ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 10-100001 ᐱᓕᕆᕝᕕᓐᓂ ᐃᖅᑲᓇᐃᔭᖅᑎ
ᐃᖅᑲᓇᐃᔮᑦᓴᖅ
ᐱᓕᕆᕝᕕᓐᓂ ᐃᖅᑲᓇᐃᔭᖅᑎ
ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᑦ ᕿᓂᖅᑐᑦ ᖃᐅᑕᒫᖅᑐᖅᓯᐅᑎᒥᑦ ᐱᓕᕆᕝᕕᓐᓂ ᐃᖅᑲᓇᐃᔭᖅᑎᑦᓴᒥᑦ. ᐱᓕᕆᕝᕕᓕᕆᓂᕐᒥᑦ ᑐᑭᒧᐊᑦᑎᑦᓯᔨᒥᑦ ᐊᖏᔪᖅᑳᖃᕐᓗᓂ, ᐃᖅᑲᓇᐃᔭᖅᑎ ᖃᐅᔨᓵᖑᓗᐊᖅᐸᖏᓪᓗᓂ ᐃᖅᑲᓇᐃᔭᕈᓐᓇᕆᐊᓕᒃ ᐊᒻᒪ ᓯᕗᓕᖅᑎᐅᐸᓪᓗᓂ ᐅᓪᓘᑉ ᐃᓚᐃᓐᓇᖓᓂ ᐃᖅᑲᓇᐃᔭᖅᐸᑦᑐᓄᑦ. ᐊᔾᔨᒌᖏᑦᑐᓂᑦ ᐃᖅᑲᓇᐃᔮᖃᖃᑦᑕᓂᐊᖅᑐᖅ ᐊᐅᓚᑦᓯᔾᔪᑎᖏᓐᓂᑦ ᐱᖕᖑᐊᕐᕖᑦ ᐊᒻᒪ ᓂᓚᓕᕆᕙᓪᓗᓂ ᐊᒻᒪ ᖃᐅᔨᓴᖅᐸᓪᓗᒍ ᓂᓚ, ᐃᓪᓗᓂᑦ ᐊᒻᒪ ᓱᓇᒃᑯᑖᓂᑦ ᒪᑭᒪᑎᑦᓯᔨᐅᓗᓂ, ᐊᐳᑕᐃᔭᐃᓚᐅᖅᐸᓪᓗᓂ, ᓴᓗᒻᒪᕐᓴᐃᕙᓪᓗᓂ, ᓯᓚᒥ ᐱᖕᖑᐊᕐᕕᓐᓂᑦ ᖃᐅᔨᓴᖅᐸᓪᓗᓂ ᐊᒻᒪ ᓴᓇᒋᐊᓕᓐᓂᑦ ᑲᒪᕙᓪᓗᓂ ᐊᒻᒪ ᐱᓕᕆᐊᒥᓂᒃ ᐱᓕᕆᐊᑦᓴᓂᑦ ᑎᑎᕋᖅᐸᓪᓗᓂ.
ᐱᓕᕆᔪᓐᓇᐅᑏᑦ, ᐱᓕᒻᒪᓴᕐᓯᒪᔭᑦ ᐊᒻᒪ ᐱᓕᕆᐊᖑᓯᒪᔪᑦ:
- ᓇᓗᓇᐃᒃᑯᑎᓕᒻᒥᑦ 5 ᐊᖁᑦᑐᖅᓯᐅᑎᖃᕐᓗᓂ
- ᒍᓚᐃ 10-ᒥᑦ ᐱᔭᕇᕐᓯᒪᓗᓂ ᐃᓕᓐᓂᐊᕈᑎᓂᑦ ᑐᖔᓂᐅᖕᖏᑦᑐᖅ
- ᐱᔭᕇᕈᑎᖃᕐᓗᓂ ᒪᑦᑐᓯᑦᓰᑦᓯᐊᕈᑎᓂᑦ ᐊᒻᒪ ᐊᓂᖅᑎᕆᔾᔪᑎᓂᑦ ᐃᓕᓐᓂᐊᕈᑎᓂᑦ
- ᐊᕐᕌᒎᓐᓂᒃ ᒪᕐᕉᒐᓗᐊᓂᒃ ᐱᖕᖑᐊᕐᕕᓐᓂ ᐃᖅᑲᓇᐃᔮᖃᓚᐅᕐᓯᒪᒋᐊᓕᒃ ᖃᓄᑐᐃᓐᓇᖅ ᐱᖕᖑᐊᕐᕕᓕᕆᖃᑕᐅᓚᐅᕐᓯᒪᓗᓂ ᓇᓕᒧᑕᖓᓂᓪᓘᓐᓃᑦ
- ᑎᒥᒃᑯᑦ ᐊᑦᓱᕉᑎᒋᒋᐊᓕᓐᓂᑦ ᐃᖅᑲᓇᐃᔮᖃᕈᓐᓇᕆᐊᓕᒃ (ᑭᕕᑦᓯᖃᑦᑕᕐᓗᓂ, ᒪᔪᕋᕋᑦᑕᕐᓗᓂ, ᑭᕕᑦᓯᔾᔪᑎᓂᑦ ᐊᑐᖅᐸᓪᓗᓂ, ᐳᐊᕐᕆᔭᖅᐸᓪᓗᓂ)
- ᐃᖅᑲᓇᐃᔭᖅᑎᑦᓯᐊᕙᐅᒋᐊᓕᒃ ᐊᒻᒪ ᐊᓯᒥᓂᒃ ᐱᓕᕆᖃᑎᖃᕈᓐᓇᑦᓯᐊᕆᐊᓕᒃ
- ᐅᖃᐅᓯᒃᑯᑦ ᐊᒻᒪ ᑎᑎᖅᑲᒃᑯᑦ ᑐᓴᐅᒪᖃᑎᖃᕈᓐᓇᑦᓯᐊᕆᐊᓕᒃ
- ᓂᓚᒻᒥᑦ ᒪᓂᖅᑲᖅᓴᐅᑎᒥᑦ ᐊᐅᓚᑦᓯᒍᓐᓇᕆᐊᓕᒃ (ᐱᓕᒻᒪᓴᖅᑎᑕᐅᒐᔭᖅᑐᖅ)
- ᐃᖅᑲᓇᐃᔭᐅᑎᓂᑦ ᐱᓕᒻᒪᑦᓴᕈᒪᑦᓯᐊᕆᐊᓕᒃ ᐊᒻᒪ ᐱᔭᕇᕈᓐᓇᕐᓗᓂᒋᑦ ᐱᓕᒻᒪᓴᖅᑕᓂ
ᐊᔾᔨᒐᓚᖏᑦ ᑲᑎᑦᑐᒋᑦ ᓇᓕᒧᑉᐸᑕ ᐃᓕᓐᓂᐊᕐᓯᒪᔭᕆᐊᓕᓐᓄᑦ, ᖃᐅᔨᒪᒋᐊᓕᓐᓄᑦ, ᐱᓕᒻᒪᓴᕐᓯᒪᔭᑦ ᐊᒻᒪ ᐱᓕᕆᔾᔪᑎᐅᔪᓐᓇᖅᑐᑦ ᐃᓕᓐᓂᐊᕈᑎᓪᓚᕆᓐᓄᑦ ᐃᓱᒪᒋᔭᐅᓂᐊᖅᑐᑦ.
ᐱᔾᔪᑎᒋᓪᓗᒍ ᐃᖅᑲᓇᐃᔮᑦᓴᐅᑉ ᖃᓄᐃᑦᑑᓂᖓ, ᐃᖅᑲᓇᐃᔮᖅᑖᖅᑐᖅ ᐱᔭᕆᐊᖃᕋᔭᖅᑐᖅ ᐃᖅᑲᖅᑐᐃᕕᑎᒍᑦ ᖃᓄᐃᓕᔭᐅᓚᐅᕐᓯᒪᖕᖏᓂᕐᒥᓂᒃ ᓇᓗᓇᐃᔭᐃᑎᓂᑦ.
ᑮᓇᐅᔭᓕᐅᕋᔭᖅᑐᖅ ᐱᒋᐊᕈᑎᒋᓗᒋᑦ $50,966.17 ᐊᕐᕌᒍᓕᒫᒥ ᐊᒻᒪ ᐃᑲᔫᓯᐊᖅᐸᓪᓗᓂ ᓄᓇᓕᕐᓂᒥᐅᑕᐅᓂᕐᒧᑦ/ᐃᓪᓗᖃᕐᓂᕐᒧᑦ ᐊᕐᕌᒍᒥ $20,907.43-ᓂᑦ ᐊᒻᒪ ᐱᐅᔪᐊᓗᓐᓂᑦ ᐃᑲᔫᓯᐊᖅᐸᓪᓗᓂ ᐃᖅᑲᓇᐃᔮᒃᑯᑦ.
ᐃᖅᑲᓇᐃᔮᖅᑖᕋᓱᒍᒪᓐᓂᕈᕕᑦ ᐃᖅᑲᓇᐃᔮᖅᑖᕋᓲᑏᑦ ᓈᓴᐅᑎᖓ ᓇᓗᓇᐃᕐᓯᒪᓗᒍ ᑐᓂᔪᓐᓇᖅᑕᐃᑦ ᐅᕗᖓ:
ᓇᓗᓇᐃᔭᐃᑎᖓ # 10-100001
ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
ᓱᑲᑦᑐᒃᑯᑦ - 867-979-5210
hr@city.iqaluit.nu.ca
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᖃᐅᔨᒃᑲᖅᑕᐅᓛᖅᑐᑦ.
ᒪᓕᓪᓗᒋᑦ ᑎᑎᕋᕐᓯᒪᔪᑦ ᓈᓴᐅᑎᓖᑦ 23-ᒥ ᓄᓇᕘᒥᑦ ᐊᖏᕈᑎᒥ, ᓯᕗᓪᓕᐊᔾᔭᐅᓛᕐᒥᔪᑦ ᓄᓇᕘᒥ ᐊᖏᕈᑎᒥ ᐊᑎᖃᖃᑕᐅᔪᑦ ᒪᓕᑦᑐᑦ ᒪᓕᒐᕐᓂᑦ ᐃᖅᑲᓇᐃᔮᑦᓴᒧᑦ.
ᓴᖅᑭᖅᑐᑦ: ᑏᓰᐱᕆ 2017
