2026 ᐱᖁᑎᓄᑦ ᑖᑦᓰᔭᐃᔭᐅᑎᓕᕆᓂᕐᒥᒃ ᓇᓗᓇᐃᔭᐃᑎ

12/11/2026

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

2026 ᐱᖁᑎᓄᑦ ᑖᑦᓰᔭᐃᔭᐅᑎᓕᕆᓂᕐᒥᒃ ᓇᓗᓇᐃᔭᐃᑎ

ᓅᕖᐱᕆ 12, 2026 – ᐃᖃᓗᐃᑦ, ᓄᓇᕗᑦ

 

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐱᖁᑎᓄᑦ ᑖᒃᓰᔭᐃᔭᐅᑎᓂᒃ ᐊᑭᓕᕐᓱᐃᔾᔪᑎᐅᔪᑦ ᐊᕐᕌᒍᒧᑦ 2026 ᑖᒃᓰᔭᐃᔭᐅᑎᐅᔪᑦ ᑐᓂᐅᖅᑲᖅᑕᐅᓯᒪᓕᕐᒪᑕ ᐊᑭᓕᕐᓱᐃᕙᑦᑐᓄᑦ. ᐱᖁᑎᖃᖅᑎᐅᔪᑦ ᕿᒥᕐᕈᐊᑦᓯᐊᖁᔭᐅᓂᐊᖅᑐᑦ ᐊᑭᓕᕐᓱᐃᔾᔪᑎᖏᓐᓂᒃ ᐊᒻᒪ ᐊᑭᓕᕐᓱᐃᕙᓪᓕᐊᓕᕐᓗᑎᒃ ᐱᖁᑎᓄᑦ ᑖᒃᓰᔭᐃᔭᐅᑎᓂᒃ ᐊᑭᓕᕐᓱᕆᐊᓕᒻᒥᓂᒃ.

ᐱᖁᑎᓄᑦ ᑖᒃᓰᔭᐃᔭᐅᑎᐅᔪᑦ ᐃᑲᔪᕐᓱᐃᔾᔪᑎᐅᕙᒻᒪᑕ ᐊᑑᑎᖃᕐᓂᖏᓐᓂᒃ ᓄᓇᓕᓐᓂ ᐱᔨᑦᓯᕋᕈᑎᐅᔪᓄᑦ ᐊᒻᒪ ᒪᑭᒪᑎᑦᓯᔾᔪᑎᐅᔪᓂᒃ ᓄᓇᓕᑦᑎᓐᓂ ᑕᑎᒋᕙᑦᑕᖏᓐᓂᒃ ᖃᐅᑕᒫᑦᓯᐊᖅ. ᐱᖁᑎᓄᑦ ᑖᒃᓰᔭᐃᔭᐅᑎᓂᒃ ᐊᑭᓕᕐᓱᐃᖏᓐᓇᐸᑦᑐᓂ ᐊᑭᓕᑦᓴᖃᕈᒪᒐᓂ ᑲᔪᓯᔾᔪᑎᑦᓯᐊᕙᐅᕙᒻᒪᑕ ᑕᒪᒃᑯᓂᖓ ᐱᔨᑦᓯᕋᑎᐅᔪᓂᒃ ᐃᖃᓗᓐᓂ ᐊᑐᖅᐸᑦᑐᓄᑦ.

ᓄᓇᓕᐸᐅᔭᒃᑯᑦ ᖃᐅᔨᒪᑦᓯᐊᕐᒥᔪᑦ ᑮᓇᐅᔭᑎᒍᑦ ᖃᓄᐃᒍᑎᖃᕈᓐᓇᓂᑦᑎᓐᓂᒃ ᖃᖓᑐᐃᓐᓇᒃᑯᑦ ᐊᔾᔨᒌᑉᐸᒐᑎᓪᓗ, ᐊᒻᒪ ᓈᔭᐃᓐᓇᕆᓗᒋᑦ ᐊᑕᐅᑦᓯᒃᑯᑦ ᐊᔪᕐᓇᐸᑦᑐᓂ ᖃᖓᓚᐅᓱᖓᒃᑯᑦ. ᓄᓇᓕᕐᒥᐅᑕᐃᑦ ᐃᑲᔪᖅᑕᐅᒋᐊᖃᕐᓂᕈᑎᒃ ᑕᕝᕘᓇ ᖃᐅᔨᒋᐊᖁᔭᐅᔫᒐᓗᐊᑦ ᓄᓇᓕᐸᐅᔭᒃᑯᑦ ᑮᓇᐅᔭᓕᕆᔾᔪᑎᓂᒃ ᐱᓕᕆᔨᖏᓐᓂᒃ ᐊᒻᒪ ᑯᐊᐳᕇᓴᒃᑯᑦ ᐱᔨᑦᓯᕋᖅᑎᖏᑕ ᐃᖅᑲᓇᐃᔭᖅᑎᖁᑎᖏᓐᓂᒃ ᐅᖃᐅᓯᖃᕋᔭᕐᒪᑕ ᐊᑐᐃᓐᓇᐅᔪᓂᒃ ᐊᑭᓕᕐᓱᐃᔾᔪᑎᒍᑦ ᓇᓖᕌᕈᑎᐅᒍᓐᓇᑐᐃᓐᓇᕆᐊᓕᓐᓂᒃ.

ᖃᓄᖅ ᐊᑭᓕᕐᓱᐃᔾᔪᑎᑦᓴᓂᒃ ᐸᕐᓇᐅᑎᖃᐅᕐᒪᑕ ᐊᑐᐃᓐᓇᐅᔪᓂᒃ ᐃᑲᔫᑎᐅᒍᓐᓇᖅᑐᓂᒃ ᓄᓇᓕᕐᒥᐅᑕᐃᑦ ᐊᐅᓚᑦᓯᓇᓱᐊᖅᐸᑎᓪᓗᒋᑦ ᖃᓄᖅ ᐊᑭᓕᕐᓱᐃᒐᔭᕆᐊᑦᓴᖅ ᐊᑭᓕᕆᐊᖃᖅᐸᑦᑐᓂᒃ ᐊᑐᕐᓗᑎᒃ ᐊᐅᓚᑕᐅᑦᓯᐊᕈᓐᓇᖅᑐᓂᒃ ᐊᑭᓕᕐᓱᐃᔾᔪᑎᑦᓴᓂᒃ ᐋᖅᑭᓱᖅᑕᐅᒍᓐᓇᖅᑐᓂᒃ ᒪᓕᑦᑕᐅᓗᑎᒃ ᖃᓄᐃᓕᖓᒍᑎᖏᑦ ᐊᑭᓕᕐᓱᐃᔾᔪᑎᒍᑦ.

ᓄᓇᓕᐸᐅᔭᒃᑯᑦ ᐱᓕᕆᖃᑎᖃᕈᒪᑦᓯᐊᑐᐃᓐᓇᕐᒪᑕ ᓄᓇᓕᕐᒥᐅᑕᓂᒃ ᐃᑉᐱᒍᓱᑦᓯᐊᓂᒃᑯᑦ ᐊᒻᒪ ᑲᖕᖑᓇᖅᑐᒃᑯᑦ ᐊᑐᖅᑕᐅᔪᓐᓇᖅᑐᓂᒃ ᐱᓕᕆᔾᔪᑎᖃᕈᒪᔪᓂᒃ. ᐊᐱᖅᑯᑎᖃᕐᓂᕋᓗᐊᕈᑦᓯ ᐊᑭᓕᕐᓱᕆᐊᓕᖏᓐᓂᒃ ᐃᓕᑦᓯ, ᐊᑭᓕᕐᓱᐃᒍᒪᓐᓂᕈᑦᓯ, ᐅᕝᕙᓘᓐᓃᑦ ᐅᖃᒪᔭᐅᑎᖃᕈᒪᓐᓂᕈᑦᓯ ᐊᑭᓕᕐᓱᐃᕙᓪᓕᐊᓂᕐᒧᑦ ᐸᕐᓇᐅᑎᓕᐅᕐᓗᓯ, ᐊᔭᐅᖅᑐᐃᕗᒍᑦ ᐃᓕᑦᓯᓐᓂᒃ ᖃᐅᔨᒋᐊᖁᓪᓗᓯ ᐅᕙᑦᑎᓐᓂᒃ ᖃᓄᖅᑑᕋᔭᕋᑦᑕ.

ᓄᓇᓕᕐᒥᐅᑕᐃᑦ ᐅᖃᖃᑎᖃᕈᒪᓐᓂᕈᑎᒃ ᐱᖁᑎᓄᑦ ᑖᒃᓰᔭᐃᔭᐅᑎᓂᒃ ᐊᑭᓕᕐᓱᕆᐊᓕᖏᓐᓂᒃ ᐅᕝᕙᓘᓐᓃᑦ ᖃᓄᖅ ᐊᑭᓕᕐᓱᐃᕙᓪᓕᐊᒍᓐᓇᓂᕐᒥᓂᒃ ᐆᕕᖓ ᖃᐅᔨᒋᐊᕈᓐᓇᖅᑐᑦ:

ᑐᕋᐃᓯ ᐅᐊᕋᒻ
ᐊᖏᔪᖅᑳᖓᑦ ᑮᓇᐅᔭᓕᕆᔾᔪᑎᓂᒃ ᐱᔨᑦᓯᕋᕈᑏᑦ
ᐅᖄᓚᐅᑎᖓ: 867-979-5609
ᐃᕐᖐᓇᖅᑕᐅᑎᖓ: t.oram@iqaluit.ca

 

 

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
 

ᔭᕝ ᐴᕐᓐ

ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᕈᑎᓂᒃ ᐊᐅᓚᑦᓯᔨ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5619 | G.Byrne@iqaluit.ca

Notice: