ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-15 ᐊᐅᔭᒃᑯᑦ ᐅᓪᓗᒃᑯᑦ ᑭᐱᓐᖑᐃᔭᕐᕕᒻᒥ ᐃᑲᔪᖅᑎ ᑐᑭᒧᐊᑦᑎᑦᓯᔨᒥᑦ
ᐊᐅᔭᒃᑯᑦ ᐃᓕᓐᓂᐊᖅᑎᓄᑦ ᐃᖅᑲᓇᐃᔮᑦᓴᖅ
ᐊᐅᔭᒃᑯᑦ ᐅᓪᓗᒃᑯᑦ ᑭᐱᓐᖑᐃᔭᕐᕕᒻᒥ ᐃᑲᔪᖅᑎ ᑐᑭᒧᐊᑦᑎᑦᓯᔨᒥᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᐱᓐᖑᐊᖅᑐᓕᕆᓂᕐᒥᑦ ᐃᖅᑲᓇᐃᔭᕐᕕᖏᑦ ᕿᓂᓕᕐᒥᔪᑦ ᐱᔪᒪᑦᓯᐊᖅᑐᒥᑦ ᐊᐅᔭᒃᑯᑦ ᐅᓪᓗᒃᑯᑦ ᑭᐱᓐᖑᐃᔭᐃᔭᕐᕕᒻᒥ ᑐᑭᒧᐊᑦᑎᑦᓯᔨᐅᑉ ᐃᑲᔪᖅᑎᑦᓴᒥᑦ. ᐃᖅᑲᓇᐃᔮᒃᑯᑦ ᐃᑲᔪᖅᑎᐅᒐᔭᖅᑐᖅ ᐊᐅᔭᒃᑯᑦ ᑭᐱᓐᖑᐃᔭᐃᕕᒻᒥ ᑐᑭᒧᐊᑦᑎᑦᓯᔨᒥᑦ ᐸᕐᓇᐅᑎᓕᐅᖃᑎᒋᕙᓪᓗᓂᐅᒃ ᐊᒻᒪᓗ ᐊᑐᖅᑕᐅᑎᓕᕐᓗᒋᑦ ᐊᐅᔭᒃᑯᑦ ᐅᓪᓗᒃᑯᑦ ᑭᐱᓐᖑᐃᔭᐅᑎᑦᓴᓂᑦ. ᐃᖅᑲᓇᐃᔭᖃᑦᑕᕋᔭᖅᑐᖅ ᓇᒡᒋᔾᔭᐅᒥᑦ ᑕᓪᓕᒥᕐᒧᑦ ᐃᑲᕐᕋᓂᑦ 35-ᓂᑦ ᐱᓇᓱᐊᕈᓯᑕᒫᑦ ᐱᓇᓱᐊᕈᓯᕐᓄᑦ 12-ᓄᑦ (ᔪᓂ 6-ᒥᑦ ᐋᒐᓯ 27-ᒧᑦ, 2017).
ᐱᔭᑦᓴᖏᑦ ᐊᒻᒪᓗ ᑲᒪᒋᔭᕆᐊᓕᖏᑦ:
- ᐃᖅᑲᓇᐃᔭᖃᑎᖃᖅᐸᓪᓗᓂ ᑭᐱᓐᖑᐃᔭᕐᕕᒻᒥ ᑐᑭᒧᐊᑦᑎᑦᓯᔨᒥᑦ ᐊᒻᒪᓗ ᐊᑐᖅᑕᐅᑎᓕᖅᐸᓪᓗᒋᑦ ᐊᐅᔭᒃᑯᑦ ᐅᓪᓗᒃᑯᑦ ᑭᐱᓐᖑᐃᔭᐅᑎᑦᓴᑦ.
- ᖃᐅᔨᓴᖅᑎᐅᓗᓂ ᐊᒻᒪᓗ ᑎᓕᓯᔨᐅᓗᓂ ᐊᒻᒪᓗ ᐃᑲᔪᖅᑎᐅᓗᓂ 13-ᓄᑦ ᐅᓪᓗᒃᑯᑦ ᑭᐱᓐᖑᐃᔭᐃᔨᓂᑦ
- ᑲᒪᔨᐅᓗᓂ ᐊᑦᑕᓇᖅᑐᒦᑦᑕᐃᓕᒍᑎᑦᓴᖏᓐᓂᑦ ᐅᖓᑖᓃᑦᑐᑦ 120 ᑭᐱᓐᖑᐃᔭᖅᑎᑦ
- ᑭᐱᓐᖑᐃᔭᖅᑎᑦ ᐊᖏᔪᖅᑳᖏᓐᓂᑦ ᑐᓴᐅᒪᖃᖅᑎᖃᖅᐸᓪᓗᓂ
- ᒪᑐᐃᖅᐸᓪᓗᓂᐅᒃ ᐊᒻᒪᓗ ᒪᑐᕙᓪᓕᓂᐅᒃ ᑭᐱᓐᖑᐃᔭᕐᕕᒃ
- ᖃᐅᔨᓴᖅᑎᐅᕙᓪᓗᓂ ᖃᐅᔨᓴᖅᑎᐅᒋᐊᖃᓕᕋᐃᒍᓂ ᑭᐱᓐᖑᐃᔭᖅᑎᓂᑦ
- ᒪᑭᒪᑎᑦᓯᔨᐅᓗᓂ ᐊᑦᑕᓇᓐᖏᑦᑐᓂᑦ, ᖁᕕᐊᓇᖅᑐᓂᑦ ᓇᔪᖅᐸᑦᑕᖓᓂ ᑭᐱᓐᖑᐃᔭᖅᑎᑦ
- ᐃᑲᔪᖅᐸᓪᓗᓂ ᐸᐃᑉᐹᓕᕆᔾᔪᑎᓂᑦ ᓲᕐᓗ ᐅᓂᒃᑳᓕᐅᕐᓂᖅ ᖃᓄᐃᓕᔪᖃᕐᓂᖅᐸᑦ, ᐅᐸᑉᐸᑦᑐᓂᑦ ᖃᐅᔨᓴᖅᑎᐅᓗᓂ, ᐃᖅᑲᓇᐃᔭᖅᑎᑦ ᐊᑭᓕᖅᑕᐅᔾᔪᑎᑦᓴᖏᓐᓂᑦ ᐅᓪᓗᕐᓯᐅᑎᓂᑦ ᑲᒪᔨᐅᓗᓂ, ᐃᖅᑲᓇᐃᔭᖅᑎᑦ ᖃᖓᒃᑯᑦ ᐃᑲᕐᕋᖃᕐᓂᐊᕐᒪᖔᑕ ᐋᖅᑭᑦᓱᐃᔨᐅᓗᓂ, ᐊᓯᕈᓘᔭᖏᓐᓂᓪᓗ
- ᐃᑲᔪᖅᐸᓪᓗᓂ ᑲᑐᔾᔨᖃᑎᒌᖑᔪᒥᑦ ᐊᒻᒪᓗ ᐊᑐᓕᖅᑎᑦᓯᓂᕐᒥᑦ ᐃᖅᑲᓇᐃᔭᖅᑎᓂᑦ ᐃᓕᓐᓂᐊᑎᑦᓯᓂᖅ ᐱᓇᓱᐊᕈᓯᕐᒥᑦ
- ᖃᐅᔨᓴᖅᐸᓪᓗᑎᒃ ᑭᐱᖕᖑᐃᔭᖅᑎᓂᑦ ᐊᒻᒪᓗ ᓯᕗᓕᖅᑎᐅᕙᓪᓗᑎᒃ
- ᐱᓕᕆᔨᐅᑦᓯᐊᑐᒻᒪᕆᐅᒐᓱᓪᓗᓂ ᐊᓯᖏᓐᓄᑦ ᐃᖅᑲᓇᐃᔭᖅᑎᓄᑦ ᑕᑯᓐᓇᖅᑕᐅᓂᖓᒍᑦ - ᐊᒻᒪᓗ ᐃᖅᑲᓇᐃᔭᖅᐸᓪᓗᓂ ᐱᓕᕆᔪᒪᑦᓯᐊᕐᓂᖃᕐᓗᓂ ᐊᒻᒪᓗ ᖁᕕᐊᓱᑉᐸᓪᓗᓂ, ᑭᖑᕙᖅᐸᖏᓪᓗᓂ, ᐅᐸᓗᖓᐃᔭᕐᓯᒪᕙᓪᓗᓂ ᐊᒻᒪᓗ ᖃᐅᔨᓴᐃᓐᓇᐸᓪᓗᓂ ᐃᖅᑲᓇᐃᔭᕐᕕᒻᒥᓂ ᐊᒻᒪᓗ ᓱᕈᓯᑦ ᐊᑦᑕᓇᖅᑐᒦᒋᐊᖃᓐᖏᓐᓂᖏᓐᓂᑦ ᐊᒻᒪᓗ ᐃᑉᐱᒋᔭᐅᒋᐊᖃᕐᓂᖏᓐᓂᑦ ᐃᑉᐱᒍᓱᐃᓐᓇᕐᓗᓂ ᖃᖓᓕᒫᑦᓯᐊᖅ.
ᑎᒍᒥᐊᖁᔭᐅᔪᑦ ᐱᔪᓐᓇᖅᑕᖏᓐᓂ:
- ᐃᖅᑲᖅᑐᐃᕕᑎᒍᑦ ᖃᓄᐃᓕᔭᐅᓚᐅᕐᓯᒪᓂᒃᑯᑦ ᖃᐅᔨᓴᐅᑎᒥᑦ ᐊᒻᒪᓗ ᐱᕋᔭᓯᒪᔪᒥᑦ ᐊᑎᖃᖃᑕᐅᑐᐃᓐᓇᕆᐊᖃᕐᓂᖓᓄᑦ ᖃᐅᔨᓴᐅᑎᒥᑦ
- ᒫᓐᓇᓂᓴᕐᓂᑦ ᐃᓕᓐᓂᐊᕈᑎᖃᕐᓗᓂ ᑐᐊᕕᓐᓇᒃᑯᑦ ᒪᑐᓯᕐᓯᔪᓐᓇᓂᕐᒥᑦ ᐊᒻᒪᓗ ᐊᓂᕐᓵᕈᓐᓇᐃᓕᔪᓂᑦ ᐃᓅᓯᓴᐅᑎᓂᑦ
- ᐳᕙᓪᓘᑎᖃᓐᖏᒃᑯᓗᐊᕐᒪᖔᖅ ᖃᐅᔨᓴᐅᑎᓂᑦ
- ᐃᓕᓐᓂᐊᖅᑎᐅᓂᖓᓂᑦ (ᓯᓚᑦᑐᓴᕐᕕᒻᒥ ᐃᓕᓐᓂᐊᓚᐅᕐᓯᒪᒍᓂ)
ᑎᒍᒥᐊᖁᔭᐅᔪᑦ ᐃᓕᓐᓂᐊᓂᒃᑯᑦ, ᐱᓕᕆᔪᓐᓇᐅᑎᑦ ᐊᒻᒪᓗ ᖃᐅᔨᒪᓂᒃᑯᑦ:
- ᐱᓐᖑᐊᖅᑐᓕᕆᓂᕐᒥᑦ ᓱᕈᓯᖅᑕᖃᖅᑎᓪᓗᒍ ᐃᖅᑲᓇᐃᔮᖃᓚᐅᕐᓯᒪᓂᖅ
- ᐃᖅᑲᓇᐃᔮᖃᕈᓐᓇᕐᓂᖅ ᑭᒃᑯᑐᐃᓐᓇᕐᓄᑦ ᐅᐸᑦᑕᐅᕕᒻᒥ
- ᐅᓪᓗᒃᑯᑦ ᑭᐱᓐᖑᐃᔭᐃᓚᐅᕐᓯᒪᓂᖅ
- ᐅᖃᕈᓐᓇᕐᓂᖅ ᐃᓄᑦᑎᑐᑦ ᐊᒻᒪᓗ ᖃᓪᓗᓈᑎᑐᑦ
- “ᕼᐊᐃ ᕙᐃ”-ᖑᓂᕋᖅᑕᐅᔪᒥᑦ ᐱᔭᕇᕈᑎᖃᕐᓗᓂ
ᐱᔾᔪᑎᒋᓪᓗᒍ ᖃᓄᐃᑦᑑᓂᖓ ᐃᖅᑲᓇᐃᔮᑦᓴᐅᑉ, ᐃᖅᑲᓇᐃᔮᖅᑖᖅᑐᖅ ᖃᐅᔨᓴᖅᑕᐅᒍᑎᖏᑦ ᐱᐅᔭᕆᐊᓕᑦ ᐃᖅᑲᖅᑐᐃᕕᑎᒍᑦ ᖃᓄᐃᓕᔭᐅᓚᐅᕐᓯᒪᓐᖏᓪᓗᓂ (ᐊᒻᒪᓗ ᐊᑎᖃᖃᑎᖃᑐᐃᓐᓇᕆᐊᖃᕐᓂᕐᒥᑦ ᐱᕋᔭᓯᒪᔪᒥᑦ ᐃᓚᒋᔭᐅᓂᖓ) ᐊᒻᒪᓗ ᐳᕙᓪᓗᖏᒃᑲᓗᐊᕐᒪᖔᖅ ᖃᐅᔨᓴᖅᑕᐅᓗᓂ.
ᐊᑭᓕᕐᓱᖅᑕᐅᒋᐊᓐᖓᐅᑎᖓ ᐃᖅᑲᓇᐃᔮᑦᓴᒃᑯᑦ $28.00 ᐃᑲᕐᕋᒃᑯᑦ ᐊᒻᒪᓗ 6 ᐳᓴᓂᑦ ᕿᑲᐅᓯᐊᓂᑦ
ᐃᖅᑲᓇᐃᔮᖅᑖᕋᓱᐊᕈᑏᑦ ᐅᕗᓐᖓᕆᐊᓕᒃ:
ᓈᓴᐅᑎᒃᑯᑦ ᓇᓗᓇᐃᒃᑯᑕᖓ 2017-15
ᐃᖅᑲᓇᐃᔭᖅᑎᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᑎᑎᖅᑲᒃᑯᕕᖓ 460
ᐃᖃᓗᐃᑦ, ᓄᓇᕗᑦ, X0A 0H0
hr@city.iqaluit.nu.ca
ᓱᑲᑦᑐᒃᑰᕈᑎ: (867) 979-5210
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᖃᐅᔨᒋᐊᖅᑕᐅᓂᐊᖅᑐᑦ.
ᓄᓇᓕᐸᐅᔭᐃᑦ ᐊᑐᕈᓐᓇᖅᑐᑦ ᓯᕗᓪᓕᐅᑎᑦᓯᓂᕐᒥᑦ ᐃᖅᑲᓇᐃᔭᖅᑎᑖᕐᓂᒃᑯᑦ ᐊᑐᐊᒐᕐᒥᓂᑦ ᐃᖅᑲᓇᐃᔮᖅᑖᕋᓱᐊᖅᑐᓄᑦ ᐃᖅᑲᓇᐃᔭᖅᑎᐅᓯᓐᓇᖅᑐᓂᑦ.
ᒪᓕᓪᓗᒋᑦ ᑎᑎᕋᕐᓯᒪᔪᑦ 23-ᒥ ᓄᓇᕗᑦᒥᑦ ᓄᓇᑖᕈᑕᐅᓚᐅᖅᑐᖅ ᐊᖏᕈᑎᒥ, ᓯᕗᓪᓕᐅᔾᔭᐅᓂᐊᖅᑐᑦ ᓄᓇᖃᖅᑳᖃᑕᐅᓯᒪᔪᑦ ᐃᖅᑲᓇᐃᔮᖅᑖᕈᑎᓂᑦ ᒪᓕᒐᕐᓂᑦ ᒪᓕᑦᑐᑦ.
