ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᔭᐅᓯᒪᓛᕐᓂᖓ - ᑯᐃᓐ ᐃᓕᓴᐸᖦ ᐊᑐᕆᐊᖅ ᓄᓇᕘᑉ ᐅᓪᓗᖓ ᐱᓪᓗᒍ
ᔪᓚᐃ 7, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐸᕐᓇᐅᑎᐅᔪᒥᒃ ᐊᑐᕆᐊᕐᒥᒃ ᒪᑐᔭᐅᓯᒪᓛᕐᓂᖓᓄᑦ ᖃᓂᒋᔭᖓᓂ ᓇᑲᓱᒃ ᐃᓕᓐᓂᐊᕐᕕᐅᑉ ᓄᓇᕘᑉ ᐅᓪᓗᖓ ᐱᔾᔪᑎᐅᓗᓂ ᑎᓴᒻᒥᕐᒥ, ᔪᓚᐃ 9, 2026. ᒪᑐᔭᐅᓯᒪᒋᐊᖃᓛᕐᒪᑦ ᐊᑳᕐᕆᔮᖁᔭᐅᓗᑎᒃ ᓄᓇᓕᕐᒥᐅᑕᐃᑦ ᐊᑦᑕᓇᔾᔭᐃᕐᓯᒪᓗᑎᒃ ᑕᐅᑦᓱᒪ ᐊᕙᑎᐊᓃᖁᔭᐅᓗᑎᒃ.
ᑯᐃᓐ ᐃᓕᓴᐸᖦ ᐊᑐᕆᐊᖅ ᒪᑐᓯᒪᓛᖅᑐᖅ ᐱᒋᐊᕐᓯᒪᓗᓂ ᓯᓈ ᐊᑐᕆᐊᕐᒥᒃ ᐹᖓᓄᑦ ᓇᑲᓱᒃ ᐃᓕᓐᓂᐊᕐᕕᐅᑉ ᐅᓪᓗᒃᑯᑦ ᐱᒋᐊᕐᓗᑎ 8-ᒨᖅᐸᑦ 5-ᒧᓄᑦ ᐅᓐᓄᓴᒃᑯᑦ. ᓄᓇᖕᖑᐊᒥᒃ ᐃᓚᓕᐅᔾᔨᓯᒪᓂᐊᖅᑐᑦ ᑕᑯᑦᓴᐅᓗᓂ ᒪᑐᓯᒪᓂᕆᓛᖅᖓᑕ ᐊᑐᕆᐊᑉ.
ᓄᓇᓕᕐᒥᐅᑕᐃᑦ, ᓄᓇᒃᑰᔫᖅᑐᑦ, ᐊᒻᒪ ᐱᓱᕋᔭᖅᑐᑦ ᑕᐅᑦᓱᒪ ᐊᕙᑎᐊᒎᓕᕋᐃᒍᑎᒃ ᐅᔾᔨᕈᓱᖃᑦᑕᓛᖁᔭᐅᔪᑦ, ᒪᓕᑉᐸᓪᓗᑎᒃ ᑎᑎᕋᕐᓯᒪᔪᓂᒃ ᓇᓗᓇᐃᔭᐃᑎᓂᒃ, ᐊᒻᒪ ᑐᐊᕕᓗᐊᕋᓱᑉᐸᖏᓪᓗᑎᒃ ᓇᓕᐊᓐᓄᕋᓕᕋᐃᒍᑎᒃ ᑕᐃᑲᓂ ᐅᓪᓗᕐᒥ. ᐅᑕᖅᑭᖃᑦᑕᓛᕆᐊᑦᓴᖅ ᐃᓛᓐᓂᒃᑯᑦ ᓂᕆᐅᖃᑦᑕᖁᔭᐅᓛᖅᑐᑦ ᑕᐃᑲᓂ ᐅᓪᓗᕐᒥ.
ᓄᓇᕗᑉ ᐅᓪᓗᖓᓂ ᓇᓪᓕᐅᓂᕐᓯᐅᕈᑎᐅᒍᓐᓇᓛᕐᒪᑦ ᓴᖕᖏᓂᖏᑦ, ᐃᓕᖅᑯᓯᖏᑦ, ᐊᑐᕐᓯᒪᔭᖏᑦ, ᐊᒻᒪ ᓯᕗᓂᑦᓴᖓᓂᒃ ᓄᓇᕘᑉ. ᓄᓇᕘᒥ ᐊᖏᔪᖅᑳᖃᕐᕕᐅᓗᓂ ᓄᓇᓕᐸᐅᔭᐃᑦ, ᐃᖃᓗᐃᑦ ᐅᐱᒍᓱᑦᓯᐊᖅᑐᖅ ᐃᑲᔪᕐᓱᐃᔭᕆᐊᑦᓴᖅ ᐊᑦᑕᓇᔾᔭᐃᕐᓯᒪᑎᑦᓯᖃᑕᐅᓗᑎᒃ ᐊᒻᒪ ᑐᖕᖓᓇᑦᓯᐊᕐᓗᑎᒃ ᓄᓇᓕᕐᒥᐅᑕᓄᑦ, ᐃᓚᒌᓄᑦ, ᐊᒻᒪ ᓂᐅᕐᕈᓯᒪᓛᖅᑐᓄᑦ ᑲᑎᑦᑎᓪᓗᒋᑦ ᐃᓕᑕᕐᓯᖃᑎᒌᑦᑐᑎᒃ ᐱᒻᒪᕆᐅᔪᒥᒃ ᐅᓪᓗᕐᒥᒃ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᔭᓕᕙᑦᑐᑦ ᓄᓇᓕᕐᒥᐅᑕᓂᒃ ᑐᑭᓯᐊᑦᓯᐊᐸᓐᓂᖏᓐᓄᑦ ᐊᒻᒪ ᑲᑐᔾᔨᖃᑕᐅᓗᑎᒃ ᐱᓕᖃᑕᐅᕙᓐᓂᖏᓐᓂᒃ. ᐊᔭᖅᑐᖅᐸᓯ ᐃᓘᓐᓇᑦᓯᐊᓯ ᓇᓪᓕᐅᓂᕐᓯᐅᓛᖁᓪᓗᓯ ᐊᑦᑕᓇᔾᔭᐃᕐᓯᒪᑦᓯᐊᕐᓗᓯ ᐊᒻᒪ ᐃᑉᐱᒋᖃᑦᑕᐅᑎᑦᓯᐊᐸᓪᓗᓯ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᑎᑦᓯᓕᕆᔨ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | g.byrne@iqaluit.ca
