᕐᓯᒪᓗᓂ ᒍᓚᐃᑦ 10 ᐃᓕᓐᓂᐊᕈᑎᓂᑦ

• ᐊᓯᒥᓂᒃ ᐃᖅᑲᓇᐃᔭᖃᑎᖃᕈᓐᓇᑦᓯᐊᕐᓗᓂ.

• ᐃᓅᖃᑎᖃᕈᓐᓇᑦᓯᐊᕐᓗᓂ ᑭᒃᑯᑐᐃᓐᓇᕐᓂᒃ.

• ᐊᖑᒻᒪᑎᓯᒪᔪᓐᓇᕆᐊᓕᒃ ᐱᓕᒻᒪᑦᓴᐅᑎᓂᑦ ᐃᓕᓐᓂᐊᕈᑎᖏᓐᓂᑦ ᐱᔭᕇᕈᑎᑖᕆᐊᓕᓐᓂᑦ

• ᐃᖅᑲᓇᐃᔭᕈᓐᓇᕆᐊᓕᒃ ᖃᖓᑐᐃᓐᓇᒃᑯᑦ ᐅᓪᓗᒃᑯᓪᓗ, ᐅᓐᓄᒃᑯᑦ ᐊᒻᒪ ᐱᓇᓱᐊᕈᓰᑦ ᓄᖕᖑᖏᓐᓂ ᐊᒻᒪ ᐊᓯᐊᑕ ᐃᑲᕐᕋᖏᓐᓂᑦ ᑕᐅᕐᓰᖃᑎᖃᓚᐅᖅᐸᓪᓗᓂ.

• ᖃᐅᔨᒪᒋᐊᓕᒃ ᐱᓕᕆᖃᑕᐅᓚᐅᕐᓯᒪᓗᓂᓗ ᐊᒥᓱᓄᑦ.

 ᐅᑯᐊ ᐱᔾᔪᓯᐊᖑᓯᒪᑉᐸᑕ ᐱᕙᓪᓕᐅᑎᒻᒪᕆᓐᓂᐊᖅᑐᑦ:

• ᐳᐃᔾᔪᕋᕐᕕᓐᓂᑦ ᐊᐅᓚᑦᓯᔾᔪᓰᑦ ᐃᓕᓐᓂᐊᕈᑎ 1, ᒪᑦᑐᓯᑦᓰᑦᓯᐊᕈᑎᓂᑦ ᐊᒻᒪ ᐊᓂᖅᑎᕆᔪᓂᑦ ᐃᑲᔪᕋᓲᑎᓂᑦ ᐃᓕᓴᐃᔨᐅᓂᕐᒧᑦ, ᕼᐊᐃ ᕙᐃ ᐃᓕᓐᓂᐊᕈᑎ ᐱᔭᕇᕐᓯᒪᓗᒍ, ᐳᐃᔾᔪᕋᖅᑎᓂᑦ ᐃᓕᓴᐃᔨᐅᓯᒪᓂᕐᒧᑦ ᐊᔾᔨᒌᖏᑦᑐᓂᑦ, ᑲᓇᑕᒥ ᐃᓕᓐᓂᐊᕈᑎᒻᒪᕆᒃᑯᑦ ᐃᓕᓴᐃᔨᐅᓂᒃᑯᑦ ᐃᓕᓐᓂᐊᕈᑎ 1-ᑯᑦ.

ᐱᔾᔪᑎᒋᓪᓗᒍ ᐃᖅᑲᓇᐃᔮᑦᓴᐅᑉ ᖃᓄᐃᑦᑑᓂᖓ, ᐃᖅᑲᓇᐃᔭᖅᑎᑖᖑᔪᖅ ᐃᖅᑲᖅᑐᐃᕕᑎᒍᑦ ᖃᓄᐃᓕᔭᐅᓯᒪᖏᓂᕐᒥᓂᒃ ᓇᓗᓇᐃᒃᑯᑎᑖᕆᐊᓕᒃ ᐸᓖᓯᒃᑯᓐᓂᑦ ᓇᓗᓇᐃᕐᓯᒪᓗᒍᓗ ᐊᑎᖅᑲᑎᖃᕐᓂᕐᒥᑦ ᐃᖅᑲᖅᑐᖅᑕᐅᓯᒪᔪᒥᑦ ᐊᒻᒪ ᓇᓗᓇᐃᕈᑎᑖᕐᓗᓂ ᐳᕙᓪᓘᑎᖃᖏᓂᕐᒥᓂᒃ ᐃᖅᑲᓇᐃᔮᑦᓴᖅᑖᕋᓱᓕᕈᓂ.

ᐃᑲᔪᖅᑎᑦᓴᖅ ᐳᐃᔾᔪᕋᕐᕕᒻᒥᐅᑕᒥᑦ/ᐃᓕᓴᐃᔨᒥᑦ ᐃᖅᑲᓇᐃᔭᕈᓐᓇᕆᐊᓕᒃ ᐱᓇᓱᐊᕈᓯᐅᑉ ᐃᓗᐊᓂ ᐃᑲᕐᕋᓂᑦ 30-ᓂᑦ ᑐᖔᓂᐅᖕᖏᑦᑐᖅ ᐃᑲᕐᕋᓄᑦ 35-ᓄᑦ ᐊᒥᓲᓛᖑᕙᓪᓗᑎᒃ.

ᑮᓇᐅᔭᓕᐅᕆᐊᖕᖓᐅᑎᑦᓴᖓ ᐃᖅᑲᓇᐃᔮᑦᓴᐅᑉ: $28.00 ᐊᒻᒪ ᐊᑑᑎᖃᕐᓂᖏᑦ ᐃᑲᔫᑎᑦᓴᑦ ᐃᖅᑲᓇᐃᔮᒃᑯᑦ

ᐃᖅᑲᓇᐃᔮᖅᑖᕋᓱᒍᒪᓐᓂᕈᕕᑦ ᐃᖅᑲᓇᐃᔮᖅᑖᕋᓲᑏᑦ ᑐᓂᔪᓐᓇᖅᑕᐃᑦ ᐅᕗᖓ:

ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
ᓱᑲᑦᑐᒃᑯᑦ - 867-979-5210
hr@city.iqaluit.nu.ca
ᓇᓗᓇᐃᔭᐃᑎᖓ  # REC-LGSI-1117

ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᖃᐅᔨᒃᑲᖅᑕᐅᓛᖅᑐᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᑐᐃᓐᓇᕆᐊᓖᑦ ᓯᕗᓪᓕᐅᑎᒋᐊᓕᓐᓂᑦ ᐃᖅᑲᓇᐃᔮᖅᑖᕋᓱᐊᖅᑐᓂᑦ ᐃᖅᑲᓇᐃᔭᖅᑎᐅᒍᓂ ᐃᖅᑲᓇᐃᔮᖅᑖᕋᓱᐊᖅᑐᖅ.

ᒪᓕᓪᓗᒋᑦ ᑎᑎᕋᕐᓯᒪᔪᑦ ᓈᓴᐅᑎᓖᑦ 23-ᒥ ᓄᓇᕘᒥᑦ ᐊᖏᕈᑎᒥ, ᓯᕗᓪᓕᐊᔾᔭᐅᓛᕐᒥᔪᑦ ᓄᓇᕘᒥ ᐊᖏᕈᑎᒥ ᐊᑎᖃᖃᑕᐅᔪᑦ ᒪᓕᑦᑐᑦ ᒪᓕᒐᕐᓂᑦ ᐃᖅᑲᓇᐃᔮᑦᓴᒧᑦ.