ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 10-1005 ᐅᑭᐅᒃᑯᑦ ᐃᓕᓐᓂᐊᖏᑲᐃᓐᓇᑎᓪᓗᒋᑦ ᐅᓪᓗᒃᑯᑦ ᑭᐱᖕᖑᐃᔭᕐᕕᒻᒥ ᓯᕗᓕᖅᑎᑦᓴᑦ
ᐃᓕᓐᓂᐊᖅᑎᓄᑦ ᐃᖅᑲᓇᐃᔮᑦᓴᖅ
ᐅᑭᐅᒃᑯᑦ ᐃᓕᓐᓂᐊᖏᑲᐃᓐᓇᑎᓪᓗᒋᑦ ᐅᓪᓗᒃᑯᑦ ᑭᐱᖕᖑᐃᔭᕐᕕᒻᒥ ᓯᕗᓕᖅᑎᑦᓴᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᑦ ᐃᖅᑲᓇᐃᔭᕈᒪᑦᓯᐊᖅᑐᓂᑦ ᓯᕗᓕᖅᑎᑦᓴᓯᐅᓕᕐᒥᔪᑦ ᐅᑭᐅᒃᑯᑦ ᐃᓕᓐᓂᐊᖏᑲᐃᓐᓇᓕᖅᐸᑕ ᐅᓪᓗᒃᑯᑦ ᑭᐱᖕᖑᐃᔭᐃᔨᑦᓴᓂᑦ. ᐅᓪᓗᒃᑯᑦ ᑭᐱᖕᖑᐃᔭᐃᔩᑦ ᐸᕐᓇᐅᑎᓕᐅᖅᑎᐅᔪᑦ ᐊᒻᒪ ᖃᐅᔨᓴᖅᑎᐅᓗᑎᒃ ᓱᕈᓯᕐᓄᑦ ᖃᓄᐃᓕᐅᕈᑎᕈᓘᔭᑦᓴᓂᑦ ᐅᓪᓗᒃᑯᑦ ᑭᐱᖕᖑᐃᔭᐃᕕᒻᒥ ᖃᓄᐃᓕᐅᕈᑎᐅᒋᐊᓕᓐᓂᑦ. ᖃᓄᐃᓕᐅᕈᑎᕈᓘᔭᐃᑦ ᐃᖕᖏᖃᑦᑕᕐᓂᖅ, ᐱᓪᓚᕆᖕᖑᐊᕐᓂᖅ, ᐱᖕᖑᐊᑐᐃᓐᓇᕐᓂᖅ, ᓴᓇᖕᖑᐊᕐᓂᖅ ᐊᒡᒐᒻᒥᓄᑦ ᐊᒻᒪ ᐱᓕᕆᖃᑎᖃᖅᐸᓐᓂᖅ ᐊᓯᒥᓂᒃ ᓇᒥᑐᐃᓐᓇᑦᓯᐊᖅ ᖃᓄᑐᐃᓐᓇᑦᓯᐊᖅ ᑭᐱᖕᖑᐃᔭᐃᕕᒻᒥ. ᐃᖅᑲᓇᐃᔭᕈᓐᓇᕆᐊᓖᑦ ᓇᒡᒋᔾᔭᐅᒥᑦ, ᕕᕝᕗᐊᕆ 12 ᑕᓪᓕᒥᕐᒧᑦ, ᕕᕝᕗᐊᕆ 16 ᐃᑲᕐᕋᓪᓗᐊᓂᑦ 35-ᓂᑦ ᐊᒻᒪᑦᑕᐅᖅ ᐱᓕᒻᒪᓴᖅᑎᑕᐅᒐᔭᖅᑐᑦ ᑭᐱᖕᖑᐃᔭᐃᓚᐅᖏᓐᓂᖏᓐᓂ.
ᐱᔭᑦᓴᖏᑦ ᐊᒻᒪ ᐃᑉᐱᒋᔭᕆᐊᓕᖏᑦ:
- ᓯᕗᓕᖅᑎᐅᕙᓪᓗᑎᒃ ᓱᕈᓯᕐᓄᑦ ᐊᕐᕌᒍᓕᓐᓂᑦ 6-ᓂᑦ 12-ᓄᑦ
- ᖃᐅᔨᓴᖅᐸᓪᓗᒋᑦ ᐅᓗᕆᐊᓇᖅᑐᒦᓕᖕᖏᒃᑲᓗᐊᕐᒪᖔᑕ ᓱᕈᓰᑦ 10-ᓂᑦ 12-ᓄᑦ ᑎᑭᒍᓐᓇᖅᑐᓂᑦ ᖃᐅᑕᒫᑦ
- ᑎᓕᕙᓪᓗᒋᑦ ᐊᒻᒪ ᐊᔪᕆᕐᓱᐃᕙᓪᓗᒋᑦ ᑭᐱᖕᖑᐃᔭᖅᑐᑦ ᐋᖅᑭᓱᕐᓯᒪᔭᖏᓐᓂ ᖃᓄᐃᓕᐅᕈᑎᓂ ᐊᒻᒪ ᐃᓕᓐᓂᐊᑎᑉᐸᓪᓗᒋᑦ ᐱᓕᒻᒪᓴᕐᓂᒃᑯᑦ ᓄᑖᓂᑦ ᖃᐅᔨᒪᖕᖏᑕᖏᓐᓂᑦ
- ᖃᐅᔨᓴᖅᐸᓪᓗᒋᑦ ᑭᐱᖕᖑᐃᔭᕆᐊᓚᐅᖏᓐᓂᖏᓐᓂ ᐊᒻᒪ ᓄᖅᑲᐸᓪᓕᐊᑎᓪᓗᒋᑦ
- ᐱᓕᕆᔾᔪᑎᓂ ᑎᑎᕋᑦᓯᐊᐸᓪᓗᒋᑦ ᓇᓗᓇᐃᔭᑦᓯᐊᐸᓪᓗᒋᑦ ᐊᒻᒪ ᑭᖑᓂᖏᒍᑦ ᖃᓄᐃᓕᖓᓕᕐᒪᖔᑕ ᖃᐅᔨᒋᐊᖅᐸᓪᓗᒋᑦ
- ᑭᐱᖕᖑᐃᔭᖅᐸᑦᑐᑦ ᖁᕕᐊᓇᖅᑐᒦᑏᓐᓇᕋᓱᑉᐸᓪᓗᒋᑦ ᐅᓗᕆᐊᓇᖕᖏᑦᑐᒥᓗ
- ᑭᐱᖕᖑᐃᔭᐃᕕᒻᒥᑦ ᓴᓗᒪᑎᑦᓯᓇᓱᐊᖏᓐᓇᕐᓗᓂ, ᐊᒻᒪ ᐱᓕᕆᕝᕕᒻᒥᓂᒃ ᐱᖕᖑᐊᕐᕕᐅᕙᓐᓂᖏᓐᓂᓪᓗ ᑭᐱᖕᖑᐃᔭᐃᕕᐅᑉ
ᐱᔪᓐᓇᐅᑎᐅᖁᔭᐅᔪᑦ:
- ᐃᓕᓐᓂᐊᖅᑎᐅᓗᓂ (ᐃᓕᓐᓂᐊᕐᕕᐊᓗᒻᒥ ᓯᓚᑦᑐᓴᕐᕕᒻᒥᓘᓐᓃᑦ)
ᐱᓕᕆᔾᔪᓐᓇᐅᑎᑦᓴᑦ/ᓇᓗᓇᐃᕐᓯᒪᔪᑦ ᐱᓕᒻᒪᑦᓯᒪᒋᐊᓖᑦ ᖃᐅᔨᒪᒋᐊᓖᓪᓘᓐᓃᑦ:
- ᒪᑦᑐᓰᑦᓯᐊᑦᓯᐊᕈᑎᓂᑦ ᐃᓕᓐᓂᐊᕐᓯᒪᒋᐊᓕᒃ ᐊᒻᒪ ᐃᑲᔪᕋᓲᑎᓂᑦ ᐊᓂᖅᑎᕆᔾᔪᑎᓂᑦ
- ᐱᓕᕆᓯᒪᒋᐊᓕᒃ ᓱᕈᓯᕐᓄᑦ ᐱᖕᖑᐊᖅᑐᓕᕆᓂᕐᒨᖓᔪᒥᑦ
- ᑐᓴᐅᒪᑎᑦᓯᔪᓐᓇᑦᓯᐊᕆᐊᓕᒃ ᑐᑭᓯᓇᑦᓯᐊᐸᓪᓗᓂ ᐃᖅᑲᓇᐃᔭᖅᑎᓂᑦ, ᓱᕈᓯᕐᓄᑦ ᐊᖏᔪᖅᑳᓂᑦ ᐊᒻᒪ ᑭᐱᖕᖑᐃᔭᕐᕕᒻᒧᑦ ᐱᖃᑕᐅᔪᓂᑦ
- ᐅᓪᓗᒃᑯᑦ ᑭᐱᖕᖑᐃᔭᐅᓂᕐᒥᑦ ᐱᓕᕆᓯᒪᒋᐊᓕᒃ
- “ᕼᐊᐃ ᕙᐃᕝ”-ᖑᓂᕋᖅᑕᒥᑦ ᐃᓕᓐᓂᐊᕐᓯᒪᒋᐊᓕᒃ ᐱᔭᕇᕐᓯᒪᓗᓂ
- ᐅᖃᐅᕈᓐᓇᕆᐊᓕᒃ ᐃᓄᑦᑎᑐᑦ ᐅᐃᕖᑎᑐᓪᓘᓐᓃᑦ ᐱᕙᓪᓕᐊᑎᒐᔭᕐᒪᑕ ᐃᖅᑲᓇᐃᔮᓂ
ᐱᔾᔪᑎᒋᓪᓗᒍ ᖃᓄᐃᑦᑑᓂᖓ ᐃᖅᑲᓇᐃᔮᑦᓴᐅᑉ, ᐃᖅᑲᓇᐃᔮᖅᑖᖅᑐᑦ ᖃᐅᔨᓴᖅᑕᐅᒋᐊᓖᑦ ᐸᓖᓯᒃᑯᑎᒍᑦ ᐃᖅᑲᖅᑐᐃᕕᑎᒍᑦ ᖃᓄᐃᓕᔭᐅᓚᐅᕐᓯᒪᖕᖏᒃᑲᓗᐊᕐᒪᖔᑕ ᐊᒻᒪ ᐊᑎᖅᑲᑎᖃᕐᒪᖔᑕ ᐃᖅᑲᖅᑐᐃᕕᑎᒎᖅᑕᐅᓯᒪᔪᓂᑦ ᐊᒻᒪᑦᑕᐅᖅ ᐳᕙᓪᓗᖏᒃᑲᓗᐊᕐᒪᖔᑕ ᖃᐅᔨᓴᖅᑕᐅᓗᑎᒃ.
ᐊᑭᓕᕐᓱᖅᑕᐅᓂᖓ ᐃᖅᑲᓇᐃᔮᒃᑯᑦ $25.85 ᐃᓚᖃᕐᓗᑎᒃ 6 ᐳᓴᓂᑦ ᕿᑲᐅᑎᓄᑦ ᐃᑲᔫᑎᓂᑦ.
ᐃᖅᑲᓇᐃᔮᕐᓴᖅᑖᕋᓱᐊᕈᒪᔪᑦ ᐃᖅᑲᓇᐃᔮᕐᓴᖅᑖᕋᓱᐊᕈᑏᑦ ᓇᓗᓇᐃᕐᓯᒪᓗᒍ ᐅᕗᖓ ᐊᐅᓪᓚᖅᑎᒋᐊᓖᑦ:
ᖃᐅᔨᒋᐊᕐᕕᖓ #: 10-1005
ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᒃᑯᕕᖓ 460
ᐃᖃᓗᐃᑦ, ᓄᓇᕗᑦ X0A 0H0
ᓱᑲᔪᒃᑯᑦ: 979-5210
hr@city.iqaluit.nu.ca
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᖃᐅᔨᒃᑲᖅᑕᐅᓛᖅᑐᑦ.
ᒪᓕᓪᓗᒋᑦ ᑎᑎᕋᕐᓯᒪᔪᑦ ᓈᓴᐅᑎᓖᑦ 23-ᒥ ᓄᓇᕘᒥᑦ ᐊᖏᕈᑎᒥ, ᓯᕗᓪᓕᐊᔾᔭᐅᓛᕐᒥᔪᑦ ᓄᓇᕘᒥ ᐊᖏᕈᑎᒥ ᐊᑎᖃᖃᑕᐅᔪᑦ ᒪᓕᑦᑐᑦ ᒪᓕᒐᕐᓂᑦ ᐃᖅᑲᓇᐃᔮᑦᓴᒧᑦ.
