ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᔭᐅᓂᐊᖅᑐᖅ - ᐱᖑᐊᖅ ᐊᑐᕆᐊᖅ ᐊᒻᒪ ᖃᖅᑲᓕᐊᖅ ᐊᑐᕆᐊᖅ ᐅᐸᓗᖓᐃᔭᖅᑕᐅᓂᖏᓐᓂ ᐊᒻᒪ ᖁᐊᖅᑕᖅᑐᓕᕐᓱᖅᑕᐅᓂᖏᓐᓂ
ᐋᒐᓯ 11, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᓪᓗᒍ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᑐᕆᐊᓂᒃ ᐱᐅᓯᑎᑦᓯᒋᐊᕈᑎᐅᔪᑦ ᐊᒻᒪ ᖁᐊᖅᑕᖅᑐᓕᕐᓱᐃᓂᐅᔪᖅ ᐃᓚᖏᓐᓂ ᐱᖑᐊ ᐊᑐᕆᐊᑉ ᐊᒻᒪ ᖃᖅᑲᓕᐊᖅ ᐊᑐᕆᐊᕐᓂ ᐱᒋᐊᖅᑕᐅᓛᓕᕐᒪᑕ ᓯᑕᒻᒥᖅ ᐋᒡᒌᓯ 13, ᐃᓚᒋᔭᐅᓗᑎᒃ ᓄᓇᓕᐸᐅᔭᒃᑯᑦ ᐊᕐᕌᒍᒥ 2026 ᐊᑐᕆᐊᓂᒃ ᐱᐅᓯᑎᑦᓯᒋᐊᕐᓂᒃᑯᑦ ᐱᓕᕆᐊᑦᓴᖏᓐᓂᒃ. ᓄᓇᓕᐸᐅᔭᒃᑯᑦ ᖃᐅᔨᒪᔪᑦ ᐊᒥᓱᑲᓪᓚᐃᑦ ᓄᓇᓕᕐᒥᐅᑕᐃᑦ ᑕᑯᔪᒪᓯᒪᓕᕐᒪᑕ ᐱᐅᓯᑎᑦᓯᕈᑎᐅᔪᓂᒃ ᐊᒻᒪ ᖁᔭᒋᓪᓗᒋᑦ ᓄᓇᓕᕐᒥᐅᑕᐃᑦ ᐅᑕᖅᑭᑦᓯᐊᕐᓯᒪᓂᖏᓐᓄᑦ ᐱᓕᕆᐊᖑᓛᕐᓂᐊᖅᑐᓂᒃ.
ᓴᓇᔭᐅᓛᖅᑐᖅ ᐋᒡᒌᓯ 13 ᐊᒻᒪᓗ ᐋᒡᒌᓯ 22, 2026 ᐊᑯᓐᓂᖕᒐᓂ, ᐱᒋᐊᕈᑎᒋᓗᒍ ᑐᐊᐸᓕᕆᓂᖅ. ᐱᓕᕆᐊᖕᒍᔪᖅ ᐱᔭᕇᖅᑕᐅᕙᓪᓕᐊᖃᑦᑕᕐᓂᐊᖅᑐᖅ ᐊᒡᒍᖅᑐᖅᓯᒪᔪᓂ, ᓇᓗᓇᐃᖅᑕᐅᓯᒪᔪᖅ ᐃᓚᓕᐅᑎᓯᒪᔪᒥᑦ ᓄᓇᖖᒍᐊᒥᑦ, ᐊᑐᓂ ᐱᓕᕆᓂᐅᔪᑦ ᓂᕆᐅᒋᔭᐅᔪᑦ ᐅᓪᓘᖕᓄᑦ ᐊᑕᐅᓯᕐᒧᑦ ᒪᕐᕉᖕᓄᓪᓘᓐᓃᑦ ᐱᓕᕆᐊᖕᒍᓂᐊᕋᓱᒋᔭᐅᓪᓗᑎᒃ, ᓯᓚᐅ ᖃᓄᐃᑦᑑᓂᖕᒐ ᒪᓕᒡᓗᒍ.
ᐅᔭᕋᐅᔭᒃᓴᓕᖅᑕᐅᒐᔭᖖᒍᐊᖅᑐᖅ ᐋᒡᒌᓯ 23 ᐊᒻᒪᓗ ᐋᒡᒌᓯ 25, 2026 ᐊᑯᓐᓂᖕᒐᓂ, ᑭᖕᒍᓂᐊᒍᓪᓗ ᑭᖕᒍᓪᓕᖅᐹᒥᑦ ᐃᑎᖅᓴᖕᒋᑦ ᐊᒻᒪᓗ ᑰᕝᕕᓕᐅᖅᑕᐅᓗᑎᑦ ᓰᑎᐱᕆ 1 ᐊᒻᒪᓗ ᓰᑎᐱᕆ 3, 2026 ᐊᑯᓐᓂᖕᒐᓂ. ᐅᓪᓗᖕᒋᑦ ᒪᓕᓐᓂᐊᖅᑐᑦ ᓯᓚᐅᑉ ᖃᓄᐃᓐᓂᖕᒐ ᒪᓕᓪᓗᒍ ᓇᐃᓪᓕᒋᐊᖅᑕᐅᑐᐃᓐᓇᕆᐊᓖᑦ ᐅᖕᒐᕙᕆᐊᖅᑕᐅᑐᐃᓐᓇᕆᐊᓖᑦ ᓇᓃᓐᓂᖕᒐ ᒪᓕᒡᓗᒍ ᓯᓚᐅᓪᓗ ᖃᓄᐃᓐᓂᖕᒐ.
ᓴᓇᓂᖏᓐᓂ, ᓄᓇᓕᕐᒥᐅᑕᐃᑦ ᓂᕆᐅᒋᐊᖃᕐᓂᐊᖅᑐᑦ ᓄᓇᒃᑰᔫᑦ ᐃᖏᕐᕋᕙᓐᓂᐊᖅᑐᑦ ᐊᓯᔾᔨᑲᐃᓐᓇᓂᐊᖅᑐᓂᒃ ᕿᓚᒥᐅᖃᑦᑕᓂᐊᕐᒪᑕ, ᓄᓇᒃᑰᔫᑦ ᓄᖅᑲᖓᒍᒪᔪᑦ ᐱᑐᐃᓐᓇᐅᖏᔾᔪᑎᖃᕐᓂᐊᕐᓂᖏᓐᓄᑦ ᐃᓚᖏᒍᑦ, ᐊᒻᒪ ᕿᓚᒥᐅᒐᓗᐊᖅ ᐅᑕᖅᑭᑎᑕᐅᖃᑦᑕᓂᐊᕐᓂᖏᓐᓄᑦ ᐊᑦᑐᖅᑕᐅᓯᒪᓂᖏᒍᑦ. ᐃᓪᓗᖏᑕ ᓴᓂᐊᓃᑦᑐᓄᑦ ᓄᓇᒃᑰᔫᖃᕐᕕᖏᓐᓅᕈᓐᓇᐃᓕᕙᓐᓂᐊᖅᑐᑦ ᐃᓚᖏᑦ ᐱᓕᕆᔪᖃᕐᓂᖓᓂ, ᐱᓗᐊᖅᑐᒥ ᐅᓪᓗᒃᑯᑦ ᐊᑯᓐᓂᖏᓐᓂ ᓯᕿᖕᖑᔭᑎᒍᑦ 7:00 ᐅᓪᓛᒃᑯᑦ ᐊᒻᒪ 7:00 ᐅᓐᓄᒃᑯᑦ. ᓄᓇᓕᕐᒥᐅᑕᐃᑦ ᐅᓪᓗᒃᑯᑦ ᐃᖏᕐᕋᒍᒪᓂᐊᖅᑐᑦ ᓴᓇᕕᐅᓂᖓᒍᑦ ᓅᑦᑎᖁᔭᐅᓂᐊᖅᑐᑦ ᓄᓇᒃᑰᔫᖏᓐᓂᒃ ᐊᕝᕙᐃᕐᓯᒪᓂᐊᖁᓪᓗᒋᑦ ᓴᓇᔪᖃᕐᓂᕈᓂ ᐃᓪᓗᖏᑕ ᖃᓂᒋᔭᖏᓐᓂ ᓴᓇᑎᓪᓗᒋᑦ ᐃᓛᒃᑰᖓᔪᓂᒃ ᐊᒻᒪ ᑕᑯᑦᓴᐅᑎᑕᐅᔪᑦ ᓄᓇᖕᖑᐊᓂ ᐊᑦᑐᖅᑕᐅᓯᒪᓂᖏᑦ. ᑐᐊᕕᕐᓇᖅᑐᓄᑦ ᓄᓇᒃᑰᔫᑦ ᑕᐃᒪᖓᓕᒫᖅ ᐊᖅᑯᑎᖃᖅᑎᑕᐅᖏᓐᓇᓂᐊᖅᑐᑦ.
ᐊᑏ ᒪᓕᑦᓯᐊᐸᓐᓂᐊᖅᑲᓯᐅᒃ ᐃᓘᓐᓇᑎᒃ ᑎᑎᕋᕐᓯᒪᔪᑦ ᒪᓕᒐᐃᑦ ᐊᒻᒪ ᑎᓕᒐᐃᑦ ᓄᓇᒃᑰᔫᓂᒃ ᐊᐅᓚᑦᓯᔨᓄᑦ ᓴᖅᑭᑕᐅᕙᓐᓂᐊᖅᑐᑦ ᐊᒻᒪ ᐅᔾᔨᕈᓱᑦᓯᐊᐸᓪᓗᓯ ᓴᓇᕕᐅᓂᖏᑕ ᐊᕙᑎᖏᒎᓕᕋᐃᒍᑦᓯ.
ᓄᓇᖕᖑᐊᑦ ᑕᑯᑦᓴᐅᑎᑦᓯᔪᑦ ᓇᐅᒃᑰᖓᓂᖏᓐᓄᑦ ᓴᓇᔭᐅᕙᓪᓕᐊᓂᐊᖅᑐᑦ, ᓴᖑᕕᐅᖃᑦᑕᑲᐃᓐᓇᓂᐊᖅᑐᑦ, ᐊᒻᒪ ᓄᓇᒃᑰᔫᓄᑦ ᓄᖅᑲᖓᕕᐅᑲᐃᓐᓇᓂᐊᖅᑐᓂᒃ ᐊᑕᑎᑕᐅᔪᑦ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᔭᓐᓇᒦᖅᑐᑦ ᓄᓇᓕᕐᒥᐅᑕᓂᒃ ᐅᑕᖅᑭᑦᓯᐊᓂᐊᕐᓂᖏᓐᓄᑦ ᐊᒻᒪ ᐱᓕᕆᖃᑕᐅᓂᐊᕐᓂᖏᓐᓄᑦ ᐱᓕᕆᐊᖃᕐᓂᖏᓐᓂ.
#
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐳᕆᐊᓇ ᓴᐃᒪᐃᔪᖅ-ᐸᐃᓐᔅ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ
867-979-5630 | B.Shaimaiyuk-Baines@iqaluit.ca
