ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 03-100003 ᓂᐅᕕᖅᑎ ᐱᓕᕆᔾᔪᑎᑦᓴᓂᑦ
ᐃᖅᑲᓇᐃᔮᑦᓴᖅ
ᓂᐅᕕᖅᑎ ᐱᓕᕆᔾᔪᑎᑦᓴᓂᑦ
ᐊᖏᔪᖅᑳᖃᕐᓗᓂ ᑎᒥᐅᔪᒥ ᐱᔨᑦᓯᕋᖅᑎᓄᑦ ᐊᖏᔪᖅᑳᖑᔪᒥᑦ ᓂᐅᕕᖅᑎ ᐱᓕᕆᔾᔪᑎᑦᓴᓂᑦ ᑐᕌᒐᕆᓪᓚᕆᑦᑕᖏᑦ ᐃᖅᑲᓇᐃᔮᒃᑯᑦ ᐊᐅᓚᑦᓯᖃᑦᑕᕐᓂᐅᔪᖅ ᐃᓯᖅᑐᓂᑦ ᐊᓂᐊᔪᓂᓪᓗ ᐱᓕᕆᔾᔪᑎᑦᓴᓂᑦ. ᐊᓯᖏᑦ ᐱᔭᑦᓴᖏᑦ ᓂᐅᕕᖅᑎᐅᓂᖅ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᕐᕕᓐᓂ ᐱᓕᕆᔾᔪᑎᐅᒋᐊᓕᓐᓂᑦ ᓇᑭᑐᐃᓐᓇᖅ ᑎᑭᓴᐃᕕᑦᓴᓂᑦ ᓂᐅᕕᕐᕕᓐᓂᓘᓐᓃᑦ, ᑐᑦᓯᕋᐅᑎᓕᐅᖁᔨᔾᔪᑎᓕᐅᕐᓂᖅ, ᐊᑭᑦᓴᓯᐅᕐᓂᖅ ᐱᔭᑦᓴᓄᑦ ᐊᒻᒪ ᐊᑭᑦᑐᕋᐅᑎᓂᑦ ᐱᓕᕆᐊᑦᓴᓄᑦ ᑲᒪᔨᐅᓂᖅ, ᓂᐅᕕᖅᑐᑦᓯᐅᑎᓂᑦ ᐱᑎᑦᓯᓂᖅ ᐃᖅᑲᓇᐃᔭᖅᑎᓄᑦ ᐊᒻᒪ ᐱᓕᕆᔾᔪᑎᓂ ᓈᓴᐃᖃᑦᑕᕐᓗᓂ ᐊᑐᖅᑕᐅᓕᖅᑐᑦ ᖃᓄᐃᓕᖓᓕᕐᒪᖔᑕ.
ᖃᐅᔨᒪᓂᖏᑦ, ᐱᓕᒻᒪᓴᕐᓯᒪᔭᖏᑦ ᐊᒻᒪ ᐱᓕᕆᔪᓐᓇᐅᑎᖏᑦ ᐊᑐᖅᑕᐅᔭᕆᐊᓖᑦ ᐃᖅᑲᓇᐃᔮᒥ ᐱᔭᐅᒐᔪᑦᑐᑦ ᐃᓕᓐᓂᐊᕐᕕᓐᓂᑦ ᐱᔭᕇᕈᑎᐅᓗᑎᒃ ᐅᕝᕙᓘᓐᓃᑦ ᓯᓚᑦᑐᓴᕐᕕᔾᔪᐊᕐᕕᒻᒥᑦ ᐱᔭᕇᕈᑎᑖᕈᑎᐅᕙᑦᑐᑎᒃ ᓇᒻᒥᓂᖃᕐᓂᓕᕆᓂᕐᒨᖓᔪᓂᑦ ᐃᓕᓐᓂᐊᕈᑎᒍᑦ ᐊᒻᒪ ᐊᑕᐅᓯᐅᒐᓗᐊᒥᑦ ᐅᖓᑖᓂᓘᓐᓃᑦ ᐊᕐᕌᒍᓂᑦ ᐱᓕᕆᐊᖃᕐᓯᒪᓗᓂ ᓂᐅᕕᖅᑎᓕᕆᓂᕐᒥᑦ ᐱᓕᕆᔾᔪᑎᑦᓴᓂᑦ. ᐱᕙᓪᓕᐅᑎᒐᔭᖅᑐᒻᒪᕆᐅᔪᖅ ᐱᓕᒻᒪᓴᕐᓯᒪᔪᑦ ᑮᓇᐅᔭᓕᕆᔾᔪᑎᓕᕆᓂᕐᒥᑦ, ᐱᓕᕆᔾᔪᑎᑦᓴᓂᑦ ᐊᒥᓱᓂᑦ ᐊᔾᔨᒌᖏᑦᑐᓂᑦ ᐊᐅᓚᑦᓯᓕᓂᐅᓗᓂ, ᐊᒻᒪ ᖃᐅᔨᒪᑦᓯᐊᕐᓗᓂ ᖃᓄᐃᑦᑑᒻᒪᖔᑕ ᐃᓚᑦᓴᕈᓘᔭᐃᑦ ᓱᓇᒃᑯᑖᓄᑦ, ᐊᐅᓚᐅᑎᕈᓘᔭᕐᓄᓪᓗ.
ᐱᓕᕆᔪᓐᓇᐅᑎᐅᒋᐊᓖᑦ
- ᐱᔭᕇᕈᑎᖃᕈᓂ ᓯᓚᑦᑐᓴᕐᕕᒻᒥᑦ ᐅᕝᕙᓘᓐᓃᑦ ᓯᓚᑦᑐᓴᕐᕕᔾᔪᐊᕐᕕᒻᒥᑦ ᓇᒻᒥᓂᖃᕐᓂᓕᕆᓂᕐᒨᖓᔪᒥᑦ
- ᐊᕐᕌᒍᒥᑦ ᐊᑕᐅᓯᐅᒐᓗᐊᒥᑦ ᐅᖓᑖᓂᓘᓐᓃᑦ ᐱᓕᕆᐊᖃᓚᐅᕐᓯᒪᓗᓂ ᐃᖅᑲᓇᐃᔮᑦᓴᕐᒨᖓᔪᒥᑦ
ᐱᓕᒻᒪᓴᕐᓯᒪᒋᐊᓖᑦ ᐅᕝᕙᓘᓐᓃᑦ ᖃᐅᔨᒪᒋᐊᓖᑦ
- ᐱᓕᕆᐊᖃᓚᐅᕐᓯᒪᓗᓂ ᑐᑦᓯᕋᐅᑎᓕᐅᕈᑎᓕᕆᓂᕐᒥᑦ, ᐊᑭᑦᓴᕐᓯᐅᓂᕐᒥᑦ ᐊᒻᒪ ᐊᑭᑦᑐᕋᐅᑎᔾᔪᑎᓂᑦ ᐱᔭᑦᓴᓂᑦ
- ᖃᐅᔨᓴᕈᓐᓇᓯᐊᕐᓗᓂ ᐊᒻᒪ ᐋᖅᑭᑦᓱᐃᔪᓐᓇᕐᓗᓂ ᐊᑲᐅᖏᓕᐅᕈᑎᓂᑦ
- ᐅᖃᐅᓯᒃᑯᑦ ᐊᒻᒪ ᑎᑎᖅᑲᒃᑯᑦ ᑐᓴᐅᒪᖃᑎᖃᕈᓐᓇᑦᓯᐊᕆᐊᓕᒃ
- ᖃᕋᑕᐅᔭᓕᕆᔾᔪᑎᓂᑦ ᐱᓕᕆᔾᔪᑎᖃᕈᓐᓇᓯᐊᕐᓗᓂ ᐊᒻᒪ ᑎᑎᖅᑲᓕᐅᕈᑎᖏᓐᓂᑦ
- ᐅᓪᓗᕐᓯᐅᑎᒍᑦ ᖃᓄᐃᒋᐊᓕᓐᓂᑦ ᐊᐅᓚᑦᓯᑦᓯᐊᕈᓐᓇᕐᓗᓂ ᐊᒻᒪ ᐱᔭᑦᓴᓕᐅᕈᑎᓂᑦ ᐃᓱᒪᕐᓴᕐᓯᐅᕈᓐᓇᓯᐊᕐᓗᓂ
- ᐃᖅᑲᓇᐃᔭᖅᑎᑦᓯᐊᕙᐅᔪᓐᓇᓂᕐᒥᑦ ᐱᓕᒻᒪᓴᕐᓯᒪᓗᓂ ᐊᒻᒪ ᐊᓯᒥᓂᒃ ᐃᖅᑲᓇᐃᔭᖃᑎᖃᕈᓐᓇᑦᓯᐊᕐᓗᓂ
- ᖃᐅᔨᒪᑦᓯᐊᕆᐊᓕᒃ ᐅᕝᕙᓘᓐᓃᑦ ᑐᑭᓯᓯᒪᑦᓯᐊᕐᓗᓂ ᐅᑭᐅᖅᑕᖅᑐᕐᒥᐅᑕᓄᑦ ᐃᓕᖅᑯᓯᕆᔭᐅᔪᓂᑦ ᐊᒻᒪ ᒐᕙᒪᓕᕆᔾᔪᑎᐅᔪᓂᑦ
ᑲᑎᑦᑐᒋᑦ ᓇᓕᒧᑉᐸᑕ ᐃᓕᓐᓂᐊᕐᓯᒪᔭᕆᐊᓕᓐᓄᑦ, ᖃᐅᔨᒪᒋᐊᓕᓐᓄᑦ, ᐱᓕᒻᒪᓴᕐᓯᒪᔭᑦ ᐊᒻᒪ ᐱᓕᕆᔾᔪᑎᐅᔪᓐᓇᖅᑐᑦ ᐃᓕᓐᓂᐊᕈᑎᓪᓚᕆᓐᓄᑦ ᐃᓱᒪᒋᔭᐅᓂᐊᖅᑐᑦ.
ᑮᓇᐅᔭᓕᐅᕋᔭᖅᑐᖅ ᐱᒋᐊᕈᑎᒋᓗᒋᑦ $70,368.94 ᐊᕐᕌᒍᓕᒫᒥ ᐊᒻᒪ ᐃᑲᔫᓯᐊᖅᐸᓪᓗᓂ ᓄᓇᓕᕐᓂᒥᐅᑕᐅᓂᕐᒧᑦ ᐊᕐᕌᒍᒥ $20,907.43-ᓂᑦ ᐊᒻᒪ ᐱᐅᔪᐊᓗᓐᓂᑦ ᐃᑲᔫᓯᐊᖅᐸᓪᓗᓂ ᐃᖅᑲᓇᐃᔮᒃᑯᑦ.
ᐱᔾᔪᑎᒋᓪᓗᒍ ᐃᖅᑲᓇᐃᔮᑦᓴᐅᑉ ᖃᓄᐃᑦᑑᓂᖓ, ᐃᖅᑲᓇᐃᔮᖅᑖᖅᑐᖅ ᐱᔭᕆᐊᖃᕋᔭᖅᑐᖅ ᐃᖅᑲᖅᑐᐃᕕᑎᒍᑦ ᖃᓄᐃᓕᔭᐅᓚᐅᕐᓯᒪᖕᖏᓂᕐᒥᓂᒃ ᓇᓗᓇᐃᔭᐃᑎᓂᑦ.
ᐊᑏ ᐃᓚᓕᐅᑎᓯᒪᓂᐊᖅᑕᑎᑦ ᐊᔾᔨᖏᑦ ᐱᔭᕇᕈᑎᒋᓯᒪᔭᑎᑦ ᒫᓐᓇᓂᓴᐃᑦ ᐊᒻᒪ ᐊᓯᖏᑦ ᐱᔭᕇᕈᑎᒋᓯᒪᔭᑎᑦ ᐃᖅᑲᓇᐃᔮᖅᑖᕋᓲᑎᓐᓄᑦ.
ᒪᑐᕕᑦᓴᓕᒃ: ᔮᓐᓄᐊᕆ 12, 2018
ᐃᖅᑲᓇᐃᔮᖅᑖᕋᓱᒍᒪᓐᓂᕈᕕᑦ ᐃᖅᑲᓇᐃᔮᖅᑖᕋᓲᑏᑦ ᓈᓴᐅᑎᖓ ᓇᓗᓇᐃᕐᓯᒪᓗᒍ ᑐᓂᔪᓐᓇᖅᑕᐃᑦ ᐅᕗᖓ:
ᓇᓗᓇᐃᔭᐃᑎᖓ # 03-100003
ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
ᓱᑲᑦᑐᒃᑯᑦ - 867-979-5210
hr@city.iqaluit.nu.ca
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᖃᐅᔨᒃᑲᖅᑕᐅᓛᖅᑐᑦ.
ᒪᓕᓪᓗᒋᑦ ᑎᑎᕋᕐᓯᒪᔪᑦ ᓈᓴᐅᑎᓖᑦ 23-ᒥ ᓄᓇᕘᒥᑦ ᐊᖏᕈᑎᒥ, ᓯᕗᓪᓕᐊᔾᔭᐅᓛᕐᒥᔪᑦ ᓄᓇᕘᒥ ᐊᖏᕈᑎᒥ ᐊᑎᖃᖃᑕᐅᔪᑦ ᒪᓕᑦᑐᑦ ᒪᓕᒐᕐᓂᑦ ᐃᖅᑲᓇᐃᔮᑦᓴᒧᑦ.
