ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
2026 ᐊᐅᔭᐅᑎᓪᓗᒍ ᐊᓃᖃᓯᔮᕐᕕᒻᒥ
ᐋᒐᓯ 4, 2026 – ᐃᖃᓗᐃᑦ, ᓄᓇᕗᑦ
ᐊᐅᔭᐅᓕᕐᒪᑦ, ᐊᒻᒪ ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᓱᑦᓯᐊᖅᑐᑎᒃ ᑐᖕᖓᓱᑦᑎᑦᓯᒍᒪᕗᑦ ᓄᓇᓕᕐᒥᐅᑕᓂᒃ ᐊᒻᒪ ᓂᐅᕐᕈᓯᒪᔪᐊᐱᓐᓂᒃ ᐅᑎᖅᑎᓪᓗᑕ ᐊᐅᔭᐅᑎᓪᓗᒍ ᐊᓃᖃᓯᔮᕝᕕᒻᒥ ᓈᑦᓯᐅᖑᔭᓛᕐᓂᐊᖑᓕᖅᐸᑦ, ᐋᒐᓯ 15.
ᕖᓂᓯᓂᒃ ᐆᓇᖅᑐᓂᒃ ᓂᖅᑎᐅᓂᑭᓴᐅᑎᓂᖅ ᐅᑎᖅᑐᑦ ᐊᒻᒪ ᐊᑐᐃᓐᓇᐅᑦᓯᐊᓕᖅᑐᑎᒃ ᓱᓇᑐᐃᓐᓇᕐᓂᒃ ᐅᖂᓯᒍᒪᔪᓂᒃ! ᓂᖅᑎᐅᕈᑎᒋᔭᐃᑦ ᐃᓚᒋᔭᐅᑎᒐᓗᐊᕈᕕᐅᒃ ᐅᕝᕙᓘᓐᓃᑦ ᖃᐅᔨᒍᒪᑐᐃᓐᓇᕈᕕᑦ ᖃᓄᖅ ᐃᕿᐊᓇᐃᑎᒋᒻᒪᖔᑕ ᐃᓚᖏᑦ ᐃᖃᓗᒻᒥᐅᑕᐃᑦ ᐊᖏᕐᕋᒥᓂ ᓯᓕᓕᐊᕆᕙᑦᑕᖏᓐᓂᒃ, ᐃᓘᓐᓇᓯᓐᓄᑦ ᐱᑕᓕᒃ ᐱᐅᒋᔭᕐᓯᓐᓂᒃ. ᖃᐅᔨᓴᖅᑎᐅᔪᑦ ᓯᓕᓕᐊᒥᓂᕐᓂᒃ ᐃᓱᒪᑦᓴᕐᓯᐅᕈᑎᖃᓚᐅᖅᑎᓪᓗᒋᑦ ᓇᓪᓕᐊ ᐃᕿᐊᓇᐃᓐᓂᖅᐹᖑᒻᒪᖓᖅ, ᓯᓕᓕᐊᖑᔪᑦ ᑭᒃᑯᑐᐃᓐᓇᑦᓯᐊᓄᑦ ᐱᔭᐅᔪᓐᓇᕐᓯᓛᖅᑐᑦ ᐱᒍᒪᔪᓄᑦ ᐱᒋᐊᕐᓗᑎᒃ ᐅᓐᓄᓴᒃᑯᑦ 1-ᒨᖅᐸᑦ, ᐊᑏ ᖃᐃᓛᓪᓚᕆᑉᐳᓯ ᐊᒻᒪ ᐃᕿᐊᓇᐃᓱᒍᓛᕐᓗᓯ ᓄᖑᓚᐅᖏᓐᓂᖏᓐᓂ ᐱᔭᑦᓴᐃᑦ! ᓂᖅᑎᐅᕈᒪᔪᑦ ᖃᓄᖅ ᐊᑎᓕᐅᕈᓐᓇᕐᒪᖔᕐᒥᒃ ᓇᓗᓇᐃᕐᓯᕕᐅᓛᖅᑐᑦ ᓄᓇᓕᐸᐅᔭᒃᑯᑦ ᐃᖃᓗᓐᓂ ᐱᖕᖑᐊᖅᑐᓕᕆᔨᒃᑯᖏᑕ ᕙᐃᔅᐳᒃᖓᓐᓂᒃ (Facebook) ᒪᑉᐱᒐᕐᒥ.
ᐊᐅᔭᐅᒃᑯᑦ ᐊᓃᖃᓯᔮᕐᕕᒻᒥ ᓂᐅᕐᕈᖃᕐᓂᖅ ᐱᒋᐊᓛᖅᑐᑦ ᐅᓐᓄᓴᒃᑯᑦ 1-ᒥ. ᕿᒥᕐᕈᐊᓛᖁᓯ ᐊᔾᔨᒌᖏᑦᑐᓂᒃ ᓄᓇᓕᕐᒥᐅᑕᓄᑦ ᓂᐅᕕᐊᑦᓴᐅᔪᓂᒃ ᐊᓂᕐᕋᖏᓐᓂ ᓴᓇᐅᒐᖏᓐᓂᒃ ᓱᓇᑐᐃᓐᓇᕐᓂᒃ, ᓴᓇᐅᒐᕐᓂᒃ, ᑎᑎᖅᑐᒐᕐᓂᒃ, ᓯᕐᓇᖅᑐᓂᒃ ᐸᓚᐅᒑᓂᒃ ᐆᓯᒪᔪᓂᒃ ᐊᔾᔨᒌᖏᑦᑐᓂᒃ, ᐊᒻᒪ ᐊᓯᕈᓘᔭᖏᓐᓂᒃ ᐊᑕᐅᑦᓯᒃᑯᑦ ᐃᑲᔪᕐᓱᓯᓐᓈᖅᑐᒋᑦ ᓄᓇᓕᓐᓂ ᓇᖕᒥᓂᖃᖅᑎᐅᔪᑦ ᐊᒻᒪ ᓴᓇᖕᖑᐊᖅᑎᐅᔪᑦ.
ᓄᓇᓕᕐᒥᐅᑕᐃᑦ ᓂᐅᕐᕈᑎᖃᖅᑎᐅᔪᑦ ᐱᖃᑕᐅᓛᕈᒪᔪᑦ ᐊᑎᓕᐅᕈᓐᓇᖅᑐᑦ ᖃᐅᔨᒋᐊᕐᓗᒍ ᐅᓇ ᑖᒥᓂᒃ ᒐᐃᒡᓇᐃ ᐅᕘᓇ ᐃᕐᖐᓇᖅᑕᐅᑎᒃᑯᑦ d.gagne@iqaluit.ca. ᐊᑏ ᓇᐃᑦᑑᒐᓗᐊᒥᒃ ᓇᓗᓇᐃᕐᓯᒪᓂᐊᖅᑲᑎᑦ ᓱᓇᑐᐃᓐᓇᐃᑦ ᓂᐅᕕᐊᑦᓴᕆᓂᐊᖅᑕᑎᑦ.
ᖃᐃᓛᖅᑯᓯ, ᐃᑲᔪᕐᓱᕆᐊᖅᑐᕐᓗᒋᑦ ᓄᓇᓕᕐᒥᐅᑕᐃᑦ, ᐃᕿᐊᓇᐃᑦᑐᐊᓗᓐᓂᒃ ᓯᓕᑐᕆᐊᖅᑐᕐᓗᓯ, ᐊᒻᒪ ᐊᓃᖃᓯᔮᖃᑎᒋᓛᕐᓗᓯᐅᒃ ᐱᖃᓐᓂᕆᔭᓯ, ᐃᓚᒋᔭᓯ, ᐊᒻᒪ ᖃᓂᒋᔭᓯ ᓇᔪᒐᒃᑯᑦ. ᑕᑯᓛᕈᒪᕗᒍᑦ ᐃᓕᑦᓯᓐᓂᒃ ᐊᐅᔭᒃᑯᑦ ᐊᓃᖃᓯᔮᕝᕕᒻᒥ!
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:
ᑕᒥᓂᒃ ᒐᐃᒡᓇᐃ
ᑮᓇᐅᔭᓕᐅᕋᓱᐊᕈᑎᓕᕆᓂᕐᒧᑦ ᐱᕙᓪᓕᐊᔪᓕᕆᓂᕐᒥᒃ ᑲᒪᔨ
ᓄᓇᓕᐸᐅᔭᐃᑦ ᐃᖃᓗᐃᑦ
