ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 01/10/2018
ᐃᖃᓗᐃᑦ ᓄᓇᓕᐸᐅᔭᖓ ᐃᒥᑭᔅᓴᑐᒻᒪᕆᐅᒻᒪᑦ. ᓄᓇᓕᐸᐅᔭᒃᑯᑦ ᐅᑉᐱᕈᓱᑦᑎᐊᖅᑐᑦ ᖃᓄᐃᓕᐅᕈᑎᖃᕆᐊᙵᕐᒪᑕ ᐃᒪᐃᓚᐅᙱᓐᓂᖏᓐᓂ ᐊᒻᒪᓗ ᒫᓐᓇ ᐱᕙᓪᓕᐊᒍᑎᓖᑦ ᐃᒪᖃᕐᓂᖅᓴᐅᓕᖁᓪᓗᒍ ᐃᖃᓗᐃᑦ ᐃᒥᖅᑕᕐᕕᖓ ᐱᐅᓛᒃᑯᑦ ᓯᕗᒧᐊᒍᓐᓇᖁᓪᓗᒋᑦ ᑲᒪᒋᔭᐅᓂᐊᕐᒪᑦ ᐱᔾᔪᑕᐅᔪᖅ. ᑕᒪᓐᓇ ᖃᐅᔨᒪᓇᑦᑎᐊᑎᑦᑎᒍᑕᐅᓂᐊᖅᑐᖅ ᓄᓇᓕᐅᔪᖅ ᐃᒪᖃᑦᑎᐊᕋᓗᐊᕐᒪᖔᖅ ᐅᑭᐅᕐᒧᑦ ᐊᒻᒪᓗ ᐅᑕᖅᑭᑐᐃᓐᓇᙱᓪᓗᑕ ᓈᒻᒪᑦᑐᒥᒃ ᓯᓚᓗᓐᓂᐊᕋᓗᐊᕐᒪᖔᕐᒥᒃ ᒫᓐᓇᐅᔪᖅ ᐊᒃᑑᕝᕙᕈᕋᓱᐊᕐᓂᖓᓂ. ᐃᓚᒋᐊᖅᑕᐅᓯᒪᓪᓗᓂᓗ ᒥᓪᓗᐊᕐᕕᖃᕐᕕᖓ ᐊᒻᒪᓗ ᓄᓇᓕᐸᐅᔭᒃᑯᑦ ᐃᒥᑭᔅᓴᓗᐊᖅᑕᐃᓕᒪᑎᑦᑎᓯᓐᓈᖅᑐᑦ ᐃᒥᖅᑐᓗᐊᖅᑕᐃᓕᒪᑎᑦᑎᔪᓪᓗ ᓇᓂᓯᕙᑦᑐᑎᑦ ᓴᓇᒋᐊᖅᑐᑎᓪᓗ ᕿᕐᓛᖅᑐᓂ ᐊᒻᒪᓗ ᐊᐅᓚᓂᖃᐅᑦᑎᐊᙱᑦᑐᓂᑦ ᐃᒪᖃᐅᑎᖏᓐᓂᑦ ᓱᓪᓗᓕᖏᓐᓂᓪᓗ ᐊᒻᒪᓗᑦᑕᐅᖅ ᐃᒥᕐᒥᒃ ᐱᐅᖅᓱᐊᑎᑦᑎᓇᓱᐊᖃᑦᑕᖅᑐᑎᑦ ᐊᒻᒪᓗ ᑐᓴᐅᒪᑎᑦᑎᕙᑦᑐᑎᑦ ᐃᒥᕐᒥᒃ “ᐱᐅᖅᓱᐊᕐᓂᕐᒧᑦ” ᑐᓴᒐᒃᓴᖃᖅᐸᑦᑐᑎᑦ.
ᖃᓄᐃᓕᐅᕈᑎᖃᖅᐸᑦ ᓄᓇᓕᐸᐅᔭᒃᑯᑦ?
ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᑎᓕᓯᓯᒪᕗᑦ ᐃᖅᑲᓇᐃᔭᖅᑎᓂᑦ ᑲᒪᒋᔭᖃᖁᓪᓗᒋᑦ ᐃᒥᑭᔅᓴᓗᐊᕐᓂᕐᒥᒃ ᐊᒻᒪᓗ ᖃᓄᐃᓕᐅᕈᑎᖃᖅᐸᓪᓕᐊᖁᔭᐅᓪᓗᑎᑦ ᖃᐅᔨᒪᓇᑦᑎᐊᖁᓪᓗᒍ ᐃᒥᖅ ᓈᒻᒪᓐᓂᐊᕐᒪᑦ ᐅᑭᐅᖑᓂᐊᖅᑐᖅ. ᑎᓴᒪᐅᓪᓗᐊᖅᑐᑦ ᓄᓇᓕᐸᐅᔭᒃᑯᑦ ᐱᓇᓱᐊᒐᖏᑦ ᑲᒪᒐᓱᐊᖅᑐᑎᑦ ᐱᔾᔪᑎᒥ.
- ᐃᒪᖃᕈᓐᓃᖅᑕᐃᓕᒪᑎᑦᑎᓂᕐᒧᑦ ᐱᓕᕆᐊᖓ: ᓄᓇᓕᐸᐅᔭᒃᑯᑦ ᐋᖅᑮᓯᒪᔪᑦ ᑕᒪᐃᓐᓂ ᕿᕐᓛᖅᑐᓂᑦ ᓱᕋᒃᓯᒪᔪᓂᓪᓗ ᐃᒪᖃᐅᑎᓕᕆᔾᔪᑎᓂᑦ; ᕿᕐᓛᕈᓐᓃᑎᑦᑎᓯᒪᓪᓗᑎᑦ ᐊᒻᒪᓗ ᖃᐅᔨᓴᖅᑐᑦ ᑕᒪᐃᓐᓂ ᐃᒪᖃᐅᑎᒃᑯᕕᒻᒨᕆᐊᓂᑦ ᓄᓇᐅᑉ ᐃᑭᐊᖓᓃᑦᑐᓂᑦ ᐊᒻᒪᓗ ᓴᓇᓪᓗᑎᑦ ᕿᕐᓛᖅᑐᓂᑦ. ᓄᓇᓕᐸᐅᔭᒃᑯᑦ ᖃᐅᔨᓴᐃᓐᓇᖅᑐᑦ ᐊᓯᖏᓐᓂᑦ ᓄᓇᓕᐸᐅᔭᕐᒥ ᐃᒥᕐᒧᑦ ᐱᖁᑎᕐᔪᐊᓂᑦ ᐊᒻᒪᓗ ᐊᐅᓚᔾᔪᓯᖏᓐᓂᑦ ᖃᐅᔨᓴᕈᒪᓪᓗᑎᑦ ᖃᓄᖅ ᐃᒥᕐᒥᒃ ᐊᑐᓗᐊᕐᔭᐃᖅᓯᒪᒍᓐᓇᕐᒪᖔᕐᒥᒃ.
- ᐃᒥᕐᒥᒃ ᐱᐅᖅᓴᐊᖁᔨᓂᕐᒧᑦ ᑐᑭᓯᒋᐊᖅᑎᑦᑎᓂᖅ ᐃᓄᓕᒫᓂᑦ: ᓄᓇᓕᐸᐅᔭᒃᑯᑦ ᐱᐅᖅᓱᐊᖅᑐᑦ ᓇᒻᒥᓂᖅ ᐊᐅᓚᔾᔪᓯᖏᓐᓂᑦ ᑲᑐᔾᔨᓪᓗᑎᓪᓗ ᑕᒪᔅᓱᒥᖓ ᑐᓴᖅᑎᑕᐅᖁᔭᓂ ᑲᔪᖏᖅᓴᐃᓪᓗᑎᑦ ᐃᓄᐃᑦ ᑭᒃᑯᑐᐃᓐᓇᐃᑦ ᐃᑲᔪᕐᓂᐊᕐᒪᑕ ᐱᐅᖅᓱᐊᕐᓗᑎᑦ ᐃᒥᕐᒥᒃ. ᐊᒻᒪᓗᒃᑲᓐᓂᖅ, ᓄᓇᓕᐸᐅᔭᒃᑯᑦ ᓇᓗᓇᐃᖅᓯᓯᒪᕗᑦ ᓇᒻᒥᓂᖁᑎᓖᑦ ᐃᒥᕐᒥᒃ ᐊᑐᓗᐊᓲᓂᑦ ᐊᒻᒪᓗ ᐃᖅᑲᓇᐃᔭᖃᑎᒋᓪᓗᓂᒋᑦ ᐃᒥᕐᒥᒃ ᐱᐅᖅᓱᐊᓂᕐᒧᑦ ᖃᓄᖅᑑᕈᓐᓇᕐᒪᖔᑕ ᐊᑐᓗᐊᕐᔭᐃᕐᓗᑎᑦ.
- ᐃᒥᕐᒧᑦ ᒥᓪᓗᐊᕐᕕᖃᒃᑲᓐᓂᖅᑐᑦ: ᓄᓇᓕᐸᐅᔭᒃᑯᑦ ᐃᒥᕐᒥᒃ ᒥᓪᓗᐊᖅᑐᑦ ᐃᒥᖅᑕᐸᑦᑐᑎᑦ ᓂᐊᖁᙴ ᑰᖓᓂᒃ ᐃᖃᓗᐃᑦ ᐃᒥᖅᑕᕐᕕᖓᓄᑦ ᑕᓯᖓᓄᑦ ᐊᒻᒪᓗ ᒥᓪᓗᐊᖃᑦᑕᕆᐊᖅᑐᑐᐃᓐᓇᕆᐊᓖᑦ ᐃᒥᖅᑕᕐᓗᑎᑦ ᐊᓯᖏᓐᓂᒃ ᖃᓂᑦᑐᓂᑦ ᑕᓯᕐᓂᑦ, ᑕᐃᒪᐃᒋᐊᖃᕈᑎᑦ. ᓴᓇᔩᑦ ᑰᖕᒨᓲᑦ ᑕᓯᓗᓕᐊᕆᐊᒃᑯᑦ ᐊᒻᒪᓗ ᓯᐅᕋᖅᑕᕐᕕᑉ ᖃᓂᒋᔭᖓᓂᒃ ᐃᒥᖅᑕᐸᑦᑐᑎᑦ. ᒥᓪᓗᐊᕈᑏᑦ ᐊᒻᒪᓗ ᓱᓪᓗᓖᑦ ᑲᑎᖅᓱᖅᑕᐅᓚᐅᖅᑐᑦ ᒥᓪᓗᐊᕆᐊᓯᓪᓗᑎᑦ ᐋᒡᒌᓯ 19-ᖑᑎᓪᓗᒍ. ᑕᓯᓗᓕᐊᕆᐊᖅ ᐅᐸᑦᑕᐅᒋᐊᖃᕋᔭᙱᑦᑐᖅ ᑭᓯᐊᓂ ᐊᖏᖅᑕᐅᓗᓂ ᒥᓪᓗᐊᕐᓇᐅᑎᓪᓗᒍ ᓴᓇᔩᑦ ᐃᖅᑲᓇᐃᔭᖅᑎᖏᑦ ᐃᒥᖅᑕᕐᕕᒃᓴᖓᓅᕈᓐᓇᖁᓪᓗᒋᑦ. ᓄᓇᓕᐸᐅᔭᒃᑯᑦ ᓇᓗᓇᐃᖅᓯᓯᒪᕗᑦ 60-ᓂᑦ ᐅᓪᓗᓂᑦ ᐃᒥᖅᑕᕆᐊᓖᑦ ᐃᒥᖅᑕᕈᓐᓇᖁᓪᓗᒋᑦ ᐃᒪᓐᓇᒥᒃ 400,000 m3 ᐃᒥᖅᑕᕐᕕᒃ ᐃᒻᒪᒍᓐᓇᑦᑎᐊᖁᓪᓗᒍ.
- ᐃᒥᕐᒥᒃ ᓴᓗᒻᒪᖅᓴᐃᔾᔪᑎ: ᖃᐅᔨᒪᓇᑦᑎᐊᖁᓪᓗᒍ ᓈᒻᒪᑦᑐᒥᒃ ᐃᒪᖃᕈᓐᓇᕋᔭᕋᓗᐊᕐᒪᖔᕐᒥᒃ ᐅᑭᐅᒃᑯᑦ ᐊᒻᒪᓗ ᐊᑦᑕᓇᖅᑕᐃᓕᒪᔪᒦᖁᓪᓗᒋᑦ ᐊᑯᓂᐅᔪᖅ, ᐃᒥᕐᒧᑦ ᓴᓗᒻᒪᖅᓴᐃᔾᔪᑎ ᐃᓱᒪᒃᓴᖅᓯᐅᕈᑎᒋᔭᐅᕗᖅ ᐊᑐᖅᑕᐅᒐᔭᕐᒪᖔᖅ ᐃᖃᓗᓐᓄᑦ. ᓄᓇᕗᑦ ᒐᕙᒪᖏᑦ ᐃᒥᕐᒥᒃ ᓴᓗᒻᒪᖅᓴᐃᔾᔪᑎᓖᑦ, ᓄᓇᕗᑉ ᓯᓚᑖᓃᑦᑐᖅ ᓴᓇᔭᐅᒋᐊᖅᑕᐅᒻᒪᑦ ᐊᒻᒪᓗ ᐊᑐᐃᓐᓇᐅᒪᑎᒍᓐᓇᕐᓂᐊᕐᓂᕋᖅᓯᒪᓪᓗᓂᐅᒃ ᐃᖃᓗᓐᓄᑦ.
ᐊᐱᖅᑯᑏᑦ ᑭᐅᔾᔪᑏᓪᓗ
Q1: ᖃᓄᐃᓕᖓᖕᒪᑦ ᐃᒥᑉ ᖃᓄᐃᓐᓂᖓ?
ᓯᓚᓗᙱᓂᖅᓴᐅᖃᑦᑕᓕᕐᒪᑦ ᐊᕐᕌᒎᒃ ᒪᕐᕉᓕᖅᑑᒃ, ᐊᒻᒪᓗᒃᑲᓐᓂᖅ ᐃᓄᐃᑦ ᐊᒥᓲᓂᖅᓴᐅᓕᖅᑐᑎᑦ ᐊᒻᒪᓗ ᓴᓇᕙᓪᓕᐊᑐᐃᓐᓇᖅᑐᑎᑦ ᐃᒥᕐᒥᒃ ᐊᑐᕐᓂᖅᓴᐅᔭᕆᐊᖃᖅᐸᓕᖅᑐᑦ, ᐃᒥᖅ ᒥᑭᓂᖅᓴᐅᖃᑦᑕᓕᖅᑐᓂ ᐃᖃᓗᐃᑦ ᐃᒥᖅᑕᕐᕕᖓᓂ.
ᓯᓚᓗᙱᓂᖅᓴᐅᖃᑦᑕᓕᕐᒪᑦ ᐊᕐᕌᒎᒃ ᒪᕐᕉᓕᖅᑑᒃ, ᐊᒻᒪᓗᒃᑲᓐᓂᖅ ᐃᓄᐃᑦ ᐊᒥᓲᓂᖅᓴᐅᓕᖅᑐᑎᑦ ᐊᒻᒪᓗ ᓴᓇᕙᓪᓕᐊᑐᐃᓐᓇᖅᑐᑎᑦ ᐃᒥᕐᒥᒃ ᐊᑐᕐᓂᖅᓴᐅᔭᕆᐊᖃᖅᐸᓕᖅᑐᑦ, ᐃᒥᖅ ᒥᑭᓂᖅᓴᐅᖃᑦᑕᓕᖅᑐᓂ ᐃᖃᓗᐃᑦ ᐃᒥᖅᑕᕐᕕᖓᓂ.
ᐱᑐᖃᐅᓂᖅᓴᐅᓪᓗᑎᑦ ᓱᕋᑉᐸᓪᓕᐊᓪᓗᑎᓪᓗ ᐃᒡᓗᕐᔪᐊᑦ ᐊᒻᒪᓗᑦᑕᐅᖅ ᓯᓚᑉ ᐊᓯᔾᔨᕐᓂᖓ ᐊᑦᑐᐃᓯᒪᓂᖃᖅᑐᖅ ᓱᕋᑦᑎᑦᑎᓂᖅᓴᐅᕙᖅᑐᑎᑦ ᐃᒪᖃᐅᑎᓂᑦ ᐃᒪᖃᙱᓂᖅᓴᐅᑎᑦᑎᕙᑦᑐᓂᓗ, ᐱᕐᔪᐊᖑᕗᖅ ᐃᒥᖅᑕᕐᕕᒃ ᐃᒻᒪᑦᑕᐅᒃᑲᓐᓂᕈᓂ ᖁᐊᓚᐅᙱᓐᓂᖓᓂᒃ.
Q2: ᖃᖓ ᓄᓇᓕᐸᐅᔭᒃᑯᑦ ᐃᖅᑲᓇᐃᔮᖃᕆᐊᓯᓚᐅᖅᓯᒪᕙᑦ ᐃᒪᖃᑦᑎᐊᓂᕐᒥᒃ?
ᓄᓇᓕᐸᐅᔭᒃᑯᑦ ᐅᔾᔨᕈᓱᒃᓯᒪᔪᑦ ᐃᒪᖃᒃᑲᓐᓂᕆᐊᖃᓛᕐᓂᕐᒥᓂᒃ ᓇᓚᐅᑦᑖᖅᑕᐅᓯᒪᓪᓗᓂ ᐊᒻᒪᓗ ᐱᕈᖅᐸᓪᓕᐊᑐᐃᓐᓇᕐᓂᖓᓂᒃ ᐱᕙᓪᓕᐊᑐᐃᓐᓇᖅᑐᑎᓪᓗ ᓄᓇᓕᒻᒥ 2005-ᖑᑎᓪᓗᒍ. ᓄᓇᓕᐸᐅᔭᒃᑯᑦ ᐅᓂᒃᑳᓕᐅᕆᐊᓯᓯᒪᕗᑦ ᓯᕗᓂᐊᒍᓪᓗ ᖃᓄᐃᓕᐅᕈᑎᖃᕆᐊᙵᖃᑦᑕᖅᓯᒪᔪᑦ ᑲᒪᒋᔭᐅᖁᓪᓗᒍ ᐱᔾᔪᑎᐅᔪᖅ.
2006-ᖑᑎᓪᓗᒍ, ᓄᓇᓕᐸᐅᔭᒃᑯᑦ ᐃᒻᒪᑲᓐᓂᖅᑎᑦᑎᓯᒪᔪᑦ ᐃᖃᓗᐃᑦ ᐃᒥᖅᑕᕐᕕᖓᓂᒃ ᐃᒪᖃᕐᓂᖅᓴᐅᖁᓪᓗᒍ ᐃᒥᖅᑕᕐᕕᒃ.
2013-ᖑᑎᓪᓗᒍ ᐊᒻᒪᓗ 2014-ᒥ ᐃᒪᖃᒃᑲᓐᓂᕆᐊᖃᕐᓂᕐᒧᑦ ᕿᒥᕐᕈᔭᐅᔭᕆᐊᖃᕐᓂᖓ ᓇᓗᓇᐃᖅᑕᐅᓚᐅᖅᓯᒪᕗᖅ ᐊᒻᒪᓗ ᐅᓂᒃᑲᐅᑕᐅᓪᓗᓂ ᓄᓇᓕᐸᐅᔭᒃᑯᑦ ᑲᑎᒪᔨᖏᓐᓄᑦ.
2017-ᖑᑎᓪᓗᒍ, ᐱᕙᓪᓕᐊᑎᑕᐅᓕᓚᐅᖅᓯᒪᔪᖅ ᐱᒋᐊᖅᑕᐅᓪᓗᓂᓗ ᐃᒥᕐᒥᒃ ᐊᑐᕆᐊᖃᕐᓂᖏᓐᓄᑦ ᐊᐅᓚᑕᐅᔾᔪᑎᒃᓴᑦ ᖃᓄᖅᑑᕈᑎᖏᑦ ᑲᒪᒋᔭᐅᓂᐊᕐᒪᑦ ᐃᒪᐃᖅᑕᐃᓕᒪᓂᕐᒧᓪᓗ ᐊᐅᓚᑦᑎᓂᖅ ᐱᐅᖅᓱᐊᕐᓂᕐᒧᓪᓗ ᖃᓄᖅᑑᕈᑎᓕᐅᖅᑐᑎᑦ ᓄᓇᓕᐸᐅᔭᕐᒧᑦ.
2018−ᖑᑎᓪᓗᒍ, ᓄᓇᓕᐸᐅᔭᒃᑯᑦ ᐊᖏᖅᓯᓚᐅᖅᓯᒪᔪᑦ ᐅᖓᑖᓃᑦᑐᓂᑦ $1 ᒥᓕᐊᓐᕌᖅᑐᓂᑦ ᐃᒪᖃᒃᑲᓐᓂᕐᓂᐊᓂᕐᒧᑦ ᐱᖁᑎᕐᔪᐊᓄᑦ ᐊᒻᒪᓗ ᐃᒥᖅᑕᕐᕕᒃᓴᖅᑖᕆᔭᐅᒐᔭᖅᑐᒥᒃ ᖃᐅᔨᓴᖅᑐᑎᑦ ᕿᒥᕐᕈᓪᓗᑎᑦ ᐃᒪᖃᒃᑲᓐᓂᖅᑎᑕᐅᓪᓗᒍ ᑕᐃᑲᙵᑦ ᐃᒥᖅᑕᕋᔭᕐᓗᑎᑦ ᐃᖃᓗᐃᑦ ᑰᖓᓂᒃ ᐃᒥᖅᑕᕐᕕᐅᔪᖅᑕᖃᒃᑲᓐᓂᕐᓂᐊᕋᒥ. ᑕᒪᓐᓇ ᐱᓕᕆᐊᖅ ᑲᒪᒋᔭᐅᕗᖅ ᐊᒻᒪᓗ ᑐᐊᕕᐅᑎᒋᔭᐅᕙᓪᓕᐊᓕᖅᑐᓂ ᑲᒪᒋᔭᐅᖁᓪᓗᒍ ᐊᑯᓂᐅᔪᖅ, ᐃᒪᖃᑦᑎᐊᖃᑦᑕᕐᓂᕐᓗ ᐋᖅᑭᒍᑎᒋᔭᐅᔭᕆᐊᖃᕐᓂᖓ.
ᓄᓇᓕᐸᐅᔭᒃᑯᑦ ᓯᕗᓂᐊᒍᑦ ᖃᓄᐃᓕᐅᕈᑎᖃᖅᓯᒪᔪᑦ ᐊᒻᒪᓗ ᐅᓪᓗᒥᐅᔪᖅ ᓱᓕ ᑕᐃᒪᓐᓇᐃᓕᐅᖅᑐᑎᑦ ᕿᓂᖅᑐᑎᑦ ᐋᖅᑭᒍᑎᒃᓴᓂᑦ.
2006-ᖑᑎᓪᓗᒍ, ᓄᓇᓕᐸᐅᔭᒃᑯᑦ ᐃᒻᒪᑲᓐᓂᖅᑎᑦᑎᓯᒪᔪᑦ ᐃᖃᓗᐃᑦ ᐃᒥᖅᑕᕐᕕᖓᓂᒃ ᐃᒪᖃᕐᓂᖅᓴᐅᖁᓪᓗᒍ ᐃᒥᖅᑕᕐᕕᒃ.
2013-ᖑᑎᓪᓗᒍ ᐊᒻᒪᓗ 2014-ᒥ ᐃᒪᖃᒃᑲᓐᓂᕆᐊᖃᕐᓂᕐᒧᑦ ᕿᒥᕐᕈᔭᐅᔭᕆᐊᖃᕐᓂᖓ ᓇᓗᓇᐃᖅᑕᐅᓚᐅᖅᓯᒪᕗᖅ ᐊᒻᒪᓗ ᐅᓂᒃᑲᐅᑕᐅᓪᓗᓂ ᓄᓇᓕᐸᐅᔭᒃᑯᑦ ᑲᑎᒪᔨᖏᓐᓄᑦ.
2017-ᖑᑎᓪᓗᒍ, ᐱᕙᓪᓕᐊᑎᑕᐅᓕᓚᐅᖅᓯᒪᔪᖅ ᐱᒋᐊᖅᑕᐅᓪᓗᓂᓗ ᐃᒥᕐᒥᒃ ᐊᑐᕆᐊᖃᕐᓂᖏᓐᓄᑦ ᐊᐅᓚᑕᐅᔾᔪᑎᒃᓴᑦ ᖃᓄᖅᑑᕈᑎᖏᑦ ᑲᒪᒋᔭᐅᓂᐊᕐᒪᑦ ᐃᒪᐃᖅᑕᐃᓕᒪᓂᕐᒧᓪᓗ ᐊᐅᓚᑦᑎᓂᖅ ᐱᐅᖅᓱᐊᕐᓂᕐᒧᓪᓗ ᖃᓄᖅᑑᕈᑎᓕᐅᖅᑐᑎᑦ ᓄᓇᓕᐸᐅᔭᕐᒧᑦ.
2018−ᖑᑎᓪᓗᒍ, ᓄᓇᓕᐸᐅᔭᒃᑯᑦ ᐊᖏᖅᓯᓚᐅᖅᓯᒪᔪᑦ ᐅᖓᑖᓃᑦᑐᓂᑦ $1 ᒥᓕᐊᓐᕌᖅᑐᓂᑦ ᐃᒪᖃᒃᑲᓐᓂᕐᓂᐊᓂᕐᒧᑦ ᐱᖁᑎᕐᔪᐊᓄᑦ ᐊᒻᒪᓗ ᐃᒥᖅᑕᕐᕕᒃᓴᖅᑖᕆᔭᐅᒐᔭᖅᑐᒥᒃ ᖃᐅᔨᓴᖅᑐᑎᑦ ᕿᒥᕐᕈᓪᓗᑎᑦ ᐃᒪᖃᒃᑲᓐᓂᖅᑎᑕᐅᓪᓗᒍ ᑕᐃᑲᙵᑦ ᐃᒥᖅᑕᕋᔭᕐᓗᑎᑦ ᐃᖃᓗᐃᑦ ᑰᖓᓂᒃ ᐃᒥᖅᑕᕐᕕᐅᔪᖅᑕᖃᒃᑲᓐᓂᕐᓂᐊᕋᒥ. ᑕᒪᓐᓇ ᐱᓕᕆᐊᖅ ᑲᒪᒋᔭᐅᕗᖅ ᐊᒻᒪᓗ ᑐᐊᕕᐅᑎᒋᔭᐅᕙᓪᓕᐊᓕᖅᑐᓂ ᑲᒪᒋᔭᐅᖁᓪᓗᒍ ᐊᑯᓂᐅᔪᖅ, ᐃᒪᖃᑦᑎᐊᖃᑦᑕᕐᓂᕐᓗ ᐋᖅᑭᒍᑎᒋᔭᐅᔭᕆᐊᖃᕐᓂᖓ.
ᓄᓇᓕᐸᐅᔭᒃᑯᑦ ᓯᕗᓂᐊᒍᑦ ᖃᓄᐃᓕᐅᕈᑎᖃᖅᓯᒪᔪᑦ ᐊᒻᒪᓗ ᐅᓪᓗᒥᐅᔪᖅ ᓱᓕ ᑕᐃᒪᓐᓇᐃᓕᐅᖅᑐᑎᑦ ᕿᓂᖅᑐᑎᑦ ᐋᖅᑭᒍᑎᒃᓴᓂᑦ.
Q3: ᓯᕗᓂᐊᒍᑦ ᖃᓄᐃᓕᐅᖅᓯᒪᕙᑦ ᓄᓇᓕᐸᐅᔭᒃᑯᑦ ᓄᓇᓕᐸᐅᔭᐅᔪᖅ ᓈᒻᒪᑦᑐᒥᒃ ᐃᒪᖃᕐᓂᐊᕋᒥ?
ᓄᓇᓕᐸᐅᔭᒃᑯᑦ ᓴᓇᔨᒻᒪᕆᖕᓂᒃ ᖃᐅᔨᒪᔨᓂᑦ ᐱᓕᕆᖃᑎᖃᖃᑦᑕᖅᓯᒪᔪᑦ ᓇᓗᓇᐃᖅᓯᓯᒪᓪᓗᑎᑦ ᖃᓄᐃᓕᐅᕈᑕᐅᑲᐅᑎᒋᒋᐊᖃᕋᔭᖅᑐᓂᑦ ᓯᕗᓂᐊᒍᑦ ᐸᕐᓇᓯᒪᖁᓪᓗᒋᑦ ᖃᐅᔨᒪᓇᑦᑎᐊᖁᓪᓗᒍ ᓄᓇᓕᐸᐅᔭᐅᔪᖅ ᐃᒪᖃᕐᓂᐊᕋᓗᐊᕐᒪᖔᕐᒥᒃ ᐅᑭᐅᖅ.
ᓄᓇᓕᐸᐅᔭᒃᑯᑦ ᖃᐅᔨᒃᑲᐃᓯᒪᔪᑦ ᐊᑦᑕᓇᖅᑕᐃᓕᒪᔪᓕᕆᔨᓂᑦ ᐊᑐᐊᒐᕋᓛᓕᕆᔨᓂᑦ ᐊᒻᒪᓗ ᐱᓕᕆᖃᑎᒋᓲᑦᑎᓐᓂᑦ ᓲᕐᓗᒃ ᓄᓇᕗᑦ ᒐᕙᒪᖏᑦ, ᒐᕙᒪᑐᖃᒃᑯᑦ ᐊᒻᒪᓗ ᓄᓇᕗᒻᒥ ᐃᒥᓕᕆᔨᒃᑯᑦ ᑲᑎᒪᔨᖏᑦ ᑐᓴᕆᐊᖅᑎᑎᓪᓗᑎᑦ ᖃᓄᐃᓕᐅᓕᕐᓂᑦᑎᓐᓂᑦ ᐊᒻᒪᓗ ᖃᐅᔨᒪᓇᑦᑎᐊᖁᓪᓗᒍ ᑕᒪᐃᓐᓂ ᒪᓕᑦᑕᐅᔭᕆᐊᓖᑦ ᐊᑦᑕᓇᖅᑕᐃᓕᒪᔪᓕᕆᓂᕐᒧᑦ ᐱᔪᓐᓇᐅᑎᑦᑎᔨᖏᑦ ᒪᓕᒃᑲᓗᐊᕐᒪᖔᕐᒥᒃ ᐊᒻᒪᓗ ᖃᓄᐃᓕᐅᕆᐊᓕᖏᓐᓂᑦ ᒪᓕᒃᑲᓗᐊᕐᒪᖔᕐᒥᒃ ᖃᐅᔨᒪᑦᑎᐊᕋᓱᐊᖅᑐᑎᑦ.
ᓄᓇᓕᐸᐅᔭᒃᑯᑦ ᐋᖅᑮᓚᐅᕐᒥᔪᑦ ᐱᓕᕆᔩᑦ ᑲᑎᒪᔨᖏᓐᓂᑦ ᐃᖅᑲᓇᐃᔭᖅᑎᖏᑦ ᓄᓇᓕᐸᐅᔭᒃᑯᑦ ᐃᖃᓗᐃᑦ ᐃᓚᒋᔭᐅᓪᓗᑎᑦ, ᓄᓇᕗᑦ ᒐᕙᒪᖏᑦ, ᒐᕙᒪᑐᖃᒃᑯᑦ ᐊᒻᒪᓗ ᐱᓕᕆᔨᒻᒪᕆᖁᑎᕗᑦ ᑳᓐᑐᕌᒃᑦ−ᓯᒪᔭᕗᑦ ᐃᓚᒋᔭᐅᒋᓪᓗᑎᑦ ᓇᓗᓇᐃᖅᓯᓂᐊᖅᑐᑎᑦ ᐃᖅᑲᓇᐃᔮᕆᔭᐅᔭᕆᐊᓖᑦ ᐃᒥᕐᒧᑦ ᒥᓪᓗᐊᕐᓗᑕ ᖃᓂᒋᔭᑦᑎᓐᓂ ᑰᖕᓂᑦ ᑕᓯᕐᓂᓘᓐᓃᑦ ᐃᒪᖃᐅᖅᑐᓂᑦ.
Q4: ᖃᖓ ᐃᒥᖅᑕᕆᐊᓯᓛᖅᐸᑦ ᐃᒥᕐᒥᒃ ᒥᓪᓗᐊᕐᓗᑎᑦ?
ᐃᒥᖅᑕᕆᐊᓯᓕᓚᐅᖅᓯᒪᔪᑦ ᐃᒥᕐᒥᒃ ᒥᓪᓗᐊᖅᑎᑦᑎᓪᓗᑎᑦ ᐋᒡᒌᓯ 19−ᖑᑎᓪᓗᒍ ᑕᒪᐃᓐᓂ ᐊᑦᑕᓇᖅᑕᐃᓕᒪᓂᕐᒧᑦ ᐊᖏᖅᓯᔩᑦ ᐊᖏᓚᐅᖅᑎᓪᓗᒋᑦ ᐊᒻᒪᓗ ᒪᓕᒋᐊᓕᕗᑦ ᐱᔾᔪᑏᑦ ᐋᖅᑭᓚᐅᖅᑐᒋᑦ.
Q5: ᓄᑖᖅ ᐳᐃᔾᔪᕋᕐᕕᒃ ᐱᔾᔪᑕᐅᓗᐊᖅᐸ ᐃᒪᖃᑦᑎᐊᙱᒍᑕᐅᓕᖅᑐᓂ?
ᓄᑖᖅ ᐳᐃᔾᔪᕋᕐᕕᒃ ᐱᔾᔪᑕᐅᓗᐊᙱᑦᑐᖅ ᐃᒪᖃᑦᑎᐊᙱᒍᑕᐅᓗᓂ. ᐳᐃᔾᔪᕋᕐᕕᒻᒧᑦ ᐃᒪᖓ ᐊᑐᓕᖅᑭᑦᑕᐅᓲᖅ ᐊᒻᒪᓗ ᐃᒪᖓ ᓴᓗᒻᒪᓴᖅᑕᐃᓲᖅ, ᖁᐱᕐᕈᕋᓛᖏᔭᖅᑕᐅᓪᓗᓂ ᐊᒻᒪᓗ ᐊᑐᓕᖅᑭᑦᑕᐅᓪᓗᓂ.
Q6: ᖃᓄᐃᓕᐅᙱᑯᑦᑕᓕᑭᐊᖅ ᒫᓐᓇ ᐊᒻᒪᓗ ᐅᑕᖅᑭᑐᐃᓐᓇᖔᕐᓗᑕ ᐊᕐᕌᒍᒃᑲᓂᕐᒥᒃ ᐊᒻᒪᓗ ᖃᐅᔨᓴᖅᑕᐅᓕᕐᓗᓂ ᐊᕐᕌᒍ ᓇᓪᓕᖅᐸᑦ?
ᐅᑕᖅᑭᔪᒃᓴᐅᙱᓚᒍᑦ ᑕᒪᓐᓇᓗ ᐃᓱᒪᓕᐅᕈᑎᒋᔭᒃᓴᐅᒐᓂ ᐅᑕᖅᑭᓂᐊᕐᓂᑦᑎᓐᓂᑦ. ᒪᓕᑦᑐᒋᑦ ᐅᓪᓗᒥᐅᔪᖅ ᐃᒪᕗᑦ ᐃᒪᖃᓕᕐᓂᖓ ᐊᒻᒪᓗᑦᑕᐅᖅ ᖃᐅᔨᒪᔭᐅᒐᓂ ᓯᕗᓂᒃᓴᒥ ᓯᓚᓗᖃᑦᑕᕐᓂᐊᕐᓂᖓ ᐊᐅᔭᒃᑯᑦ ᐅᑭᐊᒃᓵᒃᑯᓪᓗ, ᐱᐅᓛᖑᕗᖅ ᓯᕗᓂᐊᒍᑦ ᑕᒪᓐᓇ ᑲᒪᒋᓗᒍ ᐊᒻᒪᓗ ᖃᐅᔨᒪᑦᑎᐊᕐᓗᑎᑦ ᓄᓇᓕᐅᔪᖅ ᓈᒻᒪᑦᑐᒥᒃ ᐃᒪᖃᕐᓂᐊᕋᒥ ᐅᑭᐅᕐᒧᑦ. ᐃᒥᖅᑕᕐᕕᒃ ᐃᒻᒪᑦᑕᐅᔪᓐᓇᕐᒪᑦ ᑭᓯᐊᓂ ᖁᐊᓚᐅᙱᓐᓂᖓᓂ ᖃᐅᔨᒪᓇᑦᑎᐊᖁᓪᓗᒍ ᐃᒪᖃᑦᑎᐊᕐᓂᐊᕋᓗᐊᕐᒪᖔᕐᒥᒃ ᓯᑯᓚᐅᙱᓐᓂᖓᓂ ᑕᒪᓐᓇᓗ ᐱᕐᔪᐊᖑᓪᓗᓂ.
Q7: ᑕᒪᓐᓇ ᐊᑭᑭᓐᓂᖅᐸᐅᕙ ᐊᒻᒪᓗ ᓯᕗᓂᐊᒍᑦ ᖃᓄᐃᓕᐅᕈᑎᒋᓗᒍ ᐊᑐᐊᖅᑕᐅᓕᕐᓗᓂ ᓄᓇᓕᐸᐅᔭᒃᑯᓐᓄᑦ?
ᐱᓕᕆᔨᒻᒪᕇᑦ ᐊᔪᙱᑦᑐᑦ ᐅᖃᓚᐅᖅᑐᑦ ᑕᒪᓐᓇ ᐊᑭᑭᓐᓂᖅᐹᖑᒐᔭᕐᒪᑦ ᐊᑐᕈᑦᑎᒍᑦ ᓄᓇᓕᐸᐅᔭᒃᑯᑦ ᐊᒻᒪᓗ ᒪᓕᑦᑐᒍ ᑕᒪᓐᓇ ᖃᐅᔨᔭᐅᓯᒪᓂᖓ ᐃᓱᒪᓕᐅᕈᑕᐅᓯᒪᓪᓗᓂ ᑲᑎᒪᔨᐅᔪᑦ ᐃᓱᒪᓕᐅᖅᓯᒪᕗᑦ ᑲᔪᓯᓂᐊᕐᓗᑎᑦ ᓯᕗᓂᐊᒍᑦ ᖃᓄᐃᓕᐅᕈᑎᖃᕐᓗᑎᑦ ᐃᒪᖃᕈᓐᓃᓗᐊᓚᐅᙱᓐᓂᖓᓂ.
Q8. ᓄᓇᓕᐸᐅᔭᒃᑯᑦ ᐊᔭᐅᕆᓂᐊᖅᐹᑦ ᒐᕙᒪᑐᖃᒃᑯᓐᓂᑦ ᓯᓚᑉ ᐊᓯᔾᔨᖅᐸᓪᓕᐊᓂᖓᓄᑦ ᓱᖏᐅᑎᓂᕐᒧᑦ ᑮᓇᐅᔭᓂᑦ ᐊᒻᒪᓗ ᐅᕝᕙᓘᓐᓃᑦ ᑮᓇᐅᔭᖅᑎᒍᑦ ᐃᑲᔪᖅᑕᐅᔪᒪᓂᐊᖅᐹᑦ ᐊᑦᑐᐃᓂᖃᕐᓂᖓ ᓯᓚᑉ ᐊᓯᔾᔨᕐᓂᖓ ᐱᓪᓗᒍ?
ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᑕᒪᐃᓐᓂ ᐱᖁᔨᕗᖔᕈᑎᒥ ᐊᖏᖅᓯᓚᐅᖅᑐᑦ ᐊᐱᕆᓪᓗᑎᑦ ᒪᐃᔭᒥᒃ ᐊᔭᐅᕆᑲᐅᑎᒋᖁᔨᓪᓗᑎᑦ ᒐᕙᒪᑐᖃᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐃᑲᔪᖅᑐᖅᑕᐅᔪᒪᓗᑎᑦ ᐊᒻᒪᓗ ᑮᓇᐅᔭᖃᖅᑎᑕᐅᑲᐅᑎᒋᔪᒪᓪᓗᑎᑦ ᐊᒻᒪᓗ ᐊᑯᓂᐅᔪᒧᑦ ᐃᒪᖃᑦᑎᐊᕆᐊᖃᕐᓂᕐᒧᑦ ᓄᓇᓕᐅᔪᒧᑦ.
Q9. ᑐᓴᖅᓯᒪᑦᑕᕐᒥᒐᒪ ᓄᓇᓕᐸᐅᔭᒃᑯᑦ ᐊᓯᐅᔨᓲᖑᒻᒪᑕ 40%−ᒻᒪᕆᖕᒥᒃ ᐃᒥᕐᒥᒃ ᓇᒻᒥᓂᖅ ᐱᖁᑎᕐᔪᐊᖏᑦ ᓱᕋᓕᕐᓂᖏᓐᓄᑦ. ᑕᒪᓐᓇ ᓱᓕᕚ?
ᑕᒪᓐᓇ ᑕᒪᐃᓐᓂ ᐱᑦᑎᐊᖅᓯᒪᙱᑦᑐᖅ. ᑲᒪᒋᔭᐅᔭᕆᐊᖃᓪᓚᕆᒃᑲᓗᐊᖅᑐᑎᑦ ᐱᖁᑎᕐᔪᐊᑉ ᐱᔾᔪᑎᖏᑦ ᓄᓇᓕᐸᐅᔭᒃᑯᑦ ᐃᒥᓕᕆᔾᔪᑎᖏᑦ, ᑕᒪᐃᓐᓂ ᕿᕐᓛᖅᑐᑦ ᓴᓇᓯᒪᓕᖅᑕᕗᑦ, ᓴᓇᒋᐊᖅᑐᒋᓪᓗ ᑕᒪᐃᓐᓂ ᓱᕋᒃᓯᒪᔪᑦ ᖃᐅᔨᓴᖅᑕᐃᓐᓇᕆᓯᒪᓕᖅᑐᒋᓪᓗ ᑕᒪᐃᓐᓂ ᐃᒪᖃᐅᑎᒨᕆᐊᑦ ᓄᓇᒦᑦᑐᑦ ᐃᑭᐊᓂ ᐊᒻᒪᓗ ᓴᓇᓪᓗᒋᑦ ᕿᕐᓛᖅᑐᑦ. ᖃᐅᔨᓴᖅᑐᒋᑦ ᐃᒥᕗᑦ ᖃᑦᑎᐅᓕᕐᒪᖔᑕ ᑕᐃᑲᓂ ᐱᒋᐊᖅᑎᓪᓗᒋᑦ, ᐊᔾᔨᒋᙱᒻᒪᒋᑦ ᐊᓯᖏᑦ ᓄᓇᓕᓐᓂ ᒐᕙᒪᐅᔪᑦ ᐅᐊᑦᑎᓲᖑᒻᒪᖔᕐᒥᒃ ᐃᒥᕐᒥᓂᒃ ᐊᑐᖃᑦᑕᖅᑕᒥᓂᒃ, ᑭᖑᓂᐊᒍᑦ ᑲᒪᒋᔭᐅᓚᐅᖅᑐᓂ ᖃᐅᔨᓴᓲᖑᖕᒪᑕᓕ. ᑕᐃᒪᐃᓐᓂᖏᓐᓄᑦ, ᐅᓂᒃᑲᐅᓯᕗᑦ ᐊᓯᐅᔨᔪᒥᓂᐅᒋᐊᑦᑎᓐᓂᑦ ᖁᑦᑎᓂᖅᓴᐅᓚᐅᖅᑐᖅ ᐊᓯᑦᑎᓐᓂ ᐱᖃᓯᐅᔾᔨᓚᐅᕐᒪᑦ ᐊᑐᖅᑕᐅᓲᑉ ᐃᓚᖓ ᐃᒥᕐᒥᒃ ᓴᓗᒻᒪᓴᐃᓪᓗᑕ, ᐊᒻᒪᓗ ᓈᓴᐅᑎᑎᒍᑦ ᖃᐅᔨᓴᖅᑕᐅᓯᒪᙱᑦᑐᖅ ᐃᒥᖅ, ᓲᕐᓗᒃ ᐊᑐᖅᑕᐅᓲᑦ ᖃᑦᑎᕆᔨᓄᑦ ᐊᒻᒪᓗ ᐊᓯᖏᓐᓄᑦ ᑐᐊᕕᕐᓇᖅᑐᓕᕆᔨᓄᑦ.
Q10. ᖃᓄᓕᐃᕈᓐᓇᖅᐳᖓ ᐃᑲᔪᕐᓗᑕ ᑕᒪᔅᓱᒥᖓ ᐊᑐᖅᑕᐅᓕᖅᑐᒥᒃ?
ᐃᑲᔪᖅᑕᐅᔪᐃᓐᓇᐅᔪᓐᓇᖅᑐᒍᑦ ᐃᒥᕐᒥᒃ ᐱᐅᖅᓱᐊᕈᑦᑕ, ᖃᐅᑕᒫᑦ ᐃᒥᕐᒥᒃ ᐊᑐᖃᑦᑕᑕᑦᑕᓐᓂ ᖃᐅᔨᒪᓇᓱᐊᕐᓗᑕ. ᓄᓇᓯᐅᑏᑦ ᐅᐊᓴᖅᑕᐅᔭᕆᐊᖃᙱᑦᑐᖅ ᒫᓐᓇ, ᐊᒻᒪᓗ ᓄᓇᓕᐸᐅᔭᒃᑯᑦ ᒪᓕᒻᒥᔪᑦ ᑕᒪᔅᓱᒥᖓ ᐅᐊᓴᐃᑦᑕᐃᓕᒪᑎᑦᑎᓂᖏᓐᓂᑦ ᑭᓯᐊᓂ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᓇᖅᑕᐃᓕᒪᓂᕐᒧᑦ ᐱᔾᔪᑎᖃᕈᑎᑦ (ᑐᐊᕕᕐᓇᖅᑐᓕᕆᔩᑦ ᐋᓐᓂᖅᑐᓂᑦ ᐊᒻᒪᓗ ᖃᑦᑎᕆᔩᑦ ᑲᒪᕋᑖᓚᐅᖅᑎᓪᓗᒋᑦ ᐅᐊᓴᕆᐊᖃᖅᑐᑎᓪᓗ ᐊᓯᖏᓐᓄᑦ ᐃᓄᖕᓄᑦ ᐊᐃᑦᑐᐃᓂᐊᖁᓇᒋᑦ ᐊᒻᒪᓗ ᓱᕈᕐᓇᖅᑐᑦ ᐊᓯᐊᓅᖅᑎᑦᑕᐃᓕᖁᓪᓗᒋᑦ).
ᐊᐱᖅᑯᑏᑦ ᐱᔾᔪᑎᓕᒃ ᑕᓯᓗᓕᐊᕆᐊᕐᒥ ᖃᓄᐃᓕᐅᕈᑎᒋᔭᐅᔪᑦ ᐱᓪᓗᒋᑦ
ᐊ. ᓱᒻᒪᑦ ᒫᓐᓇ ᖃᓄᐃᓕᐅᕈᑎᖃᖅᐸᑦ?
ᑭ. ᖃᓄᐃᓕᐅᕈᑎᖃᖅᑐᑦ ᒫᓐᓇ ᐊᐅᓚᓂᖓ ᐃᒥᖅᑕᒃᑲᓐᓂᕐᓗᑎᑦ ᓄᓇᓕᐸᐅᔭᒧᑦ ᐃᖃᓗᐃᑦ ᐃᒥᖅᑕᕐᕕᖓᓂ ᓈᒻᒪᓐᓂᐊᕐᒪᑦ ᐊᕐᕌᒍᒥ ᖁᐊᓚᐅᙱᓐᓂᖓᓂ.
ᑭ. ᖃᓄᐃᓕᐅᕈᑎᖃᖅᑐᑦ ᒫᓐᓇ ᐊᐅᓚᓂᖓ ᐃᒥᖅᑕᒃᑲᓐᓂᕐᓗᑎᑦ ᓄᓇᓕᐸᐅᔭᒧᑦ ᐃᖃᓗᐃᑦ ᐃᒥᖅᑕᕐᕕᖓᓂ ᓈᒻᒪᓐᓂᐊᕐᒪᑦ ᐊᕐᕌᒍᒥ ᖁᐊᓚᐅᙱᓐᓂᖓᓂ.
ᐊ. ᖃᓄᐃᓕᐅᕈᑎᖃᕋᔭᖅᐸᑦ?
ᑭ. ᓄᓇᓯᐅᑎᑕᖃᕐᓂᖅᓴᐅᖃᑦᑕᓛᕐᒪᑦ ᑕᓯᓗᓕᐊᕆᐊᕐᒨᖅᑐᓂᑦ, ᐊᒻᒪᓗᑦᑕᐅᖅ ᐃᒥᕐᒧᑦ ᒥᓪᓗᐊᕈᑏᑦ, ᓱᓪᓗᓖᑦ ᐊᒻᒪᓗ ᐃᖅᑲᓇᐃᔭᖅᑏᑦ ᑕᐅᕙᓃᓪᓗᑎᑦ ᓱᓪᓗᓕᖅᓱᐃᓗᑎᑦ ᐊᒻᒪᓗ ᐅᐊᑦᑎᔭᐅᓗᓂ ᐃᒥᕐᒥᒃ ᒥᓪᓗᐊᕐᓂᖏᓐᓂᑦ.
ᐊ. ᖃᓄᑎᒋ ᐃᒥᕐᒥᒃ ᒥᓪᓗᐊᕋᔭᖅᐸᑦ?
ᑭ. ᓂᕆᐅᒋᔭᐅᕗᖅ 7-8 ᐱᓇᓱᐊᕈᓯᕐᓂᑦ ᐱᔭᕇᖅᓯᓇᓱᐊᕐᓂᐊᕋᓱᒋᔭᐅᓪᓗᑎᑦ ᒥᓪᓗᐊᕐᓗᑎᑦ ᐃᒥᕐᒥᒃ ᓅᑕᐅᓗᓂ ᐃᒥᖅ ᓂᐊᖁᙴᑉ ᑰᖓᓂᒃ ᐃᖃᓗᐃᑦ ᐃᒥᖅᑕᕐᕕᖓᓄᑦ.
ᐊ. ᐃᒥᕐᒥᒃ ᒥᓪᓗᐊᖃᑦᑕᐃᓐᓇᕆᐊᖃᓕᖅᐹᑦ ᐊᕐᕌᒍᑕᒫᑦ?
ᑭ. ᓄᓇᓕᐸᐅᔭᒃᑯᑦ ᐃᖅᑲᓇᐃᔮᖃᕐᒪᑦ ᐃᒥᕐᒥᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᒥᒃ ᐊᕐᕌᒍᑕᒫᑦ ᐃᒥᕐᒥᒃ ᒥᓪᓗᐊᖃᑦᑕᕆᐊᖃᕐᓂᐊᙱᒻᒪᑕ ᐃᒥᖅᑕᕐᓗᑎᑦ. ᑭᓯᐊᓂᓕ, ᓯᓚᓗᙱᓗᐊᖃᑦᑕᓕᕐᓂᖓ ᐊᕐᕌᒍᑕᒫᑦ, ᐊᑦᑐᐃᓂᖃᕐᔪᐊᖅᑐᒻᒪᕆᐅᕗᖅ ᓄᓇᓕᐸᐅᔭᒃᑯᑦ ᐊᑐᐃᓐᓇᐅᒪᑎᑦᑎᒍᓐᓇᕐᓂᖓᓂᒃ ᐃᒥᕐᒥᒃ.
ᐊ. ᓄᓇᓕᐸᐅᔭᒃᑯᑦ ᐃᑲᔪᖅᑕᐅᕙᑦ ᓯᓚᑖᓃᑦᑐᓂᑦ ᑎᒥᐅᔪᓂᑦ ᐅᕝᕙᓘᓐᓃᑦ ᒐᕙᒪᐅᔪᓂᑦ?
ᑭ. ᓄᓇᓕᐸᐅᔭᒃᑯᑦ ᐋᖅᑮᓚᐅᖅᓯᒪᔪᑦ “ᐱᓕᕆᔩᑦ ᑲᑎᒪᔨᖏᓐᓂᒃ” ᐃᖅᑲᓇᐃᔭᖅᑏᑦ ᑭᒡᒐᖅᑐᐃᔩᓪᓗ ᓄᓇᓕᐸᐅᔭᒃᑯᓐᓃᙶᖅᑐᓂᑦ ᑲᑎᒪᔨᐅᖃᑕᐅᓪᓗᑎᑦ, ᓄᓇᕗᑦ ᒐᕙᒪᖓᓂᒃ ᐊᒻᒪᓗ ᒐᕙᒪᑐᖃᒃᑯᓐᓂ ᑭᒡᒐᖅᑐᐃᔨᖃᖅᑐᑎᑦ ᐊᒻᒪᓗᑦᑕᐅᖅ ᑐᓴᕆᐊᕐᕕᖃᓲᑦ ᓄᓇᓕᓐᓂ ᑎᒥᐅᔪᓂᑦ ᐊᒻᒪᓗ ᐊᑐᐊᒐᕋᓛᓂᑦ ᑎᒥᐅᔪᓂᑦ ᐊᐅᓚᑦᑎᖁᓪᓗᒋᑦ ᐊᒻᒪᓗ ᐃᑲᔪᕐᓗᑎᑦ ᐃᒥᑭᔅᓴᕐᓂᐅᔪᖅ ᐋᖅᑭᑦᑕᐅᓂᐊᕐᒪᑦ.
ᐊ. ᖃᓄᐃᑦᑐᒥᒃ ᐃᑲᔫᑎᓂᑦ ᐊᑐᐃᓐᓇᐅᒪᑎᑦᑎᕙᑦ?
ᑭ. ᑭᓱᑐᐃᓐᓇᕐᓂᒃ ᐅᐸᓗᖓᐃᔭᐃᓂᕐᒧᑦ ᐋᖅᑭᒃᓱᐃᖃᑦᑕᖅᓯᒪᔪᑦ, ᐊᒡᓚᕝᕕᓕᕆᓂᕐᒥᒃ, ᐊᑐᐊᒐᕋᓛᓕᕆᕙᑦᑐᑎᑦ ᐊᒻᒪᓗ ᐱᓕᕆᔨᒻᒪᕇᑦ ᐃᑲᔪᖅᑐᐃᔨᖏᓐᓂᑦ ᐃᖅᑲᓇᐃᔭᖅᑎᑎᓪᓗᑎᑦ ᓄᓇᓕᐸᐅᔭᒃᑯᑦ ᐊᒻᒪᓗ ᐃᖅᑲᓇᐃᔭᖅᑎᖏᑦ ᑕᒪᔅᓱᒥᖓ ᐱᔾᔪᑎᒥ ᖃᓄᐃᓕᐅᕈᑎᖃᖃᑦᑕᖅᓯᒪᒪᓕᖅᑐᑦ.
ᐊ. ᐃᓄᐃᑦ ᑭᒃᑯᑐᐃᓐᓇᐃᑦ ᑕᒪᐅᙵᖅᑕᐃᓕᒪᒋᐊᖃᖅᐹ?
ᑭ. ᐃᓄᐃᑦ ᑭᒃᑯᑐᐃᓐᓇᐃᑦ ᑕᐅᕗᙵᖅᑕᐃᓕᒪᒋᐊᓖᑦ ᐅᖓᑖᓄᑦ ᐃᑳᕈᑎᑉ ᑕᓯᓗᓕᐊᕆᐊᕐᒧᑦ, ᖁᑭᐊᕕᒃ ᐊᒻᒪᓗ ᓯᐅᕋᖅᑕᕐᕕᒻᒧᑦ. ᑕᒪᓐᓇ ᓄᓇᓯᐅᑎᓄᑦ ᐃᖅᑲᓇᐃᔭᖅᑎᓄᓪᓗ ᐅᐸᑦᑕᐅᔪᓐᓇᖅᑐᑐᐊᖅ ᐃᒥᕐᒧᑦ ᒥᓪᓗᐊᕐᓂᕐᒧᑦ ᐃᒥᖅᑕᕐᓗᓂ ᐱᓕᕆᐊᖓᒍᑦ.
Notice: