ᑐᐊᕕᕐᓇᖅᑐᓕᕆᔨᒃᑯᑦ ᑭᐅᖃᑦᑕᖅᑐᑦ ᐊᑐᓕᖅᑎᑦᑎᓯᒪᓂᖏᓐᓄᑦ ᓯᕗᓪᓕᐅᔭᐅᔭᕆᐊᓕᓐᓄᑦ ᑐᐊᕕᕐᓇᖅᑐᓄᑦ

ᑐᓴᕋᔅᓴᖅ
ᑐᐊᕕᕐᓇᖅᑐᓕᕆᔨᒃᑯᑦ ᑭᐅᖃᑦᑕᖅᑐᑦ ᐊᑐᓕᖅᑎᑦᑎᓯᒪᓂᖏᓐᓄᑦ ᓯᕗᓪᓕᐅᔭᐅᔭᕆᐊᓕᓐᓄᑦ
ᑐᐊᕕᕐᓇᖅᑐᓄᑦ
ᕕᕝᕗᐊᕆ 14, 2017 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᖁᕕᐊᑦᓱᑦᑐᑦ ᑐᓴᖅᑎᑦᑎᒋᐊᔅᓴᖅ ᑐᐊᕕᕐᓇᖅᑐᓕᕆᔨᒃᑯᑦ ᐊᑐᓕᖅᑎᑦᑎᓯᒪᓂᖏᓐᓄᑦ ᓯᕗᓪᓕᐅᔭᐅᔭᕆᐊᓕᓐᓄᑦ ᑐᐊᕕᕐᓇᖅᑐᓄᑦ ᐃᖃᓗᓐᓂ.
ᑖᓐᓇ ᓄᑖᖅᑐᐊᕕᕐᓇᖅᑐᓕᕆᕕᒻᒥ ᐊᑐᖅᑕᐅᔪᖅ ᓄᓇᓕᐸᐅᔭᒃᑯᓐᓂᑦ ᖁᕝᕙᓯᓐᓂᖅᐹᒥ ᑐᐊᕕᕐᓇᖅᑐᓄᑦ ᐱᔨᑦᑎᕈᓐᓇᓕᖅᑐᑦ ᓄᓇᓕᒻᒥᐅᑕᑎᑦᑎᓐᓄᑦ, ᐃᓅᓯᕐᓂᑦ ᐱᐅᓕᔅᓯᒍᓐᓇᖅᑐᓂ.
ᐱᐅᓯᑎᒋᐊᖅᓯᒪᔪᖅ ᐱᔨᑦᑎᕈᑎᐅᔪᖅ ᑭᐅᔨᓂᑦ ᐊᑐᕈᓐᓇᑎᑦᑎᔪᑦ ᐊᐱᖅᑯᖁᑎᒐᓚᓐᓂᑦ ᓇᓗᓇᐃᖅᓯᒍᑕᐅᓗᓂ ᖃᓄᐃᑦᑑᓂᖓᓂᑦ ᑐᐊᕕᕐᓇᖅᑐᖅ ᑐᔅᓯᕌᖑᔪᖅ, ᐊᒻᒪᓗᑦᑕᐅᖅ ᑐᓴᖅᑕᐅᔭᕆᐊᖃᖅᑐᓂᑦ ᐱᒻᒪᕆᐅᔪᓂᑦ ᑐᓴᕐᕕᖃᕐᓗᓂ ᐅᖄᓚᔪᒥᑦ.
ᐊᑐᕐᓂᖃᑦᑕᐅᑎᒋᔪᖅ, ᓄᓇᓕᒻᒥᐅᑕᐃᑦ ᐅᔾᔨᕈᓱᒋᐊᓖᑦ ᑐᐊᕕᕐᓇᖅᑐᒧᑦ ᐅᖄᓚᔪᖃᖅᑎᓪᓗᒍ, ᑭᐅᔪᖅ ᐊᐱᕆᓂᐊᖅᑐᖅ: 1) ᑐᕌᕈᑎᖓ ᑭᓱᒻᒪᖔᖅ; 2) ᐅᖄᓚᔪᖅ ᐅᖄᓚᐅᑎᖓ ᖃᑦᑎᐅᒻᒪᖔᖅᓗ 3) ᐊᑎᖓ ᑭᓇᐅᒻᒪᖔᖅ ᐅᖄᓚᔪᖅ; ᐊᒻᒪ 4) ᐅᖄᓚᔪᖅ ᓇᓗᓇᐃᔭᐃᒍᓐᓇᕐᒪᖔᖅ ᖃᓄᐃᓕᖓᓂᖓᓂᑦ − ᖃᓄᐃᓘᖅᑕᐅᔪᒥᑦ.
ᐃᖃᓗᐃᑦ ᓇᓗᓇᐃᕈᑎᖃᖏᒻᒪᑕ ᑭᓇᒃᑰᓂᖏᓐᓂᑦ ᐅᖄᓚᔪᑦ 911−ᒥᓘᓐᓃᑦ ᐱᔨᑦᑎᖅᑕᓂᑦ, ᐊᐱᖅᓱᖃᑦᑕᑎᓪᓗᒍ ᑭᐅᔨ ᑐᑭᓯᒋᐊᕈᑎᑖᕈᓐᓇᖅᑐᖅ ᖁᕝᕙᓯᓐᓂᖓᓄᑦ ᐃᑲᔪᖅᑕᐅᔭᕆᐊᖃᕐᓂᖓᓄᑦ.
ᐃᓚᒋᐊᕐᓗᒍ, ᓄᑖᖅ ᐱᔨᑦᑎᕈᑎᐅᔪᖅ ᑭᐅᔨᒥᑦ ᐅᖄᓚᐅᒻᒦᖏᓐᓇᕈᓐᓇᖅᑐᑦ ᐅᖄᓚᔪᒧᑦ, ᐊᒻᒪ ᐃᑲᔪᕐᓗᓂ ᑐᑭᒧᐊᖅᑎᑦᑎᓗᓂᓗ ᑎᑭᒐᓱᐊᕐᓂᖏᓐᓂ ᑐᐊᕕᕐᓇᖅᑐᓕᕆᔩᑦ.
ᑖᓐᓇ ᓄᑖᖅ ᐱᔨᑦᑎᕈᑎᐅᔪᖅ, ᐊᑕᐅᓯᑐᐊᖑᔪᖅ ᓄᓇᕗᒻᒥ, ᖁᕝᕙᕆᐊᖅᑎᑦᑎᓯᒪᔪᖅ ᑐᐊᕕᕐᓇᖅᑐᓄᑦ ᑲᒪᒋᔭᐅᓂᖏᓐᓄᑦ ᐃᖃᓗᒻᒥᐅᑕᐃᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖄᓚᕕᒋᔪᓐᓇᖅᑕᐃᑦ ᑐᖏᓕᖓ ᖃᑦᑎᕆᔨᒃᑯᑦ ᖃᖏᔪᖅᑳᖓᑕ ᓂᐅᓴᓐ ᔮᓐᓴᓐ ᐅᕙᓂ 979.3216.
-30-
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᔪᓐᓇᖅᑕᐃᑦ:
ᐋᓐᑐᕆᐊ ᓯᐱᑦᓱ
ᑐᓴᐅᒪᔾᔪᑎᓕᕆᔨᒃᑯᑦ
ᓄᓇᓕᐸᐅᔭᖓᑦ ᐃᖃᓗᐃᑦ
ᖃᕋᓴᐅᔭᒃᑯᑦ: A.Spitzer@city.iqaluit.nu.ca