ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-02 ᐅᑭᐅᒃᑯᑦ ᐃᓕᓐᓂᐊᓐᖏᑲᐃᓐᓇᑎᓪᓗᒋᑦ ᐅᓪᓗᒃᑯᑦ ᑭᐱᓐᖑᐃᔭᐃᔨᑦᓴᓂᑦ
ᐃᓕᓐᓂᐊᖅᑎᓄᑦ ᐃᖅᑲᓇᐃᔮᑦᓴᖅ
ᐅᑭᐅᒃᑯᑦ ᐃᓕᓐᓂᐊᓐᖏᑲᐃᓐᓇᑎᓪᓗᒋᑦ ᐅᓪᓗᒃᑯᑦ ᑭᐱᓐᖑᐃᔭᐃᔨᑦᓴᓂᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᐱᓐᖑᐊᖅᑐᓕᕆᔨᖏᑦ ᕿᓂᓕᕐᒥᔪᑦ ᐃᖅᑲᓇᐃᔭᕈᒪᔪᓂᑦ ᐅᑭᐅᒃᑯᑦ ᐃᓕᓐᓂᐊᓐᖏᑲᐃᓐᓇᑎᓪᓗᒋᑦ ᐅᓪᓗᒃᑯᑦ ᑭᐱᓐᖑᐃᔭᐃᔨᑦᓴᓂᑦ. ᐅᓪᓗᒃᑯᑦ ᑭᐱᓐᖑᐃᔭᐃᔨᑦ ᖃᐅᔨᓴᖅᑎᐅᔪᑦ, ᐸᕐᓇᐃᔨᐅᔪᑦ ᐊᒻᒪᓗ ᓯᕗᓕᖅᑎᐅᔪᑦ ᓱᕈᓯᕐᓂᑦ ᑭᐱᓐᖑᐃᔭᐃᓕᐅᓪᓗᑎᒃ ᐅᓪᓗᒃᑯᑦ ᐊᑐᖅᑕᐅᔪᑦᓴᓂᑦ ᑭᐱᓐᖑᐃᔭᖅᑎᓪᓗᒋᑦ. ᖃᓄᐃᓕᐅᕈᑎᑦᓴᐃᑦ ᐊᑐᖅᑕᐅᔪᓐᓇᖅᑐᑦ ᐃᓐᖏᖃᑦᑖᕐᓂᖅ, ᐱᓐᖑᐊᕐᓂᖅ ᖃᓄᑐᐃᓐᓇᖅ, ᓴᓇᓐᖑᐊᕐᓂᖅ ᓱᓇᑐᐃᓐᓇᕐᓂᒃ ᐊᓯᒥᓂᒃ ᐃᖅᑲᓇᐃᔭᖃᑎᑲᖅᐸᑦᑐᑎᒃ ᑭᐱᓐᖑᐃᔭᐃᔨᓂᑦ. ᐃᖅᑲᓇᐃᔭᕋᔭᖅᑐᑦ ᓇᒡᒋᔾᔭᐅᒥᑦ, ᕕᕝᕗᐊᕆ 13 - ᑕᓪᓕᒥᕐᒧᑦ, ᕕᕝᕗᐊᕆ 17 ᐃᑲᕐᕋᓂᑦ 35-ᓂᑦ ᐊᒻᒪᓗ ᐃᓕᓐᓂᐊᖅᑎᑕᐅᒐᔭᖅᑐᑦ ᓯᕗᓂᐊᒍᑦ ᑭᐱᖕᖑᐃᔭᕐᕕᑦᓴᐅᑉ.
ᐱᔭᑦᓴᖏᑦ ᐃᖅᑲᓇᐃᔮᒃᑯᑦ:
- ᖃᓄᐃᓕᐅᖅᑎᑦᓯᕙᓪᓗᓂ ᑭᐱᓐᖑᐃᔭᐅᑎᓂᑦ ᓱᕈᓯᕐᓂᑦ ᐊᕐᕌᒍᓕᓐᓂᑦ 6-ᓂᑦ 12-ᓄᑦ.
- ᖃᐅᔨᓴᖅᐸᓪᓗᓂ ᐊᑦᑕᓇᖅᑐᒦᓕᓐᖏᒃᑲᓗᐊᕐᒪᖔᑕ ᑭᐱᓐᖑᐃᔭᖅᑎᑕᓂ ᖃᐅᑕᒫᑦ 10-ᓂᑦ 12-ᓄᑦ ᑎᑭᒍᓐᓇᖅᑐᓂᑦ ᓱᕈᓯᕐᓂᑦ.
- ᑭᐱᓐᖑᐃᔭᖅᑐᑦ ᐅᖃᐅᑎᕙᓪᓗᒋᑦ ᖃᓄᐃᓕᐅᕐᓂᐊᓂᕐᒥᓂᒃ ᐋᖅᑭᓱᖅᑕᐅᓯᒪᔪᒃᑯᑦ ᖃᓄᐃᓕᐅᕈᑎᓂᑦ ᐊᒻᒪᓗ ᐃᓕᓐᓂᐊᖅᑎᑕᐅᕙᓪᓗᑎᒃ ᖃᓄᑐᐃᓐᓇᖅ ᖃᓄᐃᓕᐅᕈᑎᓂᑦ.
- ᖃᐅᔨᓴᖅᐸᓪᓗᓂ ᑭᐱᓐᖑᐃᔭᕐᓂᐊᖅᑐᑦ ᐅᐸᓚᐅᖅᑎᓐᓇᒋᑦ ᐊᒻᒪᓗ ᐊᓂᐊᓯᒪᓕᖅᑎᓪᓗᒋᑦ.
- ᐱᓕᕆᐊᒥᓂᕐᓂᒃ ᑎᑎᕋᖅᐸᓪᓗᓂ ᓇᓗᓇᐃᔭᐃᑦᓯᐊᐸᓪᓗᓂ ᖃᓄᐃᓕᐅᕈᑎᒥᓂᕐᓂᒃ ᐊᒻᒪᓗ ᑭᖑᓂᐊᒍᑦ ᖃᓄᐃᓕᐅᕈᑎᒥᓂᕐᓂᒃ.
- ᖃᐅᔨᒪᓇᓱᐊᖏᓐᓇᕐᓗᓂ ᐊᑦᑕᓇᖅᑐᒦᓕᓐᖏᒃᑲᓗᐊᕐᒪᖔᑕ ᐊᒻᒪᓗ ᖁᕕᐊᓇᖅᑐᒦᓪᓗᑎᒃ ᑭᐱᓐᖑᐃᔭᖅᑕᐅᔪᑦ.
- ᐱᓕᕆᕝᕕᓂ ᓴᓗᒪᑏᓐᓇᕋᓱᓪᓗᒍ, ᐊᒻᒪᓗ ᐱᓐᖑᐊᕐᕕᐅᕙᓐᓂᖏᑦ ᐃᖅᑲᓇᐃᔭᕐᕕᐅᕙᓐᓂᖏᓪᓗ.
ᖃᓄᐃᒍᑎᐅᖁᔭᐅᔪᑦ ᐊᑐᖅᑕᐅᔭᕆᐊᓕᑦ:
- ᐃᖅᑲᖅᑐᖅᑕᐅᓯᒪᒻᒪᖔᖅ ᖃᐅᔨᓴᖅᑕᐅᓯᒪᒋᐊᓕᒃ ᐊᒻᒪᓗ ᐊᑎᖅᑲᑎᖃᕐᓂᖓᓗᑦ ᐃᖅᑲᖅᑐᖅᑕᐅᓯᒪᔪᓂᑦ ᖃᐅᔨᒪᔭᐅᓗᓂ
- ᐳᕙᓪᓗᖏᒃᑲᓗᐊᕐᒪᖔᖅ ᖃᐅᔨᓴᖅᑕᐅᒋᐊᓕᒃ
- ᐃᓕᓐᓂᐊᖅᑎᐅᒋᐊᓕᒃ (ᐃᓕᓐᓂᐊᕐᕕᐊᓗᒻᒥ ᓯᓚᑦᑐᓴᕐᕕᒻᒥᓘᓐᓃᑦ)
ᐃᓕᓐᓂᐊᕐᓯᒪᖁᔭᐅᔪᑦ, ᐱᓕᕆᐊᖑᔪᓐᓇᖁᔭᐅᔪᑦ ᐊᒻᒪᓗ ᖃᐅᔨᒪᔭᐅᖁᔭᐅᔪᑦ:
- ᓱᕈᓯᕐᓂᑦ ᐃᖅᑲᓇᐃᔮᖃᓚᐅᕐᓯᒪᓗᓂ ᐱᓐᖑᐊᖅᑐᓕᕆᕝᕕᓐᓂ.
- ᐸᐃᑉᐹᖃᕐᓗᓂ ᐱᔭᕇᕈᑎᓂᑦ ᐋᓐᓂᖅᑐᓂᑦ ᐃᑲᔪᕋᓱᒍᓐᓇᐅᑎᓂᑦ ᐊᒻᒪᓗ ᐊᓂᕐᓵᕈᓐᓇᐃᓪᓕᔪᓂᑦ ᐃᑲᔪᕈᓐᓇᓂᕐᒥᑦ
- ᑐᓴᐅᒪᖃᑎᖃᕈᓐᓇᑦᓯᐊᕐᓗᓂ ᐃᖅᑲᓇᐃᔭᖃᑎᒥᓂᒃ, ᓱᕈᓯᑦ ᐊᖏᔪᖅᑳᖏᓐᓂᑦ, ᐊᒻᒪᓗ ᑭᐱᓐᖑᐃᔭᕐᓂᒃᑯᑦ ᐃᓚᒋᔭᐅᔪᓂᑦ.
- ᐅᓪᓗᒃᑯᑦ ᑭᐱᓐᖑᐃᔭᐃᔨᐅᓚᐅᕐᓯᒪᒍᓂ ᐊᑲᐅᒋᔭᐅᓂᕐᓴᖅ
- “ᕼᐊᐃ ᕙᐃᕝ” ᐃᓕᓐᓂᐊᕈᑎᒥᑦ ᐱᔭᕇᕈᑎᖃᕆᐊᓕᒃ (ᓱᕈᓯᕐᓂᑦ ᐃᖅᑲᓇᐃᔮᖃᕈᓐᓇᕐᓂᖅ)
- ᐃᓄᑦᑎᑐᑦ ᐅᐃᕕᑎᑐᓪᓘᓐᓃᑦ ᐅᖃᐅᓯᖃᕈᓐᓇᕈᓂᑦᑕᐅᖅ ᐱᕙᓪᓕᐅᑎᒍᓐᓇᒻᒪᕆᑦᑐᖅ.
ᖃᓄᐃᑦᑑᓂᖓ ᐃᖅᑲᓇᐃᔮᑦᓴᐅᑉ ᐱᔾᔪᑎᒋᓪᓗᒍ, ᐃᖅᑲᓇᐃᔮᖅᑖᖅᑐᑦ ᐃᖅᑲᖅᑐᐃᕕᒃᑯᑦ ᖃᓄᐃᓕᔭᐅᓚᐅᕐᓯᒪᖕᖏᒃᑲᓗᐊᕐᒪᖔᖅ ᖃᐅᔨᓴᖅᑕᐅᒋᐊᓕᒃ (ᐃᓚᒋᔭᐅᓗᓂ ᐊᑎᖅᑲᑎᖓᓂᑦ ᖃᓄᐃᓕᔭᐅᓯᒪᔪᖃᕐᓂᖅᐸᑦ ᖃᐅᔨᓴᐅᑎ) ᐊᒻᒪᓗ ᖃᐅᔨᓴᖅᑕᐅᓗᓂ ᐳᕙᓪᓗᖏᒃᑲᓗᐊᓗᕐᒪᖔᖅ.
ᐱᒋᐊᕈᑎᖏᑦ ᐊᑭᓕᕐᓱᖅᑕᐅᓂᒃᑯᑦ $25.85 ᐃᑲᕐᕋᒧᑦ ᐊᒻᒪᓗ 6 ᐳᓴᓂᑦ ᕿᑲᖅᑐᖅᓯᐅᑎᖏᑦ.
ᐃᖅᑲᓇᐃᔮᑦᓴᐃᑦ ᒪᑐᓛᖅᑐᑦ ᔮᓐᓄᐊᕆ 23, 2017.
ᐃᖅᑲᓇᐃᔮᖅᑖᕋᓱᐊᕈᑎᑎᑦ ᐅᕗᖓ ᑐᓂᔪᓐᓇᖅᑐᑦ:
ᓇᓗᓇᐃᒃᑯᑕᖓ 2017-02
ᐃᖅᑲᓇᐃᔭᖅᑎᓕᕆᓂᕐᒥᑦ ᐃᖅᑲᓇᐃᔭᕐᕕᒃ
ᑎᑎᖅᑲᒃᑯᕕᖓ 460
ᐃᖃᓗᐃᑦ, ᓄᓇᕗᑦ X0A 0H0
ᓱᑲᑦᑐᒃᑯᑦ: (867) 979-5210
ᑕᐃᒃᑯᐊ ᑭᓯᐊᓂ ᖃᐅᔨᒃᑲᕐᓂᐊᖅᑕᕗᑦ ᐊᐱᕐᓱᖅᑕᐅᔪᒪᓂᐊᖅᑐᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᕈᓐᓇᖅᑐᑦ ᓯᕗᓪᓕᐅᔾᔨᓂᕐᒥᑦ ᐃᖅᑲᓇᐃᔭᖅᑎᑦᓴᓂᑦ ᐃᖅᑲᓇᐃᔭᖅᑎᐅᓯᓐᓇᖅᑐᓂᑦ.
ᒪᓕᓪᓗᒋᑦ ᑎᑎᕋᕐᓯᒪᔪᑦ 23-ᒥ ᓄᓇᕗᑦᒥ ᓄᓇᑖᕋᓱᐊᕐᓂᕐᒧᑦ ᐊᖏᖃᑎᒌᒍᑎᒥ, ᓯᕗᓪᓕᐅᔾᔭᐅᕙᓐᓂᐊᖅᑐᑦ ᓄᓇᑖᕋᓱᐊᕐᓂᕐᒧᑦ ᐊᖏᖃᑎᒌᒍᑎᒍᑦ ᐊᑎᓕᐅᖅᓯᒪᖃᑕᐅᔪᑦ ᒪᓕᑦᓯᐊᖅᑐᑦ ᐃᖅᑲᓇᐃᔮᖅᑖᕋᓱᐊᕐᓂᕐᒧᑦ ᐊᑐᐊᒐᕐᓂᑦ.
