ᐊᐳᑕᐃᔭᐃᓂᖅ

ᐊᐳᑕᐃᔭᐃᓂᖅ

 

ᓯᑎᒃᑯᑦ ᐃᖅᑲᐃᑎᑦᑎᒍᒪᓕᕐᒥᔪᑦ ᐱᖁᑎᖃᖅᑎᐅᔪᓂᑦ ᐊᒻᒪ ᐱᖁᑎᓂᑦ ᐊᐅᓚᑦᑎᔨᐅᔪᓂᑦ, ᒪᓕᑦᑐᒋᑦ ᑎᑎᕋᕐᓯᒪᔪᑦ ᐊᐳᑕᐃᔭᐃᓂᕐᒧᑦ ᓄᓇᓕᓐᓂ ᒪᓕᒐᕋᓛᕐᒥ 591, ᐊᐳᑕᐃᔭᐃᒋᐊᖃᕐᒪᑕ ᐊᐳᑕᐃᔭᐃᑎᑦᑎᓗᑎᓪᓘᓐᓃᑦ ᐊᒻᒪ ᓂᓚᐃᔭᐃᓗᑎᒃ ᐅᖓᑎᖏᓐᓂᑦ ᓄᓇᓯᐅᑎᓄᑦ ᓄᖅᑲᖓᕕᐅᔪᑦ, ᐅᕝᕙᓘᓐᓃᑦ ᓄᓇᓯᐅᑎᓄᑦ ᓄᖅᑲᖓᕕᓐᓂᑦ, ᐊᑐᕆᐊᑦ ᒪᑐᐃᖓᑦᑎᐊᖁᓪᓗᒋᑦ ᐃᒥᕐᒧᑦ ᐊᒻᒪ ᓴᓂᕐᓄᑦ ᐱᔨᑦᓯᕋᖅᑎᐅᔪᓄᑦ ᐊᒻᒪ ᑐᐊᕕᕐᓇᖅᑐᓕᕆᔨᒃᑯᑦ ᐊᖅᑯᑎᖃᖁᓪᓗᒋᑦ.

ᐊᒻᒪᑦᑕᐅᖅ, ᐱᖁᑎᖃᖅᑎᐅᔪᑦ ᓇᓗᓇᐃᕐᓯᒪᕙᒋᐊᖃᕐᒥᔪᑦ ᐊᐳᑕᐃᔭᖅᑕᐅᓯᒪᔪᑦ ᓄᐊᑕᐅᔪᑦ ᐃᓗᐊᓂ 5 ᒦᑕᐃᑦ ᐊᑐᕆᐊᒥᑦ ᐳᖅᑐᓂᖃᕆᐊᖃᖅᑎᑕᐅᔪᑦ 1 ᒦᑕᒥᑦ. ᐊᒻᒪᑦᑕᐅᖅ, ᐊᐳᒻᒥᑦ ᓄᐊᑦᑎᒋᐊᖃᕐᒥᔪᑦ ᑭᓯᐊᓂ ᓇᓗᓇᐃᕐᓯᒪᔪᓂ ᓄᐊᑦᑎᕕᐅᔪᓐᓇᕐᓂᖏᓐᓂᑦ ᓯᑎᒃᑯᓐᓂᑦ. ᐊᐳᑕᐃᔭᐃᕙᓐᓂᐊᖏᓚᑦ ᓇᒥᑐᐃᓐᓇᑦᑎᐊᖅ ᑰᖑᕙᑦᑐᓄᑦ ᐃᓗᐊᓃᑦᑐᓄᑦ ᓄᓇᓕᐸᐅᔭᐃᑦ ᐃᖃᓗᐃᑦ.

ᒪᓕᑦᑐᒋᑦ ᓇᓗᓇᐃᖅᑕᐅᓯᒪᔪᑦ ᓂᐱᓄᑦ ᒪᓕᒐᕋᓛᕐᒥ 599 ᐊᒻᒪ ᒪᓕᒐᕋᓛᕐᒥ 879 ᑎᑎᕋᕐᓯᒪᔪᓂᑦ ᐊᓯᔾᔨᐅᑎᐅᔪᒥ, ᐊᐳᑕᐃᔭᐃᒋᐊᖃᖕᖏᓯᐊᖅᑐᑦ ᓇᖢᓇᐃᖅᑕᐅᓯᒪᔪᓂ ᓯᕿᖕᖑᔭᒃᑯᑦ “ᓂᐱᖃᕆᐊᖃᖕᖏᑦᑐᒥ” ᐱᒋᐊᖅᐸᑦᑐᑦ 11−ᒥᑦ ᐅᓐᓄᒃᑯᑦ ᐅᓪᓛᒧᓄᑦ 7−ᒧᓄᑦ. ᐅᓇ ᒪᓕᒐᕋᓛᖅ ᐊᑐᖅᑕᐅᒋᐊᑐᖕᖏᑦᑐᖅ ᑐᐊᕕᕐᓇᖅᑐᓕᕆᔾᔪᑎᓄᑦ ᐅᕝᕙᓘᓐᓃᑦ ᒪᓕᒐᕋᓛᓕᕆᔨᒃᑯᑦ ᓄᓇᒃᑰᔫᖏᓐᓄᑦ ᐱᓕᕆᔪᓄᑦ ᒪᓕᒐᑎᒍᑦ ᐊᑑᑎᒋᔭᒥᓂᒃ ᐅᕝᕙᓘᓐᓃᑦ ᑭᓇᑐᐃᓐᓇᖅ ᐊᐅᓚᑦᑎᔪᖅ ᓱᓇᒃᑯᑖᓂᑦ ᑭᒡᒐᖅᑐᐃᓗᓂ ᓯᑎᒃᑯᓐᓂᑦ ᐱᓕᕆᐊᖃᖅᑎᓪᓗᒍ ᑐᐊᕕᕐᓇᖅᑐᓂᑦ ᓱᓪᓗᓕᓐᓂᑦ ᓴᓇᒋᐊᓕᓐᓂᑦ ᐅᕝᕙᓘᓐᓃᑦ ᐊᐳᑕᐃᔭᐃᑎᓪᓗᒋᑦ ᐊᒻᒪ ᐊᑐᕆᐊᓂᑦ ᑲᒪᑎᓪᓗᒋᑦ.

ᑐᑭᓯᒋᐊᒃᑲᓐᓂᕐᕕᑦᓴᖅ ᐊᐅᑕᐃᔭᐃᓂᕐᒥᑦ ᐊᐅᓚᑦᑎᔾᔪᑎᓂᑦ ᐅᑯᐊ ᐊᑦᑐᐊᔪᑦ ᒪᓕᒐᕋᓛᑦ ᕿᒥᕐᕈᐊᖁᔪᑦ:

https://www.city.iqaluit.nu.ca/sites/default/files/by-law_591.pdf
https://www.iqaluit.ca/sites/default/files/by-law_599_0.pdf

ᓯᑎᒃᑯᑦ ᐃᓕᑦᓯᓐᓂᑦ ᓇᑯᕐᒦᖅᑐᑦ ᑲᑐᔾᔨᖃᑕᐅᓂᕐᓯᓐᓂᒃ ᐱᓕᕆᔾᔪᑎᒍᑦ.

ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:

ᓖᓴ ᒥᓗᓵᕝᔨᕕᒃ

ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ

ᓄᓇᓕᐸᐅᔭᐃᑦ ᐃᖃᓗᐃᑦ

L.Milosavljevic@iqaluit.ca
867-979-5607