2017-36 ᐃᖅᑲᓇᐃᔭᖅᑎᓕᕆᔨ

ᐃᖅᑲᓇᐃᔮᑦᓴᖅ
ᐃᖅᑲᓇᐃᔭᖅᑎᓕᕆᔨ

ᑎᓕᒐᕆᓗᓂᐅᒃ ᐊᖏᔪᖅᑳᖓᑕ ᐃᖅᑲᓇᐃᔭᖅᑎᓕᕆᔩᑦ, ᐃᖅᑲᓇᐃᔭᖅᑎᓕᕆᔨᑦᓴᖅ ᐃᖅᑲᓇᐃᔮᖃᓲᖑᔪᖅ ᐊᔾᔨᒌᖏᑦᑐᓂᑦ ᐃᖅᑲᓇᐃᔭᖅᑎᓕᕆᓂᕐᒨᖓᔪᓂᑦ ᐃᑲᔫᑎᒋᕙᑦᑕᖏᓐᓂᑦ ᐃᖅᑲᓇᐃᔭᖅᑏᑦ ᐊᒻᒪ ᖃᐅᑕᒫᖅᑐᖅᓯᐅᑎᖏᓐᓂᑦ ᐃᖅᑲᓇᐃᔭᖅᑎᓕᕆᔨᒃᑯᑦ.  ᐱᓕᕆᐊᖑᕙᑦᑐᑦ ᐃᖅᑲᓇᐃᔭᖅᑎᑖᓕᕆᓂᖅ ᐊᒻᒪ ᐱᓕᒻᒪᑦᓴᐃᓂᖅ; ᐊᑐᐊᒐᓕᕆᓂᖅ ᐊᒻᒪ ᐱᓕᕆᔾᔪᑎᓕᕆᓂᖅ; ᐃᖅᑲᓇᐃᔭᖅᑎᒍᑦ ᐱᓕᕆᔾᔪᑎᓕᕆᓂᖅ; ᒪᓕᒐᕐᓂᑦ ᒪᓕᒋᐊᓕᓐᓂᑦ ᓴᖅᑭᔮᖅᑎᑦᓯᓂᖅ, ᐸᐃᑉᐹᓕᕆᓂᖅ ᐃᖅᑲᓇᐃᔭᖅᑎᓕᕆᓂᕐᒨᖓᔪᓂᑦ; ᐊᒻᒪ ᐱᒋᐊᖅᑎᑦᓯᓂᖅ ᐊᔾᔨᒌᖏᑦᑐᓂᑦ ᐃᖅᑲᓇᐃᔭᖅᑎᓕᕆᔨᒃᑯᑦ ᐱᓕᕆᐊᑦᓴᓕᐊᖏᓐᓂᑦ ᐊᒻᒪ ᐱᔨᑦᓯᕋᕈᑎᓕᐊᖏᓐᓂᑦ.  ᐃᖅᑲᓇᐃᔭᖅᑎᓕᕆᔨ ᓂᕆᐅᒋᔭᐅᒐᔭᖅᑐᖅ ᐊᑲᐅᖕᖏᓕᐅᕈᑎᓂᑦ ᐋᖅᑭᑦᓱᐃᔪᓐᓇᕐᓗᓂ ᐊᒻᒪ ᖃᐅᔨᒋᐊᖅᐸᓪᓗᓂ ᐊᒻᒪ ᑕᐃᒎᖅᑕᐅᔪᓂᑦ ᐱᓕᕆᕙᓪᓗᓂ ᐱᕙᓪᓕᐅᑎᔾᔪᑎᐅᕙᑦᑐᓂᑦ ᐃᓚᒋᐊᕈᑎᒋᕙᓪᓗᒋᑦ ᐊᒻᒪ ᐱᓕᕆᔾᔪᓯᖏᒍᑦ ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑕ ᐊᑕᐅᑦᓯᒃᑯᑦ ᐃᑲᔪᕐᓱᐃᔨᐅᓗᓂ ᐱᓕᕆᓂᒃᑯᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᕈᑎᖏᓐᓂᑦ ᐃᖃᓗᓐᓂᒥᐅᑕᓄᑦ.

ᐱᓯᒪᔭᕆᐊᓖᑦ ᐱᓕᕆᔪᓐᓇᐅᑏᑦ, ᐱᓕᒻᒪᓴᕐᓯᒪᔭᑦ ᐊᒻᒪ ᐱᓕᕆᐊᖑᓯᒪᔭᑦ:

• ᓯᓚᑦᑐᓴᕐᕕᔾᔪᐊᕐᕕᒻᒥ ᐃᓕᓐᓂᐊᕈᑎᖃᕐᓗᓂ ᐃᖅᑲᓇᐃᔭᖅᑎᓕᕆᓂᕐᒨᖓᑉᐸᑕ ᐱᐅᓂᕐᓴᖅ ᐅᕝᕙᓘᓐᓃᑦ ᐱᓕᕆᔨᒻᒪᕆᐅᓂᒃᑯᑦ ᐱᔭᕇᕈᑎᖃᕐᓗᓂ ᐱᔭᕇᕈᑎᑖᕋᓱᓪᓗᓂᓘᓐᓃᑦ ᐱᓯᒪᔭᕆᐊᓕᒻᒥᓂᒃ ᐃᖅᑲᓇᐃᔭᖅᑎᓕᕆᓂᕐᒨᖔᔪᓂᑦ.
• ᐊᕐᕌᒎᓐᓂᒃ ᒪᕐᕉᓐᓂᒃ ᐅᖓᑖᓂᓘᓐᓃᑦ ᐱᓕᕆᐊᖃᓚᐅᕐᓯᒪᒋᐊᓕᒃ ᐃᖅᑲᓇᐃᔭᖅᑎᓕᕆᓂᕐᒥ.
• ᒐᕙᒪᓕᕆᔨᓂ ᐱᓕᕆᔨᐅᓯᒪᒍᓂ ᐊᑲᐅᒋᔭᐅᓂᕐᓴᐅᔪᖅ.
• ᐱᓕᕆᓚᐅᕐᓯᒪᓗᓂ ᔫᓐᓂᐊᓕᕆᕙᑦᑐᓂᑦ ᐅᕝᕙᓘᓐᓃᑦ ᐃᓕᓐᓂᐊᕐᓯᒪᓗᓂ ᐃᖅᑲᓇᐃᔭᖅᑎᓕᕆᓂᕐᒨᖔᔪᓂᑦ ᐱᐅᒋᔭᐅᓂᕐᓴᐅᔪᖅ.
• ᓇᓗᓇᐃᔭᐃᓯᒪᒍᓐᓇᕐᓗᓂ ᐱᓕᕆᐊᑦᓴᓂᑦ ᖃᐅᔨᒪᓂᕐᒥᓂᒃ ᐊᔾᔨᒌᖏᑦᑐᓂᑦ ᑐᕌᖓᔪᓂᑦ ᐃᖅᑲᓇᐃᔭᖅᑎᓕᕆᓂᕐᒧᑦ ᓯᕗᓕᖅᑎᐅᓚᐅᕐᓯᒪᓗᓂ ᐃᖅᑲᓇᐃᔭᖅᑎᑖᕋᓱᑦᑎᓕᕆᓂᕐᒥ.
• ᓇᓗᓇᐃᕐᓯᒪᒍᓐᓇᕐᓗᓂ ᐱᕙᓪᓕᐅᑎᔪᓐᓇᓯᐊᖅᑐᓂᑦ ᐊᑐᓕᖁᔨᔾᔪᑎᓕᐅᕈᓐᓇᓂᕐᒥᓂᒃ ᐋᖅᒍᑎᑦᓴᐅᔪᓐᓇᖅᑐᓂᑦ ᐃᖅᑲᓇᐃᔭᖅᑐᓕᕆᓂᕐᒨᖓᔪᓂᑦ ᐱᔾᔪᑎᒋᓪᓗᒋᑦ ᒪᓕᒐᐃᑦ ᐊᔾᔨᒌᖏᑦᑐᑦ ᐊᒻᒪ ᐊᑐᐊᒐᐃᑦ.
• ᓇᓗᓇᐃᕐᓯᒪᒍᓐᓇᕐᓗᓂ ᖃᐅᔨᒪᓂᕐᒥᓂᒃ ᐊᓯᔾᔨᖅᑕᕈᓐᓇᖅᑐᓂᑦ ᐊᐅᓚᑦᓯᔨᓂᑦ.
• ᐊᓯᒥᓂᒃ ᐱᓕᕆᖃᑎᖃᕈᓐᓇᓯᐊᕐᓗᓂ ᐊᒻᒪᑦᑕᐅᖅ ᐃᓄᑑᓗᓂ ᖃᐅᔨᓴᖅᑕᐅᓗᐊᖏᓪᓗᓂ ᐱᓕᕆᔪᓐᓇᓯᐊᕐᓗᓂ.
• ᐅᓪᓗᕐᓯᐅᑎᒍᑦ ᐊᒻᒪ ᐱᓕᕆᐊᑦᓴᑎᒍᑦ ᐋᖅᑭᑦᓯᒪᔭᕆᐊᓕᓐᓂᑦ ᐊᐅᓚᑦᓯᔪᓐᓇᓯᐊᕐᓗᓂ.
• ᐃᖅᑲᓇᐃᔭᐅᑎᒥᑕ ᐃᓗᓕᓕᒫᑦᓯᐊᖏᓐᓂᑦ ᖃᐅᔨᒪᓇᓱᑉᐸᓪᓗᓂ ᐃᑉᐱᒍᓱᑉᐸᓪᓗᓂ.
• ᐊᑲᐅᖕᖏᓕᐅᕈᑎᓂᑦ ᓇᓗᓇᐃᕐᓯᔪᓐᓇᓯᐊᕐᓗᓂ ᐊᒻᒪ ᐋᖅᑮᓇᓱᒍᓐᓇᓯᐊᕐᓗᓂ.
• ᑐᑭᓕᐅᕆᔪᓐᓇᓯᐊᕐᓗᓂ ᑐᑭᓯᔪᓐᓇᓯᐊᕐᓗᒋᓪᓗ ᐊᒻᒪ ᐱᒋᐊᖅᑎᑦᓯᔪᓐᓇᕐᓗᓂ ᐃᖅᑲᓇᐃᔭᕐᕕᐅᑉ ᐃᓗᐊᓂ ᐊᑐᐊᒐᕐᓂᑦ ᐊᒻᒪ ᐱᓕᕆᔾᔪᑎᓂᑦ.
• ᐱᓕᕆᔨᐅᔪᒪᑦᓯᐊᕐᓂᖓ ᓇᓗᓇᐃᕐᓯᒪᑦᓯᐊᕐᓗᓂ ᓇᓗᓇᐃᕈᑎᖃᕐᓗᑎᒃ.
• ᖃᕋᑕᐅᔭᓕᕆᔾᔪᑎᓂᑦ ᖃᐅᔨᒪᓗᓂ, ᐊᒻᒪ ᐊᔾᔨᒌᖏᑦᑐᓂᑦ ᑎᑎᖅᑲᓕᐅᕈᑎᓂᑦ ᖃᕋᑕᐅᔭᒃᑯᑦ ᐊᒻᒪ ᐃᕐᖐᓇᖅᑕᐅᑎᒃᑰᕈᑎᓂᑦ.
• ᓇᕿᑦᑕᕈᓐᓇᓯᐊᕐᓗᓂ, ᑎᑎᖅᑲᑦᑕᖏᓐᓂᓪᓗ ᑕᒻᒪᕈᓐᓇᓯᐊᖏᓪᓗᓂ ᐊᒻᒪ ᐅᖃᑦᓯᐊᕈᓐᓇᕐᓗᓂ ᒥᑦᓯᓕᒻᒥᑦ.
• ᐊᓪᓚᕕᓐᓂ ᐱᓕᕆᔾᔪᑎᓂᑦ ᖃᐅᔨᒪᑦᓯᐊᕐᓗᓂ.
• ᐃᓕᑦᑐᕈᓐᓇᓯᐊᕐᓗᓂ ᐊᒻᒪ ᐃᓕᑦᑕᐅᑎᒋᔪᓐᓇᐸᓗᓪᓗᓂ ᖃᕋᑕᐅᔭᒃᑯᑦ ᐱᓕᕆᔾᔪᑎᓂᑦ.
• ᐱᓕᕆᔾᔪᑎᓂᑦ ᖃᕋᑕᐅᔭᒃᑯᑦ ᐃᓗᓕᖏᓐᓂᑦ ᖃᐅᔨᓴᕈᓐᓇᓯᐊᕐᓗᓂ
• ᖃᐅᔨᓴᕈᓐᓇᐅᑎᓂᑦ ᖃᐅᔨᒪᒋᐊᓕᓐᓂᑦ ᐱᓕᒻᒪᓴᕐᓯᒪᒋᐊᓕᒃ.
• ᑎᒥᐅᔪᒥ ᐃᖅᑲᓇᐃᔭᖅᑎᓂᑦ ᐊᔾᔨᒌᖏᑦᑐᓂᑦ ᐱᓕᕆᖃᑎᖃᕈᓐᓇᕐᓗᓂ ᐱᓕᕆᖃᑎᒋᔪᓐᓇᐅᑎᒥᓂᒃ ᒪᑭᒪᑎᑦᓯᑦᓯᐊᐸᓪᓗᓂ, ᐃᖅᑲᓇᐃᔭᕐᕕᐅᑉ ᓯᓚᑖᓂ ᐱᓕᕆᔨᓂᑦ ᐱᓕᕆᔾᔪᑎᓕᐅᕈᓐᓇᓯᐊᕐᓗᓂ.
• ᐅᖄᓚᐅᑎᒃᑯᑦ ᐱᓕᕆᔨᒻᒪᕆᐅᔪᓐᓇᕐᓗᓂ ᐊᒻᒪ ᓴᖕᖏᓂᖃᑦᓯᐊᖅᑐᒥᑦ ᐱᓕᕆᔨᐅᓂᕐᒥᑦ ᐱᓕᒻᒪᓴᕐᓯᒪᑦᓯᐊᕐᓗᓂ.
• ᐅᓂᒃᑳᖃᕈᓐᓇᓯᐊᕐᓗᓂ ᓱᓇᑐᐃᓐᓇᕐᓂᑦ.
• ᑕᐅᑦᑐᖓ ᐊᓐᓄᕌᕐᓯᒪᓂᕆᕙᑦᑕᖓ ᐃᖅᑲᓇᐃᔭᖅᑎᒻᒪᕆᐅᔮᖅᐸᓪᓗᓂ ᐊᒻᒪ ᑐᖕᖓᓇᖅᐸᓪᓗᓂ ᖃᓄᓕᒫᖅ.
• ᐃᑉᐱᒍᓱᑦᓯᐊᕐᓗᓂ ᐊᓯᒥᓂᒃ ᐱᓕᕆᔪᓐᓇᕆᐊᓕᒃ, ᐅᖃᕆᐊᓕᓐᓂᑦ ᐅᖃᑦᓯᐊᖃᑦᑕᕐᓗᓂ, ᐱᓕᕆᑦᓯᐊᑐᒻᒪᕆᐅᕙᓪᓗᓂ ᖃᖓᓕᒫᑦᓯᐊᖅ.
• ᐱᐅᔪᒻᒪᕆᒃ ᐅᖃᓕᒫᕈᓐᓇᕈᓂ/ᑎᑎᕋᕈᓐᓇᕈᓂ/ᐅᖃᕈᓐᓇᕈᓂᓗ ᐃᓄᑦᑎᑐᑦ.

ᓇᓕᒧᑦᑐᑦ ᒪᑯᐊ ᐃᓕᓐᓂᐊᕈᑎᓪᓚᕆᓐᓄᑦ ᐃᓱᒪᕐᓴᕐᓯᐅᕈᑎᐅᔪᓐᓇᖅᑐᑦ ᐃᓕᓐᓂᐊᕈᑎᓄᑦ, ᖃᐅᔨᒪᔭᐅᔪᓄᑦ, ᐱᓕᒻᒪᓴᖅᑕᐅᓯᒪᔪᓄᑦ ᐊᒻᒪ ᐱᓕᕆᔾᔪᑎᐅᔪᓐᓇᖅᑐᓄᑦ.

ᐊᑐᐃᓐᓇᕈᐃᓯᒪᒋᐊᖃᖅᑐᓯ ᐊᔾᔨᖏᓐᓂᑦ ᒫᓐᓇᓂᓴᕐᓂᑦ ᐃᓕᓐᓂᐊᕈᑎᓂᑦ ᐱᔭᕇᕈᑎᖏᓐᓂᑦ ᐊᒻᒪ ᐊᓯᖏᓐᓂᑦ ᐃᓚᓕᐅᑎᓯᒪᓗᒋᑦ ᐃᖅᑲᓇᐃᔮᖅᑖᕋᓲᑎᓐᓄᑦ.

ᐊᕐᕌᒍᓕᒫᒥ ᑮᓇᐅᔭᓕᐊᕆᔪᓐᓇᖅᑕᖏᑦ ᐃᖅᑲᓇᐃᔮᒃᑯᑦ $72,319.63 ᐊᕐᕌᒍᒧᑦ ᐃᑲᔫᓯᐊᖅᐸᓪᓗᓂ ᓄᓇᓕᓐᓂᒥᐅᑕᐅᓂᕐᒧᑦ ᑐᕌᖓᔪᓂᑦ $22,378.25 ᐊᒻᒪᑦᑕᐅᖅ ᐱᐅᔪᐊᓗᓐᓂᑦ ᐃᑲᔫᓯᐊᖅᐸᓪᓗᓂ ᐊᓯᖏᓐᓂᑦ.

ᐃᖅᑲᓇᐃᔮᖅᑖᕋᓱᐊᕈᑎᓯ ᐅᕗᖕᖓᕆᐊᓖᑦ:

ᓇᓗᓇᐃᔭᐃᑎᖓ: 2017-36
ᑎᑎᖅᑲᒃᑯᕕᖓ 460
ᐃᖃᓗᐃᑦ, ᓄᓇᕗᑦ X0A 0H0
hr@city.iqaluit.nu.ca
ᓱᑲᑦᑐᒃᑰᕈᑎᖓ: 979-5210

ᑕᐃᒃᑯᐊ ᑭᓯᐊᓂ ᐃᖅᑲᓇᐃᔭᐅᑎᓂᑦ ᐊᑐᐊᒐᕐᓂᑦ ᒪᓕᑦᑐᑦ ᐊᐱᕐᓱᖅᑕᐅᒐᔭᖅᑐᑦ.

ᒪᓕᑦᑐᒋᑦ ᑎᑎᕋᕐᓯᒪᔪᑦ 23-ᒥ ᓄᓇᕘᒥᑦ ᓄᓇᑖᕈᑕᐅᓯᒪᔪᒥ ᐊᖏᕈᑎᒥ, ᓯᕗᓪᓕᐅᔾᔭᐅᔪᓐᓇᖅᑐᑦ ᓄᓇᕘᒧᑦ ᐊᖏᕈᑎᒥ ᐊᑎᖃᖃᑕᐅᔪᑦ ᒪᓕᑦᑐᑦ ᐊᑐᐊᒐᕐᓂᑦ ᐃᖅᑲᓇᐃᔮᖅᑖᕋᓱᐊᕈᑎᓂᑦ.