ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-FIN-FO-LPT-1017 ᑮᓇᐅᔭᓕᕆᔨ/ᐊᑭᓕᑦᓴᓕᕆᔨ - ᓄᓇᓕᕆᔾᔪᑎᓂᑦ ᐊᒻᒪ ᐱᖁᑎᓄᑦ ᑖᒃᓰᔭᐃᔭᐅᑎᓂᑦ
ᐃᖅᑲᓇᐃᔮᑦᓴᖅ
ᑮᓇᐅᔭᓕᕆᔨ/ᐊᑭᓕᑦᓴᓕᕆᔨ - ᓄᓇᓕᕆᔾᔪᑎᓂᑦ ᐊᒻᒪ ᐱᖁᑎᓄᑦ ᑖᒃᓰᔭᐃᔭᐅᑎᓂᑦ
ᐊᖏᔪᖅᑳᖃᕐᓗᓂ ᑎᒥᐅᔪᒥ ᐱᔨᑦᓯᕋᖅᑏᑦ ᐊᖏᔪᖅᑳᖓᓐᓂᑦ, ᐱᓕᕆᔨᐅᒐᔭᖅᑐᑎᑦ ᐊᑭᓕᕐᓱᐃᔾᔪᑎᓕᕆᓗᑎᑦ ᐊᒻᒪ ᓄᐊᑦᓯᔾᔪᑎᐅᓇᓱᐊᖅᑐᓂᑦ ᐊᑭᓕᑦᓴᓂᑦ ᑲᒪᔨᐅᓗᑎᑦ ᓯᑎᒃᑯᑦ ᓄᓇᓕᕆᔾᔪᑎᓕᒫᑦᓯᐊᖏᓐᓂᑦ, ᐸᐃᑉᐹᓕᕆᔨᐅᓗᑎᑦ ᐊᒻᒪ ᒪᑭᒪᑎᓪᓗᒋᑦ ᐱᓕᕆᔾᔪᑎᓕᒫᑦᓯᐊᑦ ᑖᑦᓰᔭᐃᔭᐅᑎᓂᑦ ᐊᑭᓕᕐᓱᐃᖁᔨᔾᔪᑎᓂᑦ ᐊᒻᒪ ᐊᑭᓕᑦᓴᐃᔭᖁᔨᔾᔪᑎᓂᓪᓗ, ᐱᖁᑎᒍᑦ ᑖᒃᓰᔭᐃᔭᐅᑎᓕᕆᔪᓂᑦ ᐱᓕᕆᔨᐅᓗᑎᑦ ᐊᒻᒪ ᓇᓗᓇᐃᕐᓯᔨᐅᓗᑎᑦ ᐱᓕᕆᔾᔪᑎᓂᑦ, ᐱᓕᕆᔾᔪᑏᑦ ᑎᑎᕋᕐᕕᐅᔪᑦ ᑲᒪᒋᕙᓪᓗᒋᑦ, ᑕᖅᑭᑕᒫᖅ ᐅᐸᓗᖓᐃᔭᐃᕙᓪᓗᑎᑦ ᑖᒃᓰᔭᐃᔭᐅᑏᑦ ᓇᓕᒧᐊᑦᑎᐸᓪᓗᒋᑦ ᐱᓕᕆᔾᔪᑏᑦ ᑕᐃᒫᑦᓯᐊᖅ ᐱᓕᕆᐊᖑᓯᒪᒐᓗᐊᕐᒪᖔᑕ. ᐊᓯᖏᓐᓂᑦ ᐊᑭᓖᖁᔨᔾᔪᑎᓂᑦ ᐱᔨᑦᓯᕋᕈᑎᓄᑦ ᑎᑎᕋᖅᑎᐅᒐᔭᕐᒥᔪᑎᑦ (ᓲᕐᓗ ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔾᔪᒍᑦ, ᖁᖁᐊᕈᑎᓕᕆᔾᔪᑎᓂᑦ, ᐱᔨᑦᓯᕋᕈᑎᓄᑦ ᐊᑭᓕᕆᐊᓕᓐᓂᑦ ᐊᒻᒪ ᐊᓯᖏᓐᓂᑦ ᐊᑭᓖᖁᔨᔾᔪᑎᕈᓘᔭᕐᓂᑦ) ᖃᕋᑕᐅᔭᒃᑯᑦ ᐱᓕᕆᔾᔪᑎᓂᑦ ᑲᒪᔨᐅᒻᒥᔪᖅ ᐊᒻᒪ ᐊᑭᓕᑦᓴᐃᔭᖅᑕᐅᔪᓂᑦ ᑎᑎᕋᖅᑎᐅᒋᓪᓗᓂ ᐊᒻᒪ ᐱᔨᑦᓯᕋᖅᑕᐅᔪᑦ ᐊᐱᖅᑯᑎᖏᓐᓂᑦ ᑭᐅᔨᐅᓗᓂ ᐊᒻᒪ ᐊᑲᐅᖏᓕᐅᕈᑎᐅᕙᑦᑐᓂᑦ ᑎᑎᕋᖅᑎᐅᓗᓂ ᐅᖃᐅᓯᐅᒋᐊᓕᓐᓂᑦ.
ᐃᖅᑲᓇᐃᔭᖅᑎᐅᔪᒪᒍᕕᑦ ᒍᓚᐃ 12-ᒥᑦ ᐱᔭᕇᕐᓯᒪᒋᐊᖃᖅᑐᑎᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᕐᓯᒪᓗᑎᑦ ᑮᓇᐅᔭᓕᕆᓂᕐᒨᖓᔪᓂᑦ. ᑮᓇᐅᔭᓕᕆᔨᓄᑦ ᑲᑐᔾᔨᖃᑎᒌᓄᑦ ᐃᓚᒋᔭᐅᒋᐊᖃᖅᑐᑎᑦ. ᐊᕐᕌᒎᓐᓂᒃ ᒪᕐᕉᒐᓗᐊᓂᒃ ᐱᓕᕆᔨᐅᓯᒪᒋᐊᓕᒃ ᑮᓇᐅᔭᓕᕆᔾᔪᑎᓂᑦ. ᑐᑭᓯᐅᒪᒋᐊᖃᖅᑕᑎᑦ ᐊᒻᒪ ᖃᓄᖅ ᐊᑐᖅᑕᐅᓲᖑᒻᒪᖔᑕ ᖃᐅᔨᒪᒋᐊᖃᖅᑕᑎᑦ ᒐᕙᒪᒃᑯᑦ ᐅᕝᕙᓘᓐᓃᑦ ᓯᑎᒃᑯᑦ ᒪᓕᒐᖏᓐᓂᑦ ᐱᖁᔭᖏᓐᓂᓪᓗ ᓄᓇᓕᕆᔾᔪᑎᐅᕙᑦᑐᓂᑦ. ᐱᓕᕆᔨᐅᔪᓐᓇᑦᓯᐊᕆᐊᖃᖅᑐᑎᑦ ᑐᐊᕕᐊᖑᕙᑦᑐᓂᓪᓗ ᐃᖅᑲᓇᐃᔮᖃᕈᓐᓇᑦᓯᐊᕐᓗᑎᑦ. ᐊᑭᓕᑦᓴᓂᑦ ᓄᐊᑦᓯᔨᐅᓚᐅᕐᓯᒪᒍᕕᑦ ᐱᕙᓪᓕᐅᑎᓂᐊᖅᑐᖅ. ᐱᓕᒻᒪᓴᕐᓯᒪᒍᕕᑦ ᑮᓇᐅᔭᓕᕆᔾᔪᑎᓂᑦ ᐱᕙᓪᓕᐅᑎᓂᐊᖅᑐᖅ ᐃᖅᑲᓇᐃᔮᖅᑖᕋᓲᑎᓐᓄᑦ. ᐅᖃᕈᓐᓇᑦᓯᐊᕈᕕᑦ ᐃᓄᑦᑎᑐᑦ ᖃᓪᓗᓈᑎᑐᓪᓗ ᐱᕙᓪᓕᐅᑎᔪᒻᒪᕆᐅᓂᐊᖅᑐᖅ.
ᐱᓕᒻᒪᓴᕐᓯᒪᑦᓯᐊᖁᔭᐅᔪᑦ ᐅᕝᕙᓘᓐᓃᑦ ᖃᐅᔨᒪᑦᓯᐊᖁᔭᐅᔪᑦ
- ᖃᕋᑕᐅᔭᒃᑯᑦ ᑮᓇᐅᔭᓕᕆᔪᓐᓇᕐᓗᑎᑦ
- ᖃᕋᑕᐅᔭᒃᑯᑦ ᐱᓕᕆᔾᔪᑎᓂᑦ ᖃᐅᔨᒪᑦᓯᐊᕆᐊᖃᖅᑐᑎᑦ ᐊᒻᒪ ᑎᑎᖅᑲᓕᕆᔾᔪᑎᓂᑦ (ᐊᕐᕌᒎᓐᓂᒃ ᒪᕐᕉᓐᓂᒃ ᑕᐃᒪᐃᑦᑐᓂᑦ ᐱᓕᕆᐊᖃᕐᓯᒪᓗᑎᑦ.)
- ᐊᑎᓕᐅᕐᓯᒪᖃᑕᐅᒋᐊᖃᖅᑐᑎᑦ ᖃᐅᔨᒪᔭᐅᑦᓯᐊᖅᑐᒥ ᑮᓇᐅᔭᓕᕆᔨᓄᑦ ᑲᑐᔾᔨᖃᑎᒌᓄᑦ.
- ᐊᓯᓐᓂᑦ ᐱᓕᕆᖃᑎᖃᕈᓐᓇᑦᓯᐊᕆᐊᖃᖅᑐᑎᑦ
- ᖃᓪᓗᓈᑎᑐᑦ ᐃᓄᑦᑎᑐᓪᓗ ᐅᖃᕈᓐᓇᑦᓯᐊᕈᕕᑦ ᐱᕙᓪᓕᐅᑎᓂᐊᖅᑐᖅ
- ᐊᕐᕌᒍᓂᑦ ᐱᖓᓱᓂᑦ ᐅᖓᑖᓂᓘᓐᓃᑦ ᐱᓕᕆᔨᐅᓯᒪᒋᐊᖃᖅᑐᑎᑦ ᑮᓇᐅᔭᓕᕆᓂᕐᒥᑦ
ᑮᓇᐅᔾᔭᑦᓴᒐᔭᖅᑐᑎᑦ ᒪᓕᑦᑕᐅᓗᑎᒃ ᐱᓕᕆᔪᓐᓇᐅᑎᑎᑦ ᐊᒻᒪ ᐱᓕᕆᓯᒪᔭᑎᑦ. ᐱᐅᔪᐊᓗᓐᓂᑦ ᑮᓇᐅᔾᔭᑦᓵᑦᓴᑦ ᓯᓚᑖᓂ ᐃᑲᔫᓯᐊᑦᓴᖃᕐᒥᔪᖅ.
ᐃᓚᓕᐅᔾᔨᓯᒪᒋᐊᖃᕐᓂᐊᖅᑐᑎᑦ ᐊᔾᔨᖏᓐᓂᑦ ᐃᓕᓐᓂᐊᕈᑎᒋᓯᒪᔭᖅᐱᑦ ᐱᔭᕇᕈᑎᖏᓐᓂᑦ ᐃᖅᑲᓇᐃᔮᖅᑖᕋᓲᑎᓐᓄᑦ.
ᐃᖅᑲᓇᐃᔮᖅᑖᕆᔪᒪᔾᔪᑎᑎᑦ ᐊᒻᒪ ᐃᖅᑲᓇᐃᔮᕆᓯᒪᔭᖅᐱᑦ ᐅᓂᒃᑳᖏᑦ ᐅᕗᖕᖓᕆᐊᓖᑦ:
ᓇᓗᓇᐃᔭᐃᑎᖓ # 2017-FIN-FO-LPT-1017
ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
hr@city.iqaluit.nu.ca
ᓱᑲᑦᑐᒃᑯᑦ: (867) 979-5210
ᖃᐅᔨᒃᑲᕐᓂᐊᖅᑕᕗᑦ ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ.
ᒪᓕᑦᑐᒋᑦ ᑎᑎᕋᕐᓯᒪᔪᑦ 23-ᒥ ᓄᓇᕘᒥᑦ ᓄᓇᑖᕈᑕᐅᓯᒪᔪᒥ ᐊᖏᕈᑎᒥ, ᐊᑎᖃᖃᑕᐅᔪᑦ ᓯᕗᓪᓕᐅᑎᑕᐅᓂᐊᕐᒥᔪᑦ ᒪᓕᑦᑐᑦ ᐃᖅᑲᓇᐃᔮᑦᓴᒧᑦ ᒪᓕᒐᕐᓂᑦ.
