ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-34 ᐱᖕᖑᐊᖅᑐᓕᕆᔨᒃᑯᓐᓂ ᐱᔨᑦᓯᕋᖅᑎ
ᐃᖅᑲᓇᐃᔭᑲᐃᓐᓇᖅᑎ ᒪᑐᐃᖓᔪᖅ ᐃᖅᑲᓇᐃᔮᑦᓴᖅ
ᐱᖕᖑᐊᖅᑐᓕᕆᔨᒃᑯᓐᓂ ᐱᔨᑦᓯᕋᖅᑎ
ᐳᐃᔾᔪᕋᕐᕕᒻᒥ
ᐱᖕᖑᐊᖅᑐᓕᕆᔨᒃᑯᓐᓂ ᐱᔨᑦᓯᕋᖅᑎ ᓯᕗᓪᓕᖅᐹᖑᓗᓂ ᐅᖃᕐᕕᐅᖃᑦᑕᕋᔭᖅᑐᖅ ᐱᖕᖑᐊᕐᕕᒻᒥ. ᑭᒃᑯᑐᐃᓐᓇᕐᓂᑦ ᖃᓄᑐᐃᓐᓇᖅ ᑐᑭᓯᒋᐊᖅᑎᑦᓯᔨᐅᒐᔭᖅᑐᖅ ᐱᖕᖑᐊᖅᑐᓕᕆᔪᓂᑦ ᐊᒻᒪ ᖃᓄᐃᓕᐅᕈᑎᓕᕆᔪᓂᑦ. ᐱᖕᖑᐊᕐᕕᓐᓂᑦ ᐊᑐᖅᑐᐊᕈᒪᔪᓂᑦ ᐃᓂᑦᓴᓕᐅᖅᑎᐅᓗᓂ, ᐱᓕᕆᐊᑦᓴᓄᑦ ᐊᒻᒪ ᐱᖕᖑᐊᕈᑎᓄᑦ ᐃᓚᒋᔭᐅᔪᒪᔪᓂᑦ ᐊᑎᓕᐅᖅᑎᐅᓗᓂ ᐊᒻᒪ ᐊᑭᓖᕕᐅᕙᓪᓗᓂ. ᐃᖅᑲᓇᐃᔭᖅᑎᑦᓴᖅ ᑭᐅᔨᐅᒐᔭᖅᑐᖅ ᐅᖄᓚᐅᑎᓂᑦ ᐊᒻᒪ ᐊᔾᔨᒌᖏᑦᑐᓂᑦ ᐸᐃᑉᐹᓕᕆᔨᐅᕙᓪᓗᓂ ᐱᖕᖑᐊᖅᑐᓕᕆᔨᒃᑯᓐᓄᑦ ᐃᖅᑲᓇᐃᔮᓂᑦ. ᑐᑭᓯᐅᒪᔭᕆᐊᓖᑦ ᐱᖕᖑᐊᖅᑐᓕᕆᓂᕐᒧᑦ ᐊᐅᓚᑦᓯᔾᔪᓯᓂ ᐊᒻᒪ ᖃᐅᔨᒪᓗᑎᒃ ᓄᓇᓕᐸᐅᔭᒃᑯᑦ ᐱᖕᖑᐊᖅᑐᓕᕆᓂᕐᒧᑦ ᐱᓕᕆᐊᕆᕙᑦᑕᖏᓐᓂᑦ ᖃᓄᑐᐃᓐᓇᖅ ᐊᒻᒪ ᑭᐅᕙᓪᓗᓂ ᐊᐱᖅᑯᑎᓕᓐᓂᑦ ᐱᖕᖑᐊᖅᑐᓕᕆᓂᕐᒨᖓᔪᓂᑦ. ᐃᑲᔪᖅᑎᐅᒐᔭᕐᒥᔪᖅ ᑮᓇᐅᔭᓂᑦ ᐱᕈᕐᓴᐃᓂᕐᒥᑦ ᐊᒻᒪ ᖃᓄᐃᓕᐅᕈᑎᖏᓐᓂᑦ.
ᐱᓯᒪᔭᕆᐊᓖᑦ:
- ᐃᓕᓐᓂᐊᕐᕕᐊᓗᒻᒥᑦ ᐱᔭᕇᕈᑎᒥᑦ ᐊᔾᔨᐸᓗᐊᓂᓘᓐᓃᑦ
- ᖃᕋᑕᐅᔭᓕᕆᓕᓂᐅᓗᓂ, ᖃᐅᔨᒪᑦᓯᐊᕐᓗᓂᓗ ᐱᓕᕆᔾᔪᑎᓂᑦ ᖃᕋᑕᐅᔭᒃᑯᑦ ᐊᔾᔨᒌᖏᑦᑐᓂᑦ ᑎᑎᖅᑲᓕᐅᕈᑎᓂᑦ
- ᓇᕿᑦᑕᕈᓐᓇᓯᐊᕐᓗᓂ
- ᖃᓄᐃᓕᐅᕈᑎᓄᑦ ᐅᓪᓗᕐᓯᐅᑎᓕᕆᓕᓂᐅᓗᓂ ᐅᕝᕙᓘᓐᓃᑦ ᐃᓂᑦᓴᓕᐅᕆᔨᐅᓯᒪᓗᓂ
- ᐱᔨᑦᓯᕋᖅᑎᑦᓯᐊᕙᐅᓗᓂ ᐱᔨᑦᓯᕋᖅᑕᐅᒋᐊᓕᓐᓂᑦ
- ᑐᓴᐅᒪᖃᑎᖃᕈᓐᓇᓯᐊᕐᓗᓂ ᐱᔨᑦᓯᖅᑕᒥᓂᒃ ᐊᒻᒪ ᐃᖅᑲᓇᐃᔭᖃᑎᒥᓂᒃ. ᑐᖕᖓᓇᖅᐸᓪᓗᓂ ᐊᒻᒪ ᐊᓯᒥᓂᒃ ᐃᑉᐱᒍᓱᑦᓯᐊᖅᑎᐅᓗᓂ ᐃᖅᑲᓇᐃᔭᕐᕕᓐᓂ ᓯᓚᑎᖏᓐᓂᓪᓗ
- ᐅᖃᐅᓯᒃᑯᑦ ᑐᓴᐅᒪᖃᑎᖃᕈᓐᓇᑦᓯᐊᕆᐊᓕᒃ
- ᐃᖅᑲᓇᐃᔭᕐᕕᒻᒥᓄᑦ ᐅᐸᐃᓐᓇᕈᓐᓇᕆᐊᓕᒃ ᐊᒻᒪ ᑭᖑᕙᖅᐸᖏᓪᓗᓂ
- ᐃᖅᑲᓇᐃᔭᐅᑎᓂᑦ ᐊᔾᔨᒌᖏᑦᑐᓂᑦ ᐸᐃᑉᐹᓕᕆᔪᓐᓇᕆᐊᓕᒃ (ᓲᕐᓗ ᑕᑕᑎᕆᐊᓕᓐᓂᑦ ᐊᔾᔨᒌᖏᑦᑐᓂᑦ, ᑎᑎᖅᑲᓕᕆᔪᓐᓇᓯᐊᕐᓗᓂ ᑐᖅᑯᖅᑕᐅᓯᒪᒋᐊᓕᓐᓂᑦ)
- ᐊᐅᓚᑦᓯᔨᒥᓄᑦ ᖃᐅᔨᓴᖅᑕᐅᓗᐊᕌᓗᒋᐊᑐᖕᖏᓪᓗᓂ ᑎᓕᔭᐅᖏᒃᑲᓗᐊᕈᓂ
- ᖃᐅᔨᒪᐅᑎᖃᕐᓗᓂ ᐃᑲᔪᕋᓱᒍᓐᓇᕐᓂᕐᒥᓂᒃ ᐊᓂᖅᑎᕆᔪᓐᓇᐃᓪᓕᔪᓂᑦ ᐊᒻᒪ ᒪᑦᑐᓰᑦᓯᐊᓂᕐᒥᑦ
- ᐃᓄᑦᑎᑐᑦ ᐅᖃᕈᓐᓇᕈᓂ ᐱᕙᓪᓕᐅᑎᒻᒪᕆᓐᓂᐊᖅᑐᖅ
- Lifesaving Society Bronze Medallion is an asset
ᐊᔾᔨᐸᓗᖏᑦ ᑲᑎᑦᑐᒋᑦ ᐃᓕᓐᓂᐊᕈᑎᒥᓃᑦ, ᖃᐅᔨᒪᓂᐅᔪᑦ, ᐱᓕᒻᒪᓴᖅᑕᐅᓯᒪᔪᑦ ᐊᒻᒪ ᐱᓕᕆᔪᓐᓇᐅᑎᐅᔪᑦ ᐃᓕᓐᓂᐊᕈᑎᓪᓚᕆᓐᓄᑦ ᐃᓱᒪᕐᓴᕐᓯᐅᕈᑕᐅᔪᓐᓇᖅᑐᑦ.
ᐃᑲᕐᕋᕐᓯᐅᑎᖏᑦ $28 ᐊᒻᒪ ᓄᓇᓕᓐᓂᒥᐅᑕᐅᓂᕐᒧᑦ ᐃᑲᔫᓯᐊᖃᖅᑐᓂ $11.48-ᓂᑦ ᐃᑲᕐᕋᒧᑦ.
ᒪᑐᕕᑦᓴᖓ: 11-ᒥ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᖕᖑᔭᖓᖑᑦ, ᒪᐃ 19, 2017
ᐃᖅᑲᓇᐃᔮᖅᑖᕋᓱᐊᕈᑎᓯ ᐅᕗᖕᖓᕆᐊᓖᑦ:
ᓇᓗᓇᐃᔭᐃᑎᖓ: 2017-34
ᑎᑎᖅᑲᒃᑯᕕᖓ 460
ᐃᖃᓗᐃᑦ, ᓄᓇᕗᑦ X0A 0H0
hr@city.iqaluit.nu.ca
ᓱᑲᑦᑐᒃᑰᕈᑎᖓ: 979-5210
ᑕᐃᒃᑯᐊ ᑭᓯᐊᓂ ᐃᖅᑲᓇᐃᔭᐅᑎᓂᑦ ᐊᑐᐊᒐᕐᓂᑦ ᒪᓕᑦᑐᑦ ᐊᐱᕐᓱᖅᑕᐅᒐᔭᖅᑐᑦ.
ᓄᓇᓕᐸᐅᔭᒃᑯᑦ ᐱᔪᓐᓇᐅᑎᖃᑦᓯᐊᖅᑐᑦ ᐃᖅᑲᓇᐃᔭᖅᑎᐅᓯᓐᓇᖅᑐᓂᑦ ᐃᖅᑲᓇᐃᔭᖅᑎᑖᕈᓐᓇᓂᕐᒥᑦ. ᒪᓕᑦᑐᒋᑦ ᑎᑎᕋᕐᓯᒪᔪᑦ 23-ᒥ ᓄᓇᕘᒥᑦ ᓄᓇᑖᕈᑕᐅᓯᒪᔪᒥ ᐊᖏᕈᑎᒥ, ᓯᕗᓪᓕᐅᔾᔭᐅᔪᓐᓇᖅᑐᑦ ᓄᓇᕘᒧᑦ ᐊᖏᕈᑎᒥ ᐊᑎᖃᖃᑕᐅᔪᑦ ᒪᓕᑦᑐᑦ ᐊᑐᐊᒐᕐᓂᑦ ᐃᖅᑲᓇᐃᔮᖅᑖᕋᓱᐊᕈᑎᓂᑦ.
ᓴᖅᑭᖅᑕᑦ: ᒪᐃ 5, 2017
