ᓄᓇᓕᓐᓂᒥᐅᑕᐃᑦ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐅᐱᕐᖕᒐᒃᓵᒃᑯᑦ ᐃᓕᓐᓂᐊᕐᓇᐅᖖᒋᑎᓪᓗᒍ ᐊᑎᓕᐅᕐᕕᒃᓴᖅ
ᒫᑦᓯ 27, 2023 – ᐃᖃᓗᐃᑦ, ᓄᓇᕗᑦ

ᐊᑎᓕᐅᖃᑕᐅᓚᐅᖅᓯᒪᒍᕕᑦ ᓄᓇᓕᐸᐅᔭᒃᑯᑦ ᐅᐱᕐᖕᒐᒃᓵᒃᓯᐅᑎᒥᑦ ᓄᖅᑲᖕᒐᑲᓂᓐᓇᕐᓇᐅᑎᓪᓗᒍ ᐱᒋᐊᕐᓗᓂ ᐊᐃᐳᕈ 3, ᖃᐅᔨᒪᒋᐊᕐᓂᐊᖅᐳᑎᑦ ᑐᖖᒐᓱᒃᑎᑕᐅᒐᓗᐊᕐᒪᖕᒑᖅᐱᑦ ᐃᕐᖕᒌᓐᓈᖅᑕᐅᑎᒃᑯᑦ. ᐃᕐᖕᒌᓐᓈᖅᑕᐅᑎᒃᑯᑦ ᓱᓕ ᐱᓚᐅᖖᒋᒃᑯᕕᐅᒃ, ᖃᐅᔨᒋᐊᕐᕕᒋᒍᒃ j.cote@iqaluit.ca ᓇᓗᓇᐃᖅᑕᐅᖁᓗᒍ ᐃᑎᓕᐅᖅᑕᐅᓯᒪᔫᑉ ᑐᓴᖅᑕᐅᔪᒃᓴᖁᑎᖕᓂᒃ.

ᐱᓚᐅᖖᒋᒃᑯᕕᐅᒃ ᓱᓕ ᐃᕐᖕᒌᓐᓈᖅᑕᐅᑎᒃᑯᑦ, ᐱᒻᒪᕆᐅᔪᖅ ᖃᐅᔨᒋᐊᕐᓗᑎᑦ ᐱᖖᒍᐊᖅᑐᓕᕆᔨᐅᒃᑯᓐᓄᑦ ᒫᓐᓇᑦᑕᐅᑎᒋ, ᐅᓪᓗᒥᒨᖕᒐᔪᑦ ᑐᐊᕕᕐᓇᖅᑐᓄᑦ ᖃᐅᔨᒋᐊᕐᕕᒃᓴᐃᑦ ᓇᓗᓇᐃᖅᑕᐅᔭᕆᐊᓖᑦ ᐅᐱᕐᖕᒑᒃᑯᑦ ᐃᓕᓐᓂᐊᕐᓇᐅᙱᑎᓪᓗᒍ ᐱᒋᐊᓚᐅᖖᒋᓐᓂᖕᒐᓂᑦ. ᖁᔭᓐᓇᒦᒃ ᐃᑲᔪᕈᓐᓇᕋᕕᑦ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ 

ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - 102,103,104,120,122,273,274,275,276. 

ᒫᕐᓯ 27, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ ᐃᓪᓗᐃᑦ ᓇᓴᐅᑎᖐᑦ: 102,103,104,120,122,273,274,275,276.

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:

ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
S.Avery@iqaluit.ca | 867-979-5630

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᒥᕐᒧᑦ ᓴᓗᒻᒪᖅᓴᐃᕕᒃ ᓴᓇᔭᐅᒋᐊᕐᓂᖕᒐ ᑲᔪᓯᔪᖅ
ᒫᑦᓯ 24, 2023 – ᐃᖃᓗᐃᑦ, ᓄᓇᕗᑦ

ᐃᒥᕐᒧᑦ ᓴᓗᒻᒪᖅᓴᐃᕕᒃ ᓴᓇᔭᐅᒋᐊᕐᓂᖕᒐ ᑲᔪᓯᔪᖅ. ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖕᒋᑦ ᒫᓐᓇ ᐅᖃᖃᑎᖃᖅᐸᓪᓕᐊᖕᒋᓐᓇᖅᑐᑦ ᓄᓇᕘᒥ ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᑦ ᐊᖕᒐᔪᖅᑳᖕᒐᓐᓂᒃ. ᓄᓇᓕᐸᐅᔭᒃᑯᑦ ᑐᓂᓯᓯᒪᓕᖅᑐᑦ ᐱᓕᕆᐊᖕᒍᓯᒪᔪᓂᒃ ᒫᓐᓇᒧᑦ ᑎᑭᑦᑐᒍ, ᑭᐅᖃᑦᑕᓕᖅᑐᑎᒡᓗ ᐊᐱᖅᑯᑕᐅᒐᔪᒃᑐᓂᑦ ᐊᐅᓚᓂᖕᒋᓐᓂᑦ.

ᓄᓇᓕᐸᐅᔭᒃᑯᑦ ᐱᔪᒪᓂᕆᔭᖕᒐᑦ ᐅᑎᕐᓗᓂ ᐃᒥᕐᒧᑦ ᓴᓗᒻᒪᖅᓴᐃᕝᕕᖕᒧᑦ ᐊᐅᓚᓂᖕᒐᓄᑦ, ᐊᒻᒪᓗ ᑖᓐᓇ ᐱᓕᕆᓂᐅᔪᖅ ᐊᐅᓚᓂᖃᑦᑎᐊᖅᑐᖅ ᐋᖅᑭᒃᓯᒪᓂᓪᓚᕆᖕᒐᑎᑐᑦ. ᐱᓕᕆᖃᑎᖃᐃᓐᓇᕐᓂᐊᖅᑐᒍᑦ ᐋᓐᓂᐊᖃᕐᓇᖖᒋᑦᑐᓕᕆᔨᒻᒪᕆᒃᑯᑦ ᑎᑎᕋᕐᕕᖕᒐᓂᑦ, ᐅᑎᕈᑦᑕ ᐱᔨᑦᑎᕋᑦᑎᐊᕐᓂᕐᒧᑦ, ᐃᖃᓗᖕᒥᐅᑦ ᖁᓱᔪᓐᓃᕈᓐᓇᖅᑐᑦ ᖃᓄᐃᓕᐅᖅᓯᒪᓂᓕᒫᖕᒋᓐᓂᒃ ᓴᐳᔾᔨᓇᓱᒃᑐᑎᒃ ᐃᒥᕆᕙᑦᑕᑦᑎᓐᓂ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᒡᓗᕐᔪᐊᖅ 902 ᐊᒻᒪᓗ ᐱᒋᐊᖅᑎᑦᑎᒍᑎ #22-17
ᒫᑦᓯ 23, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᑲᑎᒪᔨᖕᒋᑦ ᑲᑎᒪᑎᓪᓗᒋᑦ ᔮᓐᓄᐊᕆ 25, 2022-ᖕᒍᑎᓪᓗᒍ, ᑲᑎᒪᔩᑦ ᑎᓕᓯᔪᒻᒪᑕ ᐊᐅᓚᑦᑎᔨᓂᑦ ᐱᓕᕆᖃᑎᖃᖁᓪᓗᒋᑦ ᓇᖕᒥᓂᖃᖅᑎᐅᔪᓂᑦ ᕗᕈᐱᓱ ᕌᑭᑦ ᐃᒥᕋᓚᒡᕕᖕᒐᓂᑦ, ᐅᖃᐅᓯᖃᕐᓂᐊᕐᓗᑎᒃ ᓂᐅᕕᑐᐃᓐᓇᕆᐊᖃᕐᓂᖕᒋᓐᓂᒃ ᐃᒡᓗᕐᔪᐊᖅ 902-ᒥᒃ. ᐅᑕᖅᑭᔪᑦ
ᖃᐅᔨᓴᖅᑕᐅᓂᐊᖅᑐᓂᑦ, ᖃᐅᔨᓴᖅᑕᐅᓗᓂ ᐊᒻᒪᓗ ᑮᓇᐅᔭᓂᒃ ᓇᓂᓯᔪᒪᓪᓗᑎᒃ, ᐃᓂᒃᓴᒥᓂᒃ ᓴᖅᑭᑦᑎᔪᒪᓚᓪᓗᑎᑦ ᒪᒃᑯᒃᑐᓄᑦ ᖃᓄᐃᖖᒋᑦᑎᐊᖅᑐᓕᕆᕝᕕᒃᓴᒥᑦ.

ᐱᖁᔨᕗᖕᒑᕈᑎᒃᑯᑦ, ᑲᑎᒪᔩᑦ ᐅᖃᓚᐅᕐᒪᑕ ᐱᔪᒪᓂᖃᑐᐃᓐᓇᕆᐊᖃᕐᓂᖕᒋᓐᓂᒃ ᕌᑭᑦ ᐃᒥᕐᕕᖕᒐᓂ ᖃᖕᒐᑭᐊᖅ ᓯᕗᓂᒃᓴᑦᑎᓐᓂ. ᐱᓕᕆᐊᒃᓴᖅ ᓴᖅᑭᑕᐅᓚᐅᖅᑐᖅ ᐸᕐᓇᐅᑎ ᐊᒻᒪᓗ ᑮᓇᐅᔭᖅᑖᕋᓲᑎ ᐱᒋᐊᖅᑕᐅᕋᑖᓚᐅᖅᑐᖅ, ᐱᕙᓪᓕᐊᓯᒪᓗᐊᖖᒋᑦᑐᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ 

ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - 496, 498, 500, 1669, 1670, 1671, 1673

ᒫᕐᓯ 22, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ ᐃᓪᓗᐃᑦ ᓇᓴᐅᑎᖐᑦ: 496, 498, 500, 1669, 1670, 1671, 1673.

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:
ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
S.Avery@iqaluit.ca | 867-979-5630

ᑭᓇᒃᑯᑐᐃᓐᓇᕐᓄᑦ ᑐᓴᒐᒃᓴ
ᐃᕐᖕᒌᓐᓈᖅᑕᐅᑎ ᐅᑎᖅᑐᖅ
ᒫᑦᓯ 22, 2023 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᕐᖕᒌᓐᓈᖅᑕᐅᑎᖕᒐ ᐊᐅᓚᑦᑎᐊᓕᖅᑐᖅ. Microsoft Outlook ᐃᕐᖕᒌᓐᓈᖅᑕᐅᑎ ᐋᖅᑭᒃᑕᐅᓯᒪᓕᖅᑐᖅ ᐱᓕᕆᔾᔪᑎᑦᑎᓐᓄᑦ, ᐊᒻᒪᓗ ᒫᓐᓇ ᑎᑎᕋᕐᕕᖃᕈᓐᓇᖅᓯᔪᑎᑦ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖕᒋᓐᓄᑦ ᐃᕐᖕᒌᓐᓈᖅᑕᐅᑎᒃᑯᑦ. ᖁᔭᓐᓇᒦᒃ ᕿᓄᐃᓵᕈᓐᓇᕋᕕᑦ.

##

ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᕐᕕᒋᔪᓐᓇᖅᑕᐃᑦ:
ᑭᐊᓐᑦ ᑐᕆᔅᑯᓪ ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ
867-222-8502 k.driscoll@iqaluit.ca

ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ-

1104ABC, 1107 and 1087

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ  ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 1104ABC, 1107 and 1087

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓛᕐᒥᔪᑦ ᐃᓘᓐᓇᑦᑎᐊᖏᓐᓂᑦ ᓄᓇᓕᕐᒥᐅᑕᓂᑦ, ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᖕᖏᑐᐊᕈᑎᒃ.

ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓯᒪᑎᓪᓗᒋᑦ, ᓄᓇᓕᐸᐅᔭᒃᑯᑦ ᐃᒥᕐᒥᒃ ᐃᒥᖅᑕᐅᓂᐊᖅᑐᓂᑦ ᐅᕝᕙᓘᓐᓃᑦ ᓂᕆᔭᐅᓂᐊᖅᑐᓄᑦ ᐃᓚᓕᐅᔾᔭᐅᕙᓐᓂᐊᖅᑐᓂᑦ ᐅᐊ ᒪᓇᐅᒐᓗᐊᒥᑦ ᑎᖅᑎᑎᑦᑎᖃᑦᑕᖁᔭᐅᔪᑦ ᐊᑯᓂᐅᓂᕐᓴᓘᓐᓃᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐳᐃᔾᔪᕋᕐᕕᒃ ᒪᑐᓯᒪᑲᐃᓐᓇᓛᖅᑐᖅ
ᒫᕐᓯ 21, 2023 - ᐃᖃᓗᐃᑦ, ᓄᓇᕗᑦ

ᐱᖕᖑᐊᖅᑐᓕᕆᔨᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐳᐃᔾᔪᕋᕐᕕᒃ ᒪᑐᓯᒪᓛᕐᓂᖓᓂᑦ ᒫᕐᓯ 25-ᒥᑦ ᐃᐳᕈ 2-ᒧᓄᑦ, ᐊᒻᒪ ᒪᑐᐃᒃᑲᓐᓂᓛᖅᑐᓂ ᐅᓪᓛᖓᓂ ᐃᐳᕈ 3. ᐊᐅᓚᑦᓯᔾᔪᑎᓂᑦ ᐱᔾᔪᑎᖃᖅᑐᑎᒃ ᑕᐃᒪᐃᑦᑐᑦ.
ᐳᐃᔾᔪᕋᕐᕕᐅᑉ ᒪᑐᔭᐅᓂᖓ ᐊᑦᑐᐃᖏᑦᑐᖅ ᐃᖅᑲᐃᓕᓴᕐᕕᒻᒥᑦ, ᒪᑐᐃᖓᐃᓐᓇᓂᐊᖅᑐᖅ ᐳᐃᔾᔪᕋᕐᕕᒃ ᒪᑐᓯᒪᓂᖓᓂ. ᒪᒥᐊᓇᐅᒐᓗᐊᖅ ᐊᑲᐅᖏᓕᐅᕈᑎᓕᐅᕈᑦᑕ ᐊᒻᒪ ᖁᔭᓐᓇᒦᖅᑕᐅᓗᓯ ᑐᑭᓯᐊᓂᕐᓯᓐᓂᒃ ᑕᒪᑦᓱᒥᖓ.

##