ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
2026−ᒥ ᓱᓇᑐᐃᓐᓈᓗᓐᓄᑦ ᐊᑎᓕᐅᕐᓂᖅ
ᐋᒡᒌᓯ 13, 2026 – ᐃᖃᓗᐃᑦ, ᓄᓇᕗᑦ
ᕿᓂᖅᐱᑦ ᐃᖃᐃᓕᓴᕈᑎᔅᓴᓂᒃ ᖃᓄᑐᐃᓐᓇᑦᑎᐊᖅ, ᑲᓲᒪᖃᑎᕈᑎᔅᓴᓂᒃ, ᐊᒻᒪ ᐅᑭᐅᕐᒥ ᖃᓄᐃᓕᐅᕈᒪᓂᖃᕈᕕᑦ?
ᓄᓇᓕᐸᐅᔭᐃᑦ ᐃᖃᓗᓐᓂ ᐱᙳᐊᖅᑐᓕᕆᔨᒃᑯᑦ ᖃᐃᖁᔨᕗᑦ ᓄᓇᓕᓐᓂ ᐃᖃᐃᓕᓴᕐᓂᕐᒧᑦ ᑲᑐᔾᔨᖃᑎᒌᓂᒃ, ᑮᓇᐅᔭᓕᐅᕋᓱᐊᖅᑎᐅᖏᑦᑐᓂᒃ, ᐊᒻᒪᓗ ᓄᓇᓕᓐᓂ ᑲᑐᔾᔨᖃᑎᒌᓂᒃ ᐃᓚᒋᔭᐅᖁᓪᓗᒋᑦ ᐊᒡᒋᓛᖅᑐᒧᑦ ᓱᓇᑐᐃᓐᓈᓗᓐᓄᑦ ᐊᑎᓕᐅᕐᓂᐅᓛᖅᑐᒧᑦ ᓯᕙᑖᕐᕕᒃ, ᓯᑎᐱᕆ 5, 2026−ᒥ, ᐃᖃᓗᐃᑦ ᑰᓕᕐᕕᖓᓂ 12−ᒥ 3−ᒧᑦ ᐅᓐᓄᓴᒃᑯᑦ.
ᐅᓇ ᐊᕐᕌᒍᑕᒫᑦᓯᐅᑦ ᖃᓄᐃᓕᐅᕐᓂᐅᔪᖅ ᐱᕕᔅᓴᖃᖅᑎᑦᑎᔪᖅ ᑲᑐᔾᔨᖃᑎᒌᓂᒃ ᑕᐅᓰᖃᑦᑕᐅᑎᖁᓗᒋᑦ ᐱᓕᕆᐊᔅᓴᖏᓐᓂ, ᑲᑐᖃᑎᖃᕐᓗᑎᑦ ᓄᓇᓕᒻᒥᐅᓂᒃ, ᐊᒻᒪ ᐊᑎᓕᐅᓛᕐᓗᑎᑦ ᐃᓚᒋᔭᐅᔪᑦ ᐊᒡᒋᖅᑐᒧᑦ ᐅᑭᐅᖑᓂᐊᖅᑐᒧᑦ. ᓄᓇᓕᒻᒥᐅᑦ ᑎᓕᐅᖅᑕᐅᕗᑦ ᖃᐃᖁᔭᐅᓪᓗᑎᑦ, ᑕᑯᔭᖅᑐᕐᓗᑎᑦ ᓱᓇᓂᒃ ᐊᑐᐃᓐᓇᑕᖃᕐᒪᖔᖅ, ᐊᒻᒪᓗ ᖃᐅᔨᓛᕐᖓᑕ ᓄᑖᓂᒃ ᐃᓅᓯᖃᑎᒌᔾᔪᑎᔅᓴᓂᒃ ᐊᒻᒪ ᐃᖃᐃᓕᓴᐅᑎᔅᓴᓂᒃ ᐃᖃᓗᓐᓂ ᐊᑯᓐᓂᒻᒪᕆᐊᓗᒃ ᓂᓪᓕᓱᑦᑎᓪᓗᒍ ᐅᑭᐅᖓᓂ.
ᕿᓂᕈᕕᓪᓘᓐᓃᑦ ᓄᑖᒥᒃ ᐃᖃᐃᓕᓴᐅᑎᔅᓴᒥᒃ, ᓄᓇᓕᓐᓂ ᑲᑐᔾᔨᖃᑎᒌᒥᒃ, ᐅᕝᕙᓘᓐᓃᑦ ᐱᔾᔪᑎᖃᑐᐃᓐᓇᕈᕕᑦ ᐃᔅᓯᕙᐅᑕᑯᑖᒦᙱᔾᔪᑎᔅᓴᓂᒃ ᐅᐱᕐᖔᕈᓚᐅᖏᓐᓂᖓᓂ, ᓱᓇᑐᐃᓐᓈᓗᓐᓄᑦ ᐊᑎᓕᐅᕐᓂᖅ ᐱᒋᐊᕐᕕᔅᓴᐅᔪᖅ.
ᑲᑐᔾᔨᖃᑎᒌᑦ ᓵᖃᕈᒪᔪᑦ ᐊᑎᓕᐅᖅᑕᐅᖁᔭᐅᔪᑦ ᑎᑎᕋᕐᓗᑎᑦ ᖃᕆᓴᐅᔭᒃᑯᑦ ᐅᕗᖓ m.pinksen@iqaluit.ca. ᐃᓚᓕᐅᑎᓗᒋᑦ ᑲᑐᔾᔨᖃᑎᒌᕕᑦ ᐊᑎᖓ ᐊᒻᒪ ᑐᑭᓯᒋᐊᕐᕕᐅᔪᓐᓇᖅᑐᑦ.
ᖃᐃᓛᖅᐳᑎᑦ, ᖃᐅᔨᓛᕋᕕᑦ, ᐊᒻᒪ ᓱᓇᓂᒃ ᓄᓇᓕᕗᑦ ᐊᑐᐃᓐᓇᖃᕐᒪᖔᖅ. ᓯᓂᑐᐃᓐᓇᕐᕕᔅᓴᐅᖏᒻᒪᑦ ᐅᑭᐅᕐᒥ!
###
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᒪᑎᓪᑕ ᐱᓐᒃᓯᓐ
ᐊᔾᔨᐅᙱᑦᑐᓂᒃ ᖃᓄᐃᓘᓂᐅᔪᓂᒃ ᐱᓕᕆᒍᑎᓕᐅᖅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
