ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-37 ᐱᓕᕆᐊᑦᓴᓕᕆᔨ - ᐃᖃᐃᓕᓴᕐᕕᒻᒥ ᐊᒻᒪ ᖃᓄᐃᖏᑦᓯᐊᖅᑐᓕᕆᓂᕐᒥᑦ
ᐱᓕᕆᐊᑦᓴᓕᕆᔨ - ᐃᖃᐃᓕᓴᕐᕕᒻᒥ ᐊᒻᒪ ᖃᓄᐃᖏᑦᓯᐊᖅᑐᓕᕆᓂᕐᒥᑦ
ᐅᓪᓘᑉ ᐃᓚᖓᓂ ᐃᖅᑲᓇᐃᔮᑦᓴᖅ: 10-ᓄᑦ ᑕᖅᑭᓄᑦ
ᐊᖏᔪᖅᑳᖃᕐᓗᓂ ᐃᖃᐃᓕᓴᕐᕕᒻᒧᑦ ᑐᑭᒧᐊᑦᑎᑦᓯᔨᒥᑦ, ᐱᓕᕆᐊᑦᓴᓕᕆᔨ ᐃᖃᐃᓕᓴᕐᕕᒻᒥ ᐊᒻᒪ ᖃᓄᐃᖏᑦᓯᐊᖅᑐᓕᕆᓂᕐᒧᑦ ᑲᒪᔨᐅᔪᖅ ᐊᒥᓱᓄᑦ ᐅᐸᑦᑕᐅᕙᑦᑐᓂ ᐱᓕᕆᐊᑦᓴᓂ ᐃᖃᐃᓕᓴᕐᕕᒻᒥ ᐊᒻᒪ ᖃᓄᐃᖏᑦᓯᐊᖅᑐᓕᕆᓂᕐᒨᖓᔪᓂᑦ. ᐊᐅᓚᑦᓯᔨᐅᕙᑦᑐᑦ, ᓯᕗᓕᖅᑎᐅᕙᑦᑐᑎᒃ ᐊᒻᒪ ᖃᐅᔨᓴᖅᑎᐅᕙᑦᑐᑎᒃ ᐃᖃᐃᓕᓴᖅᑎᑕᐅᔪᓂᑦ ᐊᒥᓱᒐᓚᓐᓂᑦ ᐊᑕᐅᑦᓯᒃᑰᕐᓯᒪᔪᓂᑦ ᐊᔾᔨᒌᖏᑦᑐᓂ ᐃᖃᐃᓕᓴᐅᑎᓂ ᐃᖃᐃᓕᓴᖅᐸᑦᑐᓂᑦ, ᐃᓄᐃᑦ ᐱᖕᖑᐊᕈᓯᖏᓐᓂᑦ ᐱᖕᖑᐊᐸᑦᑐᓂᑦ ᐊᒻᒪ ᖃᓄᑐᐃᓐᓇᖅ ᐃᖃᐃᓕᓴᐅᑎᖃᖅᐸᑦᑐᓂᑦ. ᐱᓕᕆᐊᑦᓴᓕᕆᕙᑦᑐᑦ ᑭᒃᑯᑐᐃᓐᓇᑦᓯᐊᓄᑦ ᐊᕐᕌᒍᓕᓐᓂᑦ ᖃᓄᑐᐃᓐᓇᑦᓯᐊᖅ ᐊᒻᒪ ᑎᒥᖏᒍᑦ ᖃᓄᐃᖏᑦᑐᓂᑦ ᐊᔪᕈᑎᓕᓐᓂᓪᓗ ᐊᒻᒪ ᐋᖅᑭᑦᓱᐃᔪᓐᓇᕐᓗᓂ ᐱᓕᕆᐊᑦᓴᓂᑦ ᒪᓕᓪᓗᒋᑦ ᐱᓕᕆᐊᖑᒋᐊᓖᑦ.
ᐱᓕᕆᐊᑦᓴᓕᕆᔨᐅᔪᖅ ᐃᖃᐃᓕᓴᕐᕕᒻᒥ ᐊᒻᒪ ᖃᓄᐃᖏᑦᓯᐊᖅᑐᓕᕆᓂᕐᒥᑦ, ᐃᖃᐃᓕᓴᕐᕕᒻᒨᕈᓐᓇᕆᐊᖃᕐᒪᑕ ᑭᒃᑯᑐᐃᓐᓇᑦᓯᐊᑦ. ᓇᓗᓇᐃᔭᐃᓯᒪᖃᑦᑕᕆᐊᓖᑦ ᐅᐸᑉᐸᑦᑐᑦ ᐃᑉᐱᒋᔭᐅᑦᓯᐊᖃᑦᑕᕆᐊᖃᕐᓂᖏᓐᓂᑦ ᒪᓕᓪᓗᒋᑦ ᑎᒥᖏᒍᑦ ᖃᓄᐃᒍᓯᖏᑦ ᐊᒻᒪ ᖃᓄᐃᑦᑐᓂᑦ ᐃᖃᐃᓕᓴᐅᑎᖃᕆᐊᖃᕐᒪᖔᑕ. ᐱᓕᕆᐊᑦᓴᓕᕆᔨᐅᔪᖅ ᐃᑲᔪᖅᑎᐅᕙᑦᑐᖅ ᑭᐅᔨᓂᑦ ᑐᖕᖓᓱᑦᑎᑦᓯᔨᓂᑦ ᐃᑲᔪᖅᐸᓪᓗᓂ ᐃᑲᔪᕆᐊᖃᕋᐃᒍᓂ: ᐃᑲᔪᖅᐸᓪᓗᓂ ᐸᐃᑉᐹᓕᕆᔾᔪᑎᓂᑦ, ᓱᓇᒃᑯᑖᓕᕆᓂᕐᒥᑦ, ᐊᒻᒪ ᑭᐅᔪᓐᓇᐸᓪᓗᓂ ᐊᐱᖅᑯᑎᓂᑦ ᐊᒻᒪ ᐃᓱᒫᓘᑎᐅᔪᓂᑦ. ᐱᓕᕆᔨᑦᓯᐊᕚᓘᒋᐊᓕᒃ ᐳᐃᔾᔪᕋᕐᕕᒻᒧᑦ ᑭᒡᒐᖅᑐᐃᔨᑦᓯᐊᕙᐅᓗᓂ ᐊᒻᒪ ᐱᓕᕆᔾᔪᑎᖃᖅᐸᓪᓗᓂ ᓄᓇᓕᐸᐅᔭᒃᑯᑦ ᐊᑐᐊᒐᖏᓐᓂᑦ ᐱᓕᕆᔾᔪᑎᒻᒪᕆᓐᓂᑦ ᐊᒻᒪ ᐱᖕᖑᐊᖅᑐᓕᕆᔾᔪᑎᓂᑦ ᐱᓕᕆᐊᖃᕈᓐᓇᑦᓯᐊᕐᓗᓂ ᖃᐅᔨᒪᓂᕐᒥᓂᒃ ᓇᓗᓇᐃᕐᓯᒪᕙᓪᓗᓂ ᐃᖅᑲᓇᐃᔮᖏᒍᑦ ᑕᑯᑦᓴᐅᕙᓪᓗᒋᑦ ᐊᒻᒪ ᐱᓕᕆᖃᑎᖃᕐᓂᖏᒍᑦ ᑭᒃᑯᑐᐃᓐᓇᕐᓂᑦ ᐳᐃᔾᔪᕋᕐᕕᒻᒨᖅᐸᓂᐊᖅᑐᓂᑦ ᐃᖃᐃᓕᓴᕐᕕᒧᓪᓗ.
ᐃᖅᑲᓇᐃᔮᖃᖅᐸᓂᐊᖅᑐᖅ ᓴᓗᒻᒪᕐᓴᐃᕙᓪᓗᓂ, ᐊᑐᖅᑕᐅᑎᑉᐸᓪᓗᒋᑦ ᐳᐃᔾᔪᕋᕐᕕᐅᑉ ᒪᓕᒐᖏᑦ ᐊᒻᒪ ᐊᑐᖅᑕᐅᖁᔭᐅᔪᑦ, ᓱᓇᒃᑯᑖᓂᑦ ᑲᒪᑦᓯᐊᕆᐊᓕᓐᓂᑦ ᑕᑯᑦᓴᒃᑯᑦ ᐱᓕᕆᐊᖃᖅᐸᓪᓗᓂ ᐊᑐᖅᐸᓪᓗᓂᓗ, ᐱᔨᑦᓯᕋᖅᑎᑦᓯᐊᕙᐅᕙᓪᓗᓂ ᑭᒃᑯᑐᐃᓐᓇᕐᓄᑦ, ᑐᐊᕕᕐᓇᖅᑐᓕᕆᖃᑕᐅᔪᓐᓇᕐᓗᓂ ᒪᑦᑐᓯᑦᓰᑦᓯᐊᕈᓐᓇᐅᑎᓂᑦ ᐃᓕᓐᓂᐊᕐᓯᒪᓂ, ᐊᒻᒪ ᐅᐸᑉᐸᓐᓂᐊᖅᑐᑦ ᐊᑦᑕᓇᖅᑐᒦᓕᖕᖏᒃᑲᓗᐊᕐᒪᖔᑕ ᖃᐅᔨᓴᐃᓐᓇᕐᓗᓂ.
ᐊᑐᐃᓐᓇᐅᕕᒋᒋᐊᓕᖏᑦ:
- ᐃᑲᕐᕋᓂᑦ ᑕᓪᓕᒪᓂᑦ ᐱᓇᓱᐊᕈᓯᐅᑉ ᐃᓗᐊᓂ ᐊᑐᐃᓐᓇᐅᔪᓐᓇᕆᐊᓕᒃ.
- ᐱᓇᓱᐊᕈᓯᐅᑉ ᐃᓗᐊᓂ ᓄᖕᖑᖏᓐᓂᓘᓐᓃᑦ ᐃᖅᑲᓇᐃᔭᕈᓐᓇᕐᓗᓂ ᖃᖓᑐᐃᓐᓇᒃᑦ.
- ᐃᖅᑲᓇᐃᔭᕆᐊᕈᓐᓇᕐᓯᒐᔭᖅᑐᖅ ᓰᑏᐱᕆ 5, 2017.
ᐱᓕᕆᔾᔪᓐᓇᐅᑎᑦᓴᑦ/ᓇᓗᓇᐃᕐᓯᒪᔪᑦ ᐱᓕᒻᒪᑦᓯᒪᒋᐊᓖᑦ ᖃᐅᔨᒪᒋᐊᓖᓪᓘᓐᓃᑦ:
- ᐃᖃᐃᓕᓴᖅᑎᐅᔪᓐᓇᓂᕐᒥᑦ ᐱᔭᕇᕈᑎᖃᕆᐊᓕᒃ ᐅᕝᕙᓘᓐᓃᑦ ᐱᔭᕇᕈᑎᑖᕋᓱᒍᓐᓇᕐᓗᓂ ᑕᖅᑭᐅᑉ ᓯᕗᓪᓕᖅᐹᖓᓂ ᐃᖅᑲᓇᐃᔭᓕᖅᑎᓪᓗᒍ ᖃᐅᔨᒪᔭᕆᐊᓕᓐᓂᑦ ᐃᖃᐃᓕᓴᐅᑎᓂᑦ ᓯᕗᓪᓕᐹᕐᓯᐅᑎᓂᑦ ᐊᔾᔨᐸᓗᖏᓐᓂᓘᓐᓃᑦ
- ᐊᒥᓱᓂᑦ ᐃᖃᐃᓕᓴᖅᑐᓂᑦ ᐃᓕᓴᐃᓯᒪᒋᐊᓕᒃ
- ᑐᓴᐅᒪᖃᑎᖃᕈᓐᓇᑦᓯᐊᕆᐊᓕᒃ
- ᒪᑦᑐᓰᑦᓯᐊᑦᓯᐊᕈᑎᓂᑦ ᐃᓕᓐᓂᐊᕐᓯᒪᒋᐊᓕᒃ ᐊᒻᒪ ᐃᑲᔪᕋᓲᑎᓂᑦ ᐊᓂᖅᑎᕆᔾᔪᑎᓂᑦ
- ᐱᔨᑦᓯᕋᖅᑎᐅᓂᕐᒥᑦ ᐃᖅᑲᓇᐃᔮᖃᓚᐅᕐᓯᒪᒋᐊᓕᒃ
- ᐅᖃᐅᕈᓐᓇᕆᐊᓕᒃ ᐃᓄᑦᑎᑐᑦ ᐅᐃᕖᑎᑐᓪᓘᓐᓃᑦ ᐱᕙᓪᓕᐊᑎᒐᔭᕐᒪᑕ ᐃᖅᑲᓇᐃᔮᓂ
- ᐱᔭᕇᕈᑎᖃᕈᓂ ᓄᑭᒃᑯᑦ ᐃᖃᐃᓕᓴᐅᑎᓕᕆᓂᕐᒥᑦ ᐱᕙᓪᓕᐅᑎᒐᔭᖅᑐᖅ
ᐃᑲᕐᕋᕐᓯᐅᑎᖓ $28.00, ᐃᑲᔫᓯᐊᖅᐸᑦᑐᑎᒃ ᓄᓇᓕᕐᒥᐅᑕᐅᓂᕐᒧᑦ ᐊᒻᒪ ᐊᓯᖏᓐᓂᑦ (ᐋᖅᑭᑉᐸᒌᕐᓯᒪᔪᑦ).
ᐃᖅᑲᓇᐃᔮᕐᓴᖅᑖᕋᓱᐊᕈᒪᔪᑦ ᐃᖅᑲᓇᐃᔮᕐᓴᖅᑖᕋᓱᐊᕈᑏᑦ ᐅᕗᖓ ᐊᐅᓪᓚᖅᑎᒋᐊᓖᑦ:
ᖃᐅᔨᒋᐊᕐᕕᖓ# 2017-37
ᐃᖅᑲᓇᐃᔭᖅᑐᓕᕆᔨᒃᑯᑦ
ᑎᑎᖅᑲᒃᑯᕕᖓ 460
ᐃᖃᓗᐃᑦ, ᓄᓇᕗᑦ X0A 0H0
hr@city.iqaluit.nu.ca
ᓱᑲᔪᒃᑯᑦ: 979-5210
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᔪᑦ ᖃᐅᔨᒃᑲᖅᑕᐅᓛᖅᑐᑦ.
