ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-GSA-1217 ᐱᖕᖑᐊᖅᑐᓕᕆᔨᒃᑯᓐᓂ ᐱᔨᑦᓯᕋᖅᑎ - ᐳᐃᔾᔪᕋᕐᕕᒻᒥ
ᐱᖕᖑᐊᖅᑐᓕᕆᔨᒃᑯᓐᓂ ᐱᔨᑦᓯᕋᖅᑎ - ᐳᐃᔾᔪᕋᕐᕕᒻᒥ
ᐅᓪᓘᑉ ᐃᓚᐃᓐᓇᖓᓂᑦ ᑕᖅᑭᓄᑦ ᖁᓕᓄᑦ (10) ᐃᖅᑲᓇᐃᔮᑦᓴᖅ
ᐱᖕᖑᐊᖅᑐᓕᕆᔨᒃᑯᓐᓂ ᐱᔨᑦᓯᕋᖅᑎᑦᓴᖅ ᐃᑲᔪᖅᑎᑦᓴᖅ ᖃᐅᔨᒋᐊᕐᕕᐅᖅᑳᐸᓐᓂᐊᖅᑐᖅ ᐱᔨᑦᓯᕋᖅᑕᐅᔪᓄᑦ. ᑭᒃᑯᑐᐃᓐᓇᕐᓄᑦ ᑐᑭᓯᒋᐊᖅᑐᓂᑦ ᑭᐅᔨᐅᓂᐊᖅᑐᖅ ᑐᕌᖓᔪᓂᑦ ᐱᖕᖑᐊᖅᑐᓕᕆᓂᕐᒧᑦ ᐊᒻᒪ ᖃᓄᐃᓕᐅᕈᑎᑦᓴᖏᓐᓂᑦ. ᐱᖕᖑᐊᕐᕕᓐᓂᑦ ᐊᑐᖅᑐᐊᕈᒪᔪᓂᑦ ᐃᓂᑦᓴᓕᐅᖅᑎᐅᓗᓂ, ᐱᓕᕆᐊᑦᓴᓄᑦ ᐊᒻᒪ ᐱᖕᖑᐊᕈᑎᓄᑦ ᐃᓚᒋᔭᐅᔪᒪᔪᓂᑦ ᐊᑎᓕᐅᕈᑎᓂᑦ ᑎᑎᕋᖅᑎᐅᓗᓂ ᐊᒻᒪ ᐊᑭᓖᕕᐅᕙᓪᓗᓂ. ᑐᖕᖓᓱᑦᑎᑦᓯᔨᐅᓗᐊᖅᑐᖅ ᐊᒻᒪ ᐊᓪᓚᕕᓐᓂ ᐱᓕᕆᒋᐊᓕᓐᓂᑦ ᐱᓕᕆᔨᐅᓗᓂ ᐱᖕᖑᐊᖅᑐᓕᕆᔨᒃᑯᓐᓅᖓᔪᓂᑦ ᐊᒻᒪ ᑐᑭᓯᐅᒪᐅᑎᖃᕐᓗᑎᒃ ᐱᖕᖑᐊᖅᑐᓕᕆᔾᔪᑎᓂᑦ ᐊᐅᓚᑦᓯᔾᔪᑎᓂᑦ, ᐊᒻᒪ ᖃᐅᔨᒪᓂᖃᕐᓗᑎᒃ ᐱᖕᖑᐊᖅᑐᓕᕆᔨᒃᑯᑦ ᐱᓕᕆᐊᑦᓴᕆᕙᑦᑕᖏᓐᓂᑦ ᐊᒻᒪ ᐱᔨᑦᓯᕋᕈᑎᖏᓐᓂᑦ ᐊᒻᒪ ᑭᐅᕙᓪᓗᓂ ᐅᖄᓚᕙᑦᑐᑦ ᐊᐱᖅᑯᑎᖏᓐᓂᑦ. ᐃᑲᔪᖅᐸᓂᐊᕐᒥᔪᖅ ᑮᓇᐅᔭᓂᑦ ᐱᕈᐃᓇᓱᐊᖅᑐᓂᑦ ᐊᒻᒪ ᖃᓄᐃᓕᐅᕈᑎᓂᑦ ᐸᕐᓇᐃᔪᓄᑦ. ᐃᖅᑲᓇᐃᔭᕈᓐᓇᕆᐊᓕᒃ ᐃᑲᕐᕋᓄᑦ 19-ᓄᑦ ᐱᓇᓱᐊᕈᓯᐅᑉ ᐃᓗᐊᓂ ᐅᓪᓗᒃᑯᑦ, ᐅᓐᓄᒃᑯᑦ ᐊᒻᒪ ᐱᓇᓱᐊᕈᓰᑦ ᓄᖕᖑᖏᓐᓂ.
ᐱᓯᒪᒋᐊᓖᑦ ᖃᐅᔨᒪᒋᐊᓖᑦ:
- ᐃᓕᓐᓂᐊᕐᕕᐊᓗᒻᒥᑦ ᐱᔭᕇᕈᑎᖃᕐᓗᓂ ᐊᔾᔨᐸᓗᐊᓂᓪᓘᓐᓃᑦ
- ᖃᕋᑕᐅᔭᓕᕆᔾᔪᑎᓂᑦ ᐱᓕᕆᓕᓂᐅᓗᓂ ᐱᓕᕆᔾᔪᑎᖏᓐᓂᑦ ᐊᔾᔨᒌᖏᑦᑐᓂᑦ;
- ᓇᕿᑦᑕᕈᓐᓇᓯᐊᕐᓗᓂ ᑎᑎᖅᑲᓕᐅᕈᑎᒥᑦ
- ᐱᓕᕆᓚᐅᕐᓯᒪᓗᓂ ᐱᖕᖑᐊᕐᕕᓐᓄᑦ ᐅᓪᓗᕐᓯᐅᑎᓕᕆᓂᕐᒥᑦ ᐅᕝᕙᓘᓐᓃᑦ ᐃᓂᑦᓴᓕᐅᕐᓂᕐᒥᑦ
- ᐱᓕᕆᓕᓂᐅᓗᓂ ᐱᔨᑦᓯᕋᖅᑎᐅᓂᕐᒥᑦ
- ᐱᔨᑦᓯᕋᖅᑕᒥᓄᑦ ᑐᑭᓯᔭᐅᔪᓐᓇᑦᓯᐊᕆᐊᓕᒃ ᐃᖅᑲᓇᐃᔭᖃᑎᒥᓄᓪᓗ ᐅᖃᖅᐸᓪᓗᓂ ᖃᓄᐃᓕᐅᖅᑐᖃᓕᕐᒪᖔᖅ; ᑐᖕᖓᓇᖅᐸᓪᓗᓂ ᐊᒻᒪ ᐃᑉᐱᒍᓱᑦᓯᐊᐸᓪᓗᓂ ᐊᓯᒥᓂᒃ ᐃᖅᑲᓇᐃᔭᕐᕕᒻᒥ ᐃᖅᑲᓇᐃᔭᕐᕕᐅᑉ ᓯᓚᑖᓂᓗ
- ᐅᖃᐅᓯᒃᑯᑦ ᑐᓴᐅᒪᑎᑦᓯᑦᓯᐊᕙᓲᖑᒋᐊᓖᑦ
- ᐅᐸᒍᓐᓇᑦᓯᐊᕆᐊᓕᒃ ᐃᖅᑲᓇᐃᔮᒥᓄᑦ ᑭᖑᕙᖅᐸᖏᓪᓗᓂ
- ᐸᐃᑉᐹᓕᕆᔾᔪᑎᓂᑦ ᐊᓪᓚᕕᓐᓂ ᐱᓕᕆᔪᓐᓇᑦᓯᐊᕆᐊᓕᒃ ᐱᔭᕇᕈᓐᓇᕐᓗᓂ ᑕᑕᑎᕆᐊᓕᓐᓂᑦ ᑐᖅᑯᕆᐊᓕᓐᓂᓪᓗ ᐱᓕᕆᔾᔪᑎᓂᑦ
- ᐃᒻᒥᓂᒃ ᐱᓕᕆᐊᕆᔭᕆᐊᓕᒻᒥᓂᒃ ᓇᓗᖅᑯᑎᒋᐊᖃᖕᖏᑦᑐᖅ ᐊᒻᒪ ᐊᖏᔪᖅᑳᒥᓄᑦ ᖃᐅᔨᓴᖅᑕᐅᓗᐊᖅᐸᖏᓪᓗᓂ ᐃᖅᑲᓇᐃᔭᑦᓯᐊᕈᓐᓇᕐᓗᓂ
- ᒫᓐᓇᓂᓴᕐᒥᑦ ᐃᓕᓐᓂᐊᕈᑎᖃᕆᐊᓕᒃ ᐊᓂᖅᑎᕆᔪᓐᓇᓂᕐᒥᑦ ᐃᑲᔪᕆᐊᓕᓐᓂᑦ ᐊᒻᒪ ᒪᑦᑐᓯᑦᓰᑦᓯᐊᕈᑎᓂᑦ ᐱᔭᕇᕈᑎᖃᕐᓗᓂ
- ᐳᕌᓐᔾᒥᑦ ᐅᔭᒥᖃᕈᓂ ᐱᔭᕇᕈᑎᖃᕈᓂᓗ ᐱᕙᓪᓕᐅᑎᓂᐊᖅᑐᖅ
- ᐃᓄᑦᑎᑐᑦ ᐅᖃᐅᓯᕐᒥᑦ ᐅᖃᕈᓐᓇᕈᓂ ᐱᕙᓪᓕᐅᑎᓂᐊᖅᑐᖅ
ᐊᔾᔨᒐᓚᖏᑦ ᑲᑎᑦᑐᒋᑦ ᐃᓕᓐᓂᐊᕈᑏᑦ, ᖃᐅᔨᒪᔭᐅᔪᑦ, ᐱᓕᒻᒪᓴᕐᓯᒪᔭᑦ ᐊᒻᒪ ᐱᔪᓐᓇᕐᓂᐅᔪᑦ ᐃᓕᓐᓂᐊᕈᑎᓪᓚᕆᓐᓂᑦ ᐃᓱᒪᕐᓴᕐᓯᐅᕈᑎᐅᔪᓐᓇᑐᐃᓐᓇᕆᐊᓖᑦ.
ᑕᖅᑭᓄᑦ ᖁᓕᓄᑦ ᐃᖅᑲᓇᐃᔮᑦᓴᖅ ᐅᓪᓘᑉ ᐃᓚᐃᓐᓇᖓᓂ. ᐃᑲᕐᕋᒧᑦ ᐊᑭᓕᕐᓱᖅᑕᐅᓂᖓ $28.00 ᐊᒻᒪ ᓄᓇᓕᕐᓂᒥᐅᑕᐅᓂᕐᒧᑦ ᐃᑲᔫᓯᐊᖅᐸᓪᓗᓂ $11.48 ᐃᑲᕐᕋᒧᑦ, ᐊᒻᒪ ᐃᑲᔫᓯᐊᕆᔪᓐᓇᖅᑕᒥᓂᒃ.
ᐃᖅᑲᓇᐃᔮᖅᑖᕋᓲᑏᑦ ᐅᑯᓄᖓ ᑐᓂᒋᐊᓖᑦ:
ᓇᓗᓇᐃᔭᐃᑎᖓ #: 2017-GS-1217
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
hr@city.iqaluit.nu.ca
ᓱᑲᑦᑐᒃᑰᕈᑎᖓ: 979-5210
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᖃᐅᔨᒃᑲᖅᑕᐅᓛᖅᑐᑦ.
The City reserves the right to apply its internal hiring policy to this position. As per Article 23 of the Nunavut Land Claims Agreement, priority will be given to Nunavut Land Claim Beneficiaries who meet the criteria.
