ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 16/03/2018
ᐊᓯᔾᔨᕐᓂᖓ ᓯᕿᖕᖑᔭᐅᑉ ᐃᖅᑲᐃᑎᑦᓯᐊᕙᒃ ᐊᓯᔾᔩᒋᐊᖃᓕᕐᓂᖏᓐᓂᑦ ᐳᔪᕐᒥᑦ ᖃᐅᔨᓴᐅᑏᑦ
ᒫᕐᓯ 16, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᐊᔭᐅᖅᑐᐃᓕᕆᕗᑦ ᓄᓇᓕᕐᓂᒥᐅᑕᓂᑦ ᓯᕿᖕᖑᔭᒃᑯᑦ ᐊᓯᔾᔨᐅᑎᐅᓚᐅᖅᑐᒥᑦ ᐃᖅᑲᐃᑎᑦᓯᔾᔪᑎᐅᖁᓪᓗᒍ ᖃᐅᔨᓴᖅᑕᐅᖁᓪᓗᒋᑦ ᖁᖁᐊᕈᑏᑦ ᐹᑕᓖᑐᐃᓐᓇᕆᖕᖏᑕᖏᑦ, ᑭᓯᐊᓂᑦᑕᐅᖅ ᖃᐅᔨᓴᕐᓗᒍ ᖃᖓᒃᑯᑦ ᐅᓪᓗᕐᓯᐅᑎᒍᑦ ᐋᖅᑭᑦᑕᐅᓚᐅᕐᓯᒪᒻᒪᖔᑕ, ᐊᒻᒪ ᐊᕐᕌᒍᐃᑦ ᖁᓕᑦ (10) ᓈᒐᐃᑉᐸᑕ ᖁᖁᐊᕈᑏᑦ ᐊᓯᔾᔨᖅᑕᐅᕙᓪᓗᑎᒃ.
ᐅᓐᓄᒃᑯᑦ ᐃᑭᓗᐊᖑᐊᓲᖑᒻᒪᑕ, ᓱᓇᒃᑯᑖᑦ ᖁᖁᐊᕈᓐᓇᑦᓯᐊᕋᓗᐊᕐᒪᖔᑕ ᖃᐅᔨᓴᖅᐸᓪᓗᒋᑦ ᐃᓅᓯᕐᓂᑦ ᐃᓄᓕᑦᓯᖃᑕᐅᔪᓐᓇᕋᑦᓯ.
ᖁᖁᐊᕈᑎᖃᖅᑎᐸᓪᓗᒋᑦ ᐃᓪᓗᓯᓐᓂ ᓇᑎᓕᒫᑦᓯᐊᑦ, ᐊᒻᒪᑦᑕᐅᖅ ᐃᓪᓗᕈᓯᖏᑦ, ᐃᓪᓗᐃᑦ ᓱᓪᓗᓕᑯᑖᖏᑦ ᓯᓂᕝᕕᒻᒨᖓᔪᑦ, ᐊᒻᒪ ᐃᓪᓗᐃᑦ ᐊᑎᖏᓐᓃᑦᑐᑦ.
ᖃᐅᔨᓴᖅᑕᐅᓕᕈᑎᒃ ᖁᖁᐊᕈᑏᑦ, ᐸᕐᓇᐅᑎᓕᐅᕐᓯᓐᓛᕈᑦᓯ ᓇᐅᒃᑯᑦ ᐊᓂᓵᕋᔭᕐᒪᖔᑦᓯ ᐊᑲᐅᒻᒥᔪᖅ.
ᐃᓪᓗᒥᑦ ᐊᓂᒋᐊᖃᕐᓂᕈᑦᓯ ᐃᑭᓕᖅᐸᑦ, ᐹᖕᖑᕋᔭᖅᑐᓯ ᐳᔫᓗᐊᖏᑐᒃᑰᕋᓱᓪᓗᓯ. ᐊᓂᑐᐊᕈᑦᓯ, ᐊᓃᖏᓐᓇᕆᐊᖃᖅᑐᓯ, ᐅᑎᑦᑕᐃᓕᓗᓯ ᐃᓪᓗᒧᑦ. ᐃᓚᒌᑦ ᖃᐅᔨᒪᒋᐊᓖᑦ ᓯᓚᒥ ᓇᒥ ᑲᑎᓐᓂᐊᕐᒪᖔᕐᒥᒃ ᐊᓂᒍᑎᒃ ᐃᓪᓗᒥᑦ.
ᐳᔪᕐᓂᒃ ᑕᑯᑦᓴᐅᖏᑦᑐᓂᑦ ᖃᐅᔨᓴᐅᑏᑦ ᖃᐅᔨᓴᖅᑕᐅᒋᐊᖃᕐᒥᔪᑦ, ᐃᓚᒌᓂᑦ ᐅᓗᕆᐊᓇᖅᑐᒦᑎᑦᓯᑦᑕᐃᓕᒪᔪᓐᓇᕐᒪᑕ.
Notice: