PLAN-MPD-1117 ᐊᐅᓚᑦᓯᔨ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ

ᐃᖅᑲᓇᐃᔮᑦᓴᖅ

ᐊᐅᓚᑦᓯᔨ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᕿᓂᖅᑐᑦ ᐊᐅᓚᑦᓯᔨ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ.  ᐱᓕᕆᔪᒪᑦᓯᐊᕈᕕᑦ, ᐱᓕᕆᔾᔪᑎᓂᑦ ᐅᐸᓗᖓᐃᔭᐃᒃᑲᐅᒍᕕᑦ ᓇᓗᓇᐃᕐᓯᒪᓪᓗᑎᓪᓗ ᐊᑎᓕᐅᕐᕕᐊᓂ ᐸᕐᓇᐅᑎᓕᕆᔩᑦ ᐸᕐᓇᐅᑎᓕᕆᔨᐅᒍᕕᑦ ᐱᓕᕆᖃᑎᖃᕈᓐᓇᑦᓯᐊᕐᓗᑎᓪᓗ ᑭᒃᑯᑐᐃᓐᓇᑦᓯᐊᓂᑦ ᐊᒻᒪ ᐃᓱᒪᕐᓴᕐᓯᐅᕈᑎᒋᑦᓯᐊᖅᑐᓂᑦ ᖃᓄᖅᑑᕈᑎᓕᐅᕈᒻᒪᐅᒍᕕᑦ ᐱᔾᔪᑎᓕᓐᓂᑦ ᐸᕐᓇᐅᑎᓕᕆᓂᕐᒥᑦ ᐃᓄᖃᐅᑦᓯᐊᓕᖅᑐᒥ ᓄᓇᓕᒻᒥ, ᐅᓇ ᐃᖅᑲᓇᐃᔮᑦᓴᖅ ᐃᓱᒪᕐᓴᕐᓯᐅᕈᑎᒋᓚᐅᕈᒃ.

ᐊᔾᔨᐅᖏᑦᑐᖅ ᐅᑭᐅᖅᑕᖅᑐᒥ ᐊᖏᔪᖅᑳᖃᕐᕕᒃ

ᐃᖃᓗᐃᑦ ᑲᓇᑕᒥ ᒥᑭᓂᖅᐹᑦᓯᐊᖅ ᓄᓇᓕᐸᐅᔭᐅᓗᓂ ᐊᒻᒪ ᓱᑲᑦᑐᐊᓗᒻᒥᑦ ᐱᕙᓪᓕᐊᕕᐅᓗᓂ ᓴᓇᓂᒃᑯᑦ ᐊᒻᒪ ᐃᓄᒋᐊᑦᓯᕙᓪᓕᐊᓗᓂ ᓱᑲᑦᑐᒥᑦ.  ᐊᖏᓂᖅᐹᖑᓪᓗᓂ ᓄᓇᓕᐅᓪᓗᓂ ᓄᓇᕘᒥ, ᐃᖃᓗᐃᑦ ᐱᕈᖅᐸᓪᓕᐊᔪᖅ ᓄᓇᓕᐅᓪᓗᓂ, ᐊᔾᔨᐅᖏᑦᑐᒥᑦ ᐊᑑᑎᖃᖅᑐᓂ ᑐᖕᖓᕕᒻᒪᕆᐅᓗᓂ ᓇᒻᒥᓂᖃᕐᓂᕐᒥᑦ, ᐃᖏᕐᕋᔪᓕᕆᓂᕐᒥᑦ, ᐃᖅᑲᓇᐃᔭᖅᑎᓕᕆᓂᕐᒥᑦ, ᐋᓐᓂᐊᓇᖅᑐᓕᕆᓂᕐᒥᑦ ᐊᒻᒪ ᐃᓕᓐᓂᐊᖅᑐᓕᕆᓂᕐᒥᑦ ᐱᓕᕆᐊᖃᖅᐸᑦᑐᓄᑦ.  ᑕᐃᒫᐸᓗᑦᑕᐅᖅ ᐱᕙᒻᒪᑕ ᓄᓇᓕᐅᔪᑦ ᓄᓇᕘᒥ, ᐃᖃᓗᐃᑦ ᐊᖏᔪᐊᓗᒻᒥᑦ ᓄᓇᖁᑎᖃᖅᑎᐅᔪᑦ, ᐱᓕᕆᔨᐅᓗᑎᒃ ᐱᓕᕆᐊᖑᒋᐊᓕᓐᓂᑦ ᐊᒻᒪ ᐱᕙᓪᓕᐊᑎᑕᐅᒋᐊᓕᓐᓂᑦ ᓄᓇᓕᓐᓂ ᓄᓇᓂᑦ, ᑕᕝᕘᓇᓕ ᐊᔾᔨᐅᖏᑦᓯᐊᒻᒪᕆᑦᑐᒃᑯᑦ ᐸᕐᓇᐅᑎᓕᕆᔾᔪᑎᓕᐅᕈᑎᒋᐊᖃᖅᐸᑦᑐᖅ.

ᐃᖅᑲᓇᐃᔮᑉ ᐃᓗᓕᖏᓐᓂᑦ ᕿᒥᕐᕈᓂᖅ

ᐊᖏᔪᖅᑳᖃᖅᑐᓂ ᑎᒥᐅᔪᒥ ᐊᐅᓚᑦᓯᔨᒻᒪᕆᐅᔪᒥᑦ, ᐊᐅᓚᑦᓯᔨ ᐸᕐᓇᐅᑎᓕᕆᔨᒃᑯᑦ ᐊᒻᒪ ᐱᕙᓪᓕᐊᑎᑦᓯᔨᒃᑯᑦ ᓴᓇᓂᒃᑯᑦ ᐱᓕᕆᔨᐅᔪᑦ ᓄᓇᐅᑉ ᖃᓄᖅ ᐊᑐᖅᑕᐅᓂᐊᕐᓂᖓᓄᑦ ᐸᕐᓇᐅᑎᓕᕆᓂᒃᑯᑦ, ᐊᑐᐊᒐᓕᕆᓂᒃᑯᑦ ᐊᒻᒪ ᒪᓕᒐᓕᕆᓂᒃᑯᑦ, ᓴᓇᔭᐅᔪᒪᔪᓂᑦ ᐊᖏᖅᑎᐅᓗᑎᒃ, ᓄᓇᒥᑦ ᐱᕙᓪᓕᐊᔪᓕᕆᔨᐅᓗᑎᒃ, ᐊᒻᒪ ᐱᓕᕆᔨᐅᓗᑎᒃ ᓄᓇᓕᓐᓂ ᒐᕙᒪᒋᔭᓄᑦ ᓄᓇᖁᑎᓂᑦ ᐊᒻᒪ ᓄᓇᓕᕆᔾᔪᑎᓕᒫᑦᓯᐊᓂᑦ ᐱᓕᕆᔨᐅᕙᑦᑐᑦ.  ᐃᖅᑲᓇᐃᔮᖅᑖᖅᑐᖅ ᐊᐅᓚᑦᓯᔨᐅᒐᔭᕐᒥᔪᑦ ᖃᐅᔨᓴᖅᐸᓪᓗᓂ ᐊᐅᓚᑦᓯᐊᓕᕋᓗᐊᕐᒪᖔᑕ ᓄᓇᓕᕆᔾᔪᑎᐅᔪᑦ ᐊᑐᖅᑐᑦᓴᖏᑎᒍᑦ ᒪᓕᑦᓯᐊᖅᑐᑎᒃ ᐊᑭᑐᔪᓕᕆᔾᔪᑎᓂᓪᓗ, ᐃᖅᑲᓇᐃᔭᖅᑎᓂᑦ ᑲᒪᕙᓪᓗᓂ, ᓄᓇᓕᐸᐅᔭᒃᑯᓐᓄᑦ ᐸᕐᓇᐅᑎᓕᕆᔨᒥᑦ ᐊᒻᒪ ᓄᓇᓕᕆᔾᔪᑎᓂᑦ ᐱᓕᕆᕙᑦᑐᒥᑦ ᐃᖅᑲᓇᐃᔭᖅᑎᖃᖅᑐᒥᑦ.

ᐱᓕᕆᔪᓐᓇᕆᐊᓖᑦ, ᐃᓕᓐᓂᐊᕈᑎᐅᓯᒪᒋᐊᓖᑦ ᐊᒻᒪ ᐱᓕᕆᐊᖑᓯᒪᒋᐊᓖᑦ:

• ᐱᔭᕇᕈᑎᖃᒻᒪᕆᓪᓗᓂ ᐃᓄᒋᐊᓂᑦ ᓄᓇᓕᓐᓂ ᐸᕐᓇᐅᑎᓕᕆᓂᕐᒥᑦ ᐊᑦᑐᐊᔪᒥᓪᓘᓐᓃᑦ;
• ᐃᓚᒋᔭᐅᓗᓂ ᑲᓇᑕᒥ ᑲᑐᔾᔨᖃᑎᒌᓄᑦ ᐸᕐᓇᐅᑎᓕᕆᔨᓂᑦ (MCIP);
• ᐊᕐᕌᒍᓂᑦ 8-ᓂᑦ ᐅᖓᑖᓂᓘᓐᓃᑦ ᐱᓕᕆᔨᐅᓚᐅᕐᓯᒪᓗᓂ ᐸᕐᓇᐅᑎᓕᕆᓂᕐᒥᑦ ᐱᓕᕆᕝᕕᒻᒥ, ᐊᕐᕌᒍᓂᑦ ᐱᖓᓱᓂᑦ ᐅᖓᑖᓂᓘᓐᓃᑦ ᐊᐅᓚᑦᓯᔨᐅᓚᐅᕐᓯᒪᓗᓂ ᐃᖅᑲᓇᐃᔭᖅᑎᓂᑦ;
• ᓇᓕᒧᑦᑐᑦ ᑲᑎᑦᑐᒋᑦ ᐃᓕᓐᓂᐊᕈᑎᐅᓯᒪᔪᑦ, ᐱᓕᒻᒪᓴᖅᑕᐅᓯᒪᔪᑦ ᐊᒻᒪ ᐱᓕᕆᐊᖑᓯᒪᔪᑦ ᐃᓱᒪᕐᓴᕐᓯᐅᕈᑕᐅᔪᓐᓇᖅᑐᑦ;
• ᐱᓕᕆᐊᖃᓚᐅᕐᓯᒪᒋᐊᖃᓪᓚᕆᑦᑐᑦ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐊᒻᒪ ᐃᓪᓗᓕᐅᕐᕕᑦᓴᓕᕆᓂᕐᒥᑦ.

ᐱᓕᒻᒪᓴᕐᓯᒪᒋᐊᓖᑦ:

• ᐊᐅᓚᑦᓯᔨᐅᔪᓐᓇᕐᓗᓂ ᐊᒻᒪ ᓯᕗᓪᓕᐅᔾᔭᐅᒋᐊᓕᓐᓂᑦ ᐋᖅᑭᑦᓱᐃᔪᓐᓇᕐᓗᓂ ᐊᔾᔨᒌᖏᑦᑐᓂᑦ ᐊᒥᓱᓂᑦ ᐱᓕᕆᐊᑦᓴᓂᑦ ᑐᐊᕕᐊᖑᐃᓐᓇᕆᐊᖃᖅᐸᑦᑐᓂᑦ ᐱᓕᕆᕝᕕᒻᒥ;
• ᓇᓗᓇᐸᓗᑦᑐᓂᑦ ᐃᓗᓕᖃᐅᖅᑐᒻᒪᕆᓐᓂᑦ ᐊᑦᓱᕉᑎᖃᖅᐸᑦᑐᒥᑦ ᐃᖅᑲᓇᐃᔮᖃᕈᓐᓇᕐᓗᓂ ᖃᐅᔨᓴᑦᓯᐊᐸᓪᓗᒋᑦ ᐊᒻᒪ ᑕᒻᒪᕐᓯᒪᕙᖕᖏᓪᓗᑎᒃ, ᐊᒻᒪ ᐃᒻᒥᓂᕿᓗᓂ ᐱᓕᕆᔪᓐᓇᓯᐊᕐᓗᓂ;
• ᐱᐅᔪᐊᓗᓐᓂᑦ ᐅᖃᐅᓯᒃᑯᑦ ᐊᒻᒪ ᑎᑎᖅᑲᒃᑯᑦ ᑐᓴᐅᒪᖃᑎᖃᕈᓐᓇᓯᐊᕐᓗᓂ ᑐᓴᐅᒪᑎᑦᓯᔪᓐᓇᕐᓗᓂᓗ ᖃᐅᔨᒪᑦᓯᐊᕐᓗᓂ ᖃᕋᑕᐅᔭᒃᑯᑦ ᐱᓕᕆᔾᔪᑎᓂᑦ;
• ᐊᓯᒥᓂᒃ ᐱᓕᕆᖃᑎᖃᕈᓐᓇᑦᓯᐊᕐᓗᓂ, ᐱᔨᑦᓯᕋᖅᑎᐅᔪᓐᓇᓯᐊᕐᓗᓂ ᖃᐃᕙᑦᑐᓄᑦ, ᐊᒻᒪ ᐊᓯᒥᓂᒃ ᐱᓕᕆᖃᑎᖃᕈᓐᓇᑦᓯᐊᕆᐊᓕᒃ ᐊᒻᒪ ᐊᑐᖅᑎᑦᓯᕙᓪᓗᓂ ᐊᒻᒪ ᑕᐃᒪᖕᖓᓂᑦ ᐱᕙᓪᓕᐅᑎᑦᓯᐊᑐᒃᑯᑦ ᐱᓕᕆᖃᑎᖃᕈᓐᓇᑎᑦᓯᓗᓂ ᐱᓕᕆᖃᑎᖃᕈᓐᓇᕐᓗᓂᓗ;
• ᖁᕕᐊᒋᔭᖃᕆᐊᓕᒃ ᐃᖅᑲᓇᐃᔮᖃᕆᐊᑦᓴᖅ ᐊᔾᔨᒌᖏᑦᑐᓂᑦ ᐃᓕᖅᑯᓯᖃᐅᖅᑐᓂᑦ ᑭᒃᑯᑐᐃᓐᓇᕐᓂᑦ;
• ᑐᑭᓯᐅᒪᓂᖃᑦᓯᐊᕐᓗᓂ ᑎᑎᖅᑲᓂᑦ ᐊᒻᒪ ᐱᓕᕆᔾᔪᑎᓂᑦ ᐱᔾᔪᑎᒋᓪᓗᒋᑦ ᓴᓇᔪᓐᓇᐅᑎᑦᓴᓂᑦ ᐴᕐᒥᑦᓕᕆᓂᖅ, ᓄᓇᖁᑎᓄᑦ ᑭᓪᓕᓕᐅᕈᑎᐅᓯᒪᔪᓂᑦ ᒪᓕᑦᑎᑦᓯᓂᕐᒥᑦ, ᓄᓇᓕᕆᓂᕐᒥᑦ ᐊᒻᒪ ᐊᕐᕌᒍᒐᓴᓄᑦ ᐸᕐᓇᐅᑎᓕᐅᕈᓐᓇᕐᓗᓂ ᐱᓕᕆᐊᑦᓴᓂᑦ ᐱᓕᕆᐊᖑᔪᓐᓇᖅᑐᓂᑦ.
• ᖃᐅᔨᒪᓂᖃᑦᓯᐊᕐᓗᓂ ᐸᕐᓇᐅᑎᓕᕆᓂᕐᒥᑦ ᓄᓇᕘᒥ ᐊᒻᒪ ᐊᑦᑐᐊᔪᓂᑦ ᓄᓇᕘᒥ ᒪᓕᒐᕐᓂᑦ ᐊᒻᒪ ᐊᑐᐊᒐᕐᓂᑦ ᐱᕙᓪᓕᐅᔪᓐᓇᓯᐊᖅᑐᑦ ᐃᖅᑲᓇᐃᔮᖅᑖᕋᓲᑎᓄᑦ.

ᐃᑉᐱᒋᔭᕆᐊᓖᑦ ᑲᒪᒋᔭᕆᐊᓖᑦ:

• ᐊᐅᓚᑦᓯᓂᖅ ᐱᓕᕆᔾᔪᑎᓂᑦ, ᐱᒋᐊᖅᑎᑦᓯᔾᔪᑎᖏᓐᓂᑦ ᐊᒻᒪ ᖃᐅᑕᒫᖅᑐᖅᓯᐅᑎᖏᓐᓂᑦ ᓄᓇᓕᕆᓂᕐᒥᑦ ᐸᕐᓇᐅᑎᓕᕆᔪᓂᑦ ᐊᒻᒪ ᓄᓇᓕᕆᔪᓂᑦ ᐱᓕᕆᐊᖑᕙᑦᑐᓂᑦ ᓄᓇᓕᓐᓂ ᒐᕙᒪᒋᔭᓄᑦ;
• ᐱᕙᓪᓕᐊᔪᓕᕆᓂᕐᒥᑦ ᓴᓇᓂᒃᑯᑦ ᑲᒪᔨᐅᔪᖅ, ᐊᒻᒪ ᖃᐅᔨᓴᖅᐸᑦᑐᓂ ᐱᓕᕆᐊᖃᖅᐸᑦᑐᓂᓗ ᕿᒥᕐᕈᐊᓂᕐᒥᑦ ᓴᓇᔪᓐᓇᐅᑎᑖᖑᔪᒪᔪᓂᑦ ᑐᑦᓯᕋᐅᑎᓂᑦ, ᖃᐅᔨᓴᖅᐸᓪᓗᓂ ᐃᓗᓕᖏᓐᓂᑦ ᑐᑦᓯᕋᐅᑎᐅᓯᒪᔪᑦ, ᐅᓂᒃᑳᓕᐅᖅᐸᓪᓗᓂ, ᐊᑐᐊᒐᑦᓴᓂᑦ ᐊᑐᓕᖁᔨᔾᔪᑎᓕᐅᖅᐸᓪᓗᓂ, ᐊᒻᒪ ᑎᑎᖅᑲᓂᑦ ᑎᑎᕋᕆᐊᒃᑲᓐᓂᖅᑎᐅᓗᓂ ᑎᑎᕋᕐᓯᒪᓂᖏᑦ ᐊᖑᒻᒪᑎᒋᐊᖅᐸᑦᑐᒋᑦ ᒫᓐᓇᒃᑯᑦ ᓄᓇᓕᓐᓄᑦ ᐸᕐᓇᐅᑎᓕᕆᔾᔪᑎᐅᔪᓂᑦ;
• ᐊᐅᓚᑦᓯᔨᐅᔪᖅ ᓯᑎᒃᑯᑎᒍᑦ ᐱᓕᕆᐊᖑᔪᓂᑦ ᓄᓇᓕᕆᔾᔪᑎᒍᑦ ᐱᕙᓪᓕᐊᑎᑦᓯᔾᔪᑎᓂᑦ ᐱᒋᐊᖅᐸᑦᑐᑎᒃ ᐃᓱᒪᒋᔭᐅᔪᓂᑦ ᐸᕐᓇᐅᑎᓕᐅᕆᐊᖕᖓᐅᑎᓂᑦ ᓴᓇᔭᐅᓕᕐᓂᖏᓐᓄᑦ, ᐊᒻᒪ ᐊᑐᓕᖅᑎᑦᓯᓂᒃᑯᑦ ᓴᓇᔭᐅᔪᒪᔪᓂᑦ ᐃᓱᒪᒋᔭᐅᔪᓂᑦ, ᓱᓇᑐᐃᓐᓇᕐᓂᑦ ᐸᕐᓇᐅᑎᓕᕆᔾᔪᑎᓂᑦ ᐊᒻᒪ ᓄᓇᖁᑎᓄᑦ ᑭᓪᓕᓕᐅᕈᑎᓕᕆᔾᔪᑎᓂᑦ ᐊᒻᒪ ᑎᑎᕋᕐᓯᒪᓂᖏᓐᓂᑦ ᐊᓯᔾᔩᔾᔪᑎᓂᑦ, ᐃᓪᓗᓕᐅᕐᕕᑦᓴᓂᑦ, ᐊᑐᖅᑐᐊᕈᑎᓕᕆᕙᑦᑐᑎᒃ ᓄᓇᓕᓐᓂ ᒐᕙᒪᓕᕆᔨᒃᑯᑦ ᓄᓇᖁᑎᖏᓐᓂᑦ (ᓯᑎᒃᑯᑦ), ᓇᓗᓇᐃᔭᐃᔨᐅᓗᓂᓗ ᖃᐅᔨᒪᔨᑕᐃᑦ ᓴᓇᒋᐊᓕᓐᓂᑦ ᐋᖅᑭᑦᓱᒐᖏᓐᓂᑦ ᓴᓇᒋᐊᓕᓐᓂᑦ, ᐊᒻᒪ ᓴᓇᔭᐅᓂᖏᓐᓂ ᓴᓇᒋᐊᓖᑦ;
• ᐅᐸᓗᖓᐃᔭᐃᔨᐅᔪᖅ, ᐊᑐᓕᖅᑎᑦᓯᔨᐅᔪᖅ ᐊᒻᒪ ᒪᓕᑦᑎᑦᓯᔨᐅᔪᖅ ᓯᑎᒃᑯᑦ ᒪᓕᒐᕋᓛᖁᑎᖏᓐᓂᑦ ᑐᕌᖓᔪᓂᑦ ᓱᓇᑐᐃᓐᓇᕐᓂᑦ ᐸᕐᓇᐅᑎᓕᕆᔾᔪᑎᓂᑦ ᐊᒻᒪ ᓄᓇᖁᑎᓄᑦ ᑭᓪᓕᓕᐅᕈᑎᓕᕆᔾᔪᑎᓂᑦ, ᐊᒻᒪ ᓄᓇᓕᕆᔾᔪᑎᓂᑦ ᒪᓕᒐᕋᓛᕐᒥᑦ ᐊᒻᒪ ᐊᑦᑐᐊᔪᓂᑦ ᑎᑎᖅᑲᓂᑦ ᐊᒻᒪ ᖃᐅᔨᓴᐅᑎᒥᓂᕐᓂᒃ;
• ᖃᐅᔨᒋᐊᖅᑎᐅᔪᖅ ᐊᒻᒪ ᖃᐅᔨᒋᐊᖅᑎᐅᔪᖅ ᐃᓱᒪᒋᔭᐅᔪᓂᑦ ᐱᓪᓗᒋᑦ ᐸᕐᓇᐅᑎᓕᕆᓂᕐᒧᑦ ᐱᓕᕆᐊᑦᓴᓂᑦ ᐊᒻᒪ ᓯᕗᓂᑦᑎᓐᓂ ᑭᖕᖒᒪᔭᐅᒐᔭᖕᖑᐊᖅᑐᓂᑦ ᓄᓇᓕᕐᓂᒥᐅᑕᐃᑦ ᐃᓚᒋᓗᒋᑦ, ᓄᓇᓕᓐᓂ ᒐᕙᒪᓕᕆᔨᓄᑦ ᐸᐃᑉᐹᓕᕆᔨᐅᓗᑎᒃ, ᓴᓇᔨᓂᑦ ᑭᒡᒐᖅᑐᐃᔨᐅᕙᑦᑐᑎᒃ ᐊᒻᒪ ᒐᕙᒪᓕᕆᔨᓄᑦ ᑲᑐᔾᔨᖃᑎᒌᖃᕐᕕᓐᓂᑦ;
• ᒪᑭᒪᑎᑦᓯᔨᐅᔪᖅ ᐱᓕᕆᔾᔪᑎᑦᓯᐊᕙᐅᔪᓂᑦ ᐃᓚᒋᓪᓗᒋᑦ ᐊᔾᔨᒌᖏᑦᑐᑦ ᒐᕙᒪᓕᕆᔨᐅᔪᑦ - ᑲᓇᑕᒧᑦ ᐊᒻᒪ ᓄᓇᕘᒧᑦ ᐊᒻᒪ ᓴᓇᔨᐅᕙᑦᑐᓂᑦ ᓱᓇᑐᐃᓐᓇᕐᓂᑦ;
• ᐱᓕᕆᔨᐅᔪᖅ ᓱᓇᑐᐃᓐᓇᕐᓂᑦ ᐸᕐᓇᐅᑎᓕᕆᔾᔪᑎᑦᓴᓂᑦ, ᐱᒋᐊᖅᑎᑦᓯᔾᔪᑎᑦᓴᓂᑦ ᐊᒻᒪ ᖃᐅᔨᓴᖅᑎᐅᓗᓂ ᑮᓇᐅᔭᓂᑦ ᐊᑐᖅᑐᑦᓴᓂᑦ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐃᖅᑲᓇᐃᔭᕐᕕᖏᓐᓄᑦ ᑐᕌᖓᔪᓂᑦ ᐊᕐᕌᒍᓕᒫᒧᑦ ᐊᒻᒪ ᐊᕐᕌᒍᒐᓴᓄᑦ;
• ᓯᕗᓕᖅᑎᐅᔪᖅ ᐊᒻᒪ ᖃᐅᔨᓴᖅᑎᐅᓗᓂ ᐃᖅᑲᓇᐃᔭᖅᑎᖁᑎᒥᓂᒃ, ᖃᐅᔨᓴᖅᑎᓂᑦ ᐱᓕᕆᐊᑦᓴᓂᑦ ᐊᒻᒪ ᐊᖏᕈᑎᒍᑦ ᓴᓇᔨᓂᑦ ᒪᓕᓪᓗᒋᑦ ᐃᖅᑲᓇᐃᔮᖑᒋᐊᖃᓕᕋᐃᑉᐸᑕ;

ᒪᓕᓪᓗᒋᑦ ᑎᑎᕋᕐᓯᒪᔪᑦ ᓈᓴᐅᑎᓕᓐᓂ 23 ᓄᓇᕘᒧᑦ ᐊᖏᕈᑎᒥ, ᓯᕗᓪᓕᐅᔾᔭᐅᔪᓐᓇᖅᑐᑦ ᓄᓇᕘᒥᐅᑕᐃᑦ ᐃᓄᐃᑦ ᒪᓕᑦᑐᑦ ᒪᓕᒐᕐᓂᑦ ᐃᖅᑲᓇᐃᔮᖅᑖᕋᓲᑎᓂᑦ.

ᖃᐅᔨᒪᒋᐊᓕᒃ:  ᖃᐅᔨᓴᖅᑕᐅᑐᐃᓐᓇᕆᐊᓕᒃ ᐃᓚᒋᔭᐅᔪᒥᑦ ᓂᕈᐊᕈᑎᓄᑦ ᐃᖅᑲᓇᐃᔭᖅᑎᑦᓴᓂᑦ ᖃᐅᔨᓴᐅᑎᐅᓗᑎᒃ ᐃᖅᑲᓇᐃᔭᐅᑎᓂᑦ ᐊᒻᒪ ᐃᖅᑲᓇᐃᔮᑉ ᐃᓗᓕᖏᓐᓂᑦ ᖃᓄᑎᒋ ᖃᐅᔨᒪᓂᖃᕐᒪᖔᑕ.

ᑮᓇᐅᔭᑦᓵᕆᒐᔭᖅᑕᖏᑦ ᒪᓕᒃᑲᔭᖅᑐᑦ ᐱᓕᕆᔪᓐᓇᖅᑕᖏᑕ ᖃᓄᐃᑦᑑᓂᖏᓐᓂᑦ ᐊᒻᒪ ᐱᓕᕆᐊᕆᓯᒪᔭᖏᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᕐᕕᖏᑦ ᐱᐅᔪᐊᓗᓐᓂᑦ ᐊᑐᐃᓐᓇᖃᕐᒥᔪᑦ ᐃᑲᔫᑎᑦᓯᐊᕙᓐᓂᑦ.

ᓇᓗᓇᐃᒃᑯᑎᖓ #: PLAN-MPD-1117

ᐃᖅᑲᓇᐃᔮᖅᑖᕋᓲᑏᑦ ᐊᒻᒪ ᐱᓕᕆᔪᓐᓇᐅᑎᑎᑦ ᐅᕗᖓ ᑐᓂᒋᐊᓖᑦ:

ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ   X0A 0H0
ᓱᑲᑦᑐᒃᑯᑦ: (867) 979-5210
hr@city.iqaluit.nu.ca

ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓛᖅᑐᑦ ᖃᐅᔨᒃᑲᓛᖅᑕᕗᑦ ᐊᐱᕐᓱᖅᑕᐅᓛᕐᓂᖏᓐᓂᑦ.