ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-14 ᐊᑦᑕᓇᕈᓐᓇᖅᑐᓂᑦ ᐊᐅᓚᑦᑎᓂᕐᒥᑦ ᐊᒻᒪ ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒥᑦ ᐊᑦᑕᓇᐃᖅᓯᒪᓂᕐᒧᓪᓗ ᐊᐅᓚᑦᑎᔨ
ᐃᖅᑲᓇᐃᔮᔅᓴᖅ
ᐊᑦᑕᓇᕈᓐᓇᖅᑐᓂᑦ ᐊᐅᓚᑦᑎᓂᕐᒥᑦ ᐊᒻᒪ ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒥᑦ ᐊᑦᑕᓇᐃᖅᓯᒪᓂᕐᒧᓪᓗ ᐊᐅᓚᑦᑎᔨ
ᐊᖏᔪᖅᑳᖃᖅᑐᓂ ᑎᑎᕋᖅᑎᖓᓂ ᓄᓇᓕᐸᐅᔭᒃᑯᑦ ᐃᖃᓗᐃᑦ ᐊᓯᖏᓐᓂᓘᓐᓃᑦ ᐃᖅᑲᓇᐃᔮᓱ(ᓄᑦ) ᓄᓇᓕᐸᐅᔭᒃᑯᑦ. ᐃᓚᒋᓪᓗᓂᒋᑦ ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒥᑦ ᐊᑦᑕᓇᐃᖅᓯᒪᓂᕐᒧᓪᓗ ᐊᐅᓚᑦᑎᔨᒧᑦ ᐃᖅᑲᓇᐃᔮᔅᓴᒧᑦ, ᐱᓕᕆᐊᕆᓪᓗᐊᑕᕆᒋᐊᖃᖅᑕᖏᑦ ᓴᖅᑭᔮᖅᑎᑦᑎᓗᓂ ᐊᑦᑕᓇᐃᖅᓯᒪᓂᕐᒥᑦ, ᖃᓄᐃᖏᓂᕐᒥᑦ, ᐊᒻᒪ ᐊᑕᖐᔪᓂᑦ ᐃᖅᑲᓇᐃᔭᕐᕕᐅᔪᓂᑦ ᐊᐅᓚᑦᑎᓂᖃᖅᑐᖅ ᐊᐅᓚᓂᓕᒫᖏᓐᓂᑦ ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒥᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ (OH&S) ᐊᑦᑐᐊᓂᓖᑦ ᐱᓕᕆᐊᖅ, ᐱᔨᑦᑎᖅᑕᐅᔪᑦ ᐊᒻᒪ ᐱᓕᕆᐊᖑᔪᑦ ᐃᓗᐊᓂ ᓄᓇᓕᐸᐅᔭᒥᑦ. ᖃᓄᐃᓕᓂᐅᔪᓂᑦ ᖃᐅᔨᓴᖃᑦᑕᕐᓗᓂ, ᑎᑎᕋᖅᓯᒪᔪᓂᑦ ᐅᓂᒃᑳᓕᐅᕐᓗᓂ ᐊᒻᒪ ᐊᑐᓕᖁᔭᓕᐅᕐᓗᓂ ᐱᐅᓯᑎᑦᐊᒍᑎᐅᔪᓂᑦ. ᐊᑦᑕᓇᕈᓐᓇᖅᑐᓂᑦ ᐊᐅᓚᑦᑎᓂᕐᒥᑦ ᐊᒻᒪ ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒥᑦ ᐊᑦᑕᓇᐃᖅᓯᒪᓂᕐᒧᓪᓗ ᐊᐅᓚᑦᑎᔨ ᐃᖅᑲᓇᐃᔭᖃᑎᖃᑦᑎᐊᓂᐊᖅᑐᖅ ᓄᓇᓕᐸᐅᔭᒃᑯᑦ ᐊᖏᔪᖅᑲᐅᑎᓂᑦ ᐃᖅᑲᓇᐃᔭᖅᑎᖏᓐᓂᑦ ᑲᒪᒋᔭᖃᖅᑐᓂ ᐊᑦᑕᓇᕈᓐᓇᖅᑐᓂᑦ ᖃᐅᔨᓴᓂᕐᒥᑦ, ᐃᖅᑲᓇᐃᔭᕐᕕᐅᔪᒥᑦ ᖃᐅᔨᓴᕆᐊᕐᓂᖅ, ᓇᓗᓇᐃᖅᓯᓗᓂ ᐊᑦᑎᓪᓕᒋᐊᕈᑎᐅᔪᓐᓇᖅᑐᓂᑦ ᐊᑦᑕᓇᕈᑎᐅᔪᓐᓇᖅᑐᓂᑦ ᐊᒻᒪ ᐅᖃᐅᔾᔨᓗᓂ ᐊᑦᑐᖅᑕᐅᔪᓐᓇᖅᑐᓂᑦ ᐊᑦᑕᓇᕈᓐᓇᖅᑐᓂᑦ ᐊᐅᓚᑦᑎᓂᕐᒥᑦ ᓄᓇᓕᐸᐅᔭᖓᓂᑦ ᐃᖃᓗᐃᑦ ᐊᒻᒪ ᐃᑲᔫᑎᐅᔪᓐᓇᖅᑐᑦ ᐊᑦᑕᓇᕈᓐᓇᖅᑐᓂᑦ ᐊᐅᓚᑦᑎᓂᕐᒥᑦ. ᑐᑭᓯᒋᐊᕈᑎᖃᖅᑎᑦᑎᔪᖅ CAO−ᒧᑦ ᐱᔾᔪᑎᖃᖅᑐᓂᑦ ᖃᐅᔨᓴᖅᑕᐅᕙᓪᓕᐊᔪᓂᑦ ᐊᒻᒪ ᐱᕙᓪᓕᐊᑎᑕᐅᔪᓂᑦ ᕿᓚᒥᐅᔪᒧᑦ ᐊᑯᓂᐅᔪᒧᓪᓗ ᐱᐅᓯᑎᑦᑎᒋᐊᕈᑎᓂᑦ ᐊᑦᑕᓇᕈᓐᓇᖅᑐᓂᑦ ᐊᐅᓚᑦᑎᓂᕐᒥᑦ.
ᐱᔪᓐᓇᕐᓂᖏᑦ, ᖃᐅᔨᒪᓂᖏᑦ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᓂᖓ
- ᐱᔭᕇᖅᓯᓯᒪᓂᕐᒧᑦ ᓇᓗᓇᐃᒃᑯᑕᖅ ᐃᓄᓐᓄᑦ ᐊᐅᓚᑦᑎᓂᕐᒧᑦ ᓇᓗᓇᐃᒃᑯᑕᓪᓘᓐᓃᑦ, ᐅᕝᕙᓘᓐᓃᑦ ᐃᖅᑲᓇᐃᔭᓂᕐᒧᑦ ᐊᑦᑕᓇᐃᖅᓯᒪᓂᕐᒧᑦ.
- ᐱᖓᓱᓂᑦ ᐊᕐᕌᒍᓂᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᐊᑦᑐᐊᓂᓕᓐᓂᑦ ᐊᑦᑕᓇᕈᓐᓇᖅᑐᓂᑦ ᐊᐅᓚᑦᑎᓂᕐᒧᑦ
- ᒪᕐᕉᓐᓂ ᐊᕐᕌᒍᓐᓂ ᐃᖅᑲᓇᐃᔭᖃᑦᑕᖅᓯᒪᓗᓂ ᐃᖅᑲᓇᐃᔭᕐᕕᒻᒥ ᐊᑦᑕᓇᖅᑕᐃᓕᑎᑦᑎᓂᕐᒧᑦ ᖃᐅᔨᓴᖅᑎᐅᓂᕐᒧᑦ ᐊᒻᒪ ᖃᐅᔨᓴᓂᕐᒧᑦ, ᖃᐅᔨᒪᓂᖃᕐᓗᓂ ᐊᑐᖅᑕᐅᒋᐊᓕᓐᓂᑦ ᖃᐅᔨᓴᓂᕐᒧᑦ, ᒪᓕᑦᑕᐅᒋᐊᓖᑦ ᐊᑦᑐᐊᓂᓖᑦ ᐱᖁᔭᕐᓄᑦ, ᒪᓕᒐᕐᓄᑦ ᐊᒻᒪ ᒪᓕᑦᑕᐅᔭᕆᐊᓕᓐᓄᑦ.
- ᐅᓂᒃᑳᓕᐅᖃᑦᑕᖅᓯᒪᓗᓂ ᑎᑎᕋᖅᓯᒪᓂᒃᑯᑦ
- ᖃᐅᔨᒪᓂᖃᑦᑎᐊᕐᓗᓂ ᑐᑭᓯᐅᒪᓂᖃᑦᑎᐊᕐᓗᓂᓗ ᑐᑭᓯᒋᐊᕈᑎᓂᑦ ᖃᐅᔨᓴᐃᓂᕐᒥᑦ ᐊᒻᒪ ᐊᑦᑕᓇᕈᓐᓇᖅᑐᓂᑦ ᖃᐅᔨᓴᓂᕐᒥᑦ
- ᓄᓇᕗᒻᒥ ᐊᖁᑦᑐᖅᓯᐅᑎᖃᕐᓗᓂ ᖁᕝᕙᓯᓐᓂᓕᒻᒥᑦ 5 ᓚᐃᓴᓐᓯᒥᑦ
- ᑎᑎᕋᖅᓯᒪᔪᓂᑦ ᑲᓐᖑᓇᖅᑐᓕᕆᖃᑦᑕᖅᓯᒪᓗᓂ
ᐱᔪᓐᓇᕐᓂᕆᒋᐊᓕᖏᑦ ᐊᒻᒪ ᐊᔪᖏᓐᓂᖏᑦ
- ᓇᓗᓇᐃᒃᑯᑕᖅ ᐊᑦᑕᓇᕈᓐᓇᖅᑐᓂᑦ ᐊᐅᓚᑦᑎᓂᕐᒧᑦ
- ᖃᐅᔨᒪᓂᖃᕐᓗᓂ ᖃᕋᓴᐅᔭᒃᑰᖅᑐᓂᑦ ᐊᒻᒪ ᖃᕋᓴᐅᔭᓕᕆᔾᔪᑎᓂᑦ, ᐱᓗᐊᖅᑐᒥ Microsoft Office Suite
- ᖃᐅᔨᒪᓇᓱᑦᑎᐊᖅᑐᖅ ᓇᓗᓇᐃᔭᖅᓯᒪᓂᖏᓐᓄᑦ ᑕᑯᔅᓇᐅᓂᖏᑎᒍᓪᓗ
- ᖃᐅᔨᒪᓂᖃᕐᓗᓂ ᐱᓕᕆᐊᒥ ᐊᐅᓚᑦᑎᔾᔪᑎᒥᑦ ᐊᒻᒪ ᐅᕝᕙᓘᓐᓃᑦ ᖃᕋᓴᐅᔭᒃᑰᕈᑎᓂᑦ
- ᐃᓄᑦᑎᑐᑦ ᐅᖃᕈᓐᓇᕆᐊᓕᒃ ᑎᑎᕋᕈᓐᓇᕐᓗᓂᓗ
ᐊᔾᔨᐸᓗᖏᓐᓂᑦ ᐱᓯᒪᑦᑎᔪᑦ ᑲᑎᓐᖓᓪᓗᑎ ᐃᓕᓐᓂᐊᖅᓯᒪᓂᖓ, ᖃᐅᔨᒪᓂᖓ ᐊᒻᒪ ᐱᔪᓐᓇᕐᓂᖏᑦ ᐃᓱᒪᒋᔭᐅᓂᐊᖅᑐᑦ.
ᐱᖃᓯᐅᑎᓗᒋᑦ ᐊᔾᔨᖏᑦ ᐊᒻᒪ ᖃᓄᐃᑦᑐᑐᐃᓐᓇᕐᓂᑦ ᓇᓗᓇᐃᒃᑯᑕᓂᑦ ᐱᓯᒪᔭᕐᓂᑦ ᑖᔅᓱᒧᖓ ᐃᖅᑲᓇᐃᔮᖅᑖᕋᓱᐊᕈᑎᓐᓄᑦ.
ᑮᓇᐅᕝᔭᔅᓵᖓ ᐃᖅᑲᓇᐃᔮᔅᓴᒧᑦ ᑐᓐᖓᓂᖃᖅᑐᖅ ᐱᔪᓐᓇᕐᓂᕆᔭᖏᓐᓄᑦ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᓂᖓᓄᑦ ᐊᒻᒪ ᐱᐅᔪᓂᑦ ᐃᑲᔫᓯᐊᖃᖅᑐᓂ.
ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐃᓕᓐᓂᐊᖅᓯᒪᔭᑎᓪᓗ ᐅᕗᖓ ᑐᓂᓗᒋᑦ:
ᖃᐅᔨᒋᐊᕐᕕᖓ #2017-14
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᓕᐸᐅᔭᖓᑦ ᐃᖃᓗᐃᑦ
ᑎᑎᖅᑲᒃᑯᕕᖓ 460
ᐃᖃᓗᐃ, ᓄᓇᕗᑦ, X0A 0H0
hr@city.iqaluit.nu.ca
ᓱᑲᔪᒃᑯᑦ (867) 979 5210
ᐊᐱᖅᓱᖅᑕᐅᓂᐊᖅᑐᑐᐊᑦ ᖃᐅᔨᒋᐊᕐᕕᐅᓂᐊᖅᑐᑦ.
ᒪᓕᑦᑐᒍ ᐃᓚᖓ 23 ᓄᓇᕗᒻᒥ ᓄᓇᑖᕈᒻᑦ ᐊᖏᕈᒻᒥ, ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᓄᓇᑖᖃᑕᐅᓯᒪᔪᑦ ᑎᑭᑦᑎᔪᑦ ᐋᖅᑭᔅᓯᒪᓂᖏᓐᓄᑦ.
