ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-21 ᓄᓇᓕᓐᓂ ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᓂᕐᒧᑦ ᑲᒪᔨ
ᐃᖅᑲᓇᐃᔮᑦᓴᖅ
ᓄᓇᓕᓐᓂ ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᓂᕐᒧᑦ ᑲᒪᔨ
ᐊᖏᔪᖅᑳᖃᕐᓗᓂ ᑎᒥᐅᔪᒥ ᐊᐅᓚᑦᓯᔨᒻᒪᕆᒻᒥᑦ, ᐃᖅᑲᓇᐃᔭᖅᑎᐅᒐᔭᖅᑐᖅ ᑲᒪᔨᐅᒐᔭᖅᑐᖅ ᐃᖅᑲᓇᐃᔮᑦᓴᓂᑦ ᐊᒻᒪ ᐋᖅᑭᑦᓱᐃᔨᐅᓗᓂ ᐱᔾᔪᑎᖃᐅᖅᑐᓂᑦ ᓄᓇᓕᓐᓂ ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᔾᔪᑎᓂᑦ ᐃᖃᓗᓐᓂ. ᖃᐅᔨᓴᖅᐸᓪᓗᓂ ᐊᒻᒪ ᑲᒪᒋᕙᓪᓗᒋᑦ ᓯᑎᒃᑯᑦ ᐱᓕᕆᐊᑦᓴᕆᔭᕆᐊᓕᖏᓐᓂᑦ ᐊᒻᒪ ᐊᑐᖅᑕᐅᔪᒪᖕᖑᐊᖅᑐᓂᑦ ᓄᓇᓕᕐᓂᒥᐅᑕᓄᑦ. ᐃᖅᑲᓇᐃᔭᖃᑎᖃᖃᑦᑕᕋᔭᕐᒥᔪᖅ ᐊᔾᔨᒌᖏᑦᑐᓂᑦ ᓇᒻᒥᓂᖃᕐᓂᒃᑯᑦ ᐱᕙᓪᓕᐊᔪᓕᕆᔨᐅᔪᓂᑦ. ᐊᒻᒪᑦᑕᐅᖅ ᐃᖅᑲᓇᐃᔭᖅᑎᑦᓴᖅ ᐱᓕᕆᔨᐅᒐᔭᕐᒥᔪᖅ ᑮᓇᐅᔭᓂᑦ ᐱᓕᕆᔾᔪᑎᑦᓴᓕᐅᖅᐸᓪᓗᓂ ᐃᖃᓗᓐᓂ ᐱᓕᕆᔾᔪᑎᑦᓴᕈᓘᔭᕐᓂᑦ.
ᐃᓕᓐᓂᐊᕈᑎᐅᓯᒪᒋᐊᓖᑦ, ᐱᓕᒻᒪᓴᕐᓯᒪᒋᐊᓖᑦ ᐊᒻᒪ ᖃᐅᔨᒪᒋᐊᓖᑦ:
- ᓯᓚᑦᑐᓴᕐᕕᔾᔪᐊᕐᕕᒻᒥᑦ ᓯᓚᑦᑐᓴᕐᕕᒥᓪᓘᓐᓃᑦ ᐱᔭᕇᕐᓯᒪᓗᓂ ᓇᒻᒥᓂᓕᕆᓂᕐᒨᖓᔪᓂᑦ, ᓄᓇᓕᓐᓂ ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᔾᔪᑎᓂᑦ ᐊᔾᔨᐸᓗᖏᓐᓂᓘᓐᓃᑦ;
- ᐊᕐᕌᒎᓐᓂᒃ ᒪᕐᕉᓂᑦ ᐅᖓᑖᓂᓘᓐᓃᑦ ᐃᖅᑲᓇᐃᔮᖃᕐᓯᒪᓗᓂ ᓄᓇᓕᓐᓂ ᐊᒻᒪ ᑮᓇᐅᔭᓕᐅᕋᓱᐊᕈᑎᓕᕆᓂᕐᒧᑦ ᐱᕙᓪᓕᐊᔪᓕᕆᓂᕐᒥᑦ, ᓂᐅᕐᕈᑎᓕᕆᓂᕐᒥᑦ ᐊᒻᒪ ᓱᓇᑐᐃᓐᓇᕐᓂᑦ ᖃᐅᔨᒪᑎᑦᓯᔾᔪᑎᓕᕆᓕᓂᐅᓗᓂ ᓯᕗᓕᖅᑎᐅᓂᒃᑯᑦ;
- ᓇᓗᓇᐃᔭᐃᔪᓐᓇᓯᐊᕐᓗᓂ ᐊᒻᒪ ᓴᖅᑭᔮᖅᑎᑦᓯᔪᓐᓇᕐᓗᓂ ᓄᓇᓕᓐᓂ ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᔾᔪᑎᓂᑦ ᐱᓕᕆᐊᖑᔪᓐᓇᖅᑐᓂᑦ;
- ᐱᕙᓪᓕᐅᑎᔾᔪᑎᐅᔪᓐᓇᖅᑐᓂᑦ ᐅᖃᐅᓯᖃᕈᓐᓇᓯᐊᕐᓗᓂ, ᐅᓂᒃᑳᖃᕈᓐᓇᕐᓗᓂ ᐊᒻᒪ ᓈᓚᒍᓐᓇᓯᐊᕐᓗᓂ ᑐᓴᐅᒪᐅᑎᓕᕆᓂᕐᓂᑦ;
- ᑐᓴᐅᒪᐅᑎᓕᕆᔾᔪᑎᓂᑦ ᑎᑎᕋᕈᓐᓇᓯᐊᕐᓗᓂ ᐊᒻᒪ ᑕᒻᒪᕐᓯᒪᖕᖏᑦᑐᓂᑦ ᐅᓂᒃᑳᓕᐅᕈᓐᓇᓯᐊᕐᓗᓂ;
- ᐋᔩᕈᑎᓂᑦ ᐊᒻᒪ ᐋᖅᑭᑦᓱᐃᔾᔪᑎᓂᑦ ᓈᒻᒪᒋᖃᑦᑕᐅᑎᖕᖏᑦᑐᓂᑦ ᓱᓇᑐᐃᓐᓇᕐᓂᑦ ᐱᔪᓐᓇᓯᐊᕐᓗᓂ;
- ᐅᓪᓗᕐᓯᐅᑎᒍᑦ ᑲᒪᒋᔭᕆᐊᓕᓐᓂᑦ ᐊᐅᓚᑦᓯᔪᓐᓇᓯᐊᕐᓗᓂ ᐊᒻᒪ ᓯᕗᓪᓕᐅᑎᒋᐊᓕᓐᓂᑦ ᓯᕗᓪᓕᐅᔾᔨᔪᓐᓇᓯᐊᕐᓗᓂ;
- ᐱᓕᕆᔾᔪᑎᓂᑦ ᐋᖅᑭᑦᓱᐃᔪᓐᓇᓯᐊᕐᓗᓂ ᐊᑕᐅᓯᐅᖕᖏᑦᑐᓂᑦ ᐃᖅᑲᓇᐃᔮᖃᕈᓐᓇᕐᓗᓂ ᐊᑕᐅᑦᓯᒃᑯᑦ;
- ᖃᕋᑕᐅᔭᒃᑯᑦ ᐱᓕᕆᔾᔪᑎᓂᑦ ᐱᓕᒻᒪᑦᓴᐅᑎᓂᑦ ᖃᐅᔨᒪᑦᓯᐊᕆᐊᓕᒃ;
- ᖃᓪᓗᓈᑎᑐᑦ ᐊᒻᒪ ᐃᓄᑦᑎᑐᑦ ᑐᓴᐅᒪᑎᖃᕈᓐᓇᑦᓯᐊᕈᓂ ᐱᕙᓪᓕᐅᑎᔪᒻᒪᕆᐅᓂᐊᖅᑐᖅ;
- ᐃᖅᑲᓇᐃᔭᕈᓐᓇᑦᓯᐊᕆᐊᓕᒃ ᑐᐊᕕᐊᖃᕈᓐᓇᕐᓗᓂᓗ ᒐᕙᒪᓕᕆᕕᓐᓂ ᐱᓕᕆᐊᑦᓴᓂ.
ᐃᓱᒪᕐᓴᕐᓯᐅᕈᑎᐅᔪᓐᓇᓂᐊᖅᑐᑦ ᐊᑐᖅᑕᐅᓯᒪᔪᑦ ᐊᔾᔨᖃᖅᑐᑦ ᑲᑎᑦᑐᒋᑦ ᐃᓕᓐᓂᐊᕈᑎᐅᒋᐊᓕᓐᓂᑦ, ᖃᐅᔨᒪᓂᐅᔪᓂᑦ, ᐱᓕᒻᒪᓴᐅᑎᓂᑦ ᐊᒻᒪ ᐱᔪᓐᓇᕐᓂᐅᔪᓂᑦ ᐃᓕᓐᓂᐊᕈᑎᒻᒪᕆᐅᒋᐊᓕᓐᓂᑦ.
ᐱᔾᔪᑎᒋᓪᓗᒍ ᖃᓄᐃᑦᑑᓂᖓ ᐃᖅᑲᓇᐃᔮᑦᓴᐅᑉ, ᐃᖅᑲᓇᐃᔭᖅᑎᑖᖑᒐᔭᖅᑐᑦ ᐃᖅᑲᖅᑐᐃᕕᒃᑯᑦ ᖃᓄᐃᓕᔭᐅᓚᐅᕐᓯᒪᖕᖏᒃᑲᓗᐊᕐᒪᖔᑕ ᖃᐅᔨᓴᖅᑕᐅᒋᐊᓖᑦ.
ᑮᓇᐅᔾᔭᔅᓵᖓ ᐱᒋᐊᕐᓂᖃᖅᑐᖅ ᐃᖅᑲᓇᐃᔭᖃᑦᑕᖅᓯᒪᓂᖓᓄᑦ. ᓄᓇᓕᐸᐅᔭᒃᑯᑦ ᐃᖃᓗᐃᑦ ᐱᐅᔪᓂᑦ ᐃᑲᔫᓯᐊᖅᑎᑎᒻᒥᔪᑦ ᑲᑎᓱᖅᓯᒪᔪᓂᑦ ᐊᒻᒪ ᑲᑎᓱᖅᓯᒪᔪᓂᑦ ᐃᑲᔫᓯᐊᓂᑦ.
ᐃᖅᑲᓇᐃᔮᖅᑖᕋᓱᐊᕈᑏᑦ ᑐᓂᔪᓐᓇᖅᑕᐃᑦ ᐅᕗᖓ:
ᓇᓗᓇᐃᒃᑯᑎᖓ ᓈᐅᓴᑎ # 2017-21
ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
hr@city.iqaluit.nu.ca
ᓱᑲᑦᑐᒃᑰᕈᑎᖓ: 867-979-5210
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᖃᐅᔨᒃᑲᖅᑕᐅᓂᐊᖅᑐᑦ.
ᒪᓕᓪᓗᒋᑦ ᑎᑎᕋᕐᓯᒪᔪᑦ 23-ᒥ ᓄᓇᕘᒥᐅᑕᐃᑦ ᐊᖏᕈᑎᒧᑦ ᐃᓚᒋᔭᐅᔪᑦ, ᓯᕗᓪᓕᐅᔾᔭᐅᔪᓐᓇᖅᑐᑦ ᐊᑎᖃᖃᑕᐅᔪᑦ ᐊᖏᕈᑎᒥ ᒪᓕᑦᑐᑦ ᒪᓕᒐᕐᓂᑦ ᐃᖅᑲᓇᐃᔮᑦᓴᒧᑦ.
