2017-REC-BC-1017 ᐃᓪᓗᒥᑦ ᑲᒪᔨ

ᐃᓪᓗᒥᑦ ᑲᒪᔨ - ᐱᓐᖑᐊᖅᑐᓕᕆᓂᕐᒥᑦ  ᐃᖅᑲᓇᐃᔭᕐᕕᒃ

ᐊᖏᔪᖅᑳᖃᖅᑐᓂ ᐃᓪᓗᓂᑦ ᐊᐅᓚᑦᑎᔨᒥᑦ, ᓴᓗᒻᒪᖅᓴᐃᔨ ᓴᓗᒻᒪᖅᓴᐃᖃᑦᑕᓂᐊᖅᑐᖅ ᐱᓐᖑᐊᕐᕕᐅᔪᓂᑦ. ᐱᓕᕆᕝᕕᓐᓂᑦ ᓴᓗᒪᑦᓯᐊᑎᑦᓯᖃᑦᑕᓂᐊᖅᑐᑦ.  ᒥᖅᑯᓕᑦ ᓇᑎᖏᑦ ᐅᐊᓴᖅᐸᓪᓗᒋᑦ/ᒥᓪᓗᐊᑎᑉᐸᓪᓗᒋᑦ, ᓇᑎᓕᕆᕙᓪᓗᓂ, ᕿᓪᓕᕐᓴᐃᕙᓪᓗᓂ ᓇᑎᕐᓂᑦ, ᕿᓪᓕᕐᓴᐅᑎᒥᓂᖏᑦ ᓇᑎᑦ ᐲᔭᖅᐸᓪᓗᒋᑦ, ᓱᓇᑐᐃᓐᓇᕐᓂᑦ ᐊᓪᓚᖅᑎᕆᕙᓪᓗᓂ ᖃᓪᓗᓈᖅᑕᒧᑦ, ᐃᒐᓛᓂᑦ ᐅᐊᓴᖅᐸᓪᓗᓂ, ᐊᑭᓐᓇᕐᓂᑦ ᐅᐊᓴᖅᐸᓪᓗᓂ ᐊᒻᒪᓗ ᓴᓂᒃᑯᕕᓐᓂᑦ, ᓴᓗᒻᒪᓴᐃᑦᓯᐊᐸᓪᓗᓂ ᓂᖅᑎᐅᕐᕕᓐᓂᑦ ᐊᒻᒪᓗ ᐊᓇᕐᕕᓐᓂᑦ ᐅᐊᓴᕐᕕᖏᓐᓂᓪᓗ ᐊᒻᒪᓗ ᓴᓂᕐᓂᒃ ᓄᐊᑦᓯᕙᓪᓗᓂ ᐃᓪᓗᓂ ᐊᒻᒪᓗ ᓯᓚᒥ.   ᐃᓪᓗᒥᑦ ᑲᒪᔨ ᐃᓯᕐᕕᑦ ᐹᖏᓐᓂᑦ ᐊᐳᑕᐃᔭᐃᖃᑦᑕᕋᔭᕐᒥᔪᑦ ᑕᐃᒪᐃᒋᐊᖃᓕᕋᐃᒍᑎᒃ.  ᐃᖅᑲᓇᐃᔭᖅᑎᑦᓴᖅ ᐱᓕᕆᐊᖃᓂᐊᖅᑐᑦ ᒪᑭᒪᑎᑦᑎᓗᑎᑦ ᑎᑎᕋᖅᓯᒪᔪᓂᑦ ᑎᑎᕋᖅᐸᓪᓗᑎᓪᓗ ᐱᓕᕆᔾᔪᑎᑦ ᓱᓇᐅᓕᕐᒪᖔᑕ ᖃᑦᓯᐅᓕᕐᒪᖔᑕᓗ ᓇᓗᓇᐃᔭᐃᑎᓂᑦ  ᐊᒻᒪ ᑎᑎᕋᖅᑕᐅᓂᖏᑦ ᓴᓗᒻᒪᓴᖅᑕᐅᔭᕇᖅᑐᑦ.  ᐃᖅᑲᓇᐃᔭᕐᕕᓐᓂ ᐅᓪᓗᕆᐊᓇᖅᑐᓂᑦ ᑐᑭᓯᒋᐊᕈᑎᑦ ᐊᑐᐊᒐᕐᓂᑦ ᒪᓕᖃᑦᑕᕆᐊᖃᕐᓂᐊᖅᑐᑦ.

ᓴᓗᒻᒪᖅᓴᐃᔨᐅᔪᖅ ᐊᖁᑦᑐᖅᓯᐅᑎᖃᕆᐊᓕᒃ ᖁᕝᕙᓯᓐᓂᖓ 5 ᐊᒻᒪ ᓴᓗᒻᒪᖅᓴᐃᔨᐅᖃᑦᑕᖅᓯᒪᓗᓂ ᒪᓕᓪᓗᒋᑦ ᓇᓗᓇᐃᔭᖅᑕᐅᓯᒪᔪᑦ.   ᓇᓗᓇᐃᒃᑯᑕᖃᕆᐊᓖᑦ ᐋᓐᓂᖅᑐᓄᑦ ᐃᑲᔪᓂᕐᒥᑦ ᐊᒻᒪ ᐃᑲᔪᕋᓲᑎᓂᑦ ᐊᓂᕐᓵᕈᓐᓇᐃᓪᓕᔪᓂᑦ ᐊᒻᒪ ᐃᖅᑲᓇᐃᔭᕐᕕᓐᓂ ᐅᓪᓗᕆᐊᓇᖅᑐᓂᑦ ᑐᑭᓯᒋᐊᕈᑎᑦ ᐊᑐᐊᒐᕐᓂᑦ  ᐱᓕᒻᒪᓴᖅᓯᒪᓗᑎᑦ. ᐃᖅᑲᓇᐃᔭᖅᑎᑦᓴᖅ ᓂᒪᒍᓐᓇᑦᑎᐊᕆᐊᓖᑦ, ᑭᖑᕙᕐᐸᙱᓪᓗᓂ ᐱᔭᕆᐊᓕᒃ ᑖᔅᓱᒧᖓ ᐃᖅᑲᓇᐃᔮᒧᑦ ᐊᒻᒪ ᑭᕕᔅᓯᔪᓐᓇᕐᓗᑎᓪᓗ 30 ᐸᐅᓐᔅ.  ᐃᑲᕐᕋᕆᓂᐊᖅᑕᖏᑦ ᐃᖅᑲᓇᐃᔮᔅᓴᒧᑦ 8:00 ᐅᓪᓚᒃᑯᑦ - 4:00 ᐅᓐᓄᒃᑯᑦ ᓇᒡᒐᔾᔭᐅᒥ ᑕᓪᓕᒥᕐᒧᑦ ᑭᓯᐊᓂ ᒪᓕᒃᑲᔭᕐᒥᔪᑦ ᐱᓕᕆᐊᑦᓴᒃᑯᑦ ᐊᑐᖅᑕᐅᔭᕆᐊᓕᓐᓂᑦ ᐊᒻᒪᓗ ᐱᓕᕆᕝᕕᑦ ᐊᑐᖅᑕᐅᓂᖏᓐᓂᑦ. ᖃᓪᓗᓇᐅᔭᕈᓐᓇᕆᐊᓖᑦ ᐃᓄᑦᑎᑑᕈᓐᓇᕐᓗᑎᓪᓗ.

ᖃᓄᐃᑦᑑᓂᖓ ᐃᖅᑲᓇᐃᔮᔅᓴᖅ ᐱᔾᔪᑎᒋᓪᓗᒍ ᐱᕋᔭᓚᐅᖅᓯᒪᖏᓐᓂᖏᓐᓄᑦ ᖃᐅᔨᒋᐊᖅᑕᐅᒋᐊᖃᓂᐊᖅᑐᑦ ᐊᒻᒪ ᐊᑦᑕᓇᕈᑎᐅᔪᓐᓇᖅᑐᓂᑦ.

ᑮᓇᐅᔭᓕᐊᑦᓴᖏᑦ ᐊᕐᕌᒍᒥ ᐱᒋᐊᕈᑎᖏᑦ $47,045.67 ᐊᒻᒪᓗ ᐊᕐᕌᒍᓕᒫᒧᑦ ᐃᑲᔫᓯᐊᖅᐸᓪᓗᓂ ᑲᑎᑦᑐᒋᑦ $20,907.43-ᓂᑦ ᐃᓪᓗᖃᕐᓂᕐᒧᑦ/ᓄᓇᓕᕐᒥᐅᑕᐅᓂᕐᒧᑦ ᐊᒻᒪᓗ ᐃᑲᔫᓯᐊᖃᕐᓗᓂ ᐱᐅᔪᐊᓗᓐᓂᑦ.

ᐃᖅᑲᓇᐃᔮᕆᓯᒪᔭᑎᑦ ᐅᕗᖓ ᐊᐅᓪᓚᑎᓪᓗᒋᑦ:

ᖃᐅᔨᒋᐊᕐᕕᖓ# 2017-REC-BC-1017
ᐃᖅᑲᓇᐃᔭᖅᑐᓕᕆᔨᒃᑯᑦ
ᑎᑎᖅᑲᒃᑯᕕᖓ 460
ᐃᖃᓗᐃᑦ, ᓄᓇᕗᑦ X0A 0H0
hr@city.iqaluit.nu.ca
ᓱᑲᔪᒃᑯᑦ: 979-5210

ᐊᐱᖅᓱᖅᑕᐅᓂᐊᖅᑐᑐᐊᑦ ᖃᐅᔨᒃᑲᖅᑕᐅᓂᐊᖅᑐᑦ.

ᓄᓇᓕᐸᐅᔭᒃᑯᑦ ᐊᑐᕈᓐᓇᖅᑐᑦ ᓯᕗᓪᓕᐅᔾᔨᓗᑎᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖓᓂ ᑎᒥᐅᔫᑉ ᐃᓗᐊᓂ ᐃᖅᑲᓇᐃᔮᖅᑖᕋᓱᐊᖅᑐᓂᑦ.

ᒪᓕᑦᑐᒍ ᐃᓚᖓ 23 ᓄᓇᕗᒻᒥ ᓄᓇᑖᕈᒻᒧᑦ ᐊᖏᕈᒻᒥᑦ, ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᓄᓇᑖᖃᑕᐅᓯᒪᔪᑦ ᑎᑭᑦᑎᔪᑦ ᐋᖅᑭᔅᓯᒪᓂᖏᓄᑦ..