ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-33 ᐃᑲᔪᖅᑎ ᐳᐃᔾᔪᕋᕐᕕᒻᒥ ᖃᐅᔨᓴᖅᑎᒧᑦ/ᐳᐃᔾᔪᕋᕆᐅᕐᓴᖅᑎᒥᑦ
ᐊᐅᔭᒃᑯᑦ ᐃᓕᓐᓂᐊᖅᑎᒧᑦ ᐃᖅᑲᓇᐃᔮᑦᓴᖅ
ᐃᑲᔪᖅᑎ ᐳᐃᔾᔪᕋᕐᕕᒻᒥ ᖃᐅᔨᓴᖅᑎᒧᑦ/ᐳᐃᔾᔪᕋᕆᐅᕐᓴᖅᑎᒥᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᑦ ᐃᖅᑲᓇᐃᔭᕈᒪᑦᓯᐊᖅᑐᒥᑦ ᐃᑲᔪᖅᑎᑦᓴᕐᓯᐅᓕᕐᒥᔪᑦ ᐳᐃᔾᔪᕋᕐᕕᒻᒥ ᖃᐅᔨᓴᖅᑎᒧᑦ/ᐳᐃᔾᔪᕋᕆᐅᕐᓴᖅᑎᒧᑦ ᐃᖃᓗᓐᓂ ᐳᐃᔾᔪᕋᕐᕕᒻᒥ ᐊᐅᔭᐅᓂᖓᓂ. ᐃᑲᔪᖅᑎᐅᒐᔭᖅᑐᖅ ᖃᐅᔨᓴᖅᑎᓂᑦ ᐳᐃᔾᔪᕋᕐᕕᒻᒦᑦᑐᓂᑦ ᖃᐅᔨᓴᖅᑎᓪᓗᒋᑦ ᐊᑦᑕᓇᖅᑐᒐᓚᓐᓂᑦ ᐱᑕᖃᓕᖕᖏᒃᑲᓗᐊᕐᒪᖔᕐᓗ ᖃᐅᔨᓴᖅᐸᓪᓗᓂ. ᐊᓯᕈᓘᔭᖏᓐᓂᑦ ᖃᐅᔨᓴᖃᑦᑕᓂᐊᕐᒥᔪᖅ ᐳᐃᔾᔪᕋᕐᕕᒻᒥ. ᐃᑲᔪᖃᑦᑕᕋᔭᕐᒥᔪᑦ ᐳᐃᔾᔪᕋᕆᐅᕐᓴᑎᑦᓯᔪᓂᑦ ᐊᒻᒪ ᐊᓯᖏᓐᓂᑦ. ᐃᖅᑲᓇᐃᔭᖃᑦᑕᕋᔭᖅᑐᖅ ᐅᓐᓄᒃᑯᑦ ᐊᒻᒪ ᐱᓇᓱᐊᕈᓰᑦ ᓄᖕᖑᖏᓐᓂ ᐱᓇᓱᐊᕈᓯᓕᒫᖅ ᐃᑲᕐᕋᖃᖅᐸᓪᓗᓂ 10-ᓂᑦ 15-ᓄᑦ. ᓴᓗᒻᒪᕐᓴᐃᖃᑦᑕᕋᔭᕐᒥᔪᖅ ᐳᐃᔾᔪᕋᕐᕕᐅᑉ ᐃᓗᐊᓂ ᓴᓗᒻᒪᕐᓴᕆᐊᖃᕐᓂᖏᓐᓂᑦ ᐳᐃᔾᔪᕋᕐᕕᐅᑉ ᐃᓗᐊ ᓴᓗᒪᐃᓐᓇᖁᓪᓗᒍ.
ᐱᔭᑦᓴᖏᑦ ᐊᒻᒪ ᑲᒪᒋᔭᕆᐊᓕᖏᑦ:
- ᐃᖅᑲᓇᐃᔭᕈᓐᓇᕐᓗᓂ ᐅᓐᓄᒃᑯᑦ ᐊᒻᒪ ᐱᓇᓱᐊᕈᓰᑦ ᓄᖕᖑᖏᓐᓂ
- ᑭᒃᑯᑐᐃᓐᓇᕐᓂᑦ ᐱᓕᕆᖃᑎᖃᖅᐸᓪᓗᓂ ᐳᐃᔾᔪᕋᕐᕕᒨᖅᐸᑦᑐᓂᑦ ᐃᖅᑲᓇᐃᔭᖅᑎᒻᒪᕆᐅᓂᒃᑯᑦ.
- ᐳᐃᔾᔪᕋᕐᕕᒨᖅᐸᑦᑐᓂᑦ ᐅᓗᕆᐊᓇᖅᑐᒦᑎᑦᓯᑦᑕᐃᓕᒪᕙᓪᓗᓂ ᒪᓕᑦᑕᐅᑎᓇᓱᐊᕐᓗᒋᑦ ᒪᓕᒐᖏᑦ ᐊᒻᒪ ᐱᕐᕈᓗᐊᕿᑎᑦᓯᔾᔪᑎᐅᔪᓐᓇᖅᑐᓂᑦ ᐱᑕᖃᖅᑎᑦᓯᓇᓱᐊᖅᐸᖏᓪᓗᓂ.
- ᐃᑲᔪᖅᐸᓪᓗᓂ ᖃᐅᔨᓴᖅᑎᓂᑦ ᑐᐊᕕᕐᓇᖅᑐᑕᖃᓕᕋᐃᑉᐸᑦ ᒪᑦᑐᓯᖅᑐᖃᕆᐊᖃᖅᐸᓘᓐᓃᑦ ᐊᒻᒪ ᐱᐅᓕᐊᕆᔭᐅᔪᖃᕐᓗᓂᓘᓐᓃᑦ.
- ᐳᐃᔾᔪᕋᕆᐅᕐᓴᑎᑦᓯᔪᓂᑦ ᐃᑲᔪᖅᐸᓪᓗᓂ.
- ᐳᐃᔾᔪᕋᕐᕕᐅᑉ ᐃᒪᖓᓂᑦ ᖃᐅᔨᓴᖅᐸᓪᓗᓂ ᑎᑎᕋᖅᐸᓪᓗᓂᒋᑦ ᖃᐅᔨᓴᐅᑎᓂ.
- ᑎᑎᕋᖅᐸᓪᓗᓂ ᐳᐃᔾᔪᕋᕐᕕᒻᒥ ᖃᓄᐃᓕᐅᕈᑎᐅᔪᓂᑦ ᐃᖅᑲᓇᐃᔭᖅᑎᓪᓗᒍ ᐊᒻᒪ ᑎᑎᕋᕆᐊᓕᓐᓂᑦ.
- ᑮᓇᐅᔭᓕᕆᕙᓪᓗᓂ.
- ᓴᓗᒻᒪᕐᓴᐃᓚᐅᖅᐸᓪᓗᓂ ᐊᒻᒪ ᐱᓕᕆᔾᔪᑎᓂᑦ ᒪᑭᒪᑎᑦᓯᔾᔪᑎᓕᕆᕙᓪᓗᓂ.
- ᐃᖅᑲᓇᐃᔭᖅᑏᑦ ᐱᓕᒻᒪᓴᖅᑎᑕᐅᑎᓪᓗᒋᑦ ᐃᓚᒋᔭᐅᕙᓪᓗᓂ.
- ᐱᓕᕆᔾᔪᓯᖓᒍᑦ ᐊᔪᕆᑕᐅᔪᒥᓇᕋᓱᑉᐸᓪᓗᓂ ᓱᕈᓯᕐᓄᑦ ᐊᒻᒪ ᓯᕗᓕᖅᑎᐅᓂᒃᑯᑦ ᑕᑯᓐᓇᖅᑕᐅᓗᓂ
- ᒪᑭᒪᑎᑉᐸᓪᓗᒋᑦ ᐱᔪᓐᓇᐅᑎᓂ ᐃᓕᓐᓂᐊᕈᑎᓂ
ᐱᓯᒪᖁᔭᐅᔪᑦ ᐃᓕᓐᓂᐊᕈᑏᑦ:
- ᐊᕐᕌᒍᖃᕐᓗᓂ 16-ᓂᑦ ᐊᖏᔪᑦᑎᐅᓗᓂᓘᓐᓃᑦ
- ᒪᑦᑐᓯᑦᓰᑦᓯᐊᓂᕐᒥᑦ ᐃᓕᓐᓂᐊᕐᓯᒪᓗᓂ ᐊᒻᒪ ᐊᓂᖅᑎᕆᓇᓱᐊᕐᓂᕐᒥᑦ ᐃᓕᓐᓂᐊᕐᓯᒪᓗᓂ
- ᐳᐃᔾᔪᕋᕐᕕᒻᒦᑦᑐᓂᑦ ᖃᐅᔨᓴᖅᑎᐅᓂᕐᒥᑦ ᐃᓕᓐᓂᐊᕈᑎᖃᕐᓗᓂ ᐱᔭᕇᕈᑎᖃᕐᓗᓂ
- ᒫᓐᓇᓂᓴᕐᓂᑦ ᓇᓗᓇᐃᔭᐃᑎᖃᕐᓗᓂ ᐳᐃᔾᔪᕋᕐᕕᒻᒥ ᖃᐅᔨᓴᖅᑎᓄᑦ ᑲᑐᔾᔨᖃᑎᒌᒃᑯᑦ ᐃᑲᔪᖅᑎᐅᔪᓐᓇᕋᒥ ᐳᐃᔾᔪᕋᕆᐅᕐᓴᑎᑦᓯᔨᓂᑦ
ᐃᓕᓐᓂᐊᕐᓯᒪᖁᒥᒋᔭᐅᔪᑦ, ᐱᓕᒻᒪᓴᕐᓯᒪᑦᓯᐊᖁᔭᐅᔪᑦ ᐊᒻᒪ ᖃᐅᔨᒪᖁᔭᐅᔪᑦ:
- ᓱᕈᓯᓕᕆᓚᐅᕐᓯᒪᓗᓂ ᐱᖕᖑᐊᖅᑐᓕᕆᔨᒃᑯᑎᒍᑦ.
- ᑭᒃᑯᑐᐃᓐᓇᕐᓄᑦ ᐅᐸᒐᕐᓂ ᐱᓕᕆᓕᓂᐅᓗᓂ
- ᐱᓕᕆᓕᓂᐅᓗᓂ ᐱᔨᑦᓯᕋᕐᕕᒻᒥ
- ᑭᒃᑯᑐᐃᓐᓇᓕᕆᔪᓐᓇᓯᐊᕐᓗᓂ ᐊᒻᒪ ᑐᓴᐅᒪᑎᑦᓯᓕᕆᓂᕐᒥᑦ ᐱᓕᒻᒪᓴᕐᓯᒪᑦᓯᐊᕐᓗᓂ
- ᑐᑭᓯᐊᒍᓐᓇᓯᐊᕐᓗᓂ ᐅᖃᕈᓐᓇᓯᐊᕐᓗᒋᓪᓗ ᐃᓄᑦᑎᑐᑦ ᐊᒻᒪ ᐅᐃᕖᑎᑐᑦ ᐱᕙᓪᓕᐅᑎᒐᔭᖅᑐᖅ
ᓇᓕᒧᖏᑦ ᐊᑐᖅᑕᐅᓯᒪᔪᑦ ᑲᑎᑦᑐᒋᑦ ᐃᓕᓐᓂᐊᕈᑏᑦ, ᖃᐅᔨᒪᔭᐅᔪᑦ, ᐱᓕᒻᒪᓴᕐᓯᒪᔭᐅᔪᑦ ᐊᒻᒪ ᐱᔪᓐᓇᐅᑏᑦ ᐃᓕᓐᓂᐊᕈᑎᒻᒪᕆᓐᓄᑦ ᐃᓱᒪᕐᓴᕐᓯᐅᕈᑕᐅᔪᓐᓇᓯᐊᖅᑐᑦ.
ᐱᔾᔪᑎᒋᓪᓗᒍ ᖃᓄᐃᑦᑑᓂᖓ ᐃᖅᑲᓇᐃᔮᑦᓴᐅᑉ, ᐃᖅᑲᓇᐃᔭᖅᑎᑖᖑᔪᑦ ᖃᐅᔨᓴᖅᑕᐅᔭᕆᐊᓖᑦ ᐳᕙᓪᓗᖏᒃᑲᓗᐊᕐᒪᖔᑕ ᐊᒻᒪ ᐃᖅᑲᖅᑐᐃᕕᑎᒍᑦ ᖃᓄᐃᓕᔭᐅᓯᒪᖕᖏᒃᑲᓗᐊᕐᒪᖔᑕ.
ᑮᓇᐅᔭᓕᐅᕈᑎᒍᑦ ᐱᒋᐊᕈᑎᑦᓴᖏᑦ: $25.84 ᐃᑲᕐᕋᕐᓯᐅᑎ ᐊᒻᒪ 6 ᐳᓴᓂᑦ ᕿᑲᖅᑐᖅᓯᐅᑎᓄᑦ ᐃᑲᔫᑎᓂ
ᐃᖅᑲᓇᐃᔮᖅᑖᕋᓲᑎᓯ ᐊᒻᒪ ᐊᔾᔨᖏᓐᓂᑦ ᖃᐅᔨᒪᔾᔪᑎᓯ ᐃᓕᓐᓂᐊᕈᑏᑦ ᖃᓄᑐᐃᓐᓇᖅ ᐅᕗᖕᖓᕈᓐᓇᖅᑐᑦ ᖃᕋᑕᐅᔭᒃᑯᑦ ᐅᕝᕙᓘᓐᓃᑦ ᓇᒻᒥᓂᑦᓯᐊᒻᒪᕆᒃ ᐸᔫᑎᒋᓗᒋᑦ:
ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
ᓱᑲᑦᑐᒃᑯᑦ: (867) 979-5210
hr@city.iqaluit.nu.ca
ᓇᓗᓇᐃᒃᑯᑎᖓ #2017-33
ᖃᐅᔨᒃᑲᖅᑕᐅᓂᐊᖅᑐᑦ ᑕᐃᒃᑯᐊ ᐊᐱᕐᓱᖅᑕᐅᔪᒪᓂᐊᖅᑐᑦ ᑭᓯᐊᓂ.
ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᕈᒪᒍᑎᒃ ᐊᑐᕈᓐᓇᖅᑐᑦ ᓯᕗᓪᓕᐅᑎᑦᓯᔾᔪᑎᓄᑦ ᐊᑐᐊᒐᕐᒥᑦ ᐃᖅᑲᓇᐃᔭᖅᑎᐅᓯᓐᓇᖅᑐᓄᑦ ᐃᖅᑲᓇᐃᔮᖅᑖᕋᓱᑦᑐᓂᑦ.
ᒪᓕᑦᑐᒋᑦ ᑎᑎᕋᕐᓯᒪᔪᑦ 23-ᒥ ᓄᓇᕘᒥᑦ ᓄᓇᑖᕈᑕᐅᓚᐅᖅᑐᒥ ᐊᖏᕈᑎᒥ, ᓯᕗᓪᓕᐅᔾᔭᐅᔪᓐᓇᖅᑐᑦ ᐊᖏᕈᑎᒥ ᐊᑎᖃᖃᑕᐅᔪᑦ ᒪᓕᑦᑐᑦ ᐃᖅᑲᓇᐃᔮᖅᑖᕋᓲᑎᓂᑦ ᒪᓕᒐᕐᓂᑦ.
