ᐃᖅᑲᐃᑎᑦᓯᔾᔪᑎ: ᐃᒥᕐᒥᒃ ᐊᑐᕐᓂᖅ & ᐱᐅᕐᓱᐊᕐᓂᖅ - ᐃᒥᕐᒥᒃ ᐊᑐᓗᐊᔾᔭᐃᒃᑯᑎᑦᓴᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖅᑲᐃᑎᑦᓯᔾᔪᑎ: ᐃᒥᕐᒥᒃ ᐊᑐᕐᓂᖅ & ᐱᐅᕐᓱᐊᕐᓂᖅ - ᐃᒥᕐᒥᒃ ᐊᑐᓗᐊᔾᔭᐃᒃᑯᑎᑦᓴᑦ
ᒫᕐᓯ 20, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᒥᐅᑕᓂᑦ ᐊᕐᕌᒍᕗᑦ ᐃᒪᐃᓕᕋᐃᒻᒪᑦ ᐃᒻᒪᕆᐅᕙᒻᒪᑦ ᐃᒥᖅᑕᕐᕕᑎᓐᓄᑦ. ᐊᐳᑦ ᐊᐅᒐᓱᐊᕐᓂᖓᓄᑦ ᐊᒻᒪ ᑕᑕᐃᓇᓱᐊᖅᑎᓪᓗᒍ ᐃᒥᖅᑕᕕᒻᒥᑦ, ᐃᒥᖅ ᐊᒥᒐᕐᓯᐸᓗᓕᖅᐸᒻᒪᑦ ᓄᓇᑦᑎᓐᓂ. ᐃᒥᕐᒥᒃ ᐊᑐᖏᓂᕐᓴᐅᒋᐊᖃᓕᖅᐸᑦᑐᒍᑦ ᐊᔪᕐᓇᖏᓐᓂᖏᒍᑦ. ᐅᑯᐊ ᐃᒥᕐᒥᒃ ᐱᐅᕐᓱᐊᕈᑎᑦᓴᐅᔪᓐᓇᖅᑐᑦ ᓄᓇᓕᕐᒥᐅᑕᓄᑦ ᐊᑐᖅᑕᐅᔪᓐᓇᖅᑐᑦ, ᐃᒥᕐᒥᒃ ᐊᑐᓗᐊᖁᓇᑕ:

• ᐃᒥᕐᒥᒃ ᐊᑐᖏᓂᕐᓴᐅᒋᐊᕆᑦᓯ, ᐅᔾᔨᕈᓱᒋᐊᖅᐸᓪᓗᓯ ᐃᒥᕐᒥᒃ ᐊᑐᓕᕋᐃᒍᑦᓯ ᖃᓄᖅ ᐊᑐᖏᓂᕐᓴᐅᔪᓐᓇᕐᒪᖔᑦᓯ. ᐃᓚᒌᓪᓗᓯ ᐅᖃᖃᑎᒌᑉᐸᓪᓗᓯ ᐊᖏᕐᕋᓯᓐᓃᐸᑦᑐᓂᓪᓗ ᖃᓄᖅ ᐱᐅᕐᓱᐊᕈᓐᓇᓂᕐᒥᑦ ᐃᒥᕐᒥᒃ.
• ᖁᕝᕖᑦ ᐊᑐᖅᐸᖏᓪᓗᒍ ᐃᒋᑦᓯᕕᒋᕙᓪᓗᒍ ᐅᕝᕙᓘᓐᓃᑦ ᖃᒥᑦᓯᕕᒋᓗᒍ. ᑯᕕᑎᓐᓂᑕᒫᑦ ᐊᑐᖅᐸᑦᑐᖅ 20 ᓖᑕᓂᑦ ᐃᒥᕐᒥᒃ.
• ᕿᓂᖅᐸᓪᓗᓯ ᐊᒻᒪ ᓴᓇᔭᐅᕙᓪᓗᑎᒃ ᕿᓪᓛᖅᑐᑦ ᐃᒥᓕᕆᔾᔪᑎᑦᓯᓐᓂ. ᑯᕝᕕᕖᑦ ᐊᒻᒪ ᖁᕝᕖᑦ ᖃᐅᔨᓴᕆᐊᓖᑦ. ᑭᖑᕝᕕᖅᑕᐅᒍᓂ ᒪᑐᑦᑕᖅᑐᕈᓗᒃ ᖁᕝᕕᐅᑉ ᐃᒪᖃᐅᑎᖓᓃᑉᐸᑦᑐᖅ ᑕᒪᐅᖓᑐᐃᓐᓇᖅ ᑯᕕᓗᐊᕈᓐᓃᑐᐃᓐᓇᕆᐊᓕᒃ.
• ᑯᕝᕕᕖᑦ ᑯᑐᖅᑐᑦ ᐅᐊᓐ ᓴᑲᓐᒥ ᐊᕐᕌᒍᓕᒫᒥ ᑯᕕᒍᓐᓇᖅᑐᑦ ᑕᒪᐅᖓᑐᐃᓐᓇᖅ 10,000 ᓖᑕᓂᑦ. ᑯᑐᖅᑐᓂᑦ ᓴᓇᕙᓪᓗᓯ.
• ᕿᓪᓛᖅᑐᓂᑦ ᑯᕝᕕᕕᓐᓂᒃ ᐅᖃᐅᓯᖃᖅᐸᓪᓗᓯ ᐱᖁᑎᓂᑦ ᐊᐅᓚᑦᓯᔨᓐᓄᑦ, ᐃᖅᑲᓇᐃᔭᕐᕕᓐᓄᑦ ᐅᕝᕙᓘᓐᓃᑦ ᓴᓇᔨᒧᑦ ᓴᓇᔭᐅᒋᐊᖅᑐᖁᓗᒍ ᕿᓪᓛᖅᑐᑦ ᑯᕖᓐᓇᑐᓪᓘᓐᓃᑦ ᐊᖏᕐᕋᓯᓐᓂ.
• ᕿᓪᓛᖅᑐᑦ ᓱᓪᓗᓖᑦ ᐃᒥᕐᒧᑦ ᖁᐊᖅᑎᑦᓯᒍᓐᓇᕐᒪᑕ ᑭᓈᓗᓐᓄᑦ ᓱᓪᓗᓕᓐᓂᑦ ᓯᓚ ᐃᒃᑮᓇᖅᑎᓪᓗᒍ. ᐅᖃᐅᓯᖃᖅᐸᓪᓗᓯ ᕿᓪᓛᖅᑐᓂᑦ ᑯᕝᕕᕕᓐᓂᒃ ᐃᓪᓗᖁᑎᓕᒻᒧᑦ ᑭᓈᓗᓐᓄᑦ ᓱᓪᓗᓖᑦ ᖁᐊᖁᓇᒋᑦ.
• ᑭᖑᕝᕖᐸᓪᓗᓯ ᐱᑐᖃᐅᓂᕐᓴᓂᑦ ᓱᓇᒃᑯᑖᓂᑦ. WaterSense-ᕋᔭᐃᑦ ᑎᒻᒥᑳᔫᓄᑦ ᐅᕕᓂᓐᓂᐊᕈᑏᑦ ᖃᓄᐃᑉᐸᖏᑦᑐᑦ ᑯᕕᑦᓯᐊᑐᐃᓐᓇᐸᑦᑐᑎᒃ ᐃᒥᖅᑐᓗᐊᕈᓐᓇᕋᑎᒃ.
• ᓱᓇᒃᑯᑖᓯ ᐊᓯᔾᔨᕈᓐᓇᕐᒥᔪᑦ ᐱᕙᓪᓕᐅᑎᓂᕐᓴᓄᑦ ᓱᓇᒃᑯᑖᓄᑦ, ᖁᓛᒍᑦ ᐃᓗᓪᓕᓲᑦ ᐊᓐᓄᕌᓂᑦ ᐅᐊᓴᕐᕖᑦ ᐃᒥᖅᑐᓂᕐᓴᐅᓲᑦ ᐊᒻᒪ ᐅᐊᓴᐅᑎᖃᕐᓂᖅᓴᐅᒋᐊᖃᖅᐸᑦᑐᑎᒃ ᓯᕗᐊᒍᑦ ᐃᓗᓪᓕᓲᓂᑦ ᐅᐊᓴᕐᕕᓐᓂᒃ ᑕᐃᒪᐃᓪᓗᐊᖅᑐᓂᑦ ᐅᐊᓴᕐᓂᐊᖅᑐᑎᒃ ᐊᓐᓄᕌᓂᑦ.
• ᑲᓇᑕᒥ ᐃᒥᕐᒥᒃ ᐊᑐᖅᐸᑦᑐᖅ ᐊᑕᐅᓯᖅ ᑭᓇᑐᐃᓐᓇᖅ ᑐᓪᓕᑐᐃᓐᓇᐅᕗᑦ ᒥᐊᓕᒐᕐᒥᐅᑕᓄᑦ.

ᑲᓇᑕᒥᐅᑕᖅ ᐊᑐᖅᐸᑦᑐᖅ 330 ᓖᑕᓂᑦ ᖃᐅᑕᒫᑦ. ᖃᐅᔨᒪᒋᐊᖅᐸᑦᓯᐅᒃ ᐃᒥᖅᑐᕐᓂᓯ ᖃᓄᑎᒋ ᐊᒻᒪ ᕿᓂᖅᐸᓪᓗᓯ ᖃᓄᖅ ᐱᐅᕐᓱᐊᑲᓐᓂᕈᓐᓇᕐᒪᖔᑦᓯ ᐃᒥᕐᒥᒃ

.

• ᐅᐊᓴᕐᕕᒃ ᓂᕐᕆᑎᓂᒃ ᐊᐅᓚᑎᑉᐸᓪᓗᒍ ᑭᓯᐊᓂ ᑕᑕᒐᐃᑉᐸᑦ. ᐃᓗᐊᓅᓚᐅᖏᓂᕐᓂ ᐃᕐᕈᖅᑐᕆᐊᑐᖏᑦᑐᑦ.

• ᒪᖕᖑᐃᕙᓪᓗᓯ ᓂᕿᓂᒃ ᖁᐊᒃᑯᕕᒻᒥ ᐊᑦᓯᓂᕐᓴᒥ ᐃᒥᕐᒧᑦ ᒪᖕᖑᕐᓯᐊᕆᕙᖏᓪᓗᒋᑦ. ᐊᑦᑕᓇᖏᓂᕐᓴᖅ ᑕᐃᒫᒃ ᓂᕿᓕᕆᓂᐊᕐᓗᓂ ᐊᒻᒪ ᐃᒥᕐᒥᒃ ᐊᑐᓗᐊᔾᔭᐃᒃᑯᑎᐅᓗᓂ.

• ᐃᒥᒃᑯᕕᖃᖅᐸᓪᓗᒥ ᖁᐊᒃᑯᕕᐅᑉ ᐊᑦᓯᓂᕐᓴᖓᓂ ᑯᕕᑎᑦᓯᖃᑦᑕᓂᐊᖏᓇᑦᓯ ᐃᒥᕐᒥᒃ ᓂᓪᓕᑦᓰᓗᓯ.

• ᐅᐊᒪᓇᒥ ᑯᕕᑎᑕᐅᔪᑦ ᑯᕕᓯᒍᓐᓇᖅᑐᑦ 10 ᓖᑕᓂᑦ. ᑯᕕᔪᑦ ᓄᖅᑲᑎᑉᐸᓪᓗᒋᑦ ᐊᑐᖅᑕᐅᖏᒃᑯᑎᒃ.

• ᐊᑐᖅᐸᓪᓗᓯ ᐃᒻᒪᑲᓐᓂᓲᒥᒃ ᐃᒥᐅᑎᒥᑦ ᐅᕝᕙᓘᓐᓃᑦ ᐅᓪᓗᓕᒫᒧᑦ ᐊᑕᐅᓯᕐᒥᒃ ᐊᑐᓕᖅᑭᑦᑖᐸᓪᓗᓯ ᐃᒥᐃᑎᒋᓂᐊᖅᑕᓐᓂᒃ. ᐅᐊᓴᕆᐊᓖᑦ ᓄᐊᖏᓂᕐᓴᐅᖃᑦᑕᓂᐊᖅᑐᑦ ᓂᕐᕆᑏᑦ.

• ᐱᑐᖃᐅᓂᕐᓴᓂᒃ ᖁᕝᕕᖃᕈᑦᓯ, ᐃᒥᕐᒥᒃ ᐊᑐᖏᓂᕐᓴᐅᔪᓐᓇᖅᑐᓯ ᑯᕕᕙᑦᑐᒥᑦ ᐃᓗᐊᓅᕐᓯᒍᑦᓯ ᖁᕝᕕᑦᓯ ᐃᒪᖃᐅᑎᖓᓄᑦ ᑕᑕᑦᑐᒥᑦ ᐃᒥᐅᑎᐸᐅᔭᒥᑦ.

• ᐃᓚᓯᕙᓪᓗᓯ ᐅᐊᓴᕐᕕᑦᓯ ᑯᕝᕕᕕᖏᓐᓄᑦ ᑯᕕᓗᐊᔾᔭᐃᒃᑯᑎᓂᑦ ᐃᒥᕐᒥᒃ ᐊᑐᖏᓂᕐᓴᐅᔪᓐᓇᕐᒥᔪᓯ ᐃᒻᒪᖄ 25%-ᐳᓴᓂᑦ 50%-ᐳᓴᓄᑦ.

• ᐅᐊᓴᖅᐸᓪᓗᓯ ᐊᓐᓄᕌᓂᑦ ᑕᑕᓪᓗᒍ, ᐃᒥᖓ ᓂᓪᓕᓇᖅᑎᐸᓪᓗᒍ ᐊᔪᕐᓇᖏᑉᐸᑦ. ᐅᓪᓗᐃᑦ ᐅᐊᓴᕐᕕᒋᕙᑦᑕᑎᑦ ᐱᓇᓱᐊᕈᓯᐅᑉ ᐃᓗᐊᓂ ᐃᓚᖕᖓᕈᕕᒋᑦ ᐊᑕᐅᓯᕐᒥᑦ ᐊᑐᖏᓂᕐᓴᐅᔪᓐᓇᖅᑐᓯ ᐃᒥᕐᒥᒃ ᐃᒻᒪᖄ 50 ᓃᑕᓂᑦ ᐱᓇᓱᐊᕈᓯᕐᒥ.

• ᐊᑐᖅᐸᓪᓗᓯ ᐊᓕᒍᕐᒥᒃ ᐃᒥᐅᑎᒥᑦ ᑭᒍᑎᓯᐅᓕᕈᑦᓯ ᑯᕕᑎᑦᓯᖏᓪᓗᓯ. 10 ᓖᑕᓂᑦ ᐊᑐᖏᓂᕐᓴᐅᔪᓐᓇᖅᑐᓯ ᑕᐃᒫᒃ ᐃᒥᖃᖅᐸᑯᑦᓯ ᑭᒍᑎᓯᐅᕐᓂᑕᒫᑦ.

• ᑯᕕᑎᑦᓯᐸᖏᓪᓗᓯ ᐅᖕᖏᔭᕆᕋᐃᒍᑦᓯ, ᑭᒍᑎᓯᐅᓕᕈᑦᓯᓗ. 10 ᓖᑕᓂᑦ ᑯᕕᓯᕙᑦᑐᓯ ᐅᐊᒪᓇᒥ ᑯᕖᓐᓇᑎᓪᓗᒍ.

• ᐃᕐᕈᖅᑐᐃᐸᓪᓗᓯ ᓂᕿᓂᒃ ᐱᕈᖅᑐᒥᓂᕐᓂᒃ ᐅᐊᓴᕐᕕᐅᑉ ᐃᓗᐊᓂ ᑯᕕᑎᑦᓯᖏᓪᓗᓯ ᑯᕝᕕᕕᒻᒥᑦ.

• ᐸᓂᑲᓐᓂᒃ ᓂᕐᕆᑎᓂᒃ ᐅᐊᓴᕋᐃᒍᑦᓯ ᐊᒡᒐᓐᓄᑦ ᐊᓯᐊᓂᑦ ᐅᐊᓴᕐᕕᒻᒥ ᐃᒻᒪᐃᕙᒃᑯᑦᓯ ᐃᕐᕈᐃᕕᑦᓴᒥᑦ ᑯᕕᑎᑦᓯᖏᓪᓗᓯ. 5 ᒪᓇᑦᓯᓂᑦ ᐃᕐᕈᖅᑐᐃᔪᑦ ᐊᑐᕈᓐᓇᖅᑐᑦ 40 ᓖᑕᓂᑦ ᐃᒥᕐᒥᒃ ᐃᕐᕉᑎᖃᕈᑦᓯ 1.2 ᓖᑕᓂᑦ ᐊᑐᖔᕋᔭᖅᑐᓯ ᐅᐊᓴᕐᕕᖃᕈᑦᓯ ᐃᒻᒪᑦᓯᒪᔪᒥᑦ ᐃᕐᕈᐃᕕᑦᓴᒥᑦ.

• ᑎᒻᒥᑳᖅᑐᒧᑦ ᐅᕕᓂᓐᓂᐊᐸᓪᓗᓯ ᐅᕕᓂᓐᓂᐊᕐᕕᒃ ᐃᒻᒪᖏᓪᓗᒍ ᐊᒻᒪ ᐅᕕᓂᓐᓂᐊᐸᓪᓗᓯ 5 ᒪᓇᔅᓯᓄᑦ ᑐᖔᓂᓘᓐᓃᑦ. ᐱᑐᖃᐅᓂᕐᓴᐃᑦ ᑎᒻᒥᑳᔫᓄᑦ ᐅᕕᓂᓐᓂᐊᕈᑏᑦ ᐊᑐᕈᓐᓇᖅᑐᑦ 15-ᓂᑦ 20-ᓄᑦ ᓖᑕᓂᑦ ᐃᒥᕐᒥᒃ ᐅᐊᒪᓇᒥ.

 

ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᓄᓇᓕᕐᒥᐅᑕᓂᑦ ᖃᓄᖅᑑᖃᑕᐅᖏᓐᓇᕐᓂᖏᓐᓂᑦ ᐱᐅᕐᓱᐊᐸᑦᑐᑎᒃ ᑭᓪᓕᓕᖁᑎᑦᑎᓐᓂᒃ ᐃᒥᖃᕐᕕᒋᕙᑦᑕᑎᓐᓂᒃ.

 

ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᑭᐊᓐᑦ ᑐᕆᔅᑰᓪ - ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᓯᔨ
867.979.5607 ∙ 867.222.8502 ∙ K.Driscoll@iqaluit.ca