ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-FIN-WC-1017 ᖃᓄᐃᓐᖏᑦᓯᐊᖅᑐᓕᕆᓂᕐᒥᑦ ᑐᑭᒧᐊᑦᑎᑦᓯᔨ
ᐃᓗᐊᓄᑦ / ᓯᓚᑖᓄᑦ ᓯᑕᒪᑦ ᑕᖅᑭᓂᑦ ᐃᖅᑲᓇᐃᔮᑦᓴᖅ
ᖃᓄᐃᓐᖏᑦᓯᐊᖅᑐᓕᕆᓂᕐᒥᑦ ᑐᑭᒧᐊᑦᑎᑦᓯᔨ
ᑎᓕᒐᕆᓗᓂᐅᒃ ᓯᑎᒃᑯᑦ ᐊᓪᓚᑦᑎᖓᑕ, ᐃᖅᑲᓇᐃᔭᖅᑎᑦᓴᖅ ᐱᓕᕆᔨᑦᓴᐅᔪᖅ ᓄᓇᓕᓐᓂ ᒐᕙᒪᓕᕆᔨᒃᑯᑦ ᐃᑲᔪᕐᓱᐃᔾᔪᑎᖏᓐᓂᑦ ᐃᓄᓕᕆᓂᕐᒧᑦ ᐱᕙᓪᓕᐊᒍᑎᑦᓴᓕᕆᓂᕐᒥᑦ ᒪᓕᑦᑕᐅᕙᑦᑐᑎᒃ ᑲᑎᒪᔨᓄᑦ ᑎᓕᓯᔾᔪᑎᐅᔪᑦ. ᐃᖅᑲᓇᐃᔭᖅᑎᑦᓴᖅ ᐊᐅᓚᑦᓯᒐᔭᖅᑐᖅ ᐊᒻᒪᓗ ᐸᐃᑉᐹᓕᕆᔨᐅᓗᓂ ᐊᔾᔨᒌᓐᖏᑦᑐᓂᑦ ᑮᓇᐅᔭᑎᒍᑦ ᐱᓕᕆᐊᑦᓴᓂᑦ ᐃᓚᒋᔭᐅᓗᑎᒃ ᐊᓯᖃᕈᓐᓇᕋᓗᐊᕆᓪᓗᑎᒃ ᐊᖏᕐᕋᖃᓐᖏᑦᑐᓕᕆᓂᕐᒥᑦ ᑲᑐᔾᔨᖃᑎᒌᓄᑦ ᐱᓕᕆᔾᔪᑎᑦᓴᓂᑦ ᐊᒻᒪᓗ ᓄᓇᕗᑦ ᒐᕙᒪᒃᑯᑦ ᖃᓄᐃᓐᖏᑦᓯᐊᖅᑐᓕᕆᓂᕐᒥᑦ ᐱᓕᕆᔾᔪᑎᖏᓐᓂᑦ. ᐃᖅᑲᓇᐃᔭᖅᑎᑦᓴᖅ ᐸᐃᑉᐹᓕᕆᔾᔪᑎᒍᑦ ᐃᑲᔪᖅᑎᐅᒐᔭᕐᒥᔪᖅ ᓂᒃᓰᑦ ᑲᑎᒪᔨᕋᓛᓂᑦ ᐊᒻᒪᓗᑦᑕᐅᖅ ᐊᐅᓚᑦᓯᔨᐅᓯᓐᓈᕐᓗᓂ ᐊᒻᒪᓗ ᑐᑭᒧᐊᑦᑎᑦᓯᔨᐅᓗᓂ ᐱᓕᕆᐊᑦᓴᓂᑦ ᐱᒋᐊᖅᑎᑕᐅᓯᒪᔪᓂᑦ ᓄᓇᓕᐸᐃᔭᐃᑦ ᐃᖃᓗᐃᑦ ᐊᖅᑯᑎᖃᖅᑐᑎᒃ ᑲᑎᒪᔨᕋᓛᖏᓐᓂᑦ ᑲᑎᒪᔨᑦ.
ᐃᖅᑲᓇᐃᔭᖅᑎᐅᒐᔭᖅᑐᖅ ᐅᑯᓂᖓ ᑎᒍᒥᐊᕆᐊᓕᒃ:
- ᓯᓚᑦᑐᓴᕐᕕᒻᒥᑦ ᐱᔭᕇᕈᑎᖃᕐᓗᓂ ᐃᓗᓯᓕᕆᓂᕐᒥᑦ, ᐃᖅᑲᓇᐃᔭᖅᑎᓕᕆᓂᕐᒥᑦ ᐅᕝᕙᓗ ᑕᐃᒪᐃᑦᑐᓄᑦ ᐊᑦᑐᐊᔪᓂᑦ ᐱᔭᕇᕈᑎᓂᑦ
- ᑮᓇᐅᔭᓕᕆᔾᔪᑎᓂᑦ ᐅᓂᒃᑳᓕᐅᕈᓐᓇᕐᓂᖅ
- ᑐᑦᓯᕋᐅᑎᓂᑦ ᑎᑎᕋᕈᓐᓇᕐᓗᓂ
- ᐱᐅᔪᐊᓗᓐᓂᑦ ᑎᑎᕋᕈᓐᓇᓯᐊᕐᓗᓂ ᐊᒻᒪᓗ ᑐᓴᐅᒪᐅᑎᓕᕆᔪᓐᓇᓯᐊᕐᓗᓂ
- ᐱᓕᕆᐊᑦᓴᓂᑦ ᐊᐅᓚᑦᓯᓕᓂᐅᓗᓂ
- ᐱᓕᕆᖃᑎᖃᓚᐅᕐᓯᒪᓗᓂ ᓄᓇᓕᓐᓂ ᑲᑎᒪᔨᓂᑦ
ᐃᖅᑲᓇᐃᔭᖅᑎᑖᖑᒐᔭᖅᑐᖅ ᐊᓯᒥᓂᒃ ᐃᖅᑲᓇᐃᔭᖅᑎᖃᕈᓐᓇᑦᓯᐊᕆᐊᓕᒃ ᐊᒻᒪᓗ ᐊᖏᔪᖅᑳᒥᓄᑦ ᖃᐅᔨᓴᖅᑕᐅᓗᐊᓐᖏᓪᓗᓂ ᐃᖅᑲᓇᐃᔭᕈᓐᓇᕐᓗᓂ ᐊᒻᒪᓗ ᐱᕕᒃᑭᑦᑐᓂᑦ ᐅᓪᓗᕐᓯᐅᑎᒍᑦ ᐃᖅᑲᓇᐃᔮᖃᕈᓐᓇᕐᓗᓂ. ᖃᓪᓗᓈᑎᑐᑦ ᐃᓄᑦᑎᑐᓪᓗ ᐅᕝᕙᓗ ᐅᐃᕖᑎᑐᑦ ᑐᓴᐅᒪᖃᑎᖃᕈᓐᓇᕈᓂ ᐱᕙᓪᓕᐅᑎᒻᒪᕆᓐᓂᐊᖅᑐᑦ.
ᐃᓱᒪᕐᓴᕐᓯᐅᕈᑕᐅᒍᓐᓇᖅᑐᑦ ᑕᐃᒪᐃᓪᓗᐊᐸᓗᖏᓐᓂᑦ ᑎᒍᒥᐊᖅᑐᑦ ᐃᓕᓐᓂᐊᕈᑎᕐᓂᑦ, ᖃᐅᔨᒪᐅᑎᓂᑦ, ᐱᓕᒻᒪᑦᓴᐅᑎᓂᑦ ᐊᒻᒪᓗ ᐱᔪᓐᓇᐅᑎᓂᑦ ᐃᓕᓐᓂᐊᕈᑎᓪᓚᕆᓂᑦ ᐊᒻᒪᓗ ᐃᖅᑲᓇᐃᔮᕆᕙᑦᑕᒥᓂᕐᓂᒃ.
ᐊᕐᕌᒍᓕᒫᒥ ᑮᓇᐅᔭᓕᐊᕆᕙᒃᑲᔭᖅᑕᖏᑦ ᐃᖅᑲᓇᐃᔭᖅᑎᐅᑉ $58,807.11 ᐊᒻᒪᓗ ᓄᓇᓕᕐᒥᐅᑕᐅᓂᕐᒧᑦ ᐃᑲᔫᓯᐊᓂᑦ $20,907.43-ᓂᑦ ᐊᒻᒪᓗ ᐱᐅᔪᐊᓗᓐᓂᑦ ᑮᓇᐅᔭᓕᐊᑦ ᖄᖏᒍᑦ ᐃᑲᔫᓯᐊᑦᓴᓂᑦ.
ᒪᑐᕕᑦᓴᖓ: 11-ᒥ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᖕᖑᔭᖓᖑᑦ, ᐋᑦᑑᐸ 18, 2017
ᐃᖅᑲᓇᐃᔮᖅᑖᕋᓲᑎᓯ ᑐᓂᔭᐅᔪᓐᓇᖅᑐᑦ ᐅᑯᓄᖓ:
ᓈᓴᐅᑖ 2017-FIN-WC-1017
ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
hr@city.iqaluit.nu.ca
ᓱᑲᑦᑐᒃᑯᑦ (867)979-5210
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᖃᐅᔨᒃᑲᖅᑕᐅᒐᔭᖅᑐᑦ.
ᒪᓕᓪᓗᒋᑦ ᑎᑎᕋᕐᓯᒪᔪᑦ ᐃᓚᖏᓐᓂ 23 ᓄᓇᕗᑦᒥ ᓄᓇᑖᕈᑕᐅᓚᐅᖅᑐᒥ ᐊᖏᖃᑎᒌᒍᑎᒥ ᓯᕗᓪᓕᐅᔾᔭᐅᕙᓐᓂᐊᖅᑐᑦ ᓄᓇᕗᑦᒥ ᓄᓇᖃᖅᑳᕐᓯᒪᔪᑦ ᒪᓕᑦᑐᑦ ᒪᓕᒋᐊᓕᓐᓂᑦ.
