ᐳᓛᖅᑎᑦ

ᑲᑎᒪᔩᑦ ᑲᑎᒪᕕᖓᑦ ᖁᔭᓈᖅᑕᐅᑲᐃᓐᓇᖅᑐᖅ ᐱᔾᔪᑎᒋᓪᓗᒍ ᓯᓚ

ᓅᕖᐱᕆ 23, 2021 ᓄᓇᓕᐸᐅᔭᐃᑦ ᑲᑎᒪᔨᖏᑕ ᑲᑎᒪᓂᖓᑦ ᖁᔭᓈᖅᑕᐅᓚᐅᖅᑐᖅ ᐱᔾᔪᑎᐅᓗᓂ ᓯᓚ ᐊᒻᒪ ᐅᖃᐅᓯᐅᓯᒪᓚᐅᖅᑐᖅ ᓯᓚᕈᔫᒻᒪᕆᐅᓂᐊᕐᓂᖓ.

ᑭᖑᓪᓕᕐᒥ ᑐᐊᕕᕐᓇᑐᒃᑯᑦ ᓄᓇᓕᐸᐅᔭᐃᑦ ᑲᑎᒪᔨᖏᑕ ᑲᑎᒪᓂᖓᑦ #35 ᐊᑐᖅᑕᐅᓛᖅᑐᖅ ᐅᓐᓄᓕᖅᐸᑦ 5:50 ᓇᒡᒋᔾᔭᐅᓕᖅᑭᕐᒥ, ᓅᕖᐱᕆ 30, 2021. ᑭᖑᓪᓕᕐᒥ ᓄᓇᓕᐸᐅᔭᐃᑦ ᑲᑎᒪᔨᖏᑕ ᑲᑎᒪᓂᖓᑦ #36 ᐊᑐᖅᑕᐅᓛᖅᑐᖅ ᐅᓐᓄᒃᑯᑦ 6-ᒥ ᓇᒡᒋᔾᔭᐅᓕᖅᑭᕐᒥ, ᓅᕖᐱᕆ 30, 2021.

ᑕᒪᒃᑮᒃ ᑲᑎᒪᓂᐅᓛᖅᑑᒃ ᑕᑯᓐᓇᖅᑕᐅᔪᓐᓇᓛᖅᑐᑦ ᖃᕋᑕᐅᔭᒃᑯᑦ ᓄᓇᓕᐸᐅᔭᐃᑦ ᐃᖃᓗᐃᑦ ᕙᐃᔅᐳᒃᑯᑦ ᒪᑉᐱᒐᖓᓂ.

ᐃᒥᐅᑉ ᖃᓄᐃᓐᓂᖓᓂᑦ ᖃᐅᔨᓴᐅᑎᒥᓃᑦ

ᓄᓇᓕᐸᐅᔭᒃᑯᑦ ᐱᑎᑕᐅᓯᒪᓕᕐᒪᑕ ᐅᖃᐅᓯᖃᖅᑐᑦ ᖃᓄᐃᒍᑎᐅᔪᓂᑦ ᐃᒥᖅ ᖃᐅᔨᓴᖅᑕᐅᒐᒥ. ᖃᐅᔨᓴᐅᑎᐅᔪᑦ ᖃᐅᔨᓴᖅᑕᐅᓚᐅᖅᑐᑦ ᐱᓇᓱᐊᕈᓯᑕᒫᑦ ᖃᐅᔨᓴᕐᓂᒃᑯᑦ ᐱᓕᕆᐊᑦᓴᑎᒍᑦ ᐊᑐᖅᑕᐅᓚᐅᖅᑐᓂᑦ ᐊᑯᓐᓂᖏᓐᓂ ᓅᕖᐱᕆ 7, 2021 ᐊᒻᒪ ᓅᕖᐱᕆ 15, 2021.

ᓄᓇᓕᐸᐅᔭᒃᑯᑦ ᖃᐅᔨᓴᖅᑐᑦ ᐅᑯᓂᖓ BTEX/PHC[F1-F4], ᖃᐅᔨᓴᐅᑎᐅᔪᑦ ᐅᕐᓱᐊᓗᕈᔪᒻᒧᑦ ᐸᐅᕐᓂᒃ ᐃᒫᓃᑐᐃᓐᓇᕆᐊᓕᓐᓂᑦ ᐊᑐᖅᑐᑎᒃ 11-ᓂᑦ ᐊᔾᔨᒌᖏᑦᑐᓂᑦ ᖃᐅᔨᓴᖅᑕᐅᒋᐊᓕᓐᓂᑦ.

ᖃᐅᔨᓴᖅᑕᐅᔪᑦᓴᑦ ᐱᔭᐅᕙᑦᑐᑦ ᐱᖓᓲᔪᖅᑐᓂᑦ ᐊᔾᔨᒌᖏᑦᑐᓂᑦ ᐃᓂᒋᔭᐅᔪᓂᑦ ᐃᓗᐊᓂ ᐃᒥᕐᒥᒃ ᓴᓗᒻᒪᕐᓴᐃᕕᐅᑉ ᐊᒻᒪ 7-ᓂᑦ ᐃᓂᒋᔭᐅᔪᓂᑦ ᐃᒥᖃᐅᑎᐅᕙᑦᑐᓂᑦ. ᖃᐅᔨᓴᕐᕕᐅᕙᑦᑐᑦ ᐃᒥᓕᕆᔾᔪᑎᓂᑦ ᐱᔭᐅᕙᑦᑐᑦ ᓇᑭᑐᐃᓐᓇᖅ ᐃᖃᓗᐃᑦ ᐃᓗᐊᓃᑦᑐᓂᑦ, ᐃᓘᓐᓇᑦᑎᐊᖏᓐᓂᑦ ᖃᐅᔨᓴᕈᒪᓪᓗᑎᒃ ᐃᒥᐅᑉ ᖃᓄᐃᓐᓂᖓᓂᑦ.

ᐃᒦᓱᕝᕕᒃᓴᒃᑲᓐᓂᖅ

ᐃᒦᑦ ᐊᑐᐃᓐᓇᐅᓂᐊᖅᑐᑦ ᑰᓕᒡᕕᖕᒥᑦ, ᐅᑯᓇᓂ:

• ᓈᑦᑏᖕᒍᔭᖅ, ᓅᕕᐱᕆ 21: 1:00-ᒥᑦ-3:00-ᒧᑦ
• ᐊᐃᑉᐱᖅ, ᓅᕕᐱᕆ 23: 10:00-ᒥᑦ-12:30-ᒧᑦ
• ᓯᑕᒻᒥᖅ, ᓅᕕᐱᕆ 25: 10:00-ᒥᑦ- 12:30-ᒧᑦ
• ᑕᓪᓕᕐᒥᖅ, ᓅᕕᐱᕆ 26: 10:00-ᒥᑦ-12:30-ᒧᑦ

ᓄᓇᓕᕐᒥᐅᑦ ᖃᐅᔨᓴᑦᑎᐊᖁᔭᐅᔪᑦ ᐃᖕᒋᕐᕋᔪᓂᑦ ᐃᓯᖅᐸᓪᓕᐊᑎᓪᓗᒋᑦ ᐃᒦᓱᕐᕕᖕᒧᑦ.

ᐊᑐᒃᑲᓐᓂᕈᓐᓇᖅᑐᑦ ᐱᔭᐅᔪᓐᓇᕐᒥᔪᑦ ᒫᓐᓇᐅᔪᖅ ᑰᓕᕐᕕᖕᒥ.

###

ᖃᐅᔨᒋᐊᒃᑲᓐᓂᖁᒪᒍᕕᑦ ᐃᖅᑲᓇᐃᔭᕐᓇᒃᑯᑦ, ᖃᐅᔨᒋᐊᕐᕕᒃᓴᖅ:
ᐋᓕᒃᓯ ᑳᒧᕋᓐ
ᑐᓴᐅᒪᖃᑦᑕᐅᑎᓕᕆᔨ ᐱᔨᑦᑎᕋᖅᑏᓪᓗ ᐊᐅᓚᑦᑎᔨᖓ
867-979-5619 | a.cameron@iqaluit.ca

ᐃᒦᑦ ᐃᒥᕋᔅᓴᐃᑦ ᐊᑐᐃᓐᓇᐅᔪᑦ

ᐅᔾᔨᕈᓱᖁᔨᔾᔪᑎ ᖃᓐᓂᓂᐊᕐᓂᖓᓂᑦ ᐊᓄᕌᖅᑐᒻᒪᕆᐅᓗᓂ − ᓄᓇᓕᐸᐅᔭᒃᑯᑦ ᐃᑲᕐᕋᓄᑦ 72-ᓄᑦ ᐊᑐᕈᓐᓇᖅᑐᓂᑦ
ᐸᕐᓇᓯᒪᖁᔨᔪᑦ ᐃᒥᖃᑦᑎᐊᖁᔨᓪᓗᑎᒃ

ᐊᕙᑎᓕᕆᔨᒃᑯᑦ ᑲᓇᑕᒧᑦ ᐅᔾᔨᕈᓱᖁᔨᔾᔪᑎᒥᑦ ᐃᖃᓗᓐᓄᑦ ᓇᓗᓇᐃᕐᓯᓯᒪᓕᕐᒥᔪᑦ. ᓄᓇᓕᐸᐅᔭᒃᑯᑦ
ᓄᓇᓕᕐᒥᐅᑕᓕᒫᑦᑎᐊᓂᑦ ᓇᓗᓇᐃᕐᓯᒪᖁᔨᕗᑦ ᐃᒥᖃᑦᑎᐊᕐᓂᐊᕋᓗᐊᕐᒪᖔᕐᒥᒃ ᐃᑲᕐᕋᓄᑦ 72-ᓄᑦ ᓈᒻᒪᑦᑐᒥᑦ. ᐅᓪᓗᒥ
ᐃᒥᕐᒥᒃ ᑲᖕᖔᑎᑦᓯᔾᔪᑎᓕᒻᒧᑦ ᓱᕈᐃᔭᖅᑕᐅᓯᒪᔪᒥᑦ ᐃᒥᖅᑕᕕᑦᓴᓂᑦ ᒪᑐᐃᖓᑎᑦᑎᓂᐊᖅᑐᑦ, ᓇᒡᒋᔾᔭᐅᒥ ᓅᕖᐱᕆ 22,
11-ᒥᓂᑦ 6-ᒧᓄᑦ ᒪᑐᐃᖓᓂᐊᖅᑐᑦ.

ᓄᓇᓕᐸᐅᔭᒃᑯᑦ ᐃᖃᓗᐃᑦ ᐅᖃᐅᔾᔨᒋᐊᕈᒪᔪᑦ ᓄᓇᓕᒻᒥᐅᑕᓂᑦ ᐱᑕᖃᒃᑲᓂᖅᑐᓂ ᐃᒥᕐᒥᑦ ᐃᒥᕋᔅᓴᓂᑦ ᐅᕙᓐᖓᑦ
ᑲᓇᑕᒥ ᐅᓇᑕᖅᑭᑯᓐᓂᑦ ᐊᐅᓚᓂᖓ LENTUS ᐊᑐᐃᓐᓇᐅᔪᑦ ᐅᑯᓇᓂ ᓇᒦᓐᓂᖏᓐᓂᑦ:

ᐃᒦᑦ ᐃᒥᕋᔅᓴᐃᑦ ᐊᑐᐃᓐᓇᐅᔪᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᐅᖃᐅᔾᔨᒋᐊᕈᒪᔪᑦ ᓄᓇᓕᒻᒥᐅᑕᓂᑦ ᐱᑕᖃᒃᑲᓂᖅᑐᓂ ᐃᒥᕐᒥᑦ ᐃᒥᕋᔅᓴᓂᑦ ᐅᕙᓐᖓᑦ ᑲᓇᑕᒥ ᐅᓇᑕᖅᑭᑯᓐᓂᑦ ᐊᐅᓚᓂᖓ LENTUS ᐊᑐᐃᓐᓇᐅᔪᑦ ᐅᑯᓇᓂ ᓇᒦᓐᓂᖏᓐᓂᑦ, ᐱᒋᐊᕐᓗᓂ ᓈᑦᑎᐅᖑᔭᖅ, ᓄᕕᐱᕆ 21, 2021:

• ᐅᑭᐅᑕᖅᑐᒥ ᐱᓐᖑᐊᕕᒃᔪᐊᕐᕕᒃ ᓄᓇᓯᐅᑎᖃᕐᕕᖓ

• ᐊᐃᑉ ᐅᑉᐱᒃ ᐱᓐᖑᐊᕐᕕᒃ (ᐃᓪᓘᑉ ᐃᓗᐊᓂ)

• ᐃᓐᓇᑐᖃᕐᓄᑦ ᖃᒻᒪᖅ (ᐃᓪᓘᑉ ᐃᓗᐊᓂ)

ᐃᒦᓱᕐᕕᒃᓴᐅᔪᑦ ᒪᑐᐃᖓᓛᖅᑐᑦ ᐱᒋᐊᕐᓗᓂ 11 ᐅᓪᓛᒃᑯᑦ-6ᐅᓐᓄᒃᑯᑦ ᖃᐅᑕᒫᑦ.

ᐱᔪᓐᓇᖅᑎᑕᐅᔪᑦ ᖁᓛᓂ ᐊᑐᖅᑕᐅᓂᐊᖅᑐᑦ ᐃᒪᐃᓕᖓᔪᑦ:

• ᐊᐃᑉ ᐅᑉᐱᒃ ᐱᓐᖑᐊᕐᕕᒃ ᓄᕕᐱᕆ 20: 12-6 ᐅᓐᓄᒃᑯᑦ

• ᐃᓐᓇᑐᖃᕐᓄᑦ ᖃᒻᒪᖅ ᓄᕕᐱᕆ 21: 12-6 ᐅᓐᓄᒃᑯᑦ

ᐃᒥᖅ ᐃᒥᓲᕐᕕᔅᓴᐅᔪᓂᑦ ᓴᒻᓄᓴᖅᓯᒪᔪᑦ ᐃᒦᑦ ᐃᒥᕋᔅᓴᐃᑦ ᑎᖅᑎᑎᑕᐅᒋᐊᑐᖏᑦᑐᑦ ᐃᒥᖅᑕᐅᓚᐅᖅᑎᓐᓇᒋᑦ

ᐲᖅᑕᐅᓂᖓ ᐅᖅᓱᐊᓗᖃᐅᑎᒃᑯᕕᑐᖃᖅ – ᓇᑭᓐᖔᕐᕕᖓ ᐃᒥᕐᒧᑦ ᓴᓗᒻᒪᖅᓴᐃᕕᒻᒧᑦ ᓱᕈᖅᑎᑕᐅᓂᖓᓄᑦ

ᓯᑎᒃᑯᑦ ᐃᖃᓗᓐᓂ ᐲᖅᓯᒍᓇᓚᐅᖅᑐᑦ ᐱᑐᖃᕐᒥᑦ ᐅᖅᓱᐊᓗᖃᐅᑎᒥᓂᕐᒥᑦ ᖃᓂᑦᑐᒥᑦ ᐃᒥᕐᒧᑦ ᓴᓃᔭᐃᑎᒧᑦ, ᐊᐅᓚᑕᐅᓪᓗᑎᑦ ᕿᑭᖅᑖᓗᒃ ᐊᕙᑎᓕᕆᔨᒃᑯᓐᓄᑦ. ᓯᑎᒃᑯᑦ ᐊᐅᓚᐅᓯᕆᔨᒃᑯᖏᑦ ᐱᓕᕆᑎᑕᐅᔪᑦ, WSP−ᓗ, ᑲᒪᖃᑕᐅᓪᓗᑎᓪᓗ ᑐᐊᕕᕐᓇᖅᑐᒥ ᐃᒥᓕᕆᓂᕐᒥᑦ ᑲᒪᐃᓐᓇᑎᓪᓗᒋᑦ.

“ᑖᒃᑯᐊ ᖃᓄᐃᑦᑑᓂᖓᓐᓂ ᐲᖅᑕᐅᓂᖓᓐᓂᓪᓗ ᐱᑐᖄᓗᒃ ᐅᖅᓱᐊᓗᖃᕐᕕᒃ ᖁᕕᐊᓇᖅᑐᖅ. ᓱᕈᓐᓇᖅᑑᓚᐅᖅᑐᖅ ᐲᔭᕐᖓᑦ ᖁᕕᐊᓇᖅᑐᖅ. ᓄᓇᓕᓐᓂ ᑕᒪᓐᓇ ᐊᑲᐅᓐᖏᓕᐅᕈᑕᐅᔪᖅ ᐋᖅᑭᑦᑐᖅ, ᐃᒥᑦᑎᐊᕙᓐᓂ ᐱᔭᕆᐊᖃᕐᓂᖏᓐᓂ ᑐᐊᕕᕐᓇᑎᓪᓗᒍ.”

-ᐊᐃᒥ ᐊᐅᓪᒍᔅᒪ, ᐃᖅᑲᓇᐃᔭᖅᑎᓄᑦ ᓯᕗᓕᖅᑎ

ᐲᖅᑕᐅᓚᐅᖅᑎᓪᓗᒍ ᐅᖅᓱᐊᓗᖃᐅᑎ ᐋᖅᑭᒋᐊᕈᑕᐅᓚᐅᖅᑐᖅ ᐊᑲᐅᓐᖏᓕᐅᕈᑕᐅᔪᖅ, ᐃᖃᓗᒥᐅᑦ ᓱᓕ ᐃᒥᖃᑦᑕᖁᔭᐅᓐᖏᑦᑐᑦ ᑯᕕᔫᒥᑦ ᖃᐅᔨᒃᑲᖅᑕᐅᓚᐅᓐᖏᓐᓂᖏᓐᓂ.

ᓗᐊᕆ ᐃᓪᓚᐃᑦ ᑎᒃᑯᐊᖅᑕᐅᔪᖅ ᒪᓕᒐᓕᐅᕐᕕᒻᒧᑦ

ᓯᑎᒃᑯᑦ ᐃᖃᓗᓐᓂ ᐅᐱᒍᓱᒍᒪᕗᑦ ᒪᓕᒐᓕᐅᕐᕕᔾᔪᐊᒦᓐᓂᐊᓕᖅᑐᒥᑦ ᓗᐊᕆ ᐃᓪᓚᐅᒻᒥᑦ ᓇᓗᓇᐃᖅᑕᐅᕋᑖᖅᑐᖅ ᒪᓕᒐᓕᕆᖅᑎᒻᒪᕆᓂᐅᓂᐊᓕᖅᑐᓂ ᓄᓇᕗᒻᒧᑦ.

ᐅᖃᖅᑐᓂ ᒪᐃᔭ ᐱᐅᓪ:
“ᐅᐱᒋᔭᕗᑦ ᒪᓕᒐᓕᐅᖅᑎᒻᒪᕆᒃ ᓗᐊᕆ ᐃᓪᓚᐅᑦ ᑎᒃᑯᐊᖅᑕᐅᕋᑖᓚᐅᖅᑐᖅ. ᓯᑎᒃᑯᑦ ᐃᖃᓗᓐᓂ ᖁᕕᐊᑦᑐᑦ ᓗᐊᕆ ᐃᓪᓚᐅᒻᒥᑦ. ᐱᓕᕆᖃᑎᒋᓛᕐᓂᑎᓐᓂ ᖁᕕᐊᒋᔭᕗᑦ ᐅᑭᐅᖅᑕᖅᑐᒥ ᐃᓱᒫᓘᑕᐅᔪᓂᒃ ᑲᒪᖃᑦᑕᕐᓂᐊᓕᕐᖓᑦ ᑲᓇᑕᒥ.”

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᔅᓴᖅ:
ᐊᓕᒃᔅᑭ ᑳᒧᕋᕐ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐱᔨᑦᑎᕋᕐᓂᒧᓪᓗ ᐊᐅᒪᑦᑎᔨ 
867-979-5619 | a.cameron@iqaluit.ca