10-100000 ᐃᓪᓘᑉ ᐃᓗᐊᓂᑦ ᓴᓗᒻᒪᕐᓴᐃᔨ - ᐳᐃᔾᔪᕋᕐᕕᒻᒥᑦ

ᐃᖅᑲᓇᐃᔮᑦᓴᖅ
ᐃᓪᓘᑉ ᐃᓗᐊᓂᑦ ᓴᓗᒻᒪᕐᓴᐃᔨ - ᐳᐃᔾᔪᕋᕐᕕᒻᒥᑦ
ᐅᓪᓘᑉ ᐃᓚᐃᓐᓇᖓᓂᑦ ᑕᖅᑭᓄᑦ ᖁᓕᓄᑦ (10)

ᑎᓕᒐᕆᓗᓂᐅᒃ ᐱᔨᑦᓯᕋᖅᑏᑦ ᐊᖏᔪᖅᑳᖓᓄᑦ, ᐃᓪᓘᑉ ᐃᓗᐊᓂᑦ ᓴᓗᒻᒪᕐᓴᐃᔨᑦᓴᖅ ᐳᐃᔾᔪᕋᕐᕕᐅᑉ ᐃᓗᐊᓂᑦ ᓴᓗᒻᒪᕐᓴᐃᖃᑦᑕᕋᔭᖅᑐᖅ.  ᐃᓗᐊᓂᑦ ᓴᓗᒪᑎᑦᓯᓯᒪᐃᓐᓇᕆᐊᖃᕐᓂᐊᖅᑐᖅ.  ᓇᑎᓕᕆᕙᓪᓗᓂ, ᐳᐃᔾᔪᕋᕐᕖᑦ ᐊᕙᓗᖏᓐᓂᑦ ᓴᓗᒻᒪᑎᑦᓯᕙᓪᓗᓂ, ᓇᑎᕐᓂᑦ ᕿᓪᓕᕐᓴᐃᕙᓪᓗᓂ, ᐊᓪᓚᕐᑎᕆᕙᓪᓗᓂ ᐳᔪᕐᓘᓗᐊᖁᓇᒍ, ᐃᒐᓛᓂᑦ ᐅᐊᓴᖅᐸᓪᓗᓂ, ᐊᑭᓐᓇᕐᓂᒃ ᐊᒻᒪ ᓴᓂᒃᑯᕕᓐᓂᑦ, ᓴᓗᒻᒪᓴᖅᐸᓪᓗᒋᑦ ᐊᓐᓄᕌᕐᕖᑦ, ᐊᓇᕐᕖᑦ ᐊᒻᒪ ᐳᐃᔾᔪᕋᕐᕕᐅᑉ ᐃᓗᐊᓂᑦ ᓯᓚᑖᓂᓗ ᓴᓂᑦᑕᐸᓪᓗᓂ.  ᓴᓗᒻᒪᕐᓴᐃᔨᑦᓴᖅ ᐹᓂᑦ ᓯᓚᒦᑦᑐᓂᑦ ᐊᐳᑕᐃᔭᐃᕙᓪᓗᓂ ᐊᐳᑕᐃᔭᕆᐊᓕᓐᓂᑦ. ᑎᑎᕋᖃᑦᑕᕐᓗᓂ ᐱᓕᕆᔾᔪᑎᒥᓂᒃ ᐊᒻᒪ ᐱᓕᕆᔾᔪᑎᓂᑦ ᖃᐅᔨᓴᐅᑎᖃᖅᐸᓪᓗᓂ ᑎᑎᖅᑲᒃᑯᑦ ᐊᒻᒪ ᓱᓇᒥᑦ ᓴᓗᒻᒪᓴᐃᖅᑲᐅᒻᒪᖔ ᑎᑎᕋᖅᐸᓪᓗᓂ.  ᐃᖅᑲᓇᐃᔭᕐᕕᓐᓂᑦ ᐅᓗᕆᐊᓇᖅᑐᓂᑦ ᐊᐅᓚᑦᓯᒍᓐᓇᕆᐊᖃᕋᔭᖅᑐᖅ ᐊᑐᐊᒐᖏᓐᓂᑦ ᒪᓕᓪᓗᓂ.

ᓴᓗᒻᒪᕐᓴᐃᔨᑦᓴᖅ ᓴᓗᒻᒪᕐᓴᐃᔨᐅᓂᕐᒥᑦ ᐱᓕᕆᔨᐅᓯᒪᒋᐊᓕᒃ ᐊᔾᔨᖏᓐᓂᑦ ᓇᓗᓇᐃᔭᖅᑕᐅᓯᒪᔪᐃᑦ.  ᐊᓂᖅᑎᕆᓇᓱᐊᕈᓐᓇᓂᕐᒥᑦ/ᒪᑦᑐᓯᑦᓰᑦᓯᐊᓂᕐᒥᑦ ᐱᔭᕇᕈᑎᖃᕆᐊᓕᒃ, ᐱᓕᒻᒪᓴᕐᓯᒪᓗᓂᓗ ᐃᖅᑲᓇᐃᔭᕐᕕᓐᓂ ᐱᓕᕆᔾᔪᑎᓂᑦ ᐅᓗᕆᐊᓇᖅᑐᓕᕆᓂᕐᒥᑦ.  ᕿᖑᕙᖃᑦᑕᖏᓪᓗᓂ ᐊᒻᒪ ᖃᓄᐃᖏᓪᓗᓂ ᑎᒥᖓ ᑭᕕᑦᓯᔪᓐᓇᕐᓗᓂᓗ ᐅᖁᒪᐃᓐᓂᓕᒻᒥᑦ 30 ᐸᐅᓐᓯᓂᑦ.  ᐃᑲᕐᕋᖏᑦ ᐊᓯᔾᔨᖅᑕᓲᑦ.  ᐃᓄᑦᑎᑐᑦ ᑐᓴᐅᒪᖃᑎᖃᕈᓐᓇᑦᓯᐊᕈᓂ ᐱᕙᓪᓕᐅᑎᒃᑲᔭᖅᑐᖅ ᐊᒻᒪ ᐳᕌᓐᔾᒥᑦ ᐅᔭᒥᑖᕐᓯᒪᓗᓂ.

ᐱᔾᔪᑎᒋᓪᓗᒍ ᐃᖅᑲᓇᐃᔮᑦᓴᐅᑉ ᖃᓄᐃᑦᑑᓂᖓ, ᐃᖅᑲᓇᐃᔮᖅᑖᖅᑐᖅ ᐱᔭᕆᐊᖃᕋᔭᖅᑐᖅ ᐃᖅᑲᖅᑐᐃᕕᑎᒍᑦ ᖃᓄᐃᓕᔭᐅᓚᐅᕐᓯᒪᖕᖏᓂᕐᒥᓂᒃ ᓇᓗᓇᐃᔭᐃᑎᓂᑦ ᐊᒻᒪ ᐊᑎᖅᑲᑎᖃᕐᓂᖓᓂᑦ ᐃᖅᑲᖅᑐᐃᕕᒃᑰᕐᓯᒪᔪᓂᑦ.

ᑮᓇᐅᔭᓕᐅᕋᔭᖅᑐᖅ ᐱᒋᐊᕈᑎᒋᓗᒋᑦ $47,045.67 ᐊᕐᕌᒍᓕᒫᒥ ᐊᒻᒪ ᐃᑲᔫᓯᐊᖅᐸᓪᓗᓂ ᓄᓇᓕᕐᓂᒥᐅᑕᐅᓂᕐᒧᑦ/ᐃᓪᓗᖃᕐᓂᕐᒧᑦ ᐊᕐᕌᒍᒥ  $20,907.43-ᓂᑦ ᐊᒻᒪ ᐱᐅᔪᐊᓗᓐᓂᑦ ᐃᑲᔫᓯᐊᖅᐸᓪᓗᓂ ᐃᖅᑲᓇᐃᔮᒃᑯᑦ.

ᒪᑐᕕᑦᓴᖓ: ᔮᓐᓄᐊᕆ 5, 2018

ᐃᖅᑲᓇᐃᔮᖅᑖᕋᓱᒍᒪᓐᓂᕈᕕᑦ ᐃᖅᑲᓇᐃᔮᖅᑖᕋᓲᑏᑦ ᑐᓂᔪᓐᓇᖅᑕᐃᑦ ᐅᕗᖓ:

ᓇᓗᓇᐃᔭᐃᑎᖓ  #: 10-100000
ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
hr@city.iqaluit.nu.ca
ᓱᑲᑦᑐᒃᑯᑦ - 867-979-5210

ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᖃᐅᔨᒃᑲᖅᑕᐅᓛᖅᑐᑦ.

ᒪᓕᓪᓗᒋᑦ ᑎᑎᕋᕐᓯᒪᔪᑦ ᓈᓴᐅᑎᓖᑦ 23-ᒥ ᓄᓇᕘᒥᑦ ᐊᖏᕈᑎᒥ, ᓯᕗᓪᓕᐊᔾᔭᐅᓛᕐᒥᔪᑦ ᓄᓇᕘᒥ ᐊᖏᕈᑎᒥ ᐊᑎᖃᖃᑕᐅᔪᑦ ᒪᓕᑦᑐᑦ ᒪᓕᒐᕐᓂᑦ ᐃᖅᑲᓇᐃᔮᑦᓴᒧᑦ.

ᓴᖅᑭᖅᑐᑦ: ᑏᓰᐱᕆ 2017