ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-AC5 ᐃᓪᓗᒥ ᓴᓗᒻᒪᑎᑦᓯᔨ - ᐳᐃᔾᔪᕋᕐᕕᒃ
ᐃᓪᓗᒥ ᓴᓗᒻᒪᑎᑦᓯᔨ - ᖁᓕᓐᓄᑦ ᑕᖅᑭᓄᑦ ᐃᖅᑲᓇᐃᔮᑦᓴᖅ
ᐳᐃᔾᔪᕋᕐᕕᒻᒥ
ᐊᖏᔪᖅᑳᖃᕐᓗᓂ ᑐᙵᓱᑦᑎᓯᔨᓄᑦ ᐊᖏᔪᕐᑳᖓᓂᒃ, ᐃᓪᓗᒥ ᑲᒪᔨ ᓴᓗᕐᒪᖅᓭᖃᑕᕆᐊᓕᒃ ᓄᑖᒥ ᐳᐃᔾᔪᕋᕐᕕᒻᒥ. ᐱᔭᑦᓴᖃᖃᑦᑕᓚᖓᔪᑦ ᓴᓗᒪᑏᓐᓇᕐᓗᒍ ᐳᐃᔾᔪᕋᕐᕕᒃ. ᐱᖃᓯᐅᑎᓗᒍ ᓇᑎᓕᕆᓂᖅ ᓇᑎᕐᒥᒃ, ᐳᐃᔾᔪᕋᕕᐅᑉ ᓇᑎᖓᓂᒃ ᐊᒻᒪᓗ ᖃᓂᒋᔭᖏᑦ, ᕿᓪᓕᕐᓭᕙᓪᓗᓂ, ᐳᔪᕐᓗᐃᔦᕙᓪᓗᓂ, ᐃᒡᓛᓂᒃ ᐊᓪᓚᕆᐊᕆᕙᓪᓗᓂ, ᐊᑭᓐᓇᕐᒥᓗ ᐊᒻᒪᓗ ᐊᑦᑕᐅᑎᓂᒃ ᐃᓪᓘᑉ ᐃᓗᐊᓂ ᐊᒻᒪᓗ ᓯᓚᒥ. ᐃᓪᓗᒥ ᑲᒪᔨ ᐳᐊᕐᕆᔦᖃᑦᑕᓂᐊᕐᒥᔪᖅ ᐃᓯᕐᕕᓐᓂ ᐱᔭᕆᐊᖃᓕᕂᑉᐸᑦ. ᐃᕐᑲᓀᔮᕐᑖᖅᑐᖅ ᑲᒪᒋᔭᖃᕆᐊᖃᕐᒥᔪᖅ ᐯᑉᐹᓕᕐᔨᐅᓗᓂ ᐱᖃᓯᐅᑎᓗᒍ ᓈᓭᕙᓪᓗᓂ ᓴᓗᕐᒪᕐᓭᑎᓂᒃ ᐊᒻᒪᓗ ᑎᑎᕋᖅᐸᓪᓗᓂ ᓴᓗᕐᒪᖅᓭᓂᕆᕙᑦᑕᖓᓂᒃ ᑭᓱᑐᐃᓐᓇᕐᓂᒃ. ᐱᔭᕆᐊᖃᕐᓂᐊᕐᒥᔪᖅ ᒪᓕᑉᐸᓪᓗᓂ ᐊᑐᐊᒐᖏᓐᓂᒃ ᐃᖅᑲᓇᐃᔭᕐᕕᒻᒥ ᐊᑦᑕᓇᑦᑕᐃᓕᒪᓂᕐᒧᑦ ᑐᕌᖓᔪᓂᒃ.
ᐃᓪᓗᒥ ᑲᒪᔨ ᐱᓯᒪᒋᐊᖃᕐᒥᔪᖅ ᓯᕗᓂᐊᒍᑦ ᐃᕐᑲᓀᔮᒥᓂᖓᓐᓂᒃ ᓴᓗᕐᒪᖅᓭᔨᐅᓂᕐᒧᑦ ᑕᑉᐱᒃᑯᑎᒎᓇ ᑎᑎᕋᖅᓯᒪᔪᓂᒃ. ᐃᓅᓕᑦᓯᔨᐅᒍᓐᓇᕆᐊᓕᒃ ᐊᒻᒪ ᐅᒻᒪᓯᕐᔪᓂᒃ ᐃᓅᓕᒃᓯᒍᓐᓇᕆᐊᓕᒃ, ᐯᑉᐸᖁᑎᖃᕐᓗᓂ ᐊᒻᒪ ᐃᕐᑲᓀᔭᕐᕕᒻᒥ ᐊᑦᑕᓇᑦᑌᓕᒪᔨᕆᒍᓐᓇᐅᑎᒥᒃ ᐱᓕᒻᒪᓴᕐᓯᒪᓗᓂ ᐱᔭᕆᐊᖃᓕᕂᑉᐸᑦ. ᐃᕐᑲᓀᔮᖅᑖᕐᑐᖅ ᑎᒥᑦᓯᐊᕆᕆᐊᓕᒃ, ᑭᖑᕙᖃᑦᑕᕆᐊᖃᙱᑦᑐᖅ ᐊᒻᒪ ᑭᕕᑦᓱᒍᓐᓇᕐᓗᓂ 30-ᐸᐅᓐᓯᓐᓂᒃ ᐅᖁᒪᐃᓐᓂᓕᓐᓂᒃ. ᐃᕐᑲᓇᐃᔮᑉ ᐃᑲᕐᕋᖓᖏᑦ ᐊᔾᔨᒌᖃᑦᑕᔾᔮᖏᑦᑐᑦ. ᐅᖃᕈᓐᓇᖅᓯᐊᕆᐊᓕᒃ ᐃᓄᒃᑎᑐᑦ. ᕘᕋᓐᔅᒥᒃ ᓂᕕᖓᑖᒥᒃ ᐱᓯᒪᔭᕆᐊᓕᒃ.
ᖃᓄᐃᑦᑑᓂᖓ ᐃᖅᑲᓇᐃᔮᔅᓴᖅ ᐱᔾᔪᑎᒋᓪᓗᒍ ᐱᕋᔭᓚᐅᖅᓯᒪᖏᓐᓂᖏᓐᓄᑦ ᖃᐅᔨᒋᐊᖅᑕᐅᒋᐊᖃᓂᐊᖅᑐᑦ ᐊᒻᒪ ᐊᑦᑕᓇᕈᑎᐅᔪᓐᓇᖅᑐᓂᑦ.
ᐃᓪᓗᒥ ᓴᓗᒻᒪᕐᓴᐃᔨ ᐃᖅᑲᓇᐃᔭᕈᓐᓇᖃᑦᑕᕆᐊᓕᒃ ᐱᓇᓱᐊᕈᓯᐅᑉ ᐃᓗᐊᓂ ᐃᒻᒪᖃ ᖁᓕᓂᑦ ᐃᑲᕐᕋᓂᑦ ᑎᑭᒍᓐᓇᖅᑐᓂᑦ 19-ᓄᑦ ᐃᑲᕐᕋᓄᑦ. ᐅᓪᓗᒃᑯᑦ, ᐅᓐᓄᒃᑯᑦ ᐊᒻᒪ ᐱᓇᓱᐊᕈᓯᐅᑉ ᓄᖕᖑᖏᓐᓂᓘᓐᓃᑦ ᐃᖅᑲᓇᐃᔭᕈᓐᓇᖅᑐᖅ.
ᐃᑲᕐᕋᕐᓯᐅᑎᖓ ᐃᖅᑲᓇᐃᔮᑦᓴᐅᑉ $25.84 6 ᐳᓴᖏᓐᓂᑦ ᕿᑲᖅᑐᖅᓯᐅᑎᓂᑦ ᐃᑲᔫᓯᐊᖅᐸᓪᓗᓂ.
ᐃᖅᑲᓇᐃᔮᕆᓯᒪᔭᑎᑦ ᐅᕗᖓ ᐊᐅᓪᓚᑎᓪᓗᒋᑦ:
ᖃᐅᔨᒋᐊᕐᕕᖓ# 2017-AC5
ᐃᖅᑲᓇᐃᔭᖅᑐᓕᕆᔨᒃᑯᑦ
ᑎᑎᖅᑲᒃᑯᕕᖓ 460
ᐃᖃᓗᐃᑦ, ᓄᓇᕗᑦ X0A 0H0
hr@city.iqaluit.nu.ca
ᓱᑲᔪᒃᑯᑦ: 979-5210
ᐊᐱᖅᓱᖅᑕᐅᓂᐊᖅᑐᑐᐊᑦ ᖃᐅᔨᒃᑲᖅᑕᐅᓂᐊᖅᑐᑦ.
ᓄᓇᓕᐸᐅᔭᒃᑯᑦ ᐊᑐᕈᓐᓇᖅᑐᑦ ᓯᕗᓪᓕᐅᔾᔨᓗᑎᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖓᓂ ᑎᒥᐅᔫᑉ ᐃᓗᐊᓂ ᐃᖅᑲᓇᐃᔮᖅᑖᕋᓱᐊᖅᑐᓂᑦ.
ᒪᓕᑦᑐᒍ ᐃᓚᖓ 23 ᓄᓇᕗᒻᒥ ᓄᓇᑖᕈᒻᒧᑦ ᐊᖏᕈᒻᒥᑦ, ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᓄᓇᑖᖃᑕᐅᓯᒪᔪᑦ ᑎᑭᑦᑎᔪᑦ ᐋᖅᑭᔅᓯᒪᓂᖏᓄᑦ.
