2017-24 ᐃᓐᓇᑐᖃᒃᑯᕕᒻᒥ ᐱᖕᖑᐊᖅᑐᓕᕆᔨᒃᑯᑎᒍᑦ ᐃᑲᔪᖅᑎ

ᖃᐅᑕᒫᖅᑐᖅᓯᐅᑎ ᐅᓪᓘᑉ ᐃᓚᐃᓐᓇᖓᓂ ᐃᖅᑲᓇᐃᔮᑦᓴᖅ
ᐃᓐᓇᑐᖃᒃᑯᕕᒻᒥ ᐱᖕᖑᐊᖅᑐᓕᕆᔨᒃᑯᑎᒍᑦ ᐃᑲᔪᖅᑎ

  ᐊᖏᔪᖅᑳᖃᕐᓗᓂ ᐱᖕᖑᐊᖅᑐᓕᕆᔨᒃᑯᑦ ᑐᑭᒧᐊᑦᑎᑦᓯᔨᖓᓐᓂᑦ, ᐃᖅᑲᓇᐃᔭᖅᑎᑦᓴᖅ ᐃᖅᑲᓇᐃᔭᖃᑦᑕᕋᔭᖅᑐᖅ ᐃᓐᓇᑐᖃᐃᑦ ᑲᑎᒪᕕᖓᓂ ᖃᒻᒪᐅᓂᕋᖅᑕᒥ (ᐃᓐᓇᑐᖃᐃᑦ ᐅᐸᒐᖓᑦ) ᐃᑲᔪᖅᐸᓪᓗᓂ ᐃᓕᖅᑯᓯᕆᔭᐅᔪᓅᖓᔪᓂᑦ ᐊᒻᒪ ᐱᓕᕆᐊᑦᓴᓂ ᐃᓐᓇᑐᖃᕐᓄᑦ ᐊᑐᖅᑕᐅᕙᑦᑐᓂ.  ᐃᖅᑲᓇᐃᔭᖅᑎᑦᓴᖅ ᑲᒪᔨᐅᒐᔭᖅᑐᖅ ᑲᑎᒪᕕᒻᒥ ᐊᑦᑕᓇᑦᑕᐃᓕᒪᔪᓕᕆᕙᓪᓗᓂ ᐊᒻᒪ ᑐᖕᖓᓇᖅᑎᑦᓯᓗᓂ ᐃᓐᓇᑐᖃᕐᓂᑦ.  ᐃᓐᓇᑐᖃᐃᑦ ᐱᖕᖑᐊᖅᑐᓕᕆᔨᒃᑯᑎᒍᑦ ᐃᑲᔪᖅᑎ ᐃᑲᔪᖃᑦᑕᕋᔭᕐᒥᔪᖅ ᐃᓐᓇᑐᖃᐃᑦ ᑲᑎᒪᒋᐊᖃᓕᕋᐃᑉᐸᑕ ᖃᒻᒪᖓᓂ ᐊᒻᒪ ᐸᐃᑉᐹᓕᕆᕙᓪᓗᓂ ᐸᐃᑉᐹᓕᕆᒋᐊᓕᓐᓂᑦ.  ᐃᖅᑲᓇᐃᔭᖅᑎᓴᖅ ᑭᓪᓕᓯᓂᐊᖅᑎᐅᒐᔭᕐᒥᔪᖅ ᓄᓇᓕᓐᓂ ᑲᑐᔾᔨᖃᑎᒌᓄᑦ ᐊᒻᒪ ᐳᓛᕆᐊᖅᐸᓂᐊᖅᑐᓄᑦ ᐃᓐᓇᐃᑦ ᖃᒻᒪᖓᓄᑦ.

ᐱᔪᓐᓇᕆᐊᓖᑦ:

ᐱᓕᕆᓚᐅᕐᓯᒪᒋᐊᓕᒃ ᐃᓐᓇᑐᖃᓕᕆᓂᕐᒥᑦ ᐅᑯᓇᓂ; ᐅᐸᓗᖓᐃᔭᐃᕙᓪᓗᓂ ᐊᒻᒪ ᓯᕗᓕᖅᑎᐅᕙᓪᓗᓂ ᖃᓄᐃᓕᐅᕈᑎᒋᓂᐊᖅᑕᖏᓐᓂ ᐃᓐᓇᑐᖃᐃᑦ, ᐃᖅᑲᓇᐃᔭᖅᐸᓪᓗᓂ ᐸᖅᑭᕕᒻᒥ, ᐸᖅᑭᔨᐅᕙᓪᓗᓂᓗ, ᐃᑲᔪᖅᑎᐅᕙᓪᓗᓂᓗ ᐱᓕᕆᐊᑦᓴᓂ ᐊᔾᔨᐸᓗᖏᓐᓂᓘᓐᓃᑦ.

• ᑐᓴᐅᒪᖃᑎᖃᕈᓐᓇᑦᓯᐊᕆᐊᓕᒃ (ᐅᖃᐅᓯᒃᑯᑦ ᐊᒻᒪ ᑎᑎᖅᑲᑎᒍᑦ) ᖃᓪᓗᓛᑎᑐᑦ ᐊᒻᒪ ᐃᓄᑦᑎᑐᑦ ᐊᒻᒪ ᑐᑭᓯᐅᒪᑦᓯᐊᕐᓗᓂ ᐃᓄᐃᑦ ᐃᓕᖅᑯᓯᖏᓐᓂᑦ.
• ᐊᓯᒥᓄᑦ ᑐᖕᖓᓇᕈᓐᓇᑦᓯᐊᕆᐊᓕᒃ; ᐃᓐᓇᑐᖃᕐᓂᑦ ᐃᑲᔪᖅᑎᑦᓴᖅ ᓇᓪᓕᒍᓱᓐᓂᖃᕆᐊᓕᒃ ᐊᓯᒥᓂᒃ ᐊᒻᒪ ᐃᑉᐱᒍᓱᑦᓯᐊᕈᓐᓇᓂᕐᒥᓂᑦ ᓇᓗᓇᖕᖏᓪᓗᓂ ᐃᓐᓇᑐᖃᕐᓂᑦ ᐊᒻᒪ ᖁᕕᐊᓱᐃᓐᓇᐅᔭᖅᐸᓪᓗᓂ ᐊᒻᒪ ᖃᐅᔨᒪᑦᓯᐊᕐᓗᓂ ᐱᖕᖑᐊᑐᐃᓐᓇᐅᓯᕐᓂᑦ ᐃᓅᓯᒃᑯᑦ.
• ᐃᖅᑲᓇᐃᔭᖅᑎᓴᖅ ᐊᓯᒥᓂᒃ ᐃᖅᑲᓇᐃᔭᖃᑎᖃᕈᓐᓇᑦᓯᐊᕆᐊᓕᒃ ᑲᑐᔾᔨᖃᑎᒌᓐᓂᒃᑯᑦ; ᐃᓄᒋᐊᓄᑦ ᖃᓄᐃᓕᐅᕈᑎᑦᓴᓂᑦ ᐸᕐᓇᐅᑎᓕᐅᕈᓐᓇᕐᓗᓂ ᐊᒻᒪ ᐱᓕᕆᐊᑦᓴᓂᑦ ᓴᖅᑮᔪᓐᓇᓯᐊᕐᓗᓂ.
• ᓇᓗᓇᐃᒃᑯᑎᖃᕆᐊᓕᒃ ᐋᓐᓂᖅᑐᓂᑦ ᑲᒪᒍᓐᓇᓂᕐᒥᑦ ᐊᒻᒪ ᐊᓂᖅᑎᕆᔪᓂᑦ ᐃᑲᔪᕈᓐᓇᐅᑎᓂᑦ.
• ᐱᓯᒪᖁᒥᓇᖅᑐᑦ ᐱᔭᕇᕈᑎᖃᕐᓗᓂ ᐱᖕᖑᐊᖅᑐᓕᕆᓂᕐᒧᑦ ᓯᕗᓕᖅᑎᐅᔪᓐᓇᐅᑎᓂᑦ, ᐃᓐᓇᑐᖃᒃᑯᕕᒻᒥ ᐃᑲᔪᖅᑎᐅᔪᓐᓇᐅᑎᓂᑦ, ᐃᓄᓕᕆᔪᓐᓇᕐᓗᓂ, ᐅᕝᕙᓘᓐᓃᑦ ᐃᓐᓇᑐᖃᓕᕆᓂᕐᒥᑦ ᐅᕝᕙᓘᓐᓃᑦ ᐊᔾᔨᐸᓗᖏᓐᓂᑦ ᐱᓕᕆᔪᓐᓇᐅᑎᐅᒋᐊᓖᑦ.
• ᓂᕿᓕᕆᔪᓐᓇᓯᐊᕐᓗᓂᓗ ᐅᓗᕆᐊᓇᖕᖏᑦᑐᒥᑦ ᐱᕙᓪᓕᐅᑎᒐᔭᖅᑐᖅ.

ᐱᔾᔪᑎᒋᓪᓗᒍ ᐃᖅᑲᓇᐃᔮᑦᓴᐅᑉ ᖃᓄᐃᑦᑑᓂᖓ, ᐃᖅᑲᓇᐃᔭᖅᑎᑦᓴᖅ ᐃᖅᑲᖅᑐᐃᕕᑎᒍᑦ ᖃᓄᐃᓕᔭᐅᓚᐅᕐᓯᒪᖕᖏᒃᑲᓗᐊᕐᒪᖔᖅ ᖃᐅᔨᓴᖅᑕᐅᒋᐊᓕᒃ ᐊᒻᒪ ᐳᕙᓪᓗᖏᒃᑲᓗᐊᕐᒪᖔᖅ ᖃᐅᔨᓴᖅᑕᐅᓗᓂ.

ᐃᑲᕐᕋᑎᒍᑦ ᐊᑭᓕᕐᓱᖅᑕᐅᒐᔭᖅᑐᖅ $25.84-ᓂᑦ, ᑮᓇᐅᔭᓕᐊᖓᑕ ᐊᓯᖏᓐᓂᑦ ᐃᑲᔫᓯᐊᖃᑦᑕᕐᓗᓂᓗ.

ᐃᖅᑲᓇᐃᔮᕐᓴᖅᑖᕋᓱᐊᕈᑏᑦ ᑐᓂᔪᓐᓇᖅᑕᐃᑦ ᐅᑯᓄᖓ:

ᓇᓗᓇᐃᒃᑯᑎᖓ ᓈᓴᐅᑎᒍᑦ #2017-24
ᐃᖅᑲᓇᐃᔭᖅᑐᓕᕆᓂᖅ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ   X0A 0H0
hr@city.iqaluit.nu.ca
ᐅᖄᓚᐅᑎᖓ: (867) 975-8501 ᓱᑲᑦᑐᒃᑰᕈᑎᖓ: (867) 979-0228

ᑕᐃᒃᑯᐊ ᐊᐱᕐᓱᖅᑕᐅᔪᒪᓂᐊᖅᑐᑦ ᑭᓯᐊᓂ ᖃᐅᔨᒃᑲᖅᑕᐅᓂᐊᖅᑐᑦ.  ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᕈᓐᓇᓂᐊᖅᑐᑦ ᓯᕗᓪᓕᐅᑎᔾᔪᑎᓂᑦ ᐃᖅᑲᓇᐃᔭᖅᑎᑖᕈᑎᓂᑦ ᐊᑐᐊᒐᕐᒥᓂᑦ, ᐃᖅᑲᓇᐃᔭᖅᑎᐅᓯᓐᓇᖅᑐᓄᑦ.

ᒪᓕᑦᑐᒋᑦ ᓈᓴᐅᑎᓖᑦ 23-ᒥᑦ ᓄᓇᕘᒥᑦ ᓄᓇᑖᕈᑎᒥᓂᕐᓂ ᐊᖏᕈᑎᐅᑉ ᑎᑎᕋᕐᓯᒪᓂᖏᑦ, ᒪᓕᑦᑐᑦ ᒪᓕᒐᕐᓂᑦ ᓯᕗᓪᓕᐅᔾᔭᐅᔭᕆᐊᓖᑦ ᓄᓇᕘᑉ ᐊᖏᕈᑎᖓᓂ ᐊᑎᖃᖃᑕᐅᔪᑦ..