ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᓯᒪᓂᐊᖅᑐᖅ - ᑯᐃᓐ ᐃᓕᓴᐸᖦ ᐊᑐᕆᐊᖅ ᑲᓇᑕᐅᑉ ᐅᓪᓗᖓ ᓇᓪᓕᐅᓂᕐᓯᐅᕈᑎᐅᓂᖓᓂ
ᔪᓂ 29, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᑐᕆᐊᕐᒥᒃ ᒪᑐᓯᒪᔪᖃᓛᕐᓂᖓᓂᒃ ᐱᖓᑦᓯᕐᒥ, ᔪᓚᐃ 1, 2026, ‘ᑲᓇᑕᐅᑉ ᐅᓪᓗᖓ ᐱᓪᓗᒍ ᐊᑐᕆᐊᒃᑯᑦ ᒪᓕᑦᑎᒌᓚᐅᖅᑎᓪᓗᒋᑦ’.
ᐊᑐᕆᐊᖅ ᒪᑐᔭᐅᓯᒪᓂᐊᖅᑐᖅ ᓄᓇᓕᕐᒥᐅᑕᐃᑦ ᐊᒻᒪ ᐃᓚᒌᖑᔪᑦ ᐊᑦᑕᓇᔾᔭᐃᕐᓯᒪᓗᑎᒃ ᑲᑎᓯᒪᖁᓪᓗᒋᑦ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂ ᐊᒻᒪ ᐱᖃᑕᐅᖁᓪᓗᒋᑦ ᓄᓇᓕᓐᓂ ᖃᓄᐃᓕᐅᕈᑎᐅᔪᓄᑦ ᐊᒻᒪ ᓇᓪᓕᐅᓂᕐᓯᐅᖅᑐᓂᒃ.
ᐊᑐᕆᐊᖅ ᒪᑐᔭᐅᓯᒪᓂᐊᖅᑐᖅ ᐅᓐᓄᓴᒃᑯᑦ 12-ᒥᓂᒃ 4-ᒧᓄᑦ ᐊᒻᒪ ᐊᑦᑐᖅᑕᐅᓂᐊᖅᑐᑦ ᐊᑐᕆᐊᑦ ᑯᐃᓐ ᐃᓕᓴᐸᖦ ᐊᑐᕆᐊᖅ, ᒪᑦᑖᖅ ᐊᑐᕆᐊᕐᒥᒃ ᓯᓈ ᐊᑐᕆᐊᕐᒧᑦ. ᓄᓇᖕᖑᐊᒥᒃ ᑕᑯᑦᓴᐅᑎᑕᐅᔪᑦ ᒪᑐᓯᒪᓂᖏᑦ ᐃᓚᓕᐅᔾᔭᐅᓯᒪᔪᒥ.
ᓄᓇᓕᕐᒥᐅᑕᐃᑦ, ᓄᓇᒃᑰᔫᖅᐸᑦᑐᑦ, ᐊᒻᒪ ᐱᓱᑉᐸᑦᑐᑦ ᐅᔾᔨᕈᓱᒋᐊᕐᓯᒪᖁᔭᐅᓂᐊᖅᑐᑦ ᑕᐃᑲᓂ ᐅᓪᓘᓕᖅᐸᑦ, ᐃᑉᐱᒍᓱᑉᐸᓪᓗᑎᒃ ᑎᑎᕋᕐᓯᒪᔪᓂᒃ ᒪᓕᒋᐊᓕᓐᓂᒃ, ᐊᒻᒪ ᓇᓕᐊᓐᓄᕋᖅᑎᓪᓗᒋᑦ ᓱᒃᑲᐃᔾᔫᒥᖁᔭᐅᓂᐊᖅᑐᑎᒃ ᐊᕙᑎᐊᒎᓕᕋᐃᒍᑎᒃ ᓇᓪᓕᐅᓂᕐᓯᐅᕐᕕᐅᔫᑉ. ᐅᑕᖅᑭᑎᑕᐅᖃᑦᑕᕐᓂᐊᕆᐊᑦᓴᖅ ᓂᕆᐅᖁᔭᐅᓯᒪᓂᐊᖅᑐᑦ.
ᓄᓇᓕᐸᐅᔭᒃᑯᑦ ᖃᐃᓛᖁᔨᑦᓯᐊᖅᑐᑦ ᓄᓇᓕᕐᒥᐅᑕᓂᒃ ᓇᓪᓕᐅᓂᕐᓯᐅᕆᐊᖃᑕᐅᖁᓪᓗᒋᑦ ᑲᓇᑕᐅᑉ ᐅᓪᓗᖓ ᓇᓪᓕᐅᓂᕐᓯᐅᕈᑎᐅᓕᖅᐸᑦ ᐊᒻᒪ ᑲᑎᖃᑎᒌᒐᔭᕐᓗᑎᒃ ᐊᑐᕆᐊᒃᑯᑦ ᒪᓕᑦᑎᒌᖑᔪᑦ ᐱᔭᕇᖅᐸᑕ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓄᑦ ᓇᓪᓕᐅᓂᕐᓯᐅᖃᑕᐅᖁᓪᓗᒋᑦ ᐊᑦᑕᓇᔾᔭᐃᕐᓯᒪᓗᑎᒃ ᐊᒻᒪ ᐃᑉᐱᒍᓲᑎᒌᑦᓯᐊᕐᓗᑎᒃ. ᓄᓇᓕᕐᒥᐅᑕᐃᑦ ᖁᔭᓐᓇᒦᑦᑎᐊᖅᑕᕗᑦ ᐅᑕᖅᑭᑦᓯᐊᐸᓐᓂᖏᓐᓄᑦ, ᐱᓕᕆᖃᑕᐅᕙᓐᓂᖏᓐᓄᑦ, ᐊᒻᒪ ᓄᓇᓕᒻᒥᓂᒃ ᖁᕕᐊᒋᔭᖃᕐᓂᖏᓐᓄᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | g.byrne@iqaluit.ca
